المشاركة الأصلية كتبت بواسطة سعيد555


كلام فاضي ... ما ادري من اللي جالس يطلع هذي الاشاعات على شباب الوطن و بعض شبابنا مع الاسف و بحسن نية يروحوا و يرددوا هذي الاشاعات السخيفة من غير حتى ما يفكروا فيها و لو شوي علشان يكتشفوا انها مجرد اكاذيب بالية
سعوديين تنصروا ..... بالله عليكم هل ممكن عاقل يصدق مثل هذا الكلام ...اذا كانوا المسلمين اللي باخر بقاع العالم و اسلامهم مجرد كلام و عايشين بين النصارى ما تنصروا اجل فما بالك بالشباب السعودي اللي الواحد منهم تربى بين اهل الدين و في بلد الاسلام و درس طول عمره كل مبادئ الدين ....
يا اخوان خلوا عندكم عقل و على قولة المثل اذا صدق العاقل بما لا يليق فلا عقل له
وبعدين هذا حنا بامريكا ما شفنا او حتى سمعنا عن هذي النسب المخيفة اللي البعض جالس يتحلم بها في الليل و يصبح يعبرها على الناس لحاجة في نفسه يعلمها الله و تخفى على الناس
لا وبعد يقولوا ان فيه ناس احيلوا للعلاج من الايدز ...قليل من العقل لو سمحتوا ...اصلا البعثات ما صار لها ثمانية اشهر من يوم راح اول واحد ...و الايدز علشان يتطور في اي شخص ويظهر في نتائج التحاليل يحتاج الى سنوات .... فكيف تطور عندهم بهذي السرعة العجيبة ...و الا هو ايدز مستعجل مثل الغسيل المستعجل اللي يخلص في ساعة ......
بالتاكيد انه فيه ناس ما مشوا بالشكل الصحيح و ربما ان بعضهم انحرف و هذا حال اكثر الامور بالحياة , لا يمكن انه شي يكون مكتمل مائة بالمائة و من بين الاف الاشخاص بالتاكيد راح يكون فيه فاشلين او ضائعين...و لكن بنسبة ضئيلة و ليس بالنسبة المهولة و القصص الغريبة اللي جالس بعض الناس يروجونها اما حسدا من انفسهم للشباب اللي راحوا بعثات او لاسباب اخرى قد يكون منها تشويه سمعة الشباب السعودي بشكل عام
اتمنى من الاخوة جميعا تحكيم عقولهم و ضمائرهم و عدم الانسياق وراء اشياء لا يراد منها الا التشويه و التشويش على برامج تطوير الكفاءات البشرية في بلدنا الغالي
و تقبلوا تحياتي



اتفق مع هالكلام

مواضيع عشوائيه ممكن تكون تعجبك اخترناها لك: