الموضوع: المهنه عسكري وأبى فيزه ؟

السلام عليكم

أخ وليد ، أمباكت ، أهل الخبره والأخوان عامه

في الأجازه الجايه بعد 6 شهور ودي اسافر لأمريكا وارتب الأمور والخطه من الان ، اخلص الاجراءات بدري وبعدين ارتب
الباقي على رواقه

أنا عسكري في الحرس الوطني قطاع الأفواج وأدرس منتظم في جامعة الأمام محمد بن سعود قسم اللغات والترجمه تخصص أنجليزي

وأتمنى أسافر لأمريكا لممارسة اللغه وسياحيه وزيارة الأهل أخواني وخواتي والأقارب هناك .

بقدم على فيزه ، سوى كانت دراسية أو سياحيه ..

حاب أسأل عن وضع العسكري في السفاره والتقديم على الفيزه

السؤال هنا لازم تعريف الراتب وكشف الحساب .. التعريف سهل جدا ً بس كشف الحساب مافيه شيء

كشف الحساب الى حد الأن مامعي ميزانية ولا بطاقة ماستر كارد ..

هل ممكن أخذ كشف حساب أبوي أو ضمان مالي من عمي مع ارفاق التعريف بالراتب ..

وكم المبلغ المطلوب اللى لازم يكون في الحساب لرحلة فترتها من شهرين الى 3 شهور .


شكرا ً

مواضيع عشوائيه ممكن تكون تعجبك اخترناها لك:

• بالنسبة للي فاته موعد المقابلة؟ أرجو المساعدة
• وصلت اورلاندو ونصيحه لا تسمعون كلام احد
• لو سمحتوا اريد مقارنة بين ولاية وسكونسن ماديسون وانديانابولس
• رفضوا الطلب وش الحل ؟
• هيلتون بيفرلي او هليتون هوليود
• ماهي افضل وارخص وسيله للتنقل لعدد راكب في نيويورك
• ممكن أحد يساعدني في رحلتي من واشنطن دي سي إلى أوهايو؟
• استفسار بخصوص السفر لأمريكا ؟
• استفسارات قبل السفر اخيره
• مشرفنا
• اللي عنده معلومات عن اورلاندو الرجاء يدخل
• أي المراكز أفضل لتعليم اللغة الإنجليزية في أمريكا رجاء المشاركة ؟؟؟؟؟؟؟؟؟؟؟
• رحله الى كاليفورنيا نصائح مطلوبه من أهل الخبره
• ارخص خطوط من الرياض الى لوس انجلس
• أبنى سيعود لوحدة من امريكا ولكن جوازنا واحد
• افيدوني بسرعه مابقى على سفرتي شي
• فيزة متعددة السفرات
• استفسار لو سمحتوا الله يجزاكم خير افيدونا
• افضــــل شركــــــات الهواتـــفوالستلايت
• الصيفيه امريكيه ان شاء الله

اول شي ياغالي طبعاً اكيد انت عارف عن موضوع انك تاخذ اجازة علشان التصريح ,,

بعدها كشف الحساب اذا من شخص ثاني لازم ترفق تعريف راتبه وخطاب منه انه متكفل بمصاريفك لحين العودة وكلها باللغة الانقليزية!!

انا اشوف انه وضعك بيكون غريب عليهم شوي موظف وتخلي احد يصرف عليك !!

ونوع الفيزا الي بتقدمها سياحية بس ما تدرس فيها الا اذا تبغا 3 ساعات في اليوم لمدة 5 ايام في الاسبوع يعني كور خفيف بس !!

اتمنى لك التوفيق

المشاركة الأصلية كتبت بواسطة impact
http://www.arabtravelersforum.com/tr...2/#post4356052

اول شي ياغالي طبعاً اكيد انت عارف عن موضوع انك تاخذ اجازة علشان التصريح ,,

بعدها كشف الحساب اذا من شخص ثاني لازم ترفق تعريف راتبه وخطاب منه انه متكفل بمصاريفك لحين العودة وكلها باللغة الانقليزية!!

انا اشوف انه وضعك بيكون غريب عليهم شوي موظف وتخلي احد يصرف عليك !!

ونوع الفيزا الي بتقدمها سياحية بس ما تدرس فيها الا اذا تبغا 3 ساعات في اليوم لمدة 5 ايام في الاسبوع يعني كور خفيف بس !!

اتمنى لك التوفيق





هلا بك يا الغالي ..

ممكن توضح عن النقطه الأولى اللى ذكرت .. الأجازه شهر واحد ، وأكيد باخذها قبل موعد السفر بيوم واحد ..
عاد مدري اذا فيه أجراء ثاني مثل ماتفضلت عن التصريح أتمنى تتكلم عنها أكثر وبوضوح .

ومن ناحية النقطه الثانيه اللى ذكرت فعلا ً ، بس أخاف يردون الطلب ويقولون مرفوض علشان ماعندك في حسابك

فلوس تكفى .. للعلم بأن الفلوس بتتوفر قبل السفر بأسبوع .. بس أبى الخطوه هذي تعدي واخذ الفيزه

ولا الامور زينه عندنا بيت هناك في امريكا ..

وبالنسبه للفيزه مثل ماذكرت سياحيه .. وفيه معهد هناك أسمه المعهد السياحي .. لفترة 3 ساعات باليوم

ويفيد اللى مثلي يبي يطور اللغه ومهاراته الخاصه .

الف الف الف شكر أخوي وأقدر لك جهودك وردك لي هنا .

أخوك / أبو مسك ..

الاخ سالم تحية طيبة

انا وانت بنفس القطاع وانا منتسب بجامعة الملك عبد العزيز كلية الاداب قسم اللغة الانجليزية وادابها اخر سنه ان شاء الله

وانا ناوي اقدم على التأشيرة بحول الله من بدري لعلنا نقدر نتعاون مع بعض .


اخوي امباكت

ياليت تاخذنا خطوه بخطوه تكفى وتصحح لي

انا عندي اكثر من حساب وفيها مبالغ

وعندي ماستر كارد ، ( فيها مبلغ مابعد سدد بس انا منتظم بالسداد ، يأثر ولا لا )

الحين المطلوب ......

الي فهمته كشف حساب موضح فيه الراتب وتاريخ الالتحاق بالخدمة موجه للسادة سفارة الولايات المتحدة الامريكية

ويكون مترجم من مكان معتمد لدى السفاره ، لان العمل يعطينا اياه بالعربي .

انا قريت شهادة ميلاد وايصال تذاكر وصورة جواز الام والاب ؟؟؟ ولا هذي خاصة بالاطفال ؟؟

شاكر لك تجاوبك اخوي امباكت

واخوي سالم استميحك عذراً لكتابة الاستفسار في موضوعك

لكن مابغيت افتح موضوع جديد بما اننا في نفس القطاع

هلا ياغاليين

بالانسة لموضوع الاجازة هذي خاصة بالعساكر انكم تاخذوا اجازة وتصريح بالسفر خارج السعودية !!

اما من ناحية الكشف اذا ما عندك مبلغ يكفي للرحلة يمكن راح يرفضوك ويمكن اصلاً اذا شافوا تعريف الرات بومبلغ الراتب فيه تمام ما يطلبوا منك كشف الحساب !!

الماستر كارد وسدادها مالها اي علاقة بالسفارة !!

الكشف ممكن تاخذ من البنك بالانقليزي اما تعريف الراتب توديه اي مكان معرف فيه من الغرفة التجارية لان السفارة تقبل ختم الغرفة التجارية !!

لا تلخبطوا شهادة الميلاد والتذاكر هذه للاطفال الي بيرسلون اهلهم جوازاتهم بالبريد لهم فقط !!

اتمنى لكم التوفيق

الاخ سالم تحية طيبة

انا وانت بنفس القطاع وانا منتسب بجامعة الملك عبد العزيز كلية الاداب قسم اللغة الانجليزية وادابها اخر سنه ان شاء الله

وانا ناوي اقدم على التأشيرة بحول الله من بدري لعلنا نقدر نتعاون مع بعض .




يا مرحبا فيك .. حياك الله يا بعدي ، أنا بصراحه أرتحت لوجودك معي هنا .. لأنك معي بنفس الخطوه

وممكن نرتب أنا وانت موضوعنا هنا ، حبيت أسألك أنت في اي منطقه وش أسم فوجكم ؟

الله يوفقك أن شاء الله وتكون معيد في نفس الجامعه وييسر لك أمورك وتحظر الدراسات العليا بأذن الله ..

في خاطري كلام كثير لضيق الوقت أنا طالع الأن الجامعه وأدعولي بالتوفيق . الف شكر للجميع

وبالنسبه للعم أمبكت شكرا ً لك ولي عوده في الحديث معك على رواقه

الله لا يهينك اخوي امباكت على التجاوب السريع

موضوع الاجازة اكيد مانقدر نسافر للخارج الا بوثيقة اجازة تخولك السفر للخارج هذا شي اكيد .

انا بصراحة عندي حساب ينزل عليه الراتب

وحساب ثاني هو الي عليه حركة ماليه اكثر ، بالاضافة للماستر كارد

وناوي اجيب 3 كشوفات كشف حساب لراتب و كشف حساب للحساب الثاني وكشف حساب الماستر كارد من باب الاحتياط ولا ماله داعي ؟ اقصد يكفي كشف الحساب الخاص بالراتب .

المشاركة الأصلية كتبت بواسطة mr-salem
http://www.arabtravelersforum.com/tr...4/#post4356944

يا مرحبا فيك .. حياك الله يا بعدي ، أنا بصراحه أرتحت لوجودك معي هنا .. لأنك معي بنفس الخطوه

وممكن نرتب أنا وانت موضوعنا هنا ، حبيت أسألك أنت في اي منطقه وش أسم فوجكم ؟

الله يوفقك أن شاء الله وتكون معيد في نفس الجامعه وييسر لك أمورك وتحظر الدراسات العليا بأذن الله ..

في خاطري كلام كثير لضيق الوقت أنا طالع الأن الجامعه وأدعولي بالتوفيق . الف شكر للجميع

وبالنسبه للعم أمبكت شكرا ً لك ولي عوده في الحديث معك على رواقه

الله يطول عمرك اخوي واكيد ان شاء الله راح نتساعد مع بعض

انا في رئاسة الحرس الوطني طالع عمرك منيب في الافواج قريب حولكم

والله يوفقنا وياك ان شاء الله ونحضر دراسات عليا جميع

لنا جلسة على رواق على قولتك

الكشف للبطاقة الائتمانية ماله اي داعي

والافضل انك تجيب كشوف حسابات اخرى اذا كان عندك والاهم الي ينزل عليه الراتب او عليه حركات كثيرة مثل تسديدات فواتير وغيره !!

بالتوفيق

بالاضافة لما افاد به اخوي امباكت ضروري وجهة السفر تكون مكتوبة في وثيقة السفر لأمريكا لكي يتم تقديمها لموظفي الجوازات ,

كشف الحساب لثلاثة اشهر وعندك وقت للمقابلة لترتيب الامور بحيث يكون بالحساب بتلك الفترة مبلغ لا بأس بة ,
وارفق كشف حساب لأكثر من حساب اذا عندك ,

وضروري يكون معك بطاقة ائتمانية بامريكا لايجار السيارة وللفنادق ولغيرها , السحب بالصراف ما يسحب مثل عندنا لحد 5 الاف ممكن بالسحبة الوحدة يسحب 400 دولار ,

تحياتي , , ,

الترجمة يكون في مكتب ترجمة معتمد لدى الغرفة التجارية !!

بالتوفيق

اخوي الجهات الرسمية للدولة كالحرس الوطني ووزارة الدفاع ووزارة الداخلية تخاطب السفارة باللغة العربية ولا تحتاج للترجمة ,

تحياتي , , ,

ما قصرتو الله يرحم والديكم

يعطيكم العافيه على التوضيح /






طيب يا شباب .. أنا باخذ شهرين الى 3 شهور

كم أحط في الحساب ، المبلغ اللى تشوفون انه مقنع ويمشي في أمور اخراج الفيزه بالضبط ؟!

الظاهر أني بضطر اودع مبلغ من اي شخص وأخذ كشف حساب علشان تمشي الأمور ! ولا تشوف طريقه ثانية يا أمباكت ؟!






مارديتوا علي يا شباب .. الله يرجزاكم الجنه ومعليش ثقلت عليكم ..

أخوي لكي ممكن ترسل لي ايميلك اذا تدخل مسن أو ترسلي رقم جوالك ؟! ضروري

والله المشكلة هنا ما نقدر نرسل رسايل خاصة مادري الخاصية ذي الغوها
بس خلني احاول ارسل رسالة للمشرف علشان يوصل لك الايميل

سالم اعتقد انك تقدر ترسل لي رساله خاصه

لاني حاولت اراسلك مالقيت هالخاصية عندك

حاول تضغط على اسمي ثاني خيار ارسال رساله خاصه

هلا بك يا الغالي .. نفس المشكله عندي ، والأخوان ماردوا علينا

اذا ممكن ترسلي رقمك بطريقتك الخاصه

وأتمنى من الأخوان الرد بأسرع وقت ممكن والف شكر

ممكن يااخوان تراسلون الادارة وهم ما يقصروا بربطكم ببعض ,


https://support.maktoob.com/index.ph...epartmentid=21


تحياتي , , ,

الف شكر لك أخ وليد // وللمره الثالثه ماحد رد على هالأستفسار






طيب يا شباب .. أنا باخذ شهرين الى 3 شهور

كم أحط في الحساب ، المبلغ اللى تشوفون انه مقنع ويمشي في أمور اخراج الفيزه بالضبط ؟!

الظاهر أني بضطر اودع مبلغ من اي شخص وأخذ كشف حساب علشان تمشي الأمور ! ولا تشوف طريقه ثانية يا أمباكت ؟!





اخ لكي الى الأن موجود ولا هونت من السفره ؟! والله حاسها كذا ؟!!

ههههههههههههههه

افا عليك ياسالم

اليوم رحت اصور اجهز الصور علشان ارفعها في موقع السفاره

بس تخبر ويك اند ومشغول شوي

بس براسل الادارة علشان يوصلونا مع بعض

هههههههههههه منت سهل على الأقل رحت تصور ، أنا ماسويت شيء الى الحين

والله احس اني مشتت نوعا ً ما ؟!

يابن الحلال هونها وهي تهون

الامر سهل ولا تشتت ولا يحزنون

لكي .. أيش رايك في الأداره ؟!

ياخي أراسلهم ولا ردولي خبر ! فالحين في حذف الردود بس ؟؟؟

ياخي قلت لك أخل صفحتي الفيس بوك علشان نتواصل وحذفوا الرد علشان الخصوصيه يعني !

طيب من البدايه يا الأداره العزيزه ابنوا بيني وبين الرجل جسر علشان نتواصل ولا احنا بطريقتنا نتواصل !

ياخي حتى أكثر الاستفسارات ماردوا عليها

عزيزي

اكتب موضوع في بوابة الاقتراحات والدعم وان شاء الله بيردوا عليك !!

بالتوفيق ,,

الله يعطيكم العافيه

اخواني

لعلي افيدكم انا ضابط وقدمت على الفيزا الامريكية واخذتها واجراءاتها جدا سهلة ومرتبة وممتازة .

بما انك عسكري فاكيد راتبك ينزل على حساب معين في البنك .. ولا وشلون يصرفون لك الراتب ؟؟ ما ادري عن وضعكم في الحرس وفي الافواج خصوصا هل تستلمونها كاش ولا مثلكم مثلنا تستلمونها عن طريق الحساب

انت قدم لهم التعريف بالراتب وترجمه من مكتب معتمد وقدم كشف الحساب اللي ينزل عليه راتبك وباقي المتطلبات وفيه مقابلة شخصية بيسألونك اسئلة عادية .. من ضمنها اسئلة عن عملك وش سبب التحاقك ووش عندك في امريكا ورايح لمين واي ولاية واسامي الاشخاص .. خلك واثق وعطه الاسامي مثل ما يطلبها منك
وفي النهاية كلها اسبوع والجواز بيدك والفيزا خمس سنين .. وهذا اللي حصل معاي بالضبط .

الله يخليك ويحفظك على هالرد الكافي

واضح بالضبط ، راتبي ينزل على حسابي والأمور كلها زينه

التعريف موجود وبترجمه من مكتب معتمد بأذن الله .. بس بالنسبه لكشف الحساب أقدمه وهو مافيه الا الراتب

ولا أقدمه وفيه مبلغ يكفي مصاريفي في امريكا . من 50 الف وفوق

والف شكر