الموضوع: ساعدوني أنا مرافق مع أختي و أطفالها لزيارة والدهم يعالج

السلام عليكم يا شباب أنا حاب أقدم على فيزا سياحيه لأمريكا عن طريق القنصليه ( الظهران )
ولكن السالفه : :: :

انا راح أكون مرافق مع أختي و أطفالها الثلاثه وهم دون سنه الــ 13 سنه لزيارة والدهم لانه مريض ويعاني من لوكيميا بالدم الله يعافيه ويكفيك الشر و حابين يشوفونه ... ولكن عندي خطاب من القنصل السعودي
في أمريكا و خطاب من المستشفى إللي مترقد فيه زوج أختي و هذي ليست بالمشكله ,,,,,
المشكله إللي ماني عارف أحلها

1 - هل أعبي لكل واحد فيهم أبلكيشن خاص فيه ؟
2 - هل أدفع لك واحد فيهم 45 ريال علشان أحصل على يوزر لأخذ موعد مقابله او يوزر واحد يكفينا أنا وأختي و أطفالها ؟
3 - السؤال الأهم بعد تعبأة الأبلكيشن هل أطبع كل الصفحات إللي جاوبت عليها أم الصفحه الأخيره ( إللي تشبه الفيزا ) تكفي
إللي مكتوب عليها الباركود و رقم جوازي و أسمي و صورتي ( تشبه الفيزا ) ..
4 - هل نحتاج أنا وأختي كشف حساب بنكي أما يكفي إللي بأجيبه أنا مع العلم أني مرافق ؟؟؟
5 - هل التعريف من العمل وكشف الحساب لازم يكونون بالانجليزي ولااا ؟
6 - بخصوص الخطابات إللي من القنصل السعودي و المستشفى هل يحتاج أني أرسلها و وين بضبط ؟؟؟ ,,
ولااا إذا قرب موعد المقابله أجيبها معي ,,, ؟؟؟ لاني بصراحه أبغى موعد قريب

تكفوووووووووون ابي رد وافي و بأسرع وقت الله لا يوريكم مكروه و يوفقكم ويقوم زوج أختي بسلامه قولو آآآآآمين

مواضيع عشوائيه ممكن تكون تعجبك اخترناها لك:

• بليز تفضلوووو
• سائق خاص في لوس انجلوس ولونق بيتش
• هذا اول مشاركه لي في هذا المنتدى ارجوا المساعدة
• ورحلته للقارة الأمريكيه لتجديد شهر العسل
• استفسار ظروري ماعندي وكت
• الي يعرف شخص اومكتب بالرياض
• ا يش رايكم بهالشركة
• عاجل جدا تحويلات مالية
• أرجوكم ساعدوني بترجمة هذا السطر الى الانجليزي
• البحث عن حاضنة
• مصيبة الجوازات تقول مانعطيك برنت إلابخطاب السفارةدعوة لمشاركة اللي طلعوا برنت
• أبشركم إستفسار بسيط
• ارجو الافاده من خبراء المنتدى
• استفسار عن جهاز
• سؤال عن هالفندق في نيويورك هل أحسنت الاختيار؟
• نيوهامشير الأمريكية استفسار
• أفضل طيران الي نيويورك
• ضروري ضروري سكن قريب من جامعة سينت لويس
• استفسار عن لي خبرااء لوس انجلس ارجو الرد
• اجازة لمدة يوم

