الموضوع: تقرير فندق كورب اكزكتيف حيث الأناقة والجمال بسعر بلاش

السلام عليكم ورحمة الله ..۔

مساكم / صبحكم الله بالخيرات والبركات ..۔

بداية أحب أقدم شكري لكم ياأعضاء ومشرفين المنتدى الله لايحرمنا منكم .۔ ويجعله في ميزان أعمالكم .۔ لكل ماتقدمونه في مساعدة اخوانكم لقضاء سفرة مثالية و أوقات ممتعه ولاتنسون النية (( سرور تدخله على قلب أخيك المسلم )) .۔

وهذا التقرير من باب رد الجميل وأيضا من باب حبي لمشاركتكم وإفادتكم .۔

أهم شي عنوان الموضوع ((( حيث الأناقة والجمال بسعر بلاش ))) هههه ماعرفت شنو اكتب وهذا اللي طلع معاي .۔ المهم

بسم الله نبدأ

المسافرون : انا وزوجتي وابنتي ( أقل من سنتين ) .

الذهاب 24-9-2011 والرجوع 28-9-2011

تكلفة التذاكر : 135 د.ك ( 1790 درهم ) طيران الجزيرة .

الفندق : سعر الليلة 30 د.ك (397 درهم) .۔ لمدة 4 ليالي 120 د.ك (1590 درهم) بدون ريوق ۔ موقع بوكينق

مشاوير التاكسي : 25 د.ك (335 درهم)

المطاعم والسوبرماركت : 80 د.ك (1070 درهم)

لعب وترفيه : 26 د.ك (350 درهم)

المكالمات الدولية والمحلية : ط د.ك (80 درهم) شريحة du

إيجار سيارة لمدة يوم واحد : 9 د.ك (120 درهم) وأخذو تأمين بقيمة 56 د.ك (750 درهم)

بنزين للسيارة 2,5 د.ك (30 درهم)



إجمالي التكلفة = 460 د.ك (6095 درهم)


هذا اللي قدرت أكتبه بالوقت الحالي ..۔ انتظرو بإذن الله الردود الجاية بكتب عن الفندق بشكل متكامل مع الصور . وجميع المطاعم اللي زرناها بالصور .۔ وحضانة الأطفال بالصور .۔ وقواكم الله ..

مواضيع عشوائيه ممكن تكون تعجبك اخترناها لك:

• منو رايح على سباقات فورمولا واحد؟
• تقرير مصور فندق بارك ريجيس كريس كن دبي
• فندق برجمان روتانا سويتس
• استفسار
• تنبيه موعد مهرجان التسوق بدبي يناير الى فبراير مـ تم التحديث
• من فضلكم ابي شقه او شاليه او منتجع اهم شيئ بركه خاااصه للعائله
• [[[[[[[[[[[[[[[[[[اجمل واروع الاماكن في الامارات]]]]]]]]]]]]]]]
• سعوديه يااماراتيين
• تدشينُ فرع «تيم هورتنز» في واجهة المجاز البحرية
• بخصوص الجمارك والتأمين
• كم تكاليف رحلة اسبوع ؟؟؟؟
• طيران كاثي باسيفك تسيّر رحلات بين أبوظبي والرياض
• الوايلد وادي
• كم حديقة مائية في دبي ؟
• العربية للطيران رحلات من الشارقة لمدينة اوديسا الاوكرانية
• مسافر في أكتوبر لمعرض جايتكس أشوف أسعار الفنادق مرتفعة ؟؟؟؟
• عاجل ارائكم في زيارة لمدة خمس أيام لدبي
• رحلتنا لدبي
• إذا تبي تخرب إقامتك في دبي خل هذا الفندق خيارك الأول
• هل هناك فرق بين المارينا وذا وولك؟؟؟؟؟؟

وعليكم السلام ورحمة الله وبركاته ،،

حمد الله على السلامة وسمعت الكثير عن هذا الفندق
ننتظر تكملة الموضوع بكل شووق لأني على خير أنا والوالدة
راح نزور دبي على 20 نوفمبر وودنا بسويت أو شقة مانبغى غرفة وحدة
ولك كل الشكر والتقدير
أخوك / ماهر السعودية /

هلا فيك اخوي ماهر الله يحفظك .۔ انا الحين الصور كلها انتهينت من رفعها وثواني وشوف الموضوع بإذن الله الفندق راح يعجبك وموقعه وايد حلو قريب جدن من الامارات مول .۔ وخلف فندق سيتي ماكس المعروف ..

كان الإقلاع الساعه 6:55 صباحا .۔ يعني صلينا الفجر وعلطول رحنا المطار الحمدلله وصلنا مبجر وخلصنا كل الاجراءات وباقي ساعه على موعد الإقلاع ، فاكتشفنا أن في ردهة مطاعم صغيره جديده بالمطار ،, فيها مطعم تشيليز ومطعم ايطالي وكافيه ذا كوفي بيين وسينابوون ،, تريقنا من تشيليز ،،بصراحه ريوقهم كان وايد حلو وطلع حسابنا شخصين بالغين 5 د.ك ۔

لقطتين حلوين عالسريع









قبل ماأتكلم عن الفندق ۔ بصراحه كانت سفرتي مقسمه على فندقين ، أول ليلتين بهالفندق ،، وآخر ليلتين بفندق جراند الامارات ،، ولايخفى عليكم جمال هذاك الفندق وموقعه بشارع الشيخ زايد ،، ومع أني كنت محصل عرض رخيص حيل من عرب لينك تخيلو كان سعر الليلة 425 درهم للشقة بغرفة نوم ،، بس سبحان الله مادري شاللي غير رأيي و خلاني أكنسل فندق الإمارات جراند وأمدد الحجز في كورب ،، ربما وجدت الراحه والهدوء في هالفندق ۔ المهم ،،

وصلنا الفندق تقريبا الساعه 10 وكلمت الريسبشن عشان نسوي جيك ان مبجر بس ماكان فيه مجال فاضطريت اني اقعد بالكافيه اللي عند اللوبي اسمه (( كافيين )) المكان حلو ومرتب ومريح جدن














الريسبشن كان فيه ناس وايد يسوون جيك اوت فماحبيت أصورهم .۔ فأخذت الصورة بالليل مافيه أحد





طبعا وانا انطرهم يجهزون الغرفه قلت خل اخذ جولة حول الفندق من الخارج ،،






------------

واكثر شي عجبني بالفندق السوبر ماركت هذا مقابل الفندق مباشرة .




هذا السوبر ماركت فيه كللللللل شي حتى حاجيات الأطفال من حفاظات وحليب وغيرها .۔ يوصل لي باب غرفتك .۔ وهذي شغلة واااااايد حلوة وخلتنا نرتاح ،، تبي أي شي دق على الرسبشن وأخذ رقم السوبر ماركت وقولهم رقم غرفتك وبس حتى لو طلبت بطل ماء فقط راح يجيبونه لك ۔

-----------



مطعم ايطالي جدام الفندق ،، بس ماجربته بصراحه وماعندي معلومات عنه

----------



قسم خاص للرجال وقسم خاص للنساء والصراحه أيضا مادخلت وماعندي فكره عن اسعارهم

-----------


واحنا نمشي ونسولف فجأة أشوف وجه مرتي جذي






















ههههههه شايفه صالون نساء















وهم ماجربته ولا عندي معلومه عنه


بريك وراجع لكم بإذن الله

بالنسبة للجدول كان ممتاز جدا بفضل الله ثم الأخوة بالمنتدى الله يعطيهم العافية،،

اليوم الأول
الامارات مول بكل مرافقه

اليوم الثاني
ابن بطوطة
سوق مدينة الجميرا
ممشى الجميرا

اليوم الثالث
دبي مول بكل مرافقه

اليوم الرابع
ميركاتو مول
شاطئ جميرا
اتلانتس

اليوم الخامس والأخير
المردف سيتي سنتر
ومباشرة إلى المطار


أكتفي بهذا القدر اليوم وأي سؤال انا حاضر ،، باجر أنزل صور الشقة بشكل متكامل بإذن الله ،، فديتكم



