الموضوع: هـل هذه التكاليف مبالغ فيها أم لا علماً بأنها لغة

السلام عليكم..

اهلاً وسهلاً فيكم يارواد القسم ..

في البدايه .. انا ان شاء الله ناوي أدرس على حسابي الخاص في الولايات المتحدة الأمريكيه

وفي ولايه كنساس بالتحديد فـ تكاليف ( اللغه ) 31549 دولار للسنه الواحده ..

فهل هذا السعر مبالغ فيه أو معقول ؟؟ ..

فكرت أني أدرس اللغة في ( ماليزيا ) ومن بعدها تكون الدراسه

في جامعه كنساس في (الولايات المتحده الأمريكيه ) ..

طبعاً أنا ابي الحق على شهر يناير القادم ... وياليت لو تفيدوني أكثر واللي تشوفونه في مصلحتي

ولاتنسون اني رايح على حسابي الخاص ..

فــ مادري .. ادرس لغه في ماليزيا وادرس جامعه في امريكا ؟؟

أو اني اروح امريكا مره وحده ..

مع العلم ان دراسة اللغه في ماليزيا اقل ..

افيدوني يرحم الله والديكم :110:

مواضيع عشوائيه ممكن تكون تعجبك اخترناها لك:

• ابحث عن ارخص الجامعات الامريكيه لدراسة ادارة الاعمال
• مطلوب قبول للجامعة في كاليفورنيا الفزعة
• اريد الابتعاث ماذا أفعل من ألف إلى الياء أرجوكم علموني ضروري
• لو سمحتو اريد جواب عاجل بخصوص العمل
• ولاية اركنساس
• بليييييييييز
• استفسآر عن جآمعة اكسفورد
• استفسارتي دارت براسي سنه ابسافر وابيكم تشورون علي اجابه استفساراتي
• صور لمدينة سري
• ياليت تفيدوني بافضل المعاهد بشمال بريطانيا باسرع وقت
• محتاااااار يا اهل الخبره ارجوا المساعده
• الوزارة لما تبغى تعقد الموضوع تعقدوة وهو سهل
• يوم في وزارة التعليم العالي
• ماحدث لى عند تسجيلى موعد بالسفارة؟؟
• خبرا التلعيم بامريكا للضروره القصوي
• الف مبروك لاخونا نايفنايف
• زاد الداعية للحوار المباشر عبر الإنترنت
• دراسة اللغة لمدة شهر
• تكفوووووون يالربع
• عاجل جدا جدا جدا للخبراء في برايتون و مطار هيثرو ارجو الدخول و مساعدة بسرعة

ادرس في ماليزيا احسن لك من وجه النظر

[color="Blue"][b]حبيبي

دامك ناوي تكمل

دراستك بعد اللغة في أمريكا

أقترح تاخذ لغة من نيوزيلندا

أوفر لك هذا أولا

يارجال من زين لغتهم الماليزيين علشان تدرس عندهم
والله اني يوم رحت لها في الصيف اجلس اتنح كل ماقالو كلمة, ماينطقون الكلام بطريقة صحيحة ويخلطون الحروف
رح لك لبلد لغته الاصلية انجليزي, وبما انك ناوي على امريكا خلها مرة وحدة لأمريكا, علشان ماتتعب بالفيز

وعليكم السلام ورحمة الله وبركاته

أنا افادتي لك يا أخي الكريم أن تدرس أما في أمريكا أو في نيوزيلاندا كما ذكر أحد الأخوة لأنها لغتهم الأساسية هناك أما الدراسة في ماليزيا كلغة ان كانت لغتك ضعيفة (فحتتعب كثير الى أن تتعلم اللغة لأنها
ماهي لغتهم الأساسية وهذا الكلام قاله لي واحد يدرس في ماليزيا وكذلك أستاذ جامعي في ماليزيا) عند
تقديمي على البعثات الأخيرة.

أما عن الدراسة الجامعية بعد اللغة فبامكانك بعدها ان درست في أمريكا أو نيوزيلاندا تكملة الدراسة الجامعية
في ماليزيا وبعد ترم أو ترمين اذا كان معدلك عالي بامكانك التحويل على البعثات كما ذكر العديد من الأخوة.

وأتمنى أن أكون أفدتك في موضوعك.

وبالتوفيق لك ان شاء الله........

ادرس اللغه فى امريكا و غير المعهد بكل بساطه شوفلك واحد ارخص ...

المشاركة الأصلية كتبت بواسطة eagle One
http://www.arabtravelersforum.com/tr...90/#post980090

يارجال من زين لغتهم الماليزيين علشان تدرس عندهم
والله اني يوم رحت لها في الصيف اجلس اتنح كل ماقالو كلمة, ماينطقون الكلام بطريقة صحيحة ويخلطون الحروف
رح لك لبلد لغته الاصلية انجليزي, وبما انك ناوي على امريكا خلها مرة وحدة لأمريكا, علشان ماتتعب بالفيز



وأنا أوافقك ........
لأن تدرس في بلد ثم تذهب إلى بلد آخر فتصبح كأنك بديت من الصفر من عدة نواحي:
أولا: من ناحية التعرف على المنطقة لأنها اختلفت عنك تماماً وعاداتها.
ثانيا: الفيزا ما الفيزا
ثالثا: التكلفة ، لأنك أذا كنت دارس فيها قبل سنة لغة تعرف الأمور الرخيصة من الغالية وأين تجد الرخيص
رابعاً السكن.
وغيرها كثير...........
فالأفضل أنك تدرس لغة في أمريكا وتبحث عن منطقة رخيصة على قدر فلوسك
والله يوفك وآسف على التطويل.

السلام عليكم ..

نصيحه : ادرس اللغه في كندا او بريطانيا

اخوك

صباح الخير
أنت ما ذكرت هل المبلغ هذا شامل السكن في الجامعه أو مع عائلة ؟ عموما إذا كان شامل السكن فاعتقد أن السعر معقول نوعا ما. عندي سؤال فيه احد يدرس لغه في اسيا !!!! ما يعرفون ينطقون جمله وحدة صح . هم فعلا كويسين في الكتابه والقراءه بس في الكلام والله من جنبها يعني ما فيه امل تتعلم. بعدين إذا بتواصل الجامعة في أمريكا أشوف انه احسن تتعلم اللغه فيها راح تسهل عليك أشياء كثيره.
أنصحك بولاية أندايانا Indianapolis , Indiana سقاها السيل

كندا افضل لك من امريكا .. نفس الاكسنت نفس البلد .. وتاخذ الجنسية بعد 3 سنوات

عموما 25000 الف دولار حد ادنى لامريكا ... سعرك اللي انت حاطه مناسب وتعيش مرتاح

طبعا اذا صرفيتك زينه

السلام عليكم

حياك اخوي

اول شي سنه اعتقد حلوه لدراسة اللغه بس نصيحه لك وهذي من واقع تجربه انك تدرس في كندا افضل لك او نيوزيلندا هذي من واقع تجربه ونصيحه اخرى انك ماتدفع كامل المبلغ يعني انت سجل شهر مثلا واذا عجبك كمل سداد المبلغ واذا ماعجبك رح دو غيره لانه اذا دفعت خلاص ماعاد ترجع لك فلوسك
وبعدين السعر الي انت حاطه اشوفه مره غاااااااااااااااالي ؟؟؟ وهل هذا شامل السكن وكل شي ولا وشلون ؟ واذا بغيت خدمه في نيوزيلندا او كندا انا حاضر اي استفسار او شي انا موجود وعلى قولتهم اسال مجرب ولا تسال طبيب وارجع اقولك السعر مباااااااااااالغ فيه اقل شي سنه تقريبا مايتجاوز السعر 75000 الف ريال شامل السكن والوجبات هذا في كندا طبعا غير التخفيض اذا انت بتاخذ سنه ....

تحياتي

عفوا على المداخلة لكن سؤالي للاخ H.i.m انت ذكرت انه مبلغ 75000 الف ريال شاملة السكن والوجبات والدراسه يعني معقوله الدراسه ارخص في كندا؟؟ ارخص من نيوزلاندا؟؟

وارجووو منك تقديم النصيحه انا ان شاء الله ناوي ادرس للغه في نيوزلاندا في بداية 2007 كم تتوقع يكفيني مبلغ بشكل اجمالي يعني متوسط المبلغ ؟؟

وشكرا لك مقدما

هلا وغلا اخوي هلستون فراوله

الدراسه في كندا اغلى من نيوزيلندا ، لكن هي تعتمد على المعهد وكل معهد وله سعر ولاتنسى انه الجامعات اغلى وبعدين فيه معاهد غاليه لكن للاسف جودة التدريس عندهم ضعيفه جدا يعني يفكرون في الفلوس وبس مايهتمون فيك انت يالطالب يعني تخيل الفرق لما تدرس في فصل فيه 8 طلاب ولا فصل فيه 20 طالب ؟

اختيار موفق اخوي ونيوزيلندا بلد اكثر من رائع وسؤالي لك كم مدة دراستك واسم المعهد وانا اقولك غالي ولا لا لانه والله فيه معاهد رخييييييييييييييصه واحسن وانا مجربها ومجرب الغاليه الي ماستفدت منها شي ... بس انصحك وانصح جميع الاخوان انه مايدفع المبلغ كامل هذي حط تحتها خطين ...

انا بذكر لك سلبيات وايجابيات كل دوله ولك الخيار ....

نيوزيلنــــــــــــــدا NZ

الايجابيات :-

- الامان يعني لما تقارن امريكا بنيوزيلندا من ناحية الامان بقولك نيوزيلندا بس اكيد انت لازم تاخذ حذرك مو يعني خلاص فيه امان اروح اطلع واتمشى لحالي في الليل ومعي فلوس كثيره لا انت خذ حذرك بس ماأحد يتعرض لك ولا شي .

- شعب طيب وحبووووووووووووب ياحبي لهم بس اذكر مره ضيعت البيت وسالت واحد تخيل قالي تعال بوصلك ومشينا رجليه لين وصلت البيت ولاحظ المسافه بعيده .

- بعيد كل البعد عن العنصريه يعني عنصريه وسياسه وخرابيط هذي مايعرفونها حتى تصدق اني لما اقولهم اني من السعوديه يقولون وين ذي فيه .

- تتمتع بالطبيعه الخلابه والمناظر الرائعه يعني تقول بزهق هذي انس كل ويك اند رح وزور المدن الي حواليك وبتشوف العجب العجاب .

- تعتبر رخيصه مقارنة بالدول الاوربيه .

السلبيات :-

- من سلبياتها انها بعيده جدا جدا .

- احيانا البروده تمنعك من الخروج بس مو دايم يعني مثلا اذا امطرت بس صدقني بتستانس .

- كثرة الشرق اسيويين ، هذا ولي مسببين عقده وين ماتروح تلقاهم والمشكله ان اللهجه حقتهم بطرانه 100% يعني لما يجي يقول I think يقول I sink خخخخخ بس مو كلهم .

- لما تروح في وقت الاجازه الصيفيه عندنا راح يكون عندهم فصل الشتاء وبكذا راح يكون النهار قصير .

كنـــــــــــــــدا CA

الايجابيات :-

- تعتبر اقرب من نيوزيلندا .

- الشعب طيب تقريبا مثل نيوزيلندا بس زي ماقلت اصابع يديك ماهي سوا يعني فيه ناس حلوين وفيه ناس الله بالخير بس مجملا الشعب طيب .

- طبعا الامان يعتمد على المدينه الي انت بتختارها يعني مثلا فانكوفر مدينه حلوه وكل شي لكن نسبة الامان فيها مش بطال انا رحت لها وكنت عادي يعني ماشوف شي لكن انت خذ بالك في فانكوفر الهومليس كثيرررررررررر ، يعني امنه مو مثل امريكا .

- الجو رائع يعني مو برد ولا حر بس احيانا يجيك حر غير طبيعي يغطي على حر السعوديه واحيانا يجيك مطر .

- في فصل الصيف عندهم النهار مرررررررررررررره طويل والليل قصير يعني تخيل الشمس تشرق الساعه تقريبا 5 وتغيب 10 بالليل ؟؟؟ انا كنت مستغرب لما وصلت هناك اول ماحطيت رجلي اشوف الساعه الا هي 7 واناظر الشمس الا توها تقول الظهر عندنا . من الناحيه هذي انت تقدر تطلع وتتمشى في النهار افضل لك من الليل .

- كثرة الاحتفالات والمهرجانات مو مثل نيوزيلندا .

السلبيات :-

- زي ماقلت لك كثرة الشرق اسيوين بس انت احتك معهم عادي بس الله يعينك على الاكسنت حقتهم .

- كثرة الهومليس ( الشحاتين ) في بعض المدن مو كل المدن .


وطبعا ممكن في ايجابيات او سلبيات اخرى انا ماذكرتها لكن اختيارك موفق وصدقني لما تروح نيوزيلندا بتستانس مو مثل لما تروح بريطانيا . وطبعا هذي وجهة نظري وممكن فيه احد يخالفني الراي

واسف جدااااا على الاطاله واتمنى اني افدك عزيزي

واي استفسار لايردك الا الكيبورد

تحياتي

شكرا لك اخوي H.i.m على تجاوبك
في البداية سؤالي كم خبرتك في نيوزلندا ؟؟

وبالنسبه للمده الي ان شاء الله ناوي اقضيها في نيوزلاندا 4 اشهر تقريبا
في منطقه ونقاريا شمال اوكلاند راسلت المعهد واعطاني عرض
رسوم الدراسه 430 اسبوعيا فل تايم
رسوم السكن مع عائله 160 اسبوعيا
رسوم التسجيل 134
رسوم البحث عن عائله 120

ونا ان شاء الله ناوي ما ادفعلهم الا حق اسبوعين بالكثير.

لكن انا لدي فكره ما ادري تأيدني فيها او لا بانه ما اسجل في اي معهد لكن مجرد اني اجمع معلومات عن كم معهد واذا وصلت هناك اختار بينهم ؟؟؟
لكن سؤالي اذا وصلت المطار هناك هل بيسببون لي مشكله لانه مامعي قبول من معهد ؟؟
وهل رايح يقبلووون لما اقولهم اني جاي سياحه ؟؟

وسؤالي الاخير 40000 ريال كافيه مصاريف سكن ودراسه ومصاريف شخصيه مع التذكره طبعا لمدة 4 اشهر ؟؟

اسف على الاطاله

ولك مني جزيل الشكر

السلام عليكم ..

---------------

.. هقاوي ..

أحترم وجهة نظرك يالغلا ..

والله يكتب اللي فيه الخير ان شاء الله


----------------

.. أمجد السامر ..

أشكر تواجدك أخوي ..

والله مدري شقولك عن نيوزلاندا ..:114:

انا قريت تقاريرها ... وشفت ان الاجواء الدراسيه ممتازة .. وهذا المطلوب طبعاً ..

وانا بزيد من معلوماتي عن هالبلاد .. وبضيفهم مع امريكا وماليزيا وبشوف الأنسب ..

ويعطيك العافيه


---------------------

.. EAGLE ONE ..

هلا والله اخوووي ..

صح كلامك 100% .. اللغة عند الشعب الله بالخير .. بس دراستهم قوية لأنها بلد صناعية ..

وانا يوم اني رحت تايلاند بعد ( تقريباً نفس الطخه ) كانوا يبلعون الحروف ..

وبيني وبينك امريكا أقربلي ..

ويعطيك العافيه .

----------------------------

.. hassan 6262 ..

يامرحبابك ياحسن ..

كلامك منطقي ياخوي .. وانا اللغه عندي ضعيفه واحتاج الى مجتمع يمارس اللغة الانجليزية

وهالشي اشوف في امريكا أقرب لي .. واخترت ماليزيا لأن الكل قام يمدح فيها بس من ردودكم

عرفت ان المجتمع له دور اساسي في التعليم ..

ويعطيك العافيه يابوعلي :surf ..

------------------------------


.. بنت الصقور ..

هلا وغلا بخبيرة أمريكا :113: ..

هذا اللي ناوي اسويه ان شاء الله ..

ويعطيج العافيه :115: ..


---------------------------


.. الجمعان ..

شاكرلك اضافتك يالجمعان .. ونقاطك راح أحط عليهم خطين ..

لأنهم مفيدين بالنسبه لمسيرتي القادمه ان شاء الله .. وانا اقدر عن طريقي ابحثلي عن معهد

رخيص فيه هدفي هو التعلم .. ومن بعدها الدخول الى الجامعه ان شاء الله ..

ويعطيك العافيه ..


--------------------------

.. MSH3AL ..

هلا والله اخوي ..

كندا ممكن ادرس فيها .. بس بريطانيا انا كلش مو متقبلها أبداً مع ان دراسة اللغه قوية عندهم

ويعطيك العافيه ..


---------------------------


.. عزوبي 30 ..

هلا وغلا اخوي العزوبي ..

هذا المبلغ لدراسة اللغة فقط .. بدون سكن الجامعه والعائلة ...

واكييييييييد لو مع السكن راح يكون معقول جداً .. وانا ان شاء الله ناوي على امريكا ان شاء الله

لكن في ولاية كنساس مادري انت تشوفها اوكي ؟ ..

ويعطيك العافيه ...

----------------------------


.. اسد بن ربيعة ..

هلا اخوي ..

انا افضل الدراسه في امريكا عن كندا .. ويمكن ليش لا اني انقل الى كندا اذا ماعجبتني الدراسة في امريكا

والمبلغ اللي انت حاطه هذا ارخص من المبلغ اللي طلبوه مني اللي كان لدراسة اللغه فقط بدون سكن ..

ويعطيك العافيه ..


------------------------


.. H.I.M ..

والله تغريني في الدراسه في كندا ياخوي .. المبلغ اللي قلته وايييد ممتاز .. لأن دراسة اللغه في امريكا

طلبوا مني 116 الف ريال لسنه واحده فقط بدون سكن .. وانا ماراح ادفع لهم المبلغ كامل لأني راح

ادور على مكان ارخص من هالمبلغ .. واذا مالقيت راح اكلمك على طول عن كندا ..

واسمحلي اذا ثقلنا عليك عقب ههههههههه الله يعين ..

ويعطيك العافيه يالغالي :24:


**************************


.. هلستون فـراولة ..

اخذي راحتك يا اختي .. وهذا الموضوع للجميع .. والله يوفقك في دراستك ان شاء الله ..


**********************


ويعطيكم الف عافيه جميعاً .. وبصراحه استفدت من ارائكم ونصايكم وراح اخذها بعين الاعتبار ..

والله لايحرمنا من امثالكم ..:113: