الموضوع: سوال عن فانكوفر ؟؟

ساذهب الى فانكوفر هذا الصيف ان شاء الله (بعد 12 يوم ) وارغب ان اعرف اسماء الاماكن السياحيه ........؟؟
وافضل المطاعم .......؟؟ واشهر الشوارع .......؟؟ والمدن القريبه من فانكوفر التى تنصحون بزيارتها ...............؟؟
وارغب ان اعرف عن جنسيات الطلاب في المعاهد واغلبيتهم في فترة الصيف .........؟؟
ارجوا منكم المساعدة .........!!
واذا كان فيه احد سياذهب هذا الصيف الى فانكوفر يبلغني ......؟؟
وتحياتي للجميع .......

مواضيع عشوائيه ممكن تكون تعجبك اخترناها لك:

• ساعدوني بسرعه تكفون
• ارجوا من جمييع الاعضاء ان يدخلوآ يساعدوني
• استفسار هام جداً جداً
• تحذير يمنع وضع الإيميل الشخصي
• خطوط اتحاد الامارات من ابريل
• الحجاب في مونتريال هل هو خطير اتحجب مااتحجب؟
• كيف اروح رحلة الى جبال الروكي؟؟
• سآآآآآآآعدوووني
• دراسة الثنويه في كنداا كيف ؟؟؟؟
• ياأهل مونتريالً لله درُّكمُ مـاءٌ وظـــــــــلٌ وأنهار وأشجار
• أنا أنوي السفر إلى كندا بماذا تنصحونني ؟
• نداء إلى خبراء تورونتو أرجو المساعدة
• بالنسبة للكهرب في كندا اللي عنده خلفية ياشباب
• ممكن مساعده ابي اعرف اي شي عن
• اريد سكن فى فانكوفر ولكم جزيل الشكر
• السفاره الكندية في الاردن او الرياض؟؟
• أسئلة تحتاج إجابتكم
• سؤال فى السريع السكن فى أو
• تصنيف الجامعات الكندية
• ضربتين بالراس توجع

عزيزي مسان

هذي الامور كلها بتعرفها باول اسبوع لك هنا .. لكن أهم شوارعها قد يكون روبسون .. هذا للتمشية .. في الداون تاون طبعا .. كل الداون تاون حق تمشية .. أغلب العوائل اللي تسكن طلاب تكون في نورث فان ..
بالنسبة للأماكن .. عندك ستانلي بارك .. English Bay ويقع بنهاية Davie Street اللي هو أسوأ شارع .. ماحد مأذيك لكن هذا أعزكم الله شارع الشواذ .. و عندك طال عمرك granville Island .. و عندك كابيلانو بردج Capilano Bridge في نورث فان و هذي الاماكن كلها يمديك توصلها بالباصات ..

و بالنسبة للمدن المجاورة .. لا تفوتك ويسلر .. بعيدة ساعتين .. و فيكتوريا اللي أعيش فيها أنا ..
و تقدر تروح بعض الجبال القريبة .. و إذا ناوي تبعد شوي لا يردك إلا الروكي ماونتنز .. سبحان الخالق ..

على كل حال مثل ما قلتلك يبيلك أسبوع و تعرف هذي الأشياء كلها ..
طبعا بحيرات مليانة .. سباحة و تجديف ..

أخوي مسان أنا ألاحظ إنك متردد أو خايف .. وكل أمرك للخالق و تعال يا رجال الديرة حلوة و بتنبسط فيها .. انا ما أروح فانكوفر واجد لكن بعض الاخوان يروحوا واجد .. وان احتجت ماهم مقصرين معك .. تعال و ابد ازهلها

تحياتي
فيكتوري

شكرا فكتوري ........ وصدقني مو خوف بس نبغى نعرف معلومات كاملة قبل ما نمشي .... واي خدمة من الرياض قبل ما نجيكم فانا مستعد ........

أسال الله لكم التوفيق يا أخوان ... وأنا ماشي على نهاية الصيف ... بس مو فانكوفر ... أسال الله الكريم رب العرش العظيم لكم التوفيق والسداد ... وأن تتطور لغتكم ... وأريد تذكيرك أخي مسان ... ولا أنسى نفسي أولا ... بالصلاة ... وخليك مع ربك ...

شكرا esperanza ........... وانا مسافر الى فانكوفر عشان اتعلم لغة انجليزي ..... وسجلت في مدرسة تابعة ل P E L S A ........ بس ليت تقولي وش جنسية الطلاب اللي يدرسون في المعاهد ........ وابغى منك وش تنصح في اختيار العائلة من حيث منطقة السكن ..... وابغى منك تتكلم عن العادات والتقاليد عندهم ........ وكيف تعاملهم مع السعوديين .......
واشكرك جدا على مواضيعك الممتازة وتجاوبك الراقي جدا .

اخوي : مسان

بخصوص استفساراتك:

*انا الحقيقة ما درست انجليزي في معاهد فانكوفير لذلك ما عندي اي فكرة في ما يخص المعاهد هذي.

*اما منطقة السكن فيعتمد على موقع المعهد الي بتدرس فية.

*اما بالنسبة للعادات والتقاليد فهم زيهم زي اي دولة غير عربية او اسلامية. واذا كنت سافرت من قبل بتعرف قصدي. لكن الكنديين بصفة عامة خلوقين و ودودين. و اي شخص تعاملة زين بيعاملك بالمثل.

*تعاملهم مع السعودي؟ ، سؤال مهم ، لاني انا لمن اسافر لكندا ما اكون سعودي اكون كندي لان البلد خليط من اعراق العالم كلة ونادراً ما يسالك احد عن جنسيتك. افضل شي انك تكون في السليم و تندمج في المجتمع (احلق الشنب و اللحية قص الشعر قصة غربية وسم نفسك بسم ثاني يكون غير عربي) طبعاً الوصايا هذي للناس الي ما يعرفونك بالذات الاسم. واذا سألك احد عن جنسيتك قلة انك كندي واذا سألك عن اصلك قلة انك من بلد تكون انت تعرفة زين بشرط ما يكون بلد عربي او اسلامي. (طبعاً ممكن يقولون اني ابالغ في الحرص لكن الواحد لمن يسافر لازم يكون حريص الي اقصي درجة ، وللاسف سمعة العرب والمسلمون الايام هذي ماهي بالزينة) ورغم ان العربي و المسلم ما يواجه مشاكل في كندا زي امريكا الا انه حصل بعض المشاكل للعرب و المسلمون.
وحاول تتفادا المواقع العربية والاسلامية لانه اكيد فية من يراقبها من الجهات الامنية.

واذا عندك اي استفسارات ثانية لا يردك الا لسانك.

اخوي esperanza
اولا احب ان اسجل تقديري واعجابي في تفانيك في خدمة اخوانك..
ثانيا من باب النصيحة الي قلته انت وهو:
(احلق الشنب و اللحية قص الشعر قصة غربية وسم نفسك بسم ثاني يكون غير عربي طبعاً الوصايا هذي للناس الي ما يعرفونك بالذات الاسم. واذا سألك احد عن جنسيتك قلة انك كندي واذا سألك عن اصلك قلة انك من بلد تكون انت تعرفة زين بشرط ما يكون بلد عربي او اسلامي)

اقول..انا في نظري هذا انسلاخ من هويتنا واخلاقنا بدون مبرر... هناك الكثير والكثير ممن سافروا الى الغرب ولم يفعلوا هذا ولم يتعرضوا للاذى... اهم شيء الشخص يمشي في السليم ويبتعد عن الشبهات وخرق قوانينهم...

تقبل فائق تقديري,,,

السلام عليكم ورحمة الله

اخي العزيز : ابو معاذ

اهلاً وسهلاً فيك ، اطلالاتك دايماً تعتبر تشريف لاي موضوع اكتبة او اشارك بة.

ومشكور على الاطرا.

ابو معاذ كلامك و ملاحضاتك دايماً مرحب بها وعلى العين والراس و انا احترمها واقدرها كل احترام وتقدير ، لكن ما ذكرتة انا في ملاحضتي المتعلقة بالاندماج في المجتمع الذي ازورة هو ما اقوم به انا وفي نظري ذلك لسببين اثنين:

* صحيح ان الكثير من العرب و السعوديين على وجة الخصوص يسافرون لدول اجنبية بدون ان يغيرو من اسلوب حياتهم اليومية او مضهرهم ، وفي بعض الاحياً يرتدون الثوب والشماغ وكانة في بلدة ، وصحيح بحمد الله لا يحصل لهم اي مكروه او تجريح بدني، لكن احياناً تكون نظرات الناس اسوا بالف مرة من الكلمة او الفعل ، الم تسافر انت يا ابو معاذ او غيرك من السعوديين او العرب وشاهدت شخص يرتدي ثوب او شماغ او مطيل اللحية او الشنب ولاحضت نظرات الناس لهم ، ان لم تلاحض انا لاحضت واخر ما ارغب فية هو ان ينظر الي بهذه النظرة بينما كان بالامكان تفاديها بفعل او كلمة بسيطة. ولا اعتقد اني اذا قمت بهذا العمل البسيط والرمزي فانا انصلخ من اصلي فاصلي في قلبي وليس في مضهري.

*انا عندما اسافر فانا اسافر للمغامرة الي اقصي حدودها فاذهب الي الاماكن التي لا يذهب لها السايح العادي لاني ارغب بان ارا الوجه الاخر للبلد الذي ازوره ارغب في روية الوجه الذي لا يراه السايح انما يراه اهل البلد نفسة. وهذا لا يتم الا عندما اصبح واحد من ابنا البلد.

ولك يا ابو معاذ دايماً اجمل وارق تحية.

اسم المعهد كاندين كولج ......... من فيكم عندة معلومات عنه

الاخ العزيز / esperanza
وماالمانع ان اوضح للناس اني سعودي مسلم وابرز الصفات الحسنه للمسلم والعربي وهي ولله الحمد كثيره منها على سبيل المثال لا الحصر:
1- الاخلاق الحسنه والمعامله الحسنه
2-الصدق في المعامله
3- البعد عن الاماكن المشبوهه
4-الامتناع عن المشروبات الروحيه والتدخين
5-المحافظه على الصلاه
6-المحافظه على الدراسه وعدم التخلف عنها
وغيرها الكثير الكثير ,,,,,,,, ويجب على الجميع ان يفتخر انه سعودي مسلم ويحمد الله على دلك ..

اخي العزيز : عماش

"وماالمانع ان اوضح للناس اني سعودي مسلم وابرز الصفات الحسنه للمسلم والعربي وهي ولله الحمد كثيره "

بالنسبة للناس الي تعرفهم ويعرفونك ما فية اي مانع بالعكس انا اشجع على الشي هذا.

انا كلامي و توصياتي هي لمن تمشي في الشارع و تروح الي اماكن وتقابل ناس ما تعرفهم ولا يعرفوك.

اما بالنسبة لزملاك في الدراسة و في السكن وما شابة ذلك فعتقد ان هذا انشاءالله ما يشكل اي خطر او مشكلة بالنسبة لك.

ولك اجمل تحية.

اخي العزيز: مسان

ارجو ان تعذرني لاني خرجت من الموضوع في بعض المشاركات الي كتبتها ولكن هي كانت للتوضيح و وجهة نظر خاصة فيني انا لا اكثر و كل شخص ينام على الجنب الي يريحة.

بالعوده لموضوعك الاصلي اعتقد انك تقصد بقولك "كاندين كولج" الي هو كنيدين كولج فور انقليش لانقويج (Canadian College of English Language)، الكلية الكندية للغة الانجليزية.





النجمة الحمرا في الخريطتين توضح موقع الكلية وكما هو واضح فهي موجودة في منطقة وسط المدينة ولكون وسط المدينة غالبيتها شقق في عماير كبيرة ما اعتقد انك تحصل عائلة تسكن بالقرب من المعهد.

ومن المعلومات الي اخذتها عن الكلية فبمكانك اما السكن مع عائلة كندية او السكن مع عائلة احد المدرسين بحيث يعطيك دروس خصوصية اضافية في بيته بمعدل ساعتين في اليوم او ممكن تسكن في السكن الخاص بالطلاب التابع للمعهد وميزة سكن الطلاب انه قريب من المعهد او الكلية ممكن تامن لك سكن في احد الفنادق الي هم يتعاملون معها.

و اذا عندك اي استفسارات خاصة بالكلية انا جاهذ.

دائما انت ياخى اسبرانزا رائع 0000 وصراحتك حلوة 0000 وماعندك نفاق 00 وانت الحقيقة ملح المنتدى 000

وجهد كبير 000 وتوضيح مفصل 00 طوبغرافى 00 وديموغرافى 00 وخرائطى 00 ماشاالله عليك 0000

اخوي : وحيد السفر

اذا انا الملح فنت السكر ، الله لا يخليني منك.

والصراحة و عدم النفاق احياناً توجع.

لك مني الف تحية

اخوي : مسان

الطلاب الي بيكونون في المعهد وحسب علمي و لكونك مسافر في الصيف بيكونون خليط غالبيتة من امريكا الجنوبية و بعض الكوريين و اليابانيين و اكيد كم سعودي.

لك الشكر.

وعن مستوى المعهد من ناحية المدرسين والطلاب والموقع والخدمات.............؟؟

مســـان .. اشفيك كل ماشفت اسمك دخلت على موضوعك اقرا ...
والي يدخل على مواضيعك مايحتاج يسألأ فعلا من مواضيعك ومن ردود الاخوه الاعضاء الطيبين استفدة من كل شي كتب في الموضوع ... وشكرا جزيل الشكر
ويا Esperanza ولله انك شقررررررردي ومشكور على الملعومات ...

بس عندي سؤال ... الملابس اشتري من هنا ولا اهناك ؟؟ صيفي ولا شتوي ...

اهناك يحتاجون صور شخصيه مكشوف الراس لازم ؟ او اشياء اخرا احتاجها لاحقا ؟ يمكن اكمل جامعه ماارجع شنو متطلباتهم .... عشان اخذ احتياط .. مو اروح فاضي ...