الموضوع: تحذير يمنع وضع الإيميل الشخصي

السلام عليكم كيف الحال اخواني ان شاء الله بخير ..
أنا والله يالاخوان محتار ومتردد وضايع بصراحة واتمنى بل أرجوا مساعدة بالنصيحة والشور والجواب الاكيد من الاخوان المتواجدين في كندا او اللي عندهم جواب لأسألتي ...
أنا بصراحة ناوي بل اتمنى اسافر واكمل دراستي الجامعية في الخارج وأشتغل في نفس الوقت فمثلا انا سافرت نيوزيلاندا وجلست فيها حول الثلاث اشهر وبصراحة فهي صغيرة وما أعتقد تجد فيها وظيفة وياكثر الشرق اسيويين فيها (يابان ، كوريا ، الصين) ورجعت ونا حامل معاي الحسرات هههه وتحطمت صراحة وسألت ناس كثير نصحوني في كندا وقالولي راح تجد وظائف لاني أريد اشتغل وادرس في نفس الوقت يعني اضيع وقت ومنها اصرف على نفسي ومنها أتعلم اكثر وناس قالولي فيه وظائف كثيرة في كندا ولكن أبي اجابات مقنعة ومؤكدة من الاخوان اللي هناك وياليت لو يسألون ويتأكدون عشان اخوهم المسلم وادعيلهم من قلبي والله ،، لان ماودي اسافر وانصدم بعدم وجود وظيفة لان الوالد زبدها لي وقال ماراح اصرف عليك لاني فشلته في نيوزيلندا وخسرته مبالغ كبيرة ولكن غصب علي هههههه (يقول قصة حياته) فأنا مجمع حق ثلاث اشهر تقريبا والباقي ابي اشتغل واسدد فهمتوني يالربع ؟؟؟ اتمنى اتمنى اتمنى جواب من الاخوان ومن أخونا كريم ومن كل المتواجدين هناك ؟
واذا مافيه اشكال اتمنى بل ادعوا الله له ان يضيفني عنده على الايميل (######)
اتمنى الاخوان المتواجدين في كندا او اللي عندهم اجوبة اكيدة على استفساري وشاكر لكم ..

أخوكم المحتار / راشد

مواضيع عشوائيه ممكن تكون تعجبك اخترناها لك:

• هل ممكن اصطحاب الكاميرات الاحترافيه لكندا
• سؤال عن مطاعم بوفيه حلال فى تورنتو
• فزعتكمضروري واللهالليلة تكفوون
• رجاءا مساعدة
• استفسار عن معهد جوس في اتاوا ياشباب
• تخصص
• سوال لعشاق فانكوفرماهو افضل فندق في فانكوفر؟؟
• الوقت اللازم لاستخراج الفيزا
• أي أسئلة مبدئية عن مونتريال اسألو
• في مطار تورونتو
• مساعدة عاجلة
• مصيبهياعالم وش السوات ؟؟؟
• ممكن مساعدة
• تكفون يا اعضاء بسرعة ما فيه وقت
• عضو جديديأمل مساعدتكم
• سؤال مهم
• ضروري جدااااااااااااااااااا
• سكن عاجل بتورونتو
• معالم فانكوفر صور
• باركولي شباب

اخي الكريم بالتوفيق
بس انت اذا رح تدرس اكثر من 6 اشهر لازم تاخذ فيزة طالب
وبالفيزه هذي مايحق لك تشتغل الا في داخل الجامعه عمل جزئي والعائد قليل
بعد امضائك 6 اشهر في البلد يحق لك تقدم على الهجره وساعتها رح تقدر تشتغل نضاميا
الشغل موجود بس العائد قليل يعني تقريبا 10 دولار في الساعه قبل الضرائب

اما اذا بتدرس اقل من 6 اشهر تاخذ فيزة زياره وفي هذي الحاله لا يحق لك العمل ولازم تغادر خلال انتهاء فيزتك