-------------

تقرير بطل
نستنى صور الغرف

المشاركة الأصلية كتبت بواسطة وحيدة اهلها
http://www.arabtravelersforum.com/tr...8/#post6210168

تقرير بطل
نستنى صور الغرف



مشكورة اختي وحياج الله انشاالله باجر راح تنزل الصور من داخل الغرف

حمد الله على سلامتك ابو سليمان استمر في التقرير المشوق وابيك تركزعلى الفندق لأني حاجز فيه يوم 26 اكتوبر لمدة 5 ايام وطلع علي ب 3200 تقريبا غرفتين وصالة وكيف الأثاث نظيف والنت متوفر ابي كل التفاصيل لاهنت *

ياهلا وغلا اخوي المحنك. الله يسلمك من كل شر.
الفندق جدن جميل ونظيف واثاثه جديد وراح تشوف هالشي بالصور اللي بحطهم بعد شوي بالموضوع
بالنسبه للانترنت نعن كله مجاني طبعا باللوبي وبالكافيه فيه انترنت وايرلس وسريع
أما بالنسبة للغرف مافي وايرلس ولكن في كيبل توصله على اللابتوب مجانا وأيضا سريع
الفندق ممتاز جدا لاتحاتي راح يعجبك بإذن الله
وأي سؤال اخر انا بالخدمة حتى لو ماحصلتني بالموضوع ارسل رساله خاصه واخدمك بعيوني فديتك

يعطيك العافية اخوي ابو سليمان وماتقصر بيض الله وجهك وفي انتظار التقرير

عليكم السلام
حمد لله على السلامه

والتقرير مميز ورائع اخي ابو سليمان

شكرا جزيلا

الحمدلله على سلامتكم

والله يعطيك العافيه

تقرير رائع

^^^
مشكوووووور واصل نثر روائعك
دمت بألف خير

أكمل معاكم صور الشقة ونقول بسم الله

هذي أول ماتدخل الشقة ،، وراح أخلي الصور تتكلم بدلا عني














بالإضاةء الليلية




































------------

هذا الحمام الخاص بالصالة أجلكم الله




------------


والحين ننتقل لغرفة النوم

























-----

وهذا فراش الصغيرة طلبناه منهم طبعا مجاني وحجمه وايد حلو وسيع



-------

وهذا حمام الغرفة أجلكم الله




















هذي كل الصور اللي التقطتها وحرصت آخذ اكثر من زاوية عشان كل شي يكون واضح لكم ،، انا بصراحه لازم اخذ بريك قوي تعبت شوي أكمل معاكم باجر بإذن الله راح أتكلم عن المطاعم اللي زرتها خلال السفرة ،، ترقبوا
وأي سؤال عن الفندق انا حاضر فديتكم

وطبعا في شغله حلوه بالشقه نسيت اقولها لكم ،،، ترا الجلسة اللي بالصالة هذي



تقدرون تفتحونها وتصير فراش ابونفر ونص ،،، هذي وايد حلوة حق اللي يسافرون شباب أو مجموعه ،، وغيرها تقدر تطلب سرير إضافي ،، يعني بإختصار شديد الشقة يقدرون يقعدون فيها 4 شباب بالغين بكل راحه ،، وبس

تقريرك حلو الله يعطيك العافية وشقة حلوة ومرتبة طيب لوبدي احجز عندهم كيف تتوقع الاسعار في دبي بتتغير بين فتره وفتره وشكرا

ماشاء الله تقرير في غاية الروعة شكرا لك ومتابعين

المشاركة الأصلية كتبت بواسطة ام هلالة 1
http://www.arabtravelersforum.com/tr...6/#post6211686

تقريرك حلو الله يعطيك العافية وشقة حلوة ومرتبة طيب لوبدي احجز عندهم كيف تتوقع الاسعار في دبي بتتغير بين فتره وفتره وشكرا



الله يعافيج اختي أم هلالة

بالنسبة للحجز اكيد يختلف بين فتره وفتره بس مااتوقع يفرق وايد .۔

و شوفي اهل الامارات يفيدونج فيها اكثر ماابي اتكلم بغير علم

وحياج الله

المشاركة الأصلية كتبت بواسطة ابـو ريـان
http://www.arabtravelersforum.com/tr...2/#post6212452

ماشاء الله تقرير في غاية الروعة شكرا لك ومتابعين



ياهلا والله أبو ريان انت الروعه والله. حياك الله يالحبيب. وأشكرك ع متابعتك

فندق راائع .۔ وموقعه حلو .۔ الله يعطيكم العافية ..

المشاركة الأصلية كتبت بواسطة أمنية عمري
http://www.arabtravelersforum.com/tr...0/#post6214220

فندق راائع .۔ وموقعه حلو .۔ الله يعطيكم العافية ..



تسلم اخوي ،، الله يعافيك

راح أتكلم عن المطاعم اللي زرناها وبصراحه أنصحكم تشوفون هالموضوع وهو اللي عن طريقه اخترت جميع المطاعم ورتبتها في جدول رحلاتي .

http://www.arabtravelersforum.com/travel310945/



أول يوم كان في الإمارات مول واخترنا هالمطعم

آرت كافيه
مطعم فرنسي





شوربة الفطر بداخل الخبز



المقبلات





الأطباق

ستيك لحم


ستيك دجاج


وبالنهاية طلع الحساب 157 درهم وهذي صورة الفاتورة



ثاني يوم كان جدولنا = مجمع ابن بطوطه ثم سوق مدينة الجميرا ثم ممشى الجميرا

وكان المطعم هو حاتم ،، مطعم إيراني مع أنه معروف ولكن أول مرة أجربه (( موجود بمجمع ابن بطوطه ))





اخ عالحمص مالهم موطبيعي


واحلا خبز ايراني كليته،،بدون مبالغة


جلو كباب


شبزي (( أول مره اذوقها ))




وبالنسبة للسعر للأسف نسيت أصور الفاتورة بس والله سعره حيييل رخيص انصدمت عبالي غالي


المهم بعدها رحنا الفندق ارتحنا شوي

وبعدين سوق الجميرا ،، بصراحه مافيه شي جديد طلعنا منه ورحنا ممشى الجميرا وياحلاة القعده هناك والتمشي وايد حلو

بعد مشي طويل تعبنا وقلنا نرتاح قعدنا بمطعم شيليز


طلبنا تحلية (( ماونتن كيك ))

ماصورتها لما شفناها قضينا عليها بسرعة البرق هههههه
وهذي صورة لها من النت عجييييبه أنصحكم فيها بقووة

المشاركة الأصلية كتبت بواسطة الانسياب المتزن
http://www.arabtravelersforum.com/tr...2/#post6219182

تقرير مختصر ومفيد

الحمد لله على السلامة



اشكرك اخوي على المرور ،، الله يسلمك

السلام عليكم أكمل المطاعم

اليوم الثالث بدبي مول

الغداء بمطعم فابيانو ( إيطالي ) ،، طريقة المطعم لما تدخل يعطونك كرت الكتروني وتروح عند الطباخ مال الباستا أو مال البيتزا ،، وتقولهم شنو الطبق اللي تبيه وتعطيهم الكرت يحطونه بالمكينه ويردونه لك ،، وبعدين لاخلصت وبغيت الحساب تروح للكاشير وتعطيه الكرت ويعطيك الفاتورة

طبعا الأكل كله يسوونه جدامك .





















المطعم حلو وسعره جدا جدا مناسب وقعداته مريحه

بعدها حان وقت التحلية رحنا مطعم وكافيه هيديارد (( أيضا أكلهم حلو ))



برد ليمون حده عجيب




وبعد ماتعبنا من المشي في المجمع قررنا نقعد على النافورة ونسترخي قبل مانرجع للفندق

كانت الساعه 8 تقريبا

قعدنا بهالمطعم اسمه طويل مااعرف اكتبه وكنا فقط ناوين ناخذ قهوه وسويت وبس





ولكن ماشاالله المطعم عليه زباين وكل شوي طبق رايح وطبق جاي والريحه تهف علبنا ومع القعده والنافورة مر الوقت بسرعه

وكانت هذي فاتورتنا



اليوم الرابع كان أكلنا من فاست فوود للتوفير لأن كان من ضمن الجدول أكواريوم وألعاب للصغيرة الله يحفظها وعندي ميزانية معينه باليوم ماأتعداها ،،

وبالنسبة لليوم الأخير كان الجدول مجمع سيتي سنتر المردف ،، أحلا مطعم بالسفرة كلها بالنسبة لي وهو مطعم إيطالي اسمه (( كاليفورنيا بيتزا كيتشن )) وأيضا موجود بدبي مول ردهة المطاعم اللي قريبة من النافورة



























انتهينا من المطاعم كلها وأي سؤال انا حاضر

يعطيك العافيه ابو سليمان،،،
ما شاء الله تقرير رائع ودقيق،،،
عجبني الفندق اللي سكنتم فيه،،،
بس ممكن تكتب اسمه بالانجليزي لاني سويت بحث بالبوكنق ما لقيته،،،
طبعا تكرما وليس امرا،،،
ومشكور مقدماً،،،

يعطيك العافية ابو سليمان والله يحفظلك الصغيرة
واسمحلي برجعك للبداية من الفندق ممكن توضح الإيجابيات والسلبيات في الفندق

المشاركة الأصلية كتبت بواسطة رزان Q8
http://www.arabtravelersforum.com/tr...8/#post6233488

يعطيك العافيه ابو سليمان،،،
ما شاء الله تقرير رائع ودقيق،،،
عجبني الفندق اللي سكنتم فيه،،،
بس ممكن تكتب اسمه بالانجليزي لاني سويت بحث بالبوكنق ما لقيته،،،
طبعا تكرما وليس امرا،،،
ومشكور مقدماً،،،



الله يعافيج اختي رزان ،، تفضلي هذا الرابط ،، اضغطي على اسم الفندق

(( http://www.booking.com/hotel/ae/corp...ml?aid=1329869))

وحياج الله

المشاركة الأصلية كتبت بواسطة almo7nk
http://www.arabtravelersforum.com/tr...6/#post6235706

يعطيك العافية ابو سليمان والله يحفظلك الصغيرة
واسمحلي برجعك للبداية من الفندق ممكن توضح الإيجابيات والسلبيات في الفندق



الله يعافيك يالمحنك ،، لا عادي افا عليك اسألني بأي شي يطري على بالك ،، والله يالغالي الفندق جدا جدا ارتحت فيه والله ماعندي أي سلبية تجاهه ،، لدرجة أن سفراتي القادمة لدبي بإذن الله سواء كنا شباب أم عائلة راح تكون بهالفندق ،، يمكن في شغلة بسيطه ولاتعتبر مشكلة كبيرة ،، غرفة النوم مافيها ليتات مثل الصالة ،، فقط إضاءات الأبجورة وفيها 5 أبجورات وسلامتك

السلام عليكم
ياشباب بكم الغرفة والصالة في موسم العيد ماقدرت اطلع التسعيرة من بوكينق
بس مضهرين سعر الغرف بس ماوضحوا صاله او بدون