الموضوع: ترتيبات للسفر الي النمسا ألمانيا وسويسرا

وعليكم السلام 13 الف ايش
ريال , دينار . درهم
حددي العمله

السلام عليكم ورحمة الله وبركاته
حنا هنا نحسب حسبه تقريبيه .. الا وهي
انه كل يوم في اوربا تصرفين 1000 ريال تقريبا

يعني اعطيك مثال مختصر على رحلتي الى النمسا وسويسرا وباريس لمدة 13 يوم
قبل اطلع من السعوديه انا دافع 20 الف ريال سعودي قيمة الشنجن و حجوزات التذاكر والفنادق وتذكرة ديزني لاند وقيمة حجز السياره (الفنادق حيا الله والتذكره من قبل ست شهور والسياره ب5الاف وديزني ب500ريال)
وصرفت هناك بدون هذا كله 15 الف ريال مع المشتريات والبنزين ودخول الاماكن السياحيه
وانا ماشريت اشياء كثيره لو قلنا المشتريات ب5 الف (خصوصا العطورات من باريس) ف ممكن اني صرفت 10 الف بدون المشتريات

او اقل
انتي تقدرين تروحين بس بتقلليلن المشتريات جدا يادوب اكل وشرب
وانتي تقولين المبلغ اللي معك بدون الفنادق يعني لسى ماحجزتي الفنادق

بذا الطريقه ممكن تنكنسلين السكن في ميونخ وتكون فقط ذهاب ورجوع في نفس اليوم من زيلامسي

يعني وانتي ساكنه في زيلامسي تروحين من الصبح الى ميونخ وترجعين في المساء

بكذا بتقللين الايام بحذف ايام ميونخ خصوصا ان ميونخ للتسوق فقط

يعني باختصار طيعي كلام زوجك وقللي الايام وان شاء الله بيكفيكم المبلغ

اقصد بدرهم
وئد بومريم
لا انا مابغي اتسوووق أبدا الا يمكن اخر شي

المبلغ بيكفي او لا !!
انزين شو احلى الاماكن الي فيهن !! وشو الي بيدلينا ياهننن < يعني بلمختصر ابا حد يسويلي جدول 😁
ومحد رد على اسألتي 😭💔 من الموبايل

اقصد بدرهم
وئد بومريم
لا انا مابغي اتسوووق أبدا الا يمكن اخر شي وهل المبلغ بيكفي او لا !!
انزين شو احلى الاماكن الي فيهن !! وشو الي بيدلينا ياهننن < يعني بلمختصر ابا حد يسويلي جدول بتفصيييل ادري اني بلشهه واعور الرأس بس ذي اول سفررره فحياتي 😭❤️
ومحد رد على اسألتي 💔 من الموبايل

.......... من الموبايل

و عليكم السلام
ممكن تسافرين ألمانيا و النمسا فقط
يكون الوصول ميونخ و على طول تطلعين على سالزبورغ ليلتين و بعدها كابرون ( زيلامسي ) 4 او 5 ليالي و اخيراً ترجعين ميونخ ليلتين او ثلاث حسب الميزانية
لازم تحسبين كل شيء قبل السفر التذاكر و الفنادق و تأجير السياره و بعدين حطي ميزانيه 400 درهم يوميا للأماكن السياحيه و الأكل و المده بتكون تقريبا 10 ايام
استبعدي سويسرا لانها بتكلفكم وأيد و كسفره أولى ارضي بتقليل عدد الأيام و الأهم أنكم تستانسون مب مهم المده
بالتوفيق

هذا رابط للجداول لاول زيارة الى النمسا والمانيا وسويسرا

http://www.arabtravelersforum.com/travel881878/


في الرد الاخر طريقة حساب الميزانيه في النمسا وسويسرا

الميزانيه في النمسا


جرب هذة الخطوات
1- جرب اسعار الشقق لانها اوفر من الفنادق في الاماكن اللي تبي تسكن فيها ودونها عندك
2- شوف حجز السيارة كم يطلع عليك ودونها عندك
3- متوسط الصرف في النمسا تقريباً 100 الى 150 يورو في اليوم تزيد او تنقص قليلاً للشخصين وابني على ذلك
4- سعر التذاكر
5- سعر التأشيرات

اجمعها كلها وتعرف كم لك وكم عليك .....

