الموضوع: خبراء النمسا بحاجه الى مشورتكم

السلام عليكم ورحمة الله وبركاته

قدر الله علي وصار زواجي في أكتوبر بعد عدة تأجيلات وتظهر معكم في الموقع اعتذر لانها خارجه عن إرادتي وطبعا وجهتي النمسا حجزت التذاكر والفنادق لكن تعبت في حكاية الأنشطه أو المسارات لأن أغلبها مغلق بهذا التاريخ عشان البرد وبغيت اقتراحاتكم الأفضل لتوقيتي فين اروح وأرحب بجميع النصائح
فيينا 22/10 الى 24/10
سالزبورغ 24/10 الى 27/10 طبعا فيها اليوم الوطني للنمسا كيف بيكون الوضع
زيلامسي 27/10 الى 1/11
ميونخ 1/11 الى 3/11 ومن ثم العودة الى ارض الوطن
بالنسبة للسيارة فكرت في خيارين
1- من فيينا 22/10 الى ميونخ 3/11
2- من فريلاسنق 24/10 الى ميونخ 3/11 للتوفير
ايش الأنسب واذا في خيار أفضل أكون شاكر
وايش افضل شركة من ناحية السعر والمصداقية
وهل خيار السيارة سليم أو لا

شاكر لكم فردا فردا على هذا الدعم المتواصل في هذا الصرح الشامخ

مواضيع عشوائيه ممكن تكون تعجبك اخترناها لك:

• رحلتي العائلية الى سوريا
• الاماكن موجوده بس باقي التوزيع زيلامسي
• رحلة ال يــــوم من مكه الى كسب
• ابوقبيس طبيعة لاتفاوم
• تجربتي في هذة الفنادق
• رايكم في فندق عاجل جداا
• ۩‗°¨‗ـ شقق فينا ـ‗¨°‗۩
• سآعدوني أضبط شهر العسل .. م حانسى لكم هالخدمة
• مسافر جديد لأوروبا ومحتاج المساعده
• منكم نستفيد بخصوص السفر الي ميلانو
• استفسار وين خبراء النمسا
• النمسا و سويسرا في شهر فبراير ؟ بصحبة اطفال ؟
• برنامج شهر العسل أرجو المساعدة
• استفسار عـــــــاجــــل
• ضروررررري بلييييز
• نداء الي اهل الخبره
• سَافَرَ الَيَّ زْلامُسيّ تَقْرِيْرِ سُفْرَتَيْ الِاحْتِرَافِيْهُ
• رحلة صيف م سحر الطبيعة في النمسا
• استفسار بخصوص الفيزا في السفارة الالمانية
• تعالوا نتجول داخل قرية النمساوية بالصور

وعليكم السلام ورحمة الله وبركاته

حبيت اشور عليك لاني ماعندي خبره عن استفساراتك

شوري عليك انك تروح اماكن الجو فيها عدل بما انك حجزت تذاكر الطيران والفنادق
الفنادق ممكن انك تكنسلها؟؟

شرايك تغير من النمسا الى ايطاليا (فينيسيا - روما - ميلان) اتوقع الجو فيها احسن من النمسا في شهر اكتوبر (اتوقع .. يبغى لك تتأكد)
او باريس - جنييف - ارياف باريس

مجرد مشوره حبيت اطرحها عليك

جزاك الله خير أخوي الطيران غير مسترد والفنادق يترتب غرامة 100 دولار على كل فندق في حال الإلغاء
يعني فكرة التغيير غير ممكنه
مالي الا اقبل الوضع انا اللي خوفني بعد الحجز اني سمعت ان درجات الحرارة تتراوح بين 12 للعضمى الى 4 درجات للصغرى
20 درجة ذبحني البرد كيف الدرجات هذي الله يصبرنا بس
عشان كذا بعوضها بالانشطه اما اذا ما توفقت في الانشطه
وصارت برد وملل رحنا فيها

متابع موضوعك

انا برضو ترتبت سفرتي في نهاية اكتوبر
ومدري كيف الاجواء يهمني الجو يكون مناسب اكثر من الانشطه على الاقل الواحد يقدر يروح ويجي
ما يتورط في البرد على الاقل نشوف خضار وطبيعه
وان شاء الله يردون اهل الخبره ويشيرون علينا بالمشوره الحكيمه

ياغالي اذا كان الجو مثل ماقلت فنصيحه لك اخسر لك كم الف افضل من تدفع للفنادق وغيرها وتروح وانت ماغير في هالغرفه منت بمستانس ولاشي لان بردهم يقص العظم وبالنسبه لايطاليا الجو بيكون اخف من النمسا بالتاكيد واتوقع بتكون الرحله امتع من النمسا في هالوقت

اسمع وانا اخوك .. خذ العلم من أهل الخبرة والتجارب , خصوصاً انك بشهر عسل وتحاول تطلع بأقل الأخطاء ..

1- ابتعد عن مناطق البرد قدر المستطاع .. أسأل مجرب .. انا صار لي نفس الموقف بس مابغيت ايطاليا بسبب تصرفاتهم وعدم تقبلهم للعباية فطحت مريض بشهر العسل وبالأخير تمنيت اني محولها لايطاليا بالنقاب وصحتي الزم من مراعاة اخلاقهم.
2- خذ السيارة من مطار الوصول الى مطار العودة .. الفرق لايذكر يارجل , واقترح عليك ( يورب كار ) هم الأرخص وكنت ما اخذ عندهم بسبب اسعارهم الرخيصة وغير المنطقية ! وانا الان احاكيك من زيلامسي ماخذين علي 2700 ريال فقط لـ 14 يوم بدون مبالغ اضافية للاضرار.


بالأخير , اختصرها لك :
انا بعد سفريات وروحات وجيات فكرت شوي بيني وبين نفسي .. الحين لو زادت سعر تذاكر الطيران 500 ريال او مثلا كنسلت فندق بضريبة 100 دولار وتحسفت ! انت أصلاً مثروفك اليومي مايقل عن 500 ريال يعني اعتبره مصروف يوم واحد فقط .. دامك سافرت فتحمل السفرة ( من - الى ).