مشكور اخوي على هالموضوع
بس تصدق
انا كرهت الفلبين بسبب رحلتي إلى باغسانهان في لاقونا
بتقولون ليش.؟


ذهبنا لتلك الرحلة عن طريق التاكسي .. يوم وصلنا لهم استفسرنا عن سعر الدخول
وقالونا 660 بيسو للشخص الواحد .. وعند وصولكم للشلال اللي يبي ينزل للشلال يسبح يدفع 90 بيسو..
قلنا مو مشكلة
توكلنا على الله ودخلنا وركبنا المركب ومشينا ومشينا ومشينا .. وبعدها وقفو فينا الأثنين اللي يدفون المركب وقالو لازم تدفعون 2000 بيسو عشان أجرة الطريق..؟ :114: يمين يسار ويمين يسار ومناوشات ولابد اننا ندفع .. جيت وعطيتهم 1000 وقلت مافيه غيرها .. قالو خلاص مو مشكلة .. وبعدها كملنا الطريق ونزلنا عند الشلال ودفعنا 90 بيسو وتسبحنا.. ويوم خلصنا ركبنا القارب ورجعنا وسواليف معاهم تقول كأنهم يعرفونا من سنين.
يوم وصلنا لمقر ركوبنا بانتهاء الرحلة جينا بنطلع قالو تعالو وين رايحين :114: قلنا وش يبون ذولا :108:
قالو لازم تدفعون فلوس زيادة عن كل شخص 2500 بيسو للشخص الواحد "احنا كنا ثلاثة"
قلنا ليش.؟
قالو قيمة "الدفة" وديناكم وجبناكم .. قلنا طيب الـ 660 بيسو اللي دفعناها حقت ايش قالو هذي إيجار المركب فقط.. وهواش واحنا وياهم وتجمعو ما يقارب 10 اشخاص وكان الوقت حول المغرب وانا والشباب نتهاوش معاهم قالو لازم تدفعون غصبن عليكم :110: فقلت للشباب خلونا نعطيهم ونفتك من شرهم قبل لا يغرقونا بهالبحيرة وبدون محد يحس فينا.
فـآخر شي عطيناهم 2000 بيسو وبالهواش يالله رضو.
ومن بعدها وانا حاقد على الفلبين.

وازيدكم من الشعر بيت .. كنا متفقين مع التاكسي يودينا ويجيبنا بـ 1500 بيسو .. يوم درى بالسالفة حقتنا معاهم وعقب ما نزلنا عند الفندق قال ابي 2500
قلت اقول بتنقلع والا قلعناك .. ترى حومتو تسبدي.
وعدت ذاك اليوم على خير .. وانا من بكره على المطار.

وسلملم وأدري طولت :9

مواضيع عشوائيه ممكن تكون تعجبك اخترناها لك: