الموضوع: طازج بفانكوفر

الاخوه اعضاء المنتدىذ
وصلت حديثا لفانكوفر عن طريق الكاثي باسفيك وانا الان بفانكوفر والله يالديره حلوه لكن تبي مشي ياجماااااعه والاسعار مهب رخيصه ابد عموما لدي الكثير من الملاحظات لكن ارجو من اي احد يبي معلومه لايتردد ان يستفيد من معلوماتي المتواضعه وتحياتي

مواضيع عشوائيه ممكن تكون تعجبك اخترناها لك:

• مساعدة في ايجاد شقة في فانكوفر
• اريد مساعدتكم عن ولاية فيكتوريا بكندا
• ابي اعرف افضل معهد في فانكوفر
• الحين فيزة كندا وشلووووووووووووووون
• سؤال بخصوص الخادمة
• مساعده من شباب الرياض واللي عندهم خبره
• سلام عليكم شباب انجدوني الله يسلمكم
• باركوووولي استلمت الفيزا
• الضرائب اكلتنا تعرف كيف نسترجعها؟
• اريد معرفه اسعار التذاكر
• هل احتاج فيزا للترانزيت
• عندي أستفسار للي قــد سافر على الهولنديه
• الدراسه والسكن مع عائله لمن هم اقل من
• ضروري جدا يااهل الرياض والشرقية
• عندي استفسارات وياليت تساعدوني
• افيدوني يا اخواني ولكم كل الشكر
• هل معنى ذلك أن الـفـيـزه طلعت ؟
• ما هي احسن معاهد الغه في فانكوفرالرجاء الرد باسرع مايمكن
• فانكوفر ؟؟ ماذا برأيكم
• ترقبوا تقريري من كندا من طق طق لين اتاوا

الحمدلله على السلامة
نتمنى لك إقامة سعيدة
لكن كيف الأجواء عندكم عسى ماهي بارده شوي

الحمدلله على سلامتك ...

واتمنى لك إقامه سعيدة ...

والمشي زين كله رياضه وانا اخوك

بس عيبه لا جيت تمشي في شارع جاي على شكل طلوع هذا هو المتعب من جد ...


عموما انا ايضا بفانكوفر واذا عندكم اي استفسار وبعد اذن اخوي وحيد العمر ان اشاركه في مساعدة الاخوان إذا كان بإمكاني ...

الحمد لله على سلامتك يالغالي .. وجعلها سلامة دايمة ويعينك ربي على الطاعة والدراسة ..

ماقلت لنا في اي معهد .. وكيف السكن معاك .. لأني اشوف اغلب الشباب هينا في فانكوفر متأذين من السكن ، والله الله بالدحاميل اشوف النشرة الجوية اليوم مواري امطار وبرد ..

موفق حبي ، وان بغيت شئ تراي تحت امرك ، من عينك اليمين لعينك اليسار عدني اخوك الصغير

هلا بصديقي وحيد العمر(:
الحمدلله على السلامه..اخبارك عسا ماتعبت بالرحله..؟
انا ان شالله جايك يوم الاربعاء الجاي 21/3 عن طريق الكاثي باسيفيك..
ابغا تعلمني كيف الاجواء بمطار هونج كونج ووش تسوي اول ماتوصل هناك ..
وهل السوائل ممنوع اشيله داخل الطياره مثل العطور والكريمات وغيرها..؟
على فكره انا راح ادرس ان شالله بـــ vcc ..
الله يعطيك العافيه..

نسيت اسالك وحيد العمر..
مطار فانكوفر ايش يطلبون من اوراق ووين اروح اول ماوصل..
ولا تدري غديك تستقبلن بالمطار(: هههههههههههههههههههههه امزح
الله يعطيك العافيه..

حمدالله على السلامة اخوي وحيدالعمر بس ابي اعرف ايش طريقة التنقل في فان كوفر هل هي القطارات او التكاسي والسؤال الثاني هل اقدر اروح الويك اند امريكا وانا مامعاي فيزا امريكية

المشاركة الأصلية كتبت بواسطة الديوان العالمي
http://www.arabtravelersforum.com/tr...9/#post1136719

نسيت اسالك وحيد العمر..
مطار فانكوفر ايش يطلبون من اوراق ووين اروح اول ماوصل..
ولا تدري غديك تستقبلن بالمطار(: هههههههههههههههههههههه امزح
الله يعطيك العافيه..



هلابك وحيد العمر ..

اول ما توصل ان شاء الله بالسلامة .. راح تمسك سرا مع العالم .. وبعد ما تطلع من الكشك اللي يتحقق من هويتك .. راح يسألك وش جايب معك ومن هالكلام البسيط .. انت خلك طبيعي .. وهم حبووبين مرررة لين يقول لك ولكم تو فانكوفر .. انت فل هالوجه وابتسم له هههههه :109:

بعد ما تطلع منه .. رح وخذ لك عربية .. وخذ شناطك من السير ... ولما تتأكد منها ، التفت على يمينك شف فيه مكتب الامقريشن ,,, رح لمهم ولبق عربيتك عند بابهم ، وامسك سرا مع الناس ـ وراح يطلب منك الجواز والتأشيرة واحتمال يطلب قبول المعهد ، انت خل كل اوراقك بشنطة خارجية ،،


واذا ما فيه احد يستقبلك .. انا تحت امرك ، قلي الساعة كم بتوصل ، وانا تحت امرك حبي :106:

نفزع لأهل ديرتنا يا الغالي :24:

واي استفسار انا تحت امرك

المشاركة الأصلية كتبت بواسطة فاتنة العيون
http://www.arabtravelersforum.com/tr...2/#post1136742

حمدالله على السلامة اخوي وحيدالعمر بس ابي اعرف ايش طريقة التنقل في فان كوفر هل هي القطارات او التكاسي والسؤال الثاني هل اقدر اروح الويك اند امريكا وانا مامعاي فيزا امريكية



التنقل .. طال عمرك ، فيه القطارات وفيه الباصات ، وفيه التاكسي ... كل شئ مسهل يالله لك الحمد ..

وبالنسبة لروحتك لأمريكا هذي مستحيل الا تستخرجي فيزة امريكية .. واجرائاتها تاخذ اسبوع او اقل ان شاء الله ..


بالتوفيق ...


* معليش وحيد العمر .. نطيت على موضوعك .. لكن تعرف اليوم جمعة وفرااااغ قاااتل ههههه :115:

مشكور اخوي القيصر والله يعطيك العافية وانت او هو ما تفرق بس ابي اعرف اسم اجمل مدينة في فان كوفر حتى اسكن فيها وابي اعرف اسم المدن اللي ابتعد عنها وخاصة اللي يكثر فيها السود

شباب الله يعطيكم العاافيه نبغا نعرف احسن معهد لغه في فانكوفر ........وكيف الجو يكون في شهر6

وتحيااااااااااتي

وجاااااااييييينك يافانكوفر

المشاركة الأصلية كتبت بواسطة فاتنة العيون
http://www.arabtravelersforum.com/tr...0/#post1137720

مشكور اخوي القيصر والله يعطيك العافية وانت او هو ما تفرق بس ابي اعرف اسم اجمل مدينة في فان كوفر حتى اسكن فيها وابي اعرف اسم المدن اللي ابتعد عنها وخاصة اللي يكثر فيها السود




وبعد اذن اخوي وحيد العمر واخوي القيصر .. راح احاول اجاوب على سؤالك يا اختي ..

انا بصراحه ما اقدر احكم من ناحية اجمل مدينه في فانكوفر لاني ماتعديت فانكوفر الا مره ورحت لبارنبي ..
ومن ناحية اصحاب البشرى السوداء ( عشان ما يزعلون علينا اصحابها ) فهم قليلين في فانكوفر ولكن المشكله الكبرى في نظري ( وهي مزعجه ) ان هناك منطقه اسمها ,منطقة شارع هاستنقHastings Street وهذي يتواجد فيها الهومليس بشكل غير طبيعي وهي قريبه من الداون تاون ويزحفون بعضهم للداون تاون عشان يترزقون هناك ...

وتعتبر المنطقه هذي الي هي منطقة شارع هاستنقHastings Street مشبوهه وغير آمينه ..

عموما افضل وانسب المناطق للسكن في فانكوفر هي :
1. منطقة رتشموند RICHMOND
2. منطقة فانكوفر أو وسط البلد
3. في منطقة وسط البلد Yale Town
4. منطقة مستشفى فانكوفر العام
5. منطقة كيتسيلانو Kitsilano
6. منطقة الجامعة UBC area

وهذه المناطق بشكل عام وبعضها فيها عيوب من ناحية الاسعار وبعضها مناسبه للعوائل فقط ...



واهم شيء ابعدي عن هذي المناطق ..
منطقة شرق Main Street
و منطقةChina Town
و منطقة شارع هاستنقHastings Street ..

واي استفسار انا والاخوان بإذن الله ما راح نقصر ..

والله يوفقنا وإياكم وجميع المسلمين ..

المشاركة الأصلية كتبت بواسطة الديوان العالمي
http://www.arabtravelersforum.com/tr...5/#post1136715

وهل السوائل ممنوع اشيله داخل الطياره مثل العطور والكريمات وغيرها..؟



هلا اخوي وبعد اذنك واذن الاخوان ...

اعتقد ان السوائل ممنوعه داخل جميع الخطوط العالميه الا اذا كنت بتشتريها من المنطقه الحره فهي مسموح غيره لا ..

والله اعلم ... والله الموفق

المشاركة الأصلية كتبت بواسطة فاتنة العيون
http://www.arabtravelersforum.com/tr...0/#post1137720

مشكور اخوي القيصر والله يعطيك العافية وانت او هو ما تفرق بس ابي اعرف اسم اجمل مدينة في فان كوفر حتى اسكن فيها وابي اعرف اسم المدن اللي ابتعد عنها وخاصة اللي يكثر فيها السود




والله شوفي وانا اخوك .. الاماكن بصفة عامة في كل مكان بالعالم .. ولكن تجنبي السكن بمناطق اغلب سكانها من الصين .. ولا يغرك رخص الملبلغ .. على قولة المثل ( هين فلوسك ولا تهين كرامتك ) اغلب اماكن الصينين فيها تجمعات بزرانهم الراهقين .. وان شاء الله ما يحصل مضايقات ، لكن مجرد تمعاتهم تثير الريبة والقلق ..

ايضاً انصحك كل ما ابتعدي عن منطقة الداون تاون كل ما ارتحتي اكثر ..

واذا كنتي لوحدك ، ما انصحك في فانكوفر بكرها ... روحي لمنطقة ريتشموند واللي يميزها البلد مرتب ولا فيه ضوضاء وزحمة فانكوفر ، ايضاً يوجد عوائل وطالبات سعوديات اكثر من فانكوفر .. وايضاً بالقرب من مقر النادي السعودي .. وتكوني على تواصل مع الاخوات في النادي السعودي ... وكل ما اقتربتي بين اهلك وناسك كل ما اطمئن قلبك وتهيأتي للدراسة اكثر ...

يمكنك زيارة الرابط هذا يمكن يفيدك http://www.travel4arab.com/vb/showth...17#post1138017


الله يوفقك ...

الحمد لله على سلامتكم ، وأخبار رحلتك مع طيران الكاثي باسفيك ، وهل كان مستوى الخطوط جيداً ، وهل تم توفير سكن أو صالة أطعمة وانترنت مجانية في مطار هونج كونج .

مشكور اخويshyguy ومشكور اخوي القيصر والله يعطيكم العافية ويوفقكم انشا الله

الله يعطيك العافية اخوي وحيد العمر وماتقصر ونشالله توافينا بكل اخبارك بالتفصيل الايام الجاية وابي اعرف انت في اي معهد وسلامتك

اخوي الغالي القيصر
ابغى مساعده وين احصل قاموس عربي انقلش لاني بحثت بشابتر وبكل مكان مالقيت ادا ممكن تفيدني اكون لك مشكور

أنا اشكر أخووووووووي


وحيد العمر على مبادرته الحلوه ولكن وانا اخووووووك انتبه لنفسك وانتبه على دينك


أخــــــــــــــــــــــــوك : ياســــــــــــــــــــــــر

الحمدلله على سلامتك والله يسعدك ويوفقك في اقامتك بفانكوفر

والله الله بالمشي في ستانلي بارك

الله يوفقك ويوفقنا وياك