الاشياء الممكن عملها للتوفير
1- اخذ معاك بعض المعلبات والاكل من دولتك وانتبه لوزن الحقيبه
2- السكن في الشقق
3- تقليل التنقلات وتغيير السكن
4- سيارة ديزل
5- تناول وجبة واحده في مطعم والباقي في الشقه
6- السكن في فنادق او شقق في زيلامسي او كابرون توفر بطاقة زيلامسي كابرون الصيفيه
Zell am see - kaprun اللتي تخولك لدخول اغلب الاماكن السياحه مجاناً والبطاقه تستفيد منها من تاريخ 15 مايو الى 15 اكتوبر من الموبايل

الميزانية في سويسرا


جرب هذة الخطوات

1- جرب اسعار الشقق لانها اوفر من الفنادق في الاماكن اللي تبي تسكن فيها ودونها عندك
2- شوف حجز السيارة كم يطلع عليك ودونها عندك
3- متوسط الصرف في سويسرا تقريباً 150 الى 200 فرنك في اليوم تزيد او تنقص قليلاً في سويسرا
4- متوسط الصرف في المانيا تقريباً 100 الى 150 يورو في المانيا تقريبا

5- اسعار التذاكر

اجمعها كلها مع بعض وشوف كم تكلفك ...
Y n

الاشياء الممكن عملها للتوفير
1- اخذ معاك بعض المعلبات والاكل من دولتك وانتبه لوزن الحقيبه
2- السكن في الشقق
3- تقليل التنقلات وتغيير السكن
4- سيارة ديزل
5- تناول وجبة واحده في مطعم والباقي في الشقه
لان ممكن تكلفك وجبه في مطعم هندي اللي هو تاج محل اللي في انترلاكن 250 ريال

معلومات عامه حول الاماكن السياحيه
1- ممكن يكلفك الصعود الى قمة جنقفراو 600 ريال للشخص والافضل تلافيها والصعود الى قمة تتلس ارخص منها ولكن ما ادري كم بالضبط ممكن الاكتفاء بقمة كابرون بالنمسا ببلاش مع البطاقة ..
2- ممكن يكلفك الصعود الى قمة frist وتجربة الزحليقه اللي فيها تقريباً 650 مو متذكر السعر بالضبط ولكن في حدود هذا المبلغ لشخصين
3- ممكن يكلفك تجربة البارشوت مع اخذ الصور اللي يصورها لك المدرب تقريباً 170 فرنك =700 ريال للشخص

وفي الاخير
انت من يحدد الصرف من الموبايل

مشكورين اخواني على ردودكم ماقصرتو بس لو بغيت استأجر سياره وحبيت أعبيها فول غالي !! تقريبن كم سعره
وكيف التنقل هناك شو استخدم لمعرفة الاماكن ولو بغيت افتح انترنت ف تلفوني بكم تقريبن !! من الموبايل

المشاركة الأصلية كتبت بواسطة almeem1
http://www.arabtravelersforum.com/tr...6/#post8326116

مشكورين اخواني على ردودكم ماقصرتو بس لو بغيت استأجر سياره وحبيت أعبيها فول غالي !! تقريبن كم سعره
وكيف التنقل هناك شو استخدم لمعرفة الاماكن ولو بغيت افتح انترنت ف تلفوني بكم تقريبن !! من الموبايل



اذا بغيتي تعبين فل للسيارات الصغيره تقريبا 300 درهم
طبعا البنزين والديزل تقريبا نفس السعر.. الفرق بسيط يكاد لايذكر
بس الفرق بينهم ان الديزل يمشيك كيلوات اكثر من البنزين
يعني البنزين يمشي 600كيلو اذا كان معبأ فل
والديزل يمشي 1000كيلو اذا كان معبأ فل

وبالنسبه للتنقلات هناك ومعرفة الاماكن
تاخذين معك جارمن (نافيقيتور) وتاخذين معك الاحداثيات من هنا من هذا المنتدى المبدع
وهو بيوصلك الى كل مكان تبينه

ولا عندي معلوميه عن استخدام الانترنت على التلفون هناك .. كنت استخدم النت من الفندق

بالتوفيق ان شاء الله

الحذر الحذر من فتح النت بشريجة ديرتكالا بعد التنسيق واخذ باقة معينة من بعض مزودي الخدمات
اما التهور وفتحها مباشرة بيكون السعر مبالغ فيه جدا


في سفري لدبي كان الميجا بـ70 ريال
الميجا موب الجيجا..