بسم لله
اول اسال الله العلي العظيم ان يشفي رجل اختك وكل مسلم ان شاء الله ويجعل ما جاه تكفير ذنوب ولا يبلاء المسلمين اجمعين
لا اله الا الله بخصوص الابلكيشن اي نعم لازم وبخصوص الموعد لا ما يحتاج كل واحد له يوزر اليوزر الواحد يكفي خمسة اشخاص اكبر من 14 واصغر من 80 يعني اذا فيه من الاطفال اصغر من 14 بس تعبي له الابلكيشن ولا يحتاج تحط اسمه في الموعد
بخصوص الابلكيشن بس تطبع الصفحة الي فيها البار كود
بخصوص كشف الحساب يكفي كشف حسابك وتقول لهم اني انا المسؤال عنهم وحبذا انك تكتب خطاب يدوي بالانقليزي انك مسؤال عنهم
بخصوص التعريف وكشف الحساب حبذا انه بالانقليزي ولكن اذا صار بالعربي عادي لان في المقابلة الموظف اذا شافه بالعربي ينادي الموظفين العرب ويخليه يترجم يعني لا تشيل هم
تجيب الخطاب معك في المقابلة
اي اسئلة ثاني اسدحها وربنا يشفي النسيب وكل مسلم يا رب ولا يبلانا ولا المسلمين يا رب

المشاركة الأصلية كتبت بواسطة فيصل مبارك
http://www.arabtravelersforum.com/tr...4/#post4465222


ممكن ترسل بريد الكتروني للقنصلية بالظهران لك يتم منحك موعد بأقرب فرصة , شيكت الان لقيت اقرب امكانية بد العيد مباشرة ,

http://www.arabtravelersforum.com/travel165542/

1 - هل أعبي لكل واحد فيهم أبلكيشن خاص فيه ؟

صحيح , والاهم بأن الجوازات تكون منفصلة عن بعضهم , ودفع الرسوم من بنك سامبا لكل جواز ومسافر ,

2 - هل أدفع لك واحد فيهم 45 ريال علشان أحصل على يوزر لأخذ موعد مقابله او يوزر واحد يكفينا أنا وأختي و أطفالها ؟

يوزر واحد يكفي لعائلتكم الموقرة ,

3 - السؤال الأهم بعد تعبأة الأبلكيشن هل أطبع كل الصفحات إللي جاوبت عليها أم الصفحه الأخيره ( إللي تشبه الفيزا ) تكفي
إللي مكتوب عليها الباركود و رقم جوازي و أسمي و صورتي ( تشبه الفيزا ) ..


صفحة الباركود تكفي ,


4 - هل نحتاج أنا وأختي كشف حساب بنكي أما يكفي إللي بأجيبه أنا مع العلم أني مرافق ؟؟؟

كشفك يكفي وخطاب القنصلية جداً مهم وبيساعدكم كثير ان شاء الله بالاجرءات ,


5 - هل التعريف من العمل وكشف الحساب لازم يكونون بالانجليزي ولااا ؟


يفضل ذلك ,


6 - بخصوص الخطابات إللي من القنصل السعودي و المستشفى هل يحتاج أني أرسلها و وين بضبط ؟؟؟ ,,

ممكن ترفقها بالبريد الالكتروني او اذا عندك موعد قريب ارفق الاوراق معك بالمقابلة ,

ولااا إذا قرب موعد المقابله أجيبها معي ,,, ؟؟؟ لاني بصراحه أبغى موعد قريب

تكفوووووووووون ابي رد وافي و بأسرع وقت الله لا يوريكم مكروه و يوفقكم ويقوم زوج أختي بسلامه قولو آآآآآمين





الله يشفي مريضكم ومرضي المسلمين , وكل عام وانتم بخير , , ,

أخوي عزوز بن ابراهيم و أخوي waleed
أسأل الله العلي القدير أن يوفقكم و يجزاكم خير ولا يوريكم مكروه و جميع المسلمين بصراحه أني الحين أرتحت لاني والله كنت في حيره ماني عارف أدبر هالموضوع لي تقريباً اسبوعين ولكن يعلم الله أنكم ما قصرتو ..
الله يسمع منكم ويقومه سالم معافى بأذن الله

كل عام وانتم بخير

الله يشفي مريضكم
الاخوان ماقصرو الله يوفقهم
واي خدمه حاضرين