الموضوع: افاااااا يا ذا العلم الخطوط الفلبينية تصرق السعوديين مع المصدر

السلام عليكم ورحمة الله وبركاته ,,,,



طبعا مثل ما انتم عارفين الخطوط الفلبينية كانت موقفه رحلاتها للسعودية قبل فترة ولكن الان سمعنا وقرأنا انها خلاص بتعود تفتح رحلاتها للسعودية ابتدائ من شهر ديسمبر القادم




المهم انا قبل فترة كنت ادخل موقع الخطوط الفلبينية واشوف اسعار الرحلات من الرياض الى مانيلا بعد شهر ديسمبر القادم وكانت تطلع لي الاسعار وكل شيء


المهم انا من الناس اللي قصيت تذكرة على الخطوط الفلبينية والسفر بشهر فبراير 2014 واخذت التذكرة من مكتب , سعرها بالنت كان 990 ريال سعودي , المكتب حسبها علي ب1000 ريال ( اخذ مكسب 100 ريال فقط )


المهم المكتب كان يحذرني اني ما اقصها خصوصا انها غير مسترجعه وغير قابلة للتغيير + غير مضمون افتتاح الرحلات من الفلبين للسعودية , لدرجة ان المكتب قالي ترا مب مضمون انها تفتح رحلات للسعودية


ولكن انا ما سمعت كلامه وقصيت التذكرة




هذا الكلام قبل شهر اتوقع




المهم قبل فترة كنت اشيك على الخطوط الفلبينية وبشوف الوقت اللي بروح فيه هل يوجد حجز ام اصبح فل , المهم لقيت الذهاب صار فل والعوده ممكنه والاسعار ارتفعت




المهم قبل امس دخلت الموقع وبرضوا بشوف رحلتي صارت فل او لا , المهم ان الموقع شال اسم الرياض من قائمة المدن !!!!!!!!!!!!!!!!!!!! حدثت الصفحة اكثر من مرة وحطيت تواريخ مختلفه وطلع لي اسم الرياض ولكن لا يظهر حجز ابددددددددددددددددددددددد واسم الرياض وجده يظهر ويختتتتتتتتفي وجربت الرياض وجده بتواريخ مختلفه ولكن الموقع يرفض ويكتب سوري مدري ايش بعدين تختفي اسم الرياض وجده




وش السالفة انا حاس انها زرفه

مواضيع عشوائيه ممكن تكون تعجبك اخترناها لك:

• أبغى نصيحه الخبراء مع الشكر أروح لحالي؟؟
• الفلبين ولا ماليزيا؟؟
• ممكن مساعدة في بوروكاي
• ¸¸۝❝رحلتي للأحلى ورده❝۝¸¸
• ارجو المشورة في باقيو؟
• مساعدة الخبراء في التخطيط للرحلة
• استفسار عن بروكاي بليز
• شهر اكتوبر في الفلبين لوحدي
• أيهما أفضل الفلبين أم أندونيسيا ؟؟؟
• الناس للناس
• رحلة للعلااااااااااج الموضوع للجميع
• اهم الكلمات التاجولوجية يجب على المسافر معرفتها
• الاجواء في الفلبين
• الرحلة قربت و ابي الفزعة تكفون
• التنقلات الداخليه
• فنادق وطيران بأسعار ممتازة
• رجـــنت العــــاطل تالاقـــــا
• كيف مستوى الخدمات في الطيران القطري
• محتاج اسم فندق في بوروكاي واسم فندق في سيبو
• الجلوس لأكثر من يوم

السلام عليكم
حجزت نفس حجزك من جدة الى مانيلا ذهاب وعودة دايركت
واللي دلني على السعر المخفض 990ريال واحد من الاعضاء ما أذكر اسمه
جزاه الله خير
اللي حصل إنهم ارسلو لي ايميل ان تم تغيير الاقلاع اصبح من دبي
والعودة الى الرياض
رجعت راسلتهم بضرورة الالتزام بالحجز المحدد والا سيتم مخاطبة الهيئة
ردهم كان سنرفع لك طلب بضرورة تأمين رحلة لك من جدة الى دبي في الذهاب
والعودة سيتم تأمين رحلة من الرياض الى جدة

والى الان لا حس ولا خبر ! لهم اسبوووووع

طيب وش الحل اخوي ؟

انا طبعا ماجاني لا ايميل ولا شيء لاني قصيتها عن طريق مكتب واخذت التذكرة بـ1000 ريال .. الرياض مانيلا والعودة مانيلا الرياض


والان كل مادخلت موقع خطوطهم وجربت حطيت الرياض او جده او الدمام الى مانيلا وبأي تاريخ ما يطلعلي رحلات ابد بل يتعذر ويقول سوري

وعليكم السلام
انت يا طويل العمر شارى التذكره من مكتب و هو المسؤول عن التذاكر ارجع لهم و استفسر منهم و ابعث ايميل الى الفلبينيه و شف ردهم عليك و عطهم علم انك سوفا تقاظيهم سوانا في السعوديه و الفلبين اهم شى لاتسكت عن حقك و ماضاع حق و راه مطالب

بتوفيق

المكتب قبل ما اقص منه قالي تراها غير مسترجعه وغير قابلة للتغيير واصلا المكتب حذرني اني ما اقصها لانه قالي ترا مب اكيد تفتح رحلاتها



لكن اغراء السعر خلاني اقصها بدون تفكير

هلا والله اخي الكريم...
عندك حلين...
الحل الاول تشتكيهم للسفارة الفلبينيه... وبامكانهم تعويضك ويكون طيرانك يا من دبي يامن اقرب مكان لك... الدوحه او الكويت او مسقط...وبين لهم ان لجؤك لهم من اجل الحل الودي... واذا مافاد ورهم العين الحمرا لمنظمة الطيران الدولي اياتا هذا موقعهم طقهم بشكوى مضبوطه... بس يحتاجون لصور من التذكره وكل مايخص شكواك وهذا موقع اياتا لايردك ابد الا خطاب يكون قوي ولاتنسى تحط رقم جوالك... والله يوفقك
هذا موقع اياتا
http://www.iata.org/Pages/default.aspx

ياشبابي

مثل ما قال الفارس
راسل الخطوط الفلبينية .. ادخل على موقعهم وراسلهم
وشف اخرتها معهم

بالنسبة لي حتى لو قالو من دبي الاقلاع
مب مشكلة
اطلع على دبي عن طريق طيران ناس أو فلاي دبي بأربعمية ريال
عااااادي

راسلهم واذكر رقم حجزك وشف وش بيسوون !

بالتوفيق

أخواني الأعزاء

أنا دخلت اليوم على موقع الخطوط الفلبينية ووجدت حجوزات الرياض لا تزال كما هي ولم يتم إلغاؤها كما ألغيت رحلات جدة والدمام
أخي عبد المجيد أسم الرياض موجود ولكن على الصفحة الرئيسية
أضغط على كلمة Home
وبعدها ستجد الرياض وأدخل التواريخ التي تريد وتجد أن لا مشكلة
المشكلة فقط في اللي حجزوا من جدة أو الدمام وكما وكما ذكر الأخ اللي أرسلوا له إيميل عن تأمين رحلات بديلة ولكن تطمن أخي عبدالمجيد فلا يزال وضع أهل الرياض في السليم إلى الآن

أخواني الأعزاء

أنا دخلت اليوم على موقع الخطوط الفلبينية ووجدت حجوزات الرياض لا تزال كما هي ولم يتم إلغاؤها كما ألغيت رحلات جدة والدمام
أخي عبد المجيد أسم الرياض موجود ولكن على الصفحة الرئيسية
أضغط على كلمة Home
وبعدها ستجد الرياض وأدخل التواريخ التي تريد وتجد أن لا مشكلة
المشكلة فقط في اللي حجزوا من جدة أو الدمام وكما وكما ذكر الأخ اللي أرسلوا له إيميل عن تأمين رحلات بديلة ولكن تطمن أخي عبدالمجيد فلا يزال وضع أهل الرياض في السليم إلى الآن

يا اخواني اسعد الله اوقاتكم بالخير والمسرات
لا تشيلوا هم ابد انا ولله الحمد حجزت ورحلتي
نعم بقي عليها من الوقت الكثير
لكن ما أحب أن أطمئنكم به هو
أن الاصدقاء غادر عن طريق الخطوط الفلبينية
وهو الان برغد من العيش في مانيلا
فلا تشيلوا هم ابدا

الحمدلله تيسرت أمورك بعد مآأفآدوك الاخوآن

لكل شيء ضريبة ، وضريبة الرخص هذي المرة إن الحجز يكون غير مضمون
لكن لعلهآ درس وودك مآتحرص دآئماً على سآلفة "رخيص وكويس" ^_*


بالتوفيق ، وتروح وتجي بالسلآمة

حمدلله تيسرت الامور

الحمدلله يارب ..

السلام عليكم ...اخوي عبدالمجيد .. لا تشيل هم ..انا شريت التذكرة قبل اسبوع من مكتب الطيار ... الامور إن شاء الله زينه ...

اش اخر الاخبار ؟

الموضوع جدا بسيطعندهم تحديث بخط السير
بالضبط زي ما صار في خط السير بين
مانيلا - برزبن - مانيلا في 8 يونيو 2013 - June 2013
و يرسلوا لي تحديث بخط السير و تغيير الموعد
لكن الموعد كان يتغير في الدقايق
بدل مو الاقلاع الساعه 09.05 صباحا - اصبح 09.15 صباحا
و تم ارسال ايميل لي ( طبعا اللي شاري التكت من مكتب ما يوصله شي
هذا و الله اعلم

المشاركة الأصلية كتبت بواسطة aaaq1984
http://www.arabtravelersforum.com/tr...5/#post8107115

الموضوع جدا بسيطعندهم تحديث بخط السير
بالضبط زي ما صار في خط السير بين
مانيلا - برزبن - مانيلا في 8 يونيو 2013 - June 2013
و يرسلوا لي تحديث بخط السير و تغيير الموعد
لكن الموعد كان يتغير في الدقايق
بدل مو الاقلاع الساعه 09.05 صباحا - اصبح 09.15 صباحا
و تم ارسال ايميل لي ( طبعا اللي شاري التكت من مكتب ما يوصله شي
هذا و الله اعلم



السلام عليكم حبييت أوضح لكم بأن التلفزيون الفلبيني أعلن عن تسيير رحلات من شهر ديسمبر بعد أخذ الموافقة من هيئة الطيران المدني وراح تكون الرحلات فقط خلال الفترة الأولى من الرياض والموضوع تأكدت منه لاني حجزت رحلة عن طريق الموقع وجاني تأكيد من قبلهم وتم إرسال إيميل ثاني لي يوضح أنهم فقط غيرو وقت الإقلاع من مانيلا للرياض يعني الحجزوات كويسة ولا تكنسلت

اهنيكم على السعر المغري