الموضوع: ياشباب انا اخترت مدينة فهل راتب البعثه يكفي

انا جاني القبول في Boston في ولاية MASSACHUSETTS ومعروف انها غاليه
فهل يكفي راتب البعثه 1200دولار مع العلم انه هو الدخل الوحيد لدي ولو لم يكفي فكم احتاج شهريا زيادة؟

مع العلم اني ماني راعي لا روحات ولا جيات بس دراسه
ووضعي المادي في السعوديه صعب لان اهلي احتمال مايقدرون يحولون لي الف ريال
ولك جزيل الشكر

وياليت احد يوضح لي على الخريطه كم تبعد جامعة BOSTON UNIVERSITY
عن جامعة NORTHEASTERN UNIVERSITY

مواضيع عشوائيه ممكن تكون تعجبك اخترناها لك:

• الفزعه ياشباب باقي اسبوع على السفر
• سؤال عن الجامعات الأمريكية وكيفية مراسلتها
• ارجوكم متى وقت بعثة خادم الحرمين للمرحلة الخامسة
• مطلوب مساعده لتعبئة الابلكيشن
• مشكلة بسبب المقابلة في السفارة الامريكية
• ولاتهنون ياسكااان هيوستن ولا الي عنده معلووماات عنها
• لا تثقون لمى يجيك اتصال من السفاره ويقولون لك صدرت فيزتك
• رأي الخبراء بجدول الرحلة انتظركم
• استفسار عن مخطط الرحلة الي امريكا
• شراء عقار في الولايات المتحدة ؟؟ ايش رايكم؟ وهل يعطي صاحبه تأشيره دائمة؟؟
• استفسار
• ساعدونى يا أهل الخبرة بخصوص زيارة امريكا
• رأيك يهمني
• من العايدين لكل السعوديين بأمريكا
• السفر ﻷمريكا
• مين يعرف عن
• استلمت الفيزا بس في شي غريب؟؟؟
• مواعيدالقنصلية بالظهران
• ان شاء الله رايح سياحة شهر لكاليفورنيا بع
• الكرت الأزرق

مدامك مهوب راعي روحات وجيات . وجاي تدرس بس . راح تكفيك وزياده بعد

يارجال توكل على الله ولا توسوس انشاء الله فيها بركه

الروحات والجيات امرها هين ,,,
بس الكلام على اسعار السكن هناك , الشقة كم يوصل ايجارها (احتمال يتعدى 600$ والمواصلات كم بيكفيك ؟

ياخوي لاتوهق نفسك انصحك اذا تقدر تقدم على جامعة ثانية افضل لك
واذا مايمديك ممكن تروح وتدرس ترم بعدين تحول و1200 والله ماتكفيك حتى لو على قولتك ماتطلع
فيه شغلات ضرورية بتصرف عليها مثل السكن والملابس والاكل
وبوسطن غالية


موفق ان شاء الله

بوسطن نار الأسعار فيها غالية جدا خاصة السكن

لأن أغلب سكانها من اليهود الأثرياء

الأفضل تشيك أسعار الشقق في الانترنت قبل ما تروح

بالتوفيق ان شاء الله

أقل سكن فى بوسطن ب 1500$ غرفه و صاله و بعيد بعد ... و هناك فواتير أخرى و مصاريف .... الحياه مغريه فى أمريكا كل شي ودك تشتريه ... حتى لو كنت فى ولايه عاديه و مو غاليه ....

انا بسكن مع عائلة
كم تتوقعون يكفي شهريا

طيب اللي بيسكن مع عائلة

طيب واللي بيسكن مع عائلة ماتقل المصاريف وكم اسعار العائلات

اخوي لاتحاول تقص على نفسك

المعيشة غااااااااالية جدا حتى لو سكنت مع عايله
راح تحتاج اكل وملابس ونقل وشغلات كثيرة

صدقني راح توهق نفسك اسمع نصيحتي وغير الولاية
واذا مايمديك الشكوى لله اطلع على بوسطن وبعدين ممكن تنقل على ولاية ثانية

الله يوفقك ويعينك ان شاء الله

روعتوني

طيب ومدينة روشيستر بولاية نيويورك

سمعت انها غاليه

بعد ما تكفي المكافاه ؟

وش رايكم ؟

أحد أقاربي يدرس في نفس الولاية واجار شقته الصغيرة جدا يعني صاله صغنونة على حمام على غرفة واحدة ب 3000 ريال شهريا كان يدفعا مناصفة مع شريكة غير ان هذا الأخير تخرج الترم الماضي ...عموما ال4000 حتكفيك بالزور يعني أمسك يدك ولا تتبعزأ . وقد سكن في البداية مع عائلة وكان اجار الغرفة 500 دولا شهريا .

يااخي العزيز توكل على الله وبيسهل الله انا عشت في بوسطن اكثر من سنتين وسكنت في تو باد روم حدود 1900 دولار وقريبه من الجامعات والمولات وكلش بس انا انصحك تسكن بالجامعه او تتشارك مع اصاحبك بالسكن عشان يخف عليك لانه1200 دولار وش بتسوي لك وبيسهل الله صدقني بتحب البلد واي شي تحتاج اقولك عليه اسالني وان شاء الله افيدك من حيث المولات والسينما والمستشفيات هذا اللي يفلحون فيه الحريم غير كذا لا تسالني وربي يسهل عليك ودربك اخضر قول امين :109:

وبتكفيك توكل على الله

يااخوان خافوا الله تبون توهقون الرجال


الرجال يقول ماعندي مصدر دخل غير 1200 حقت البعثة

وانا مع اخوي المفجر اعرف اثنين هناك ويقولن الاسعار نار وهم الله منعم عليهم
والله يوفق الجميع

أنصحك أخي تشوف غير بوسطن ترا أسعارها نااااااااااار... ولتحرص على المدن الصغيرة من أجل ضمان توازن معيشي لك .. ولوتقدرتروح لولاية ميتشيغان فيها مدن صغيرة متميزة .

يا جماعه وش رايكم في غلاء المعيشه في نيوجيرزي؟ هل يكفي 2400 دولار للطالب مع زوجته وبنته الصغيره ؟

نيوجيرسي زرتها وفيها مدينة باترسون حلوة ومليانه عرب ومسلمين .. أتوقع تكفيك مع ترشيد الإنفاق .

شكرا لكم جميعا وللأخ ابا الخيل خصوصا

السلام عليكم ابا الخيل شكلك معجب جدآ في ميتشغان وش سبب اعجابك فيها ؟؟؟؟؟ :115: :115: