الموضوع: لمن اراد القبول في الجامعات الامريكيه

للي يبغا القبول في بعض الجامعات الامريكيه ابشركم بتقوم مجموعه من مندوبين الجامعات الامريكيه بزياره للرياض في الاوقات التاليه :

السعودية - الرياض
كلية اليمامة
الثلاثاء 27 سبتمبر 2005
من الساعة 9 صباحا وحتى 9 مساءً

ويوم الأربعاء 28 سبتمبر 2005
من الساعة 9 صباحاً وحتى 9 مساءً

وبعد :
Thursday, September 27

Riyadh, Saudi Arabia University Fair
Al-Yamamah College
Exit-5, Al-Qassim Road
Tel: 966-1-260-2222 ext. 400 or 401
4:00-7:00pm Ms. Norma King
Friday, September 28

Riyadh, Saudi Arabia University Fair
Al-Yamamah College
Exit-5, Al-Qassim Road
Tel: 966-1-260-2222 ext. 400 or 401
4:00-9:00pm Ms. Norma King
Saturday, September 29

Riyadh, Saudi Arabia University Fair
Al-Yamamah College
Exit-5, Al-Qassim Road
Tel: 966-1-260-2222 ext. 400 or 401
9:00am-1:00pm Women Only Ms. Norma King

وتراهم كانوا اليوم الخميس في البحرين ورحت انا واخوي ولقينا مندوبين ل 21 جامعه امريكيه واخترنا جامعة سان فرانسيسكوا وعبينا الطلب ودفعنا الرسوم للجامعه وقالوا ان i-20 بتجي لكم بعد اسبوع عن طريق الdhl وقلنا الحمدلله ....
علىالعموم اغلب الجامعات كانوا يقولون عب الطلب وبعدين يجيك القبول بعد شهر واللي يقول بعد 3 اسابيع وتختلف المده من جامعه لاخرى .
المهم لاتفوتكم الفرصه واتصلوا على كلية اليمامه عشان تتأكدون .
وبالتوفيق للجميييييييييييييع

مواضيع عشوائيه ممكن تكون تعجبك اخترناها لك:

• هل يوجد مدارس عربية
• الاثاث من أوستن؟؟
• وين أروح بواشنطن دي سي
• بخصوص كشف حساب
• الموعد بعد أياموالـ ما بعد وصلت
• استفسار عن فيزا امريكا
• هل استطيع الحصول على الجواز الامريكي ؟
• هل تصلح امريكا للسفر كسياحة لشخص لوحده ؟
• طريقة الحجز على
• شهر العسل في أميركا
• أسئلة عن جامعة
• السفر بكرررره وماحجزت تاكسي من المطار للفندق ؟؟
• ودي اعرف الاماكن اللي لازم نزورها
• سؤال بخصوص اورلاندو
• الأخ امباكت
• تي موبايل ؟
• رايحه شيكاغو اول مره وخايفه
• مواصلات اورلاندو
• سياحه ودراسه
• الحمدالله اليوم استلمت الجواز

مشكور اخوي على المشاركه الطيبه والمفيده ...

حبيت اسالك وش هدف قدوهم هل لانهم يبون يساعدون الطلاب والا زياره عمل ؟؟

طيب والرد اللي هم يقولونه اكيد مع العلم اني مقدم بكالوريوس



:::::: ودمتم سالمين :::::::::

اخي كحيلان هل انت في جامعة سان فرانسيسكو على معهد ولا بكالورويس ولا ماجستير

هلا اخوي

بس حبيت اسأل هل التقديم للرجال فقط ولا فيه للنساء؟؟؟

هلا بالامبراطور :
هدفهم ياطويل العمر عشان البعثات هذي السنه كثيره فكانوا يبون يعرضون جامعاتهم عشان يكون لهم نصيب منها مثل بعض الجامعات الاستراليه كانت ترسل مندوبين كثير منها للخليج عشان يشروحون للطلبه جامعاتهم , والقبول بعد مايفحصون اوراقك كامله وتعبي الطلب عندهم يقولون لك متى يج يقبولك وانا اخترت لاخوي جامعة سان فرانسيسكو وقالو لي القبول بعد اسبوع يوصلك .

النمر السائح :
انا مقدم لاخوي على حساب البعثه ولا انا راحت على انا خريج قديم :110:
وبعدين حسب ماقالوا لي انه في معرض بيقام في كلية اليمامه بالرياض عن الجامعات الامريكيه يمكن الاسبوع القادم .

مشكور اخوي كحيلان على الموضوع المتميز وعلى التجاوب السريع

والله يعطيك العافيه

ممكن سؤال اخر؟ ممكن اعرف افضل الجامعات المعروضه قبل لاروح اقدم

:::: ودمتم سالمين ::::

[align=center]اخوي كحيلان

ابسالك كم الرسوم اللي تدفعها لهم

ولما يرسلولك الاي توني يعني خلاص الجامعه قبلتك ؟؟؟؟؟

وش المطلوب بعد الحصول على الاي توني

تحياتي

:106: [/align]

السلام عليكم :
احلى هايدي : التقديم للرجال والنساء هذا الكلام اللي كان في البحرين بس ماادري عن الرياض وش بيكون بس مايمنع انك تروحين .
الامبراطور_ : صراحه الجامعات كانت كثيره فصعب انك تحدد وش الافضل بس كانت فيه جامعة دنفر في كلورادو وهذي درس فيها احدالزملاء ويقول انها قوية ومعهد الانجليزي فيها ممتاز لكن قالوا عب الطلب وواوراقك تجي من 3 اسابيع الا شهر وهذا كثير علينا فسألنا جامعة سان فرانسيسكوا وقالوا بعد اسبوع تجيك i-20.

godzila:
الرسوم تتراوح مابين 40 الى 50 دولار حسب الجامعه بس انا حطيت رقم الفيزا تبعي وهم بيسحبون بعدين , وبعد الحصول على i-20 فيه خطوات بس صراحه مكتوبه في منتدى ثاني خاص بالطلبه السعوديين وماادري عن قوانين المنتدى تسمح لي احط رابط لمنتدى ثاني ولا لا لانه ودي تكون الفايده للجميع بس اذا حبيت ارسله لك على الخاص .

اخوي الكريم كحيلان ممكن سؤال اخر اذا تفضلت وجاوبت عليه

وش الاوراق المطلوبه يعني كني بقدم من جديد والا ايش؟


والف شكر على هالمعلومه المفيده والاكثر من رائعه و(الله يجزاك خير) على اللي تسويه



::::::::: ودمتم سالمين :::::::::

[align=center]k7ylaan الله يعطيك العافية

الاوراق يبون الاصل ولا صورة ولا ملف PDF
هل ضروري السيرة الذاتية
كم المبلغ اللي لازم اتجهز به

يا ليت ترد على استفساري بأسرع وقت[/align]

الله يجزاك الف خير على هالمعلومه وشكراً

بيكونون متواجدين لكم يوم؟؟؟ ما فهمت اللي فوق بالعربي مكتوب الثلاثاء والاربعاء وبالانجليزي االخميس والجمعه والسبت.
ممكن توضحون هالشي لو سمحتوا؟؟؟؟

السلام عليكم :

الامبراطور_

الاوراق المطلوبه صور من شهاداتك والاصل للمطابقه وتعبي طلب من جديد .

ابن السعودية :
الاوراق اللي يبونها الاصل وصور منها وتعبي طلب عندهم والمبلغ يختلف من جامعه لجامعه بس مابين 40 الى 50 دولار هذا في الجامعات اللي سألت عنها بس مايمنع تاخذ زياده احتياط .


Sky Rider :
العفو اخوي .
SwiSS ChoColaTe:
بيكونون موجودين من يوم الثلاثاء 26 سبتمبر الى يوم السبت اللي بعده ومعليش على الاخطاء المطبعيه

ياشباب فيه احد راح لكلية اليمامة ؟
ياليت اللي راح يعلمنا وشا سوى قبل مانروح ,,,,

جهز أوراقك كامله ولا تتاخر بكره عن الساعه الرابعه

الاخ العزيز k7ylaan .. بعد التحيه
الان الاحظ انه فيه تناقض بالتواريخ : ويوم الأربعاء 28 سبتمبر 2005
من الساعة 9 صباحاً وحتى 9 مساءً


Riyadh, Saudi Arabia University Fair
Al-Yamamah College
Exit-5, Al-Qassim Road
Tel: 966-1-260-2222 ext. 400 or 401
4:00-7:00pm Ms. Norma King
Friday, September 28


فما ادري ؟؟ والصحيح ان 28 سبتمبر يوافق يوم الاربعاء ..


Riyadh, Saudi Arabia University Fair
Al-Yamamah College
Exit-5, Al-Qassim Road
Tel: 966-1-260-2222 ext. 400 or 401
4:00-9:00pm Ms. Norma King
Saturday, September 29
وفي هذا التاريخ الي فوق المفروض ما يكون يوم سبت بل يوم خميس ..