الموضوع: تكفون ياااهل الخبره عريس متوهق

السلاام عليكم ورحمه الله وبركاته



اولا والله ماادري ايش اقول ومدري من فين ابدا لاني جديد ع المنتدى وماعندي خبره في طرح المواضيع وماادخلت هنا الا لاني بحاجتكم والله العظيم تحسو اني بقول قصه حزينه هههههه



بصراحه انا عريس بقضي شهر العسل ان شاء الله في النمسا ابي نصايحكم وارائكم ابغا جدول جاهز بكل شي من اول مااصحى الين ماارجع مع العلم انو رحلتي بتكون في ابريل تكفون يااهل الخبره لاتخلوووني

وطامه الكبره اني مااعندي لغه انقليزيه وشي ثااني اول مرا افكر اسافر الى اوروبا لمده لي ان شاء الله راح اخذها هناك 12 يوومم

والله كل احد يساعدني او يحاول يساعدني لا ادعي له بتوفيق وانو الله يرزقه بذريه صالحه اه والله متوهق

مواضيع عشوائيه ممكن تكون تعجبك اخترناها لك:

• بالنسبه للحجز سياره من موقع
• استفسار عن قريه
• حــارة أهــل الرايــهـ
• شهر العسل بالنمسا أول سفرة لي لهذي الدولة انفعوني نفعني الله واياكم
• استفسار عن حجز في بوكينق
• فزعتكم يا اخوان للمساعدة في التخطيط للسفر
• مجموعة نصائح مهمة قبل السفر تخص جواز سفرك وتخص بياناتك على الرحلة
• رايكم بهالشقق يهمني
• شلال جولنجر في اقليم سالزبورج
• استفسار عـــــــاجــــل
• لاصرتي الصورةوعيوني البرواز موينخجارمشزيلامسيفيينا وشلون أبنسى
• لو تكرمتوا محتاج جدول ايام وافضل مسار لالمانيا والنمسا
• فزعتكم في الطريق
• مساعدتكم الله يوفقكم
• تقرير مفصل عن حلب
• رحـــلـــتـــي إلــــى الــــنـــمـــســـا
• في ربوع النمسا الجميلة صيف
• ما اجمل الشقق المجربة ذات اطلاله خيالية في بيسندورف او كابرون
• شهر العسل في النمسا
• سفره شبابيه سنه لشخصين لمده يوم

والله ماتوقعتها منكم 33 مشاهد ولا واحد تعب نفسه يرد قالو ادخل منتدى المساافرين والله ماتطلع منه الا وانت مخزن معلومات ويساعدونك وينصحوك

المشاركة الأصلية كتبت بواسطة سيدكو
http://www.arabtravelersforum.com/tr...7/#post8362772

والله ماتوقعتها منكم 33 مشاهد ولا واحد تعب نفسه يرد قالو ادخل منتدى المساافرين والله ماتطلع منه الا وانت مخزن معلومات ويساعدونك وينصحوك



السلام عليكم ورحمة الله وبركاته

ان شاء الله انك وصلت خير

بس لاتظن انك داخل مكتب سياحي وفيه موظفين جالسين بس يردون على الاستفسارات

اللي يدخل هذا المنتدى ويظن هذا الظن احب اقوله ان الصوره اللي انت فاهمها غلط



المهم ماعلينا

نرد على استفسارك

للاسف يابعد قلبي الشهر اللي بتروح فيها بتكون اغلب الاماكن السياحيه مقفله

بس اتوقع انك حجز حق الزواج (الله يوفقك ويتمم لك بخير) ولا تقدر تغير شي



اول شي ياطويل العمر

تبدا بحجز تذاكر الطيران وتقدر تبحث عن افضل طيران من موقع كياك

http://www.kayak.com

وبعدها تشوف الفنادق من موقع اجودا او بوكينج

http://www.agoda.com

http://www.booking.com?aid=1329869



وهذا طبعا تعتبر من اجراءات فيزا الشنجن

ومن الاجراءات انك لازم يكون عندك تامين طبي (سهل امره)

تروح التعاونيه للتامين وتقولهم ابغى تامين وبيعطونك وانت واقف . قيمته مائتين ريال للجوازين

وطبعا ماتقدر تاخذه الا قبل موعد سفرك ب ثلاث شهور

وبعدين تدخل على موقع السفاره النمساويه وتحجز لك موعد وتروح انت مع المدام للرياض عشان تبصمون

وفيه مكتب في الخبر وفيه في جده شف وش الاقرب لك



ولا تقول بروح لمكتب يسوي لي الفيزا الشنجن لانك نفس الشي بتروح الرياض

والمكتب بياخذ عن كل جواز الف ريال بينما انك اذا رحت تسويها بنفسك بيكلفك الجواز الواحد 400 ريال تقريبا

ولا تقول المكتب بيريحني لانك نفس الشي انت بتدق مشوار الى الرياض (تعال ممكن انك في الرياض ولا يحتاج تدق مشوار ههه)

المهم ذا الحين هذا الامور اللي لازم تبدا فيها

والحمد لله انت عندك ذا الحين متسع من الوقت للتخطيط والترتيب

ولو ان العرس شغلته شغله بس مو مشكله بنحاول نساعد باللي نقدر عليه



ومثل ماقلت لك ترى موعد سفرك بيكون اغلب الاماكن السياحيه مغلقه بسبب برودة الجو

الاماكن السياحيه ماتفتح الا من نصف شهر خمسه ميلادي اللي هو شهر مايو



وبالنسبه للتكلفه هناك تقريبا التكلفه اليوميه 1000 ريال بدون تذاكر السفر والفنادق



ذا الحين انت المفروض تشوف تكلفة الطيران كم

عطنا موعد سفرك بالضبط عشان نشيك لك

او انك تشيك بنفسك

واذا بغيت تغير رايك عن الوجهه شي راجع لك

هناك عدة اسباب لتغير الرأي بالنسبه لك

اولا موعد الرحله مش ذاك الزود

ثانيا اللغه عندك مش ذاك الزود (وهذي مش مشكله)

ثالثا التكلفه ممكن تكون عاليه (وهذي مش مشكله بس لانك العريس ممكن تتضايق - الله يرزقك ويزيدك من فضله) وخصوصا ان موعد رحلتك مش موسم ان شاء الله تطلع التكلفه قليله



لو بنحسبها حسبه سريع عن التكلفه

انت بتجلس 12 يوم يعني 12000 تقريبا

الطيران تقريبا لشخصين 4500

الفنادق تقريبا اليوم ب 500 ريال في 12 يوم يعني 6000 ريال

يطلع المجموع 22500 ريال

قل يبغى لك 25 الف ك احتياط



واسف على الكلام اللي في الاول

لاتفهمني غلط واني طبيت فيك بس بغيت الكل يصحح الفكره عن المنتدى



بالتوفيق ان شاء الله

اخوي لا تفهم كلامي غلط بالعكس لكم احترامكم وتقديركم والله في بدايات الحديث قلت ماعندي خبره بتنزيل المواضيع

وشي ثااني اشكرك من كل قلبي ع رد ع الموضوع والله يووفقك ويرزقك ذريه صالحه ويسعدك في حياتك

بما انك تقول الاجواء غير مناااسبه ايش تشور علي وانا اخوك لاني والله اخاف اروح هناك ولا انبسط بسبب بروده الجو وتساقط ثلوج يعني بوجهه نضرك اغير الوجهه فين ماليزيا او تركيا ايش لي تنفع للعرسااان وماعليش ع الاطاله بس والله متوهق وانا اخوك