الموضوع: استفسارات بسيطه الله يجزي من يجاوب عليها الجنه لاني مستعجل وابيها ضروريـ

السلامـ عليكمـ

صباح / مساء / الخير

اخباااااااركم ان شاء الله طيبين


بصراحه ابي استفسر انا طالع من الرياض لندن فانكوفر وابي استفسر البوردنق يقص من الرياض

او من لندن للرحله اللي من لندن الى فانكوفر ؟؟


هل اللاب توب مسموح به بالطياره ؟؟ وهل يفتشون البرامج هي اصليه او لا ؟؟

ووابي استفسر عن ادوات الحلاقه هل يسمح لي اخذها ثم لارحت الحلااق اخذها معي ويحلق لي من الامواس اللي جبتها او الشي هذا مرفوض عند كندا ؟؟


واخر شي كيف لانزلت في فانكوفر ابي اروح للمينا هل هو بعيد وبعدين منين اقص كرت او بوردنق او اللي هو عشان اروح على السفينه لـ فكتوريا


وكيف المعيشه في فكتوريا هل هي غااااااااااااااااااليه او متوسطه او عاديه ؟؟

والله يوفقكمـ لما يحبه ويرضاهـ

اخوكم المحب

الح ـأكم

مواضيع عشوائيه ممكن تكون تعجبك اخترناها لك:

• معهد في تورنتو ؟؟؟؟؟
• الحياة في كالقري
• إلى أصحاب الاختصاص للسفارة الكندية بأبو ظبي
• سؤال عن الجو في فنكوفر
• استفسار عن
• أتمنى المساعدة أرغب في شقة فتدقية أو شقة نظيفة بإطلالة على الشاطيء
• جامعة ويندسور وكلية
• مسلسل جديد مجوال بطله قصة اغرب من الخيال
• اجيبوني بسرعة
• أرجو ايفادتي في برنامج شهر عسل لمدة ايام
• أجمل مناطق كندا
• صور الشتاء في كندا
• اسئلة بخصوص الالكترونيات
• كندا مونتريال والتأقلم هناك
• كيف سيكون الجو في بداية شهر سبتمبر في مدينة فانكوفر؟
• أدعوا لي شباب؟؟؟؟؟؟؟؟
• استفسار عن تورنتو
• الى الاخوان مهاجر للابد و و والى المهتمين بكندا
• السفر بالسيارة من ترنتو ال ى فانكوفر
• انفلونزا الخنازير اصبح وبآآآء عآآآلمي من الدرجة السادسة والله بديت اخاف

ياناااااس ثلاثين مشاهده ولا شخص كتبت تعليقـ

؟؟؟؟؟

المشاركة الأصلية كتبت بواسطة ][ الح ـاكم ][
http://www.arabtravelersforum.com/tr...2/#post1301181

ياناااااس ثلاثين مشاهده ولا شخص كتبت تعليقـ

؟؟؟؟؟

شفت موضوعك من امس
ماعندي معلومات عن
فانكوفر البوردنق فكتوريا

اللاب توب مسموح به

تقبل اسفي

يااستاذي الفاضل...

ردود سريعة ..

بالنسبة للبوردنق انت ماحددت هل رحلت لندن-فانكوفر بنفس اليوم او بتجلس بلندن يوم او اكثر!!
اذا انت ماعندك فيزة على بريطانيا فالبوردنق ينقص من الرياض واصلا مايحق لك تطلع من مطار هيثرو!!
اما اذا معك فيزا على بريطانيا ، فالبوردنق ينقص من الرياض ولكن لك الحق تطلب انه ينقص من لندن في حالة بتغير رايك اذا وصلت لندن وبتسافر من بكرة مثلا...

بالنسبة للحلاقة !! فيالغالي الحلاقين هنا مايحلقون دقن!! بس راس!! ومافية مشلة تجيب امشاطك ومقصاتك!! لكن في المدن الكبيرة (فانكوفر-تورنتو- اوتاوا-..) اللي فيها حلاقين عرب او هنود اوباكستانية فممكن تلقى احد يحلق وجهة !! حسب مافهمت انك بتروح فكتوريا ، بنسبة 99% مافيها حلاقة وجه

بالنسبة للوصول الى فكتوريا ففية اكثر من طريقة وتختلف بالسعر:
1- طيران
2- شركة باسفيك كوتش وهذا باص ياخذك من مطار فانكوفر وينزلك انت وعفشك في محطة الباص في فكتوريا (سعر التذكرة باتجاة واحد قرابة 42 دولار). طبعا نفس الشركة تنسق وصولك للعبارة وكل شئ!! هذي تاخذها الله يسلمك من موقف الباصات رقم 2 اذا انا مانسيت اول ماتطلع من صالة القدوم بتحصل لوحات عليها ارقام اتبع رقم 2 وبتحصل كشك شركة باسفك كوتش وتشري من عندهم التذكرة وراح يعلمونك متى بيوصل اقرب باص ..
3- انك تروح في باص عادي بتكلفة 4 دولار الى المرفأ ومنه تشتري تذكرة عبارة قرابة 12 دولار ومن المرفأ تركب باص اخر عادي 3 دولار الى وسط فكتوريا.. اذا انت اول ماره تجي الى فكتوريا ماانصحك تتبع هذا الخيار..

اللاب توب مسموح لكن انتبة تجيب معك سيديات منسوخة !! اي شئ داخل الجهاز ماعندك فية اي مشكلة لانهم مايشغلونة لكن اذا جبت معك اي سيدي منسوخ فاحتمال تمنع من الدخول وتغرم ويرجعونك!!


فكتوريا غالية ... !؟ سؤال صعب الاجابة علية ؟؟ على حسب ... اذا تبيها غالية بتصير غالية واذا تبيها رخيصة بتصير رخيصة ..
اذا انت فسقان وبتسكن بمكان غالي وبتاكل كل يوم بمطعم وبتركب تاكسي بتصير غالية مررررة بعد ، واذا انت انسان معتدل وبتسكن بسكن مقبول لك كطالب وقريب للجامعة او المعهد حتى تمشي على رجولك وماتدفع للباص ، وبتعرف من وين تتقضى وتشتري اغراضك فاكيد ماراح تكون غالية

بالتوفيق وترى بالعادة ماارجع اتابع تطورات الموضوع فاذا عندك اسالة اضافية او استفسارات على الخاص..

كولشستر الله يهديك خوفتنا بشأن السيديات

يعني لو معي سي دي عليه صور أتغرم , وأرجع بسبه , وإلا وش قصدك ؟ :114:

طيب وإذا كان معي سيديات فاضية ؟ :114:

وشكرا

اخوي r7aul

كولشستر قصده السيديات اللي فيها برامج منسوخة..
اما سيديات فاضية ماعندك مشكلة..
سيديات فيها صور اوبرامج(مجانية) او مستنداتك الخاصة عادي
بس لاتكون فيها برامج منسوخة..

مع التحية

البوردنج من الرياض..
ادوان الحلاقه خلها بشنطه العفش مو اليد
اللاب توب يدخلونه بس افضل خل السي ديات بشنطه العفش

رحله سعيده وكندا بشكل عام اغلى من السعوديه ب30% من متوسط الاسعار بالسعوديه

السلام
اذا كنت بتاخذ الاغراض حقت الحلاقة ليش ما تحلق احسن لك هذا رايي
طبعا تقدر تاخذها معك اي مكان وعلى فكرة فية حلا قين عرب بس مو مثل الي عندنا بالرياض
بالنسبة للكمبيوتر عادي تقدر تستخدمة في الطيارة بس بالنسبة للتفتيش ما احد عندك انا واصل من شهرين ما اتفتشت نها ئيا

omarmukhtar

يعطيكـ ألعافيه ماقصرتـ

كولشستر

الله يعطيكـ العافيه وماقصرت وجزاكـ ألله خير الجزاء على الرد الوافي

اللي اسال الله ان يجعله في موازين حسناتكـ انه القادر على كل شي

sweet heart**

يعطيكـ ألعافيه وجزاكـ ألله خي

رمحمد الى كندا

يعطيكـ العافيه وبالتوفيق يامحمد وجزاكـ الله خير

البوردينق ينقص من مطار لندن علشان تروح على فانكوفر وانت راجع نفس الطريقة من لندن تقص البوردينق على الرياض.

اما المعلومات الثانية فللاسف ما اعرف عنها شي.