الموضوع: عدت من دبي

السلام عليكم :كل عام وانتم بخير وشهركم مبارك ..لله الحمد والشكر اولاواخيراثم لشيوخ الامارات عيال زايد الخير تمتعت باجازه رائعه في مدينه اروع صراحه اغبطكم يااهل الامارات ع التطور والنظافه والتقدم والتنظيم اتعب وانا أتكلم عن دبي...صح في غلا بس تستاهل وزود صح زحمه بس حلوه زحمتها صراحه ومن غير مبالغه سافرت اليابان وجلست فيها شهر بس دبي غيييييير استغرب لمن يقارنوا المدن العربيه باالمدن الغربيه وينسون دبي ..دبي نموذج مشرف للمدن العربيه وافتخر كوني عربي خليجي سعودي بدبي ..واي استفسار حاضر ياالغالين*
واحب اشكر حيل حيل كل من ساعدني وجاوب عن استفساري....

مواضيع عشوائيه ممكن تكون تعجبك اخترناها لك:

• دبي لاند
• مخالفة في مترو دبي خلال الربع الأول
• تحياتي للجميع وارجو المساعدة
• ارجو المساعده
• عن طيران العربيه و مطار الشارقه
• برنامج ســــياحي وشـامل في دبي للعوائل للعرسان
• معرض دبي تاريخ
• ميناء راشد يتحول إلى أكبر مركز للرحلات البحرية في المنطقة
• إستفسارات عن الطقس ودرجات الحرارة
• عروض الخطوط القطريه من الى سبتمبر
• متواجد في ابوظبي ومحتاج مساعدة
• مجموعة جميرا تزيح الستار عن علامة فندقية جديدة
• نسبة إشغال رحلات طيران ناس من أبوظبي إلى جدة في رمضان
• تقريري السريع عن دبي
• اخوكم من قطر ودة بمساعدة
• سؤال عن مستشفيات دبي
• اقرب الطرق من الامارات الى مسقط
• مسافر لدبي واحملسلاح شخصي مصرح كيف سيتم التعامل معي عند وصولي لجمرك حدود الإمارات؟
• كل عام وانتم بالف خير بمناسبة عيد الفطر المبارك
• تفضلوو هوون

الحمدلله على السلامة

وبالفعل دبي وجهة مشرفة للعالم العربي

الحمدلله على السلامه كل عام وانت بالف خير

الحمد لله على السلامه

ومشكور على كلامك الجميل عن مدينتي الغالية دبي

وحياك الله

عليكم السلام

حمد لله على السلامه
والحمد لله انكم انبسطتوا
ومن زيارة الى زياره اخرى ان شاء الله ،،

تحياتي

الحمد لله على السلامه

الف وