الموضوع: فانكوفر والحيرة والأستعجال واخيرا غريب

[align=center]سلام يا جماعة الخير










ابشركم طلعت الفيزا والحين انا استعد للسفر لكندا - فانكوفر ( بس محتار في التالي )

الملابس اشيلها كلها شتوية وهل اشتريها كلها من السعودية

الاب تب اشيله كاميرا الفيديو اشيلها

الدخان (كارلتون ) اشيل معي واجد او كرز واحد يكفيني
ياالله وجوالي الباندا اشيله ولا اخليه
اشيل قهوة وتمر ولا بيفضحوني

فلوسي اشيلها في شيكات ولا اصرفها من هنا دولارات كندية اودولارات اميركية ولا اخليها سعودية


والله مادري ساعدوني ياجماعة

اما بالنسبة للطيران فعزمت على الألمانية [/align]


العنوان ما ادري راح يشدكم ولا لا .

مواضيع عشوائيه ممكن تكون تعجبك اخترناها لك:

• رأس السنة في كاليفورنيا
• ارجوكم افادتى
• استفسار هام عن الفيزا ضروري الله يخليكم
• ابي ترتيب حق رحلتي
• انقذووووني يا جماعه ابغا سكن فـ سانتا مونيكا
• ما هى الفترة بين تاريخ المقابلة جتى تاريخ الحصول على التأشيرة من واقع تجارب الأعضاء
• اسبوع في امريكاعاجل
• عطوني أفضل المدن التي يجب زيارتها
• عاجلمساعده من رود ايلند
• اين اذهب في الويكند خارج سان ديقو
• مكان حول اورلاندو ياخبراء امريكا
• كلمة شكر في اول مشاركة
• سفرتي لامريكا في
• استفسار بسيط لأهل الخبرة ؟؟؟؟
• من اللي يدري وماقال لي ؟
• دبي او سان فرانسيسكو ؟؟؟؟؟؟؟
• لمن رحت للسفارة ماخذو مني صورة شمسية ايش السبب؟
• استفسارات أمريكية
• استفسار هام وعاجل عن رحلة علاجية للولايات المتحدة الامريكية
• يوم في امريكا

[align=center]السلام عليكم ورحمة الله وبركاته ..

هلااا بك اخوي ..






الملابس اشيلها كلها شتوية وهل اشتريها كلها من السعودية



حسب المدة الي انت ناوي تقضيها هناك ، بالفترة الحالية برد! لكن اذا انت مطول فيها كلام ثاني .
احسن انك تشتريها من السعودية ، هناك فيه ملابس شتوية حلوة لكنها أسعارها غالية بالمقارنة بهنا.







الاب تب اشيله كاميرا الفيديو اشيلها



طبعا ً مايبيلها كلام ، اللاب توب ضروري جدا ً لكن فرمته قبل تروح :101:
كاميرة الفيديو مهمة ومهمة ومهمة جدا ً ولاتهون كاميرة الديجتال .






الدخان (كارلتون ) اشيل معي واجد او كرز واحد يكفيني



على حسب المدة ، أنا خذيت معي ثلاث كروز ولافتحوا شنطتي! يمكن لو فتحوها يغرموني أو ياخذونها مدري ! حظي حلو . تبي تغامر على راحتك ، مع العلم ان دخانهم غالي ( 12 ريال ) ومخيس .






ياالله وجوالي الباندا اشيله ولا اخليه
اشيل قهوة وتمر ولا بيفضحوني



اكيد لاتخليه! بس شوري عليك لاتشغل الشريحة السعودية مالك ومال المصاريف الزايدة! خذه وخذ شريحة جوال من هناك واستانس! واذا بغيت تتصل على اهلك خذ لك بطاقة تلفون ثابت اوفر لك ، خل الجوال للمكالمات المحلية . شل قهوة وتمر ولا يهمونك . يعجبني راعي الكيف .






فلوسي اشيلها في شيكات ولا اصرفها من هنا دولارات كندية اودولارات اميركية ولا اخليها سعودية



والله بالنسبة لي ماارتاح للشيكات ابد ، قدامك حلين اثنين ، اما انك تضبط امورك من هنا وتاخذ شيك من الراجحي بالدولار الكندي وتصرفه من احد البنوك هناك ، معاملة البنك حلوة ومحترمة ويعطونك بطاقة تستخدمها بالمحاسبة بكل مكان . ولا تاخذ كاش . عموما هي على حسب المدة الي ناوي تقضيها هناك . اذا اخذت الحل الاول ( الشيك ) خذ لك فراطة بالدولار الكندي تصرفها على نفسك لين تسنع امورك بالبنك هناك .






اما بالنسبة للطيران فعزمت على الألمانية



انا رحت على الكندية من لندن الى فانكوفير ، ومن فانكوفير الى لندن ، ممتازة . بالنسبة للالمانية ماجربتها لكن يمدحونها والعلم عند الله .

تحياتي ياغالي واستانس تراك رايح لأجمل مدينة بالعالم .[/align]

[align=center]اخوي فانكوفري والله اردور لك دوار


يعطيك العافيه على الأجابة الشافية الوافيه إللي ما تجي إلا من قلب صادق

استمتع بجمال تلك الفانكوفر .
طيب يا عزيزي ،

تقول اللاب تب ضروري والكاميرا ايضا هل يعطلون في المطار عشانها يعني ممكن يقولون ضرايب

او ماشابهه .

وبعدين واشرايك انا مسوي الحين في الكامير الديجيتل شريط كامل يحمل آثار بلدية وغيرها الكثير

تقول بيبسطون العايله الكريمة مني



تواصل معي ولو اني حاب اتقرب منك عن طريق الماسنجر وشرف لي

لكن خايف احط الماسنجر وويلغى ردي


على العموم واصلني في هالموضوع[/align]

الالمانيه يمدحونها ويقولون انها قمه


وبعدين انتبه تاخذ ريالات سعوديه ترى مايقبلونها
خذ معك شيك سياحي الف دولار امريكي واول ماتوصل رح لبنك وعطهم اياه بعد ان توقع عليه وقل لهم ابي افتح حساب عندكم بيرحبون فيك ويفتحون لك حساب
والي يرحم والديك لاتاخذ الشيك من بنك الراجحي زي ماقال صديقنا فرانكفوري
لانه يوم جيت اسافر قاد اتشحذهم شحاذه عشان يعطوني :110: ورحت للسامبا فرع العليا وعطوني وانا جالس وبسرعه البرق ولاخلوني انتظر لاني قلت لهم موعد رحلتي بعد خمس ساعات ارسلوني للقسم الذهبي وعطوني الشيك على طول :101:

وهذه شهادة تنذكر لسامبا :101: وخدمه لن انساها وجرح من الراجحي لن انساه مدى حياتي :112:


على فكره ترى الدخان عندهم تقل شراب عندنا محجر للمدخنين تحجير غير طبيعي ماتقدر تدخن الا في اماكن خاصه (موب زينا في كل مكان وفي كل زمان )
وعلىمااظن أن لازم تذكر لهم في الورقه الي تسجلها في الطيارة هل معك دخان والا لا ؟


الظاهر انهم يسمحون لكرز واحد فقط واذا كان اكثر ياخذون عليك ضريبه ويخلونك تاخذها .

اذا كنت مدخن شره خذ معك اكثر من كرز ترى دخانهم اسواء من دخاننا واغلى بعد (على حسب ماذكر لي لاني مااادخن)

اهم شيء خذ معك كم اغنيه عربيه أصيله عشان تكون رفيقتك في الغربه
وفقك الله

مبرووك الفيزا ،، ولا تنسى الصور و الأخبار ،،

تحياتي ،،

اخوي الجاهز السلام عليكم
الف الف مبروك على الفيزا والله يوفقك
ولاتنسانا من الصور الحلوه

[align=center]يعطيك العافية


والله ما قصرتوا



طيب يا للي رحتو لفانكوفر كيف طيبية تعامل العائلة الكندية مع الطلبة الضيوف عليهم

ايش اللي ما يحبونه ويش اللي يسوونه ما نحبه .





وبالنسبة للنت هل عنده دي اس ال وهل مجانا شغلنا عليه


يلله خلونا نقلبها حديث وسالفة في هالموضوع عن فانكوفر :101: [/align]

عندي موضوع بينزل اليوم يحوي ملف متطلبات السفر + بعض التوجيهات بيفيدك كثير انشالله

تحياتي

[align=center]

التعامل عااااادي ويعتمد عليك ،، ويفضل لو تاخذلهم هدية معاك ،، لأم العائلة طبعا ،،

وما في شيء يحبونه ولا انت ما تحبه ،، ناس عاديين ،،

والنت انت وحضك العائلة عندها نت ولا لا ،، بس عادي ممكن تشترك في ستاربكس ،،

تحياتي ،،[/align]

[align=center]طيب فيه ايضا استفسار بسيط جدا واجابة اكيد عندكم

انا مدة دراسة تسعة اشهر الجاية تقولون اخذ ملابسي كلها شتوية وكيف تكون الملابس ثقيله مره

ولا نص ونص وبالنسبة للدخان تقولون اشيل كمية كثيرة من هنا او كرز كرزين عشان ما يعطلوني في مطارهم .


وبس خلاص.[/align] :11ight:

[align=center]بغيت انسى المعذره مهاجر للأبد والأخوان الباقي يصير الواحد يدرس في المعهد

وبيلقى له عمل يمشي اموره فيه .

او يمكن إذا ما فيه عمل أقد احصل على دبلوم إدخال بيانات حاسب آلي بعد مضي مثلا أربعة اشهر من

دراستي .


شكراً :101: [/align]

[align=center]
انا مدة دراسة تسعة اشهر الجاية تقولون اخذ ملابسي كلها شتوية وكيف تكون الملابس ثقيله مره
لا برد فانكوفير عااادي مو مثل تورنتو ولا اوتاوا يعني لبس شتوي عادي ولا تكثر شتوي وخذ كل شيء من البلد مرة وحده احسن لك ،،


وبالنسبة للدخان تقولون اشيل كمية كثيرة من هنا او كرز كرزين عشان ما يعطلوني في مطارهم .
الفترة 9 شهور ،، وفي فانكوفير ممنوع التدخين في كل مكان باستثناء الشارع ،، يعني فرصة عمر لك عشان تبطل التتن لو أنك راعي عزيمة وأنت ان شاء الله انك راعيها ،،

تحياتي ،،[/align]

[align=center]الأخ مهاجر للأبد


هل ممكن احصل على فرصة عمل مع دراسة تمشي اموري هناك. [/align]