والله حنا ضعنا بين الوزاره والجامعات صرنا نسير بحلقه مفرغه ما يطلعك منها الا الله سبحانه وتعالى ومن ثم واسطه تشد الظهر مهما عدنا ومهما قلنا تظل الواسطات والمحسوبيات هي المسيطره هنا بالسعوديه.
انا توقعت ان الشريحه الكبرى المستفيده من موضوع االبعثات هذه هي الطبقه ذات الدخل المحدود لكن تفاجات لما عرفت ان اغلب الذين اعتمدت بعثاتهم من الطبقه الممتازه ( ربي مو مقصر عليهم لو بيسافرون على حسابهم). اللي ما وجهوا ابد مشاكل سواء من ناحيه جامعات (ابوه ولا اخوه ولا عمه مصيف هناك ومر على جامعه وجاب له قبول) وحتى لو واجهتهم مشكله ضمان مالي الله لا يهينه الوالد يعطيه ضمان علشان الاي 20 وحتى بالسفاره عندهم ملفات من الفيز السياحيه اللي كانوا يطلعونها وبعد ما اصدرت قرارات ابتعاثهم صارت مشكلتهم هي كيف ترقيه التذكره من سياحيه الى اولى . اللهم لاحسد بس الحكومه المفروض تتساهل شوي وتحاول تبسط الاجراءات على جميع المواطنين خصوصا الغير قادرين واللي يمثلون اغلبيه الشعب.
انا واجهتني نفس مشكلتك رحت تكلمت مع الوزاره قالوا لي جب اي 20 عن طريقك حط مبلغ بحسابك وارسلهم قلت لهم واللي ما عنده رد على المسؤل بكل برود، احد ما عنده واذا ما عندك ياخي تسسلف
رغم ان شخص انا مقابله ومكلمني شخصيا واجهته نفس المشكله (بس عنده وااووو) اصدرت الوزاره خطاب باسمه موجها للجامعه تطلب منها استخراج الاي 20 وان الفاينل قرنتي بيصدر بعد ما ترسل الجامعه الاي20 مو القبولوانا تاكدت من هالكلام بنفسي من الجامعه بعد ما اتصلت عليهم.
عموما اللي فيه الخير لنا ربي يسويه سواء بالابتعاث او عدمه.

ولله في خلقه شؤون.

مواضيع عشوائيه ممكن تكون تعجبك اخترناها لك: