الموضوع: مكاتب تجيب القبول لجامعات كندا

بسم الله الرحمن الرحيم

السلام عليكم جميعاً

أنا عجزت وأنا أدور مكاتب تجيب قبول في كندا.....
دورت عند بعض من زملائي ولا قدروا يساعدوني
أما بالمنتدى فالقصة اختلفت..... يجي واحد ينصح بمكتب والثاني يسبه ويذمه
فقلت ليه ما أسوي موضوع يجمع فيه المكاتب المجربة للفائدة....


وإذا تقدر تفيدوني بشكل خاص فأنا حريص على جامعة واترلوو Waterloo أو جاعة مفيدة لتخصص الحاسب الآلي...

ولو سمحتم لاحد يقول لي أزين انك تجيبها بنفسك.....لأني عجزت!!!!:112: :110: :112:






شاكر لكم مقدماً

مواضيع عشوائيه ممكن تكون تعجبك اخترناها لك:

• اهل اخبرة في فيز ة عمل ؟
• فندق في مونتريال
• استفسار عن كندا
• سوال عن الدراسه بكندا ؟
• استفسارين محتاجين اجابه باسرع وقت
• سؤال عن الخطوط السعودية إلى فانكوفر
• أجمل مارأت العين فى أجمل مدن العالم فانكوفــر
• احلامي قربت تتبدد والسبب هوتكفون ابغى ردكم
• سؤال عن معهد في تورنتو وعن افضل خط سير الى تورنتو ؟
• تكفى تشوف المووضوع دموع من هالي فآكس
• اسئله مهمه اود الرد عليها جزاكم الله خير
• شرائح التلفون النقال الجوال في كندا
• افضل العروض للدراسة في كندا لاتفوووتكم
• استفسار هام
• الفيزه وطلعت والحمدالله بس سوال مهم ؟
• مبتعث بامريكا وناوي زيارة كندا
• استفسار عن جو فانكوفر؟
• استفسار مستعجل من يفيدني بمعلومات عن المدن التاليه ؟ الرجاء المساعده
• ولدي عودته في اغسطس باذن الله لكن ياخوان الولد شايل هم مادري على ايش
• سؤال بخصوص التنقالات

بعثه و لا حسابك الخاص؟

مكتب العمودي في طريق المدينه في جده

مكتب مشهور ومعروف

طيب ما فيه شي بالرياض؟؟؟؟

انا نفس الحاله بس شكلي بروح الدمام عشان مكتب الفيفا يمدحونه وانا من سكان الرياض


وعلى طاريها ( شباب دلوني على مكتب الفيفا . لا هنتم . )

مكتب العمودي اعرفه
العيال يشتكون منه هنا
اسعار غاليه
و ما يجيب جامعه بس معاهد
انتبهو

جرب مكتب المستقبل اخوي

السلام عليكم

اخي العزيز

ان شاء الله البي لك طلبك ان امكن وان توفرت الشروط

مكتب الفيفا للسفريات فقط , ما فيه للدراسات الخارجية

سااااااعدوني ...


ليش تطق مشوار للدمام ..


مكتب الفيفا موجود بالرياض .. على طريق خريص

بعدمملكة السيارات اذا كانك تعرفها ..

وعلى فكره انا جربت مكتب الصرح في الرياض


ممتازين جدااً واسعارهم مررره معقوله ..


انا قصيت تذكره ذهاب واياب .. الرياض _ لندن _تورنتو _لندن الرياض ..

بــ 5790 .. وراسلولي المعهد .. وخلال 4 ايام جاني القبول

اذا تبون القبول لا تروحو لا على مكتب و لا على غيره
انا اقول لكم طريقه تسووها بنفسكم و وفرو فلوسكم

عاشق تورونتو

عطنا الطريقة الي نسويها

في الانتظار

تبون معهد صح؟

فيه مكتب الرحلات الذهبية في شارع الثلاثين
او كنة في شارع الضباب(هذا سمعت انه كويس لكن ماجربته)

الرحلات الذهبيه صراحه ممتاز جدا جدا ويخلص لك كل شي وانت قاعد في بيتكم... وعندهم مكاتب في كندا راح يساعدونك لو انت في كندا واحتجت شي... ومن تجربه

الله يوفق الجميع

ابشرو
ضيفوني على الماسنجر و انا اوريكم
لانه لازم تتكلمون انجلش
مو مشكله حياكم الله في الماسنجر
ملاحظه: يتم توفير الكثير لانه الكثير من الاجور الي ياخذها المعهد او المكتب بدون اي فائده

السلام عليكم

تدرون عاد انا داخل المنتدى الحين علشان اشوف ايش افضل المكاتب اللي تجيب قبول من كندا وماشا الله عليك سابقني في طرح الموضوع

عموما ياشباب وياصبايا اللي يعرف مكتب ومضمون يدلنا عليه وياليت بعد ارقام تلفوناتهم
لان الأخوان قاعدين يوصفون اللي يقول الضباب واللي يقول المملكه للسيارات طيب اللي من حفرالباطن والا القريات أوجازان أو أو......الخ اشلون يدل ,وبعد ترى فيه ناس من دول عربيه يمكن يستفيدوا من الموضوع
فاذا احد يقدر يجيب ارقام التلفونات أو ايميلاتهم فياليت حتى تعم الفائده لاكبر شريحه ممكنه


تحياتي

فيه مكتب اسمه اديوكون وانا الآن اتعامل معهم والمميز في هذا المكتب انه له موقع على الانترنت يعني مايحتاج تتعنى وتروح عنده وهذا موقعهم: http://educon.com.sa/
وبالتوفيق ان شاااء الله للجميع