تسلم اخوي الغالي مممحس والله يجزاك خير ،، لكن عندي استفسار .
أنا ناوي اجلس هناك يعني ادرس واكمل دراستي يعني مافي نية ارجع قبل ست اشهر ابد انشالله بس كنت بسألك يالغالي ألأنسان اللي مثل اللي ناوي يشتغل ويطول هناك مثل حالتي افضل شي يقدم على فيزة شنو ؟؟ زيارة يعني او دراسة مادري والله انصحني ؟
وبعدين يعني مثلا لو اسافر بفيزة طالب وماخلصت الست أشهر وناوي اشتغل خارج الجامعة يعني تقدر تقول مثل مخالفي انظمة الاقامة والعمل هههه وشنسوي اقدر او لا ؟ لأن فيه واحد اعرفه في كندا وحاس انه بينكب عفشي يقولي تعال وماعليك الوظيفة موجودة قلت له حالتي قالي تعال ماعليك فهمت ؟ تراء والله يالغالي اخوك في الله محتاج لهالاجوبة لاني خلاص ناوي أبداء مستقبلي من هناك بصراحة ؟
وبعدين يالغالي شلون الضرائب تراء ما أفهم فيها يعني مثلا لو 10 دولار بعد الضرائب كم تصير ؟؟
أتمنى تجيب علي أستفساراتي ولو تضيفني عندك أكون لك شاكر ومقدر ولك جزيل الشكر والله ..
############

وين الشباب راعين الحميات ....... ؟
يالربع نبي أجاباتكم ومعرفتكم بأستفساراتي نبي نخوتكم يامن أنتم في كندا الآن وننتظر ردودكم او أضافتنا على ايميلاتكم لاني ناوي اتخذ قراري هذي الاسبوعين وبالتوفيق للجميع ..

اخوي الفيزا ماهي على كيفك انت تختارها
اذا كانت دراستك فوق الستة شهور يعطونك فيزا دراسية واذا اقل يعطونك سياحية
بس انت لازم تجيب اللي يثبت انك بتدرس اكثر من ستة شهور عشان يعطونك الفيزا
اما بالنسبة هل انك تستطيع تشتغل بعد الست شهور
على ما اظن انه من اول يوم تجي يمديك تشتغل لان معك فيزا طالب وزيك زي اي شخص ثاني
اما الضرائب فتختلف من مقاطعة الى اخرى
عندك هاليفاكس14% كالجاري 7%
واذا بتحسبها اضرب السعر في نسبة الضريبة
الله يوفقك

بعد رأسي والله تسلم حبيبي والله يكثر من أمثالك ،،،،، طيب شرايك يالغالي في تورنتو من حيث الجو ؟والاسعار (السكن والاكل) ؟
وشاكر لك مره اخرى

السلام عليكم
ياخوان ممكن واحد من الاشخاص المتواجدين في كندا يضيفني عنده ههههههه هذا سابع يوم وماعندك احد انتظر وشاكر لكم #########

هلا اخوي
حقيقة انا مارحت تنورنتو
بس الجو في الصيف حار شوي كنت اشوف نشرة الاحوال الجوية (حسن كراني الكندي)
وكان الجو حااااااار في هاليفاكس كان الجو افضل بكثير
اما من ناحية الاسعارو السكن
ماعندي علم

ههههههه حلوه حسن كراني ..
طيب ممكن اسالك سؤال عزيزي يعني بصراحة أكتشفت طريقة اشوف انها افضل من التسجيل في مكتب بعثات للخارج يعني مثلا أقدر اكلم اي شخص في كندا يحضر لي قبول من الجامعة او معهد بأني راح ادرس فيه سنة كاملة او اكثر من ست شهور ؟؟؟؟ بدل مأدفع للمعهد المبلغ كله وفي الاخير مايعجبني الوضع وعشان اطلع فيزة طالب ؟؟ ممكن تشرحون لنا هالنقطة ونكون شاكرين لكم حبايبي ..

حبيبي ورقة القبول اكثر المعاهد مايعطونك ايااها الى الين تدفع مدة الدراسة كاملة
سمعت انه فيه معاهد تعطيك لكن ماعندي علم
بس اذا كان لك احد هناك كلمه يشوف لك كم معهد
او انك تراسل المعاهد يمكن يعطونك