الموضوع: طالب يريد ان يتغرب

بسم الله الرحمن الرحيم

السلام عليكم ورحمة الله وبركاتة,,

كيف حالكم ياشبااااب طيبييين انشالله

انا اخوكم سلطاان وانشالله بعد شهر بالضبط مسافر الى كندا

انا ابي اعرف وش اكثر الامراض انتشارا في كندا وكيف اقي نفسي منها وهل يجب اخذ اللقاح اللازم من السعودية قبل المغادرة؟

وبالنسبة للصلاة هل يوجد مياة في كل مكان صالحة للوضوء او اماكن محددة
وهل تتوفر عند العائلة؟

وكيف اقضي اقواتي هناك؟

وكيف الاجواء في كندا في الصيف؟
علما اني مسافر الى تورونتو وهل هي مدينة رائعة من حيث كل شي؟
وارجوا النصائح المفيدة

واخيرا ادعوا الله ان يوفقنا في حياتنا ويحفظنا سالمين لاهالينا
ويبعدنا عن الشهوات والشبهات

مواضيع عشوائيه ممكن تكون تعجبك اخترناها لك:

• الدراسة بكندا
• اخوي ممكن تفيدني اكثر عن جزيره ادوارد والي يعرف عن يتفضل يقول
• تبي تتمشى بكندا؟ تعال ادلك
• للمساعده ارجوا قراءه كوضوعي باقرب رد
• لكل العرب الذين يودون زيارة مونتريال
• سؤااااال عن السياحة لخبراء كندا بلييييز
• معلوماتكم عن مدينة كينجستون وجامعة كوين واستفسارات اخرى
• استفسار
• طريقــه تقديــم الاوراق كيــف ؟
• تورينتو
• رحلات العمق الكندي بالصور
• ماهي مسارات الطيران المتوفره من جدة الى فانكوفر ؟
• أستفسارات عن الريف بكنــــدا ارررجوا المساعدة
• تذاكر ومعلومات ونبيغ
• فانكوفر وما ادراك ما فانكوفر
• محتااااجه مساعده ممكن تساعدوني بليز
• تعرفون هوليدي ان تورنتو داون تاون
• مهم جدا للقادمين الى فانكوفر
• الخطوط الاماراتيه
• مقيمه في كندا وحابه اقدم زياره لوالدتي

ياشباااب تكفوووووووووون المساعدة

الله يوفقك يالغالي سلطان ويردك لديرتك سالم غانم ..
وتوكل على الله يارجال ولا تخاف مافيه امراض ان شاء الله وبعدين بيكون معاك تأمين طبي اكيد ...
وبخصوص الصلاة اكيد في كل بيت موية وصالحة للوضوء وللشرب بعد حتى في المراكز التجارية تلاقي دورات مياه وانت بكرامه وموجوده المياة في كل مكان وصالحه للوضوء لاتخاف .
وأوقاتك أقضيها عادي يالغالي سواء وسط المدينة او في اي مكان ولكن لازم تعرف متى اخر باص يحرك لمنطقتك عشان مايروح عليك وتركب ليموزين وتضيع يعني اقضي اوقاتك براحه روح المكاتب روح الاسواق والمجمعات ادخل في الناس حسن لغتك روح السنما روح مقاهي انترنت روح جلسات كوفي او ارجع البيت خذلك فلم وطالع فيه يعني الوقت سريع ياخوك ويضيع بسهولة وراحة يالغالي واذا حسيت بطفش فشي طبيعي لانك في غربة وشهر واحد بالكثير او اقل على حسب الشخص وراح يروح منك هالاحساس .
وبخصوص الجو يالغالي مادري والله لكن اعرف ناس كثير هناك وقالولي وانت جاي هات معاك شنطتين وخاصتن في تورنتو شنطة للملابس الصيفية وشنطة للملابس الشتوية لان بردها برد صراحة والاحتياط واجب .
وبخصوص تورنتو مدينة جميلة ماعليها وهي العاصمة الاقتصادية يسمونها كل شي تبيه تلقاه فيها واذا كنت تقصد الطبيعة والجو يقولون فانكوفر احسن منها بكثيررر والله اعلم ....
وعندك ماشالله الشباب كاتبين مواضيع كثيرة تتعلق بتورنتو والحياة هناك يعني شاملة وبتفيدك صدقني والله يوفق الجميع ان شاء الله ...

أخوي الغالي sultan01
أول شي أتمنى لك التوفيق وأن الله ييسر لك أمورك
بالنسبة للأمراض يا عزيزي فالأمراض منتشرة في كل مكان مو بس في كندا وأغلب الأمراض موجودة أنا مابي أخوفك وأكبر لك الموضوع لكن الواحد يحذر وينتبه من الأشياء اللي ممكن تنقل العدوى مثل الأدوات اللي نستخدمها في الأكل تتأكد إنها نظيفه ومغسوله زين ولو تعيد غسلها مره ثانيه يكون أفضل وكمان عندك دورات المياه أكرمكم الله لابد الحذر عند استخدامها .

بالنسبة للصلاة أنا أنصحك تجيب معك سجادة صلاة فيها بوصلة تحديد القبله والمياه متوفره في كل مكان لا تشيل هم من هذه الناحية.

بالنسبة كيف تقضي أوقاتك فأنت تقدر تقضي أوقاتك في أشياء كثيرة فمثلا تقدر تطلع مع أصدقائك وزملائك أو تخرج مع العائلة وعندك الرحلات مافي أكثر منها هنا وفيه أشياء كثيرة جدا تقدر تقضي أوقاتك فيها.

بالنسبة لتورنتو والله يالغالي ماعندي أي فكرة أو خلفية عنها .

المعذرة على التقصير

تحياتي

اخوووووي رشوووودي وجلاد العيووون الغالين الله يعطيكم الف عافية على المعلومات المفيدة وعلى مروركم الطيب والله يخليكم لااهاليكم

ومشكووووووووووووووووووورين