الموضوع: ممكن اغير مكان بعثتي من امريكا الى بريطانيا او كندا؟؟

السلام عليكم
يا اخوان الوالدة غير مرتاحة ابدا لذهابي لامريكا بسبب اللي صار لاخونا حميدان التركي الله يفرج له
حاولت اقنعها بشتى الطرق بس ما ينفع
طبعا هي تبغاني ادرس في بريطانيا لانها عاشت 7 سنوات هناك ايام كان الوالد مبتعث, والانجليز اقل همجية في التعامل من الامريكان
علشان كذا ودي استفسر هل ممكن بعد دراستي لفترة بسيطة في امريكا ان انقل الى جامعة بريطانية او كندية؟ او حتى استرالية؟؟؟؟؟؟؟
انا ماعندي مشكلة بس ابغى الوالدة ترتاح
يعطيكم العافية

مواضيع عشوائيه ممكن تكون تعجبك اخترناها لك:

• أرخص معهد لدراسة اللغة في لندن
• الخطوات العامه المطلوبه من الطالب السعودي للتقديم في الجامعات الأمريكية
• وين اقدر اترجم الشهادات في الرياض ؟؟
• الوظيفة والبعثة صراع محتدم
• استفسار بسيط عن العفش والوزن الله يـــفـــرجــهــــا عليكم
• تكفون فزعتكم أبغى دوره لغة مدة شهرين نصائحكم يالخبراء
• هل يمكن الحصول على قبول مشروط بالـ ؟
• سؤال وبتمنى الاجابه عليه ،
• يقولون أنها هانت والله أعلم
• هل صعب القى سكن طالبات بلندن ؟؟؟
• استفسار عن معاهد للتحضير للتوفلملبورناتاوي جميع من له تجربة
• لمن يستطيع المساعدة تبديل موعد السفارة من الى أى موعد قبل شهر
• ارغب في معلومات عن معهد تشرشل هاوس رامس قيت
• من يعرف كم سنة سوف تستمر البعثات
• شروط القبول في الجامعات الأمريكية؟؟ مساعدة
• مراسله جريده الجزيره ادخل والله يفرجها
• أسئلة تتعلق بالسفارةتحتاج منكم للإجابة
• وش تتوقعون من وزارة التعليم العالي في هذه الحالة
• وش الحل معهم بالله ؟؟؟
• لي رجاااااااااااااااااااااااء الله يخليكم

معليش كررت الرد والرد تحت

عليكم السلام لو تبغى نصحيتي مافيه داعي تعب نفسك وتروح امريكا وبعدين على بريطانيا
ولو انا مكانك ومكان الطلبه المبتعثين بختار بريطانيا وبدون تردد ولا يهمك اللي يقول ان بريطانيا شعب قاسي في التعامل لا في المدن اللي فيها العنصريه وفيها المدن اللي مرره تخليك ترتاح نفس الكلام امريكا في بعض الولايات كذا وكذا
وغير كذا سرعه الحصول على الفيزا انا طلعتها في 3 ساعات وبعدين بريطانيا ماعندهم مثل حركات الامريكان السخيفه اذا وصلت المطار انواع الاجراءات والتعقيد بينما بريطانيا لا تعقيد ولا حاجه يسألك اسئله عاديه ماتاخذ 30 دقيقه الا وانت طالع من المطار وصدقني بريطانيا لو فيه لك حق راح تاخذه غصب على الكل وماراح يتم اتهامك باشياء سخيفه مثل مايسون الامريكان
على العموم الله يوفقك وذا عندك اي استفسار عن بريطانيا انا في الخدمه

اذا انت على حساب الوزارة مقبول في البعثات فما تقدر تحول الى اي دوله حتى لو كانت

مفتوحه مثل الصين واليابان و بريطانيا غير مفتوح لها البعثات ومستحيل تحول عليها

الله يعينك وتوكل على الله ورح لمريكا واذا كتب الله وفتحو لبرطانيا تقدر تحول بس بعد اجراءات

المشكلة أن نظام البكالريوس البريطاني أصعب من الأمريكي...حسب ماأعرف..

الدراسة في أمريكا اسهل بكثير من بريطانيا...

^
^
اخوي انا ماستر

المشاركة الأصلية كتبت بواسطة Mr.sa


اذا انت على حساب الوزارة مقبول في البعثات فما تقدر تحول الى اي دوله حتى لو كانت
مفتوحه مثل الصين واليابان و بريطانيا غير مفتوح لها البعثات ومستحيل تحول عليها
الله يعينك وتوكل على الله ورح لمريكا واذا كتب الله وفتحو لبرطانيا تقدر تحول بس بعد اجراءات




هذا الواقع

حسب تصريح قريته في الجريدة لاحد مسؤلي الوزارة قبل اسبوع تقريباً ...يقول ممنوع التحويل ..حتى لو كان لدولة اخرى مفتوح باب الابتعاث لها

مثل واحد قدم على الهند عشان يضمن قبول الوزارة بحكم ان عدد اللي بيقدمون على الهند اقل بكثييير من امريكا ... فاذا جا قبول الوزارة بيغير الوجهه لامريكا..والوزارة أكدت هالشي !!

بالتوفيق اخوي ..وشد حيلك ..وخاونا لامريكا

والله مشكله ... كلنا طحنا بالمشكلة هذي

طيب شباب مثلا لو اروح على حسابي لبريطانيا او كندا ثم التحق بالبعثه ؟؟؟

لو لقيت حل شادوا بلغنا لان من جد امريكا ماتطمن ومااتوقع انه في بعثات على بريطانيا غير بعثات الحرس

واشكرك اذا افدتني بمعلومه تفيد في حال التحويل

المشاركة الأصلية كتبت بواسطة سفر وسياحة


حسب تصريح قريته في الجريدة لاحد مسؤلي الوزارة قبل اسبوع تقريباً ...يقول ممنوع التحويل ..حتى لو كان لدولة اخرى مفتوح باب الابتعاث لها
مثل واحد قدم على الهند عشان يضمن قبول الوزارة بحكم ان عدد اللي بيقدمون على الهند اقل بكثييير من امريكا ... فاذا جا قبول الوزارة بيغير الوجهه لامريكا..والوزارة أكدت هالشي !!
بالتوفيق اخوي ..وشد حيلك ..وخاونا لامريكا




ما أزيد إلا أن أحد مسؤلي الوزارة في كلامك أخوي سفر وسياحة = د/ عبدالله المعجل وكيل الوزارة للبعثات.

لا يمكنك التحويل

هل يشمل عدم التحويل لبريطانيا .... اللي عنده قرار ابتعاث لامريكا + قبول ماستر وفيزا لبريطانيا

المشكله ليست في وجود قبول من بريطانيا او عدمه ... المشكله من الوزاره ...اذا قبلت لدولة معينه ..من الصعب تغيير الدولة ...طبعاً الكلام هذا حسب مانسمع من مسؤلي الوزارة

لكن مايمنع ... المحاولة قد تكون مجديه ..الافضل لك ان تزور الوزارة وتستفسر بنفسك .

طيب شباب مثلا لو اروح على حسابي لبريطانيا او كندا ثم التحق بالبعثه ؟؟؟



الطريقه الوحيدة والافضل هذي ..

لا ما تقدر حتى لو رحت لبرطانيا وتبغى تكمل على حساب البعثه

بسبب ان برطانيا غير مفتوح لها المجال في البعثات لكن لو رحت

لت استراليا او اليابان او الصين او الهند ... الخ من الدول المفتوح لها

تقدر تحول بعد ماتخلص عدد محدد من الساعات

هههههههههههههههه

ضحكت على اقل همجيه,,,,
ابقولك شي,,,,الامريكان طيبين بشكل ماتتصور
خذها مني
وتعال