الموضوع: الدراسة والسكن في ولاية نبراسكا اوماها

السلام عليكم
ان شاءالله شهر 9 القادم ناوي ابلش دراستي في جامعة اوماها في ولاية نبراسكا
بتخصص الهندسة الالكترونية

وهذي اول زيارة لي للولايات المتحدة الامريكية
فماعندي اي خلفية
و ارجو من اهل الخبره افادتي عن وضع المنطقة بشكل عام

و كذلك افادتي عن اسعار ايجارات الشقق حيث ان زوجتي سترافقني
لذا سوف احتاج الى تاجير شقة خاصه وليس منزل مشترك

بانتظار اهل الخبره
تحياتي


ملاحظة: نزلت نفس الموضوع في قسم الدراسة في بريطانيا لاني محتار بين الجامعين والتكاليف الانسب لي هي الي راح تخليني احدد الوجهة النهائية

مواضيع عشوائيه ممكن تكون تعجبك اخترناها لك:

• ضروري المساعدة في السكن في ليفربول
• الي في كانساس يرفع يده
• بدي مسااعدتكم شباب وصبايا
• لا مقابلة شخصية لطلاب الدراسات العليا الماجستير والدكتوراة
• ماهي افضل الجامعات في لندن لتعلم اللغة الانجليزيه ؟ لو سمحتوا احتاج مساعدتكم ضرووري
• كيف طريقة الابتعاث في برنامج خادم الحرمين؟؟
• اتمنى المساعده ضروري جدا في مدينة رامس جيت
• مساعدة في بورنموث
• المــــاجســـتــــيــــــــر
• الي كل من يدرس
• جاوبونا بارك الله فيكم
• دراسة اللغه في لندن
• لاهل الخبر في بريطانيا
• عاجل محتار بين امريكا وبريطانيا اعطوني رايكم
• نتائج الثانويه العامه يوم الاربعاء
• اخوكم محتاج لكم
• ضروري بخصوص الفيزا البريطانية
• بخصوص معادلة المواد أتمنى المساعدة
• استفسار عن المعاهد في مانشستر والمدرسة السعوديه
• ارجو المساعده لاصحاب برايتون معهد سكنمعيشة

هلا اخوي .. نبراسكا ولاية تعتبر في الغرب الاوسط .. الولاية باردة في الشتاء مع ثلوج ..

المدينة تعتبر رخيصة يعني حسب ماشفت الاسعار تبتدي من ٥٠٠ الى ١٢٠٠ دولار ..

المواصلات يلزمك سيارة مثل باقي المدن الامريكية ..

رسوم الجامعه تلقاها في موقع الجامعة ..

كفى ووفى الكبير سترونج مان
ولو أى أحد من الاخوان عندة أضافة يكون أفضل

يعطيكم الف عافيه و ماقصرتو

و واايد فادتني معلومة السكن
لان رسوم الجامعه حصلتها بموقع الجامعه لكن السكن ماكنت لاقي المعلومة الصحيحح
و جذي اقدر اكسر حساباتي و ادعولي بالتوفيق

و عندي سؤال بعد شلون الشعب بنبراسكا؟
عسى مافيهم عنصرية و تعصب
وشلون نظرتهم للعرب و المسلمين

السكن تلقاه في هالموقع

http://omaha.craigslist.org/apa/

هذا موقع يُعلن فيه كل شي في امريكا منها السكن

حطيت رابط السكن في اوماها ،، وماعتقد بتلقا مشكله بالسكن .. الاهم اذا قررت ورحت ،، احجز اسبوع في فندق قريب من الجامعه واستاجر سياره عشان تعرف المناطق الامنه اللي تصلح للسكن وتشتري سياره خاصه لك ..

بالنسبه للشعب .. انا درست من سبع سنوات في مدينة شيكاغو .. الشعب رائع جداً ومتعاون وكونت ولله الحمد صداقات الى اليوم اتواصل معاهم ..

الان رجعت الى امريكا وصارلي تقريباً اربع شهور في فلوريدا مدينة اورلاندو .. الناس متعاونين وطيبين ولاحسيت بفارق بيني وبينهم ..

ايضاً سافرت الى نيويورك والى العاصمة دي سي والى كاليفورنيا .. الناس كذلك محترمين ..

ايضاً لي اصدقاء قطريين في اوهايو وواشنطن الولايه اقصى الغرب وفي مونتانا وفي تكساس .. كلهم اجمعوا على نفس الكلام بأن الامريكان وخاصه البيض محترمين ..

توكل على الله وصل استخارة وشوف الافضل لك بريطانيا او امريكا

تحياتي

والله انك كفيت و وفيت و ماقصرت

يعطيك الف عافيه

انا بانتظار موافقة جهة عملي على اجازتي الدراسية و ان شاءالله خلال الايام القادمة راح يبين

وعقبها باذن الله راح استخير قبل لا اخطي اي خطوة

وشاكرلك اخوي