هلابك اخوي الاشنق...

وش تبغى ابدأ فية اول ، كولشيستر الللللللله كانت ايام ، وربي من احلى الذكريات!!!

الله يسلمك كولشيستر صح مدينة صغيرة ولكن للامانة انا درت مدن كثير في بريطانيا كلها تقريبا بفترة اربع سنوات صدقني كولشيستر من المدن النموذجية ، شعبها طيب الى حد ما ، متوفر فيها كل الخدمات (اسواق + مطاعم + ..) ، قربها من لندن (تبعد ساعة بالقطار)، فيها مطاعم عربية ، ... . يمكن عيبها الوحيد لاء الايجارات مقارنة بالشمال (ولكن مو بشكل كبير مرررة مرررة).

المهم معهد اللغة ، الله يسلمك كولشيستر فيها جامعة أسكس والجامعة فيها معهد لغة طبعاً. بالاضافة يوجد معهدين الاول اشهر من نار على علم وهو معهد كولشيستر للغة الانجليزية (cesc) ، ومديرتة الانسة "سارة" ، وهي معروفة اكثر من المعهد لانها انسانة صارمة جدا جدا وعملية وجادة للغاية ، المعهد اغلبه عرب 99% الا وقت الصيف تأتية جاليات اوروبية بكثرة (ثلاث شهور بالسنة بس) ، المديرة هذي شديدة مع العرب بالذات لان غيابهم ولعبهم واجد ،هي تبحث عن التميز للمعهد وماتمانع بطرد كثير من الطلبة او حتى الابلاغ عنهم لدائرة الهجرة ليتم التعامل معهم بشكل رسمي وغالبا ترحيلهم !!! المعهد وبكل امانة من افضل الاماكن اللي يستفيد منها الواحد لغة (اقصد لغة اكاديمية فقط) لوجود نخبة من المدرسين ذووي الخبرة طبعاً ، لكن لازم الواحد يسلم ويبعد عن العرب اذا بغى يطور نفسة وهذا غالباً مايكون صعب لكثير من الطلاب للاسف ، فتلقة اغلب وقته معهم ومايتكلمون الا بالعربي!!

المعهد الاخر هو عبارة عن كلية لتدريس اللغات الاجنبية في الاساس (ايطالية ، فرنسية ، ...) وفية قسم لغة انجليزية ، المعهد امكاناته ضعيفة ومايقارن بمعهد كولشيستر اطلاقاً.

بالنسة لتخصصك ، معليش عطني بالضبط وش اسم تخصصك بالانجليزي وانا اعطيك قائمة بالجامعات المعترف بها مع تصنيفها... وانا مازلت اقول بحكم انك دكتوراة شف لك احد من نفس تخصصك من منتدى الطلبة السعوددين يدرس هناك ويجيب لك قبول بحكم انه يقدر يدخل على اي دكتور بالقسم ويسوي لك توصية!!

شئ اخير حبيت اضيفة ، للاسف بريطانيا فيها الصالح وفيها الطالح ، اقصد بكلامي هذا تقدر الله يسلمك تروح لجامعة مرة ضعيفة ومعترف فيها بعد وتشتري الشهادة ، يعني بسهولة بتلقى احد يسوي لك بحوثك وواجباتك وكل شئ والجامعة تدري وبتنجحك (الشغلة تجارية بحت اهم شئ فلوسك) ، وفيها ايضاً الجامعات اللي لها سمعة كبيرة جداً جداً ولو معك ملايين الارض اصلا مايقبلونك ولو قبولك ماتتخرج منها الا اذا اجتهدت وسويت شغل عظيم!!! علشان كذا مااستغرب ان احد يقولك رح حضر الدكتوراة في بريطانيا لانه بالاخير يرجع القرار لك انت ، انت طالع تستفيد وتطور نفسك والا طالع تبي شهادة بس!!

بالتوفيق ، واتمنى اني افدتك احب بس اذكر ان كل ماذكر سابقا هو رأي شخصي بحت خاص من واقع تجربة يحتمل الصح ويحتمل الخطأ..

مواضيع عشوائيه ممكن تكون تعجبك اخترناها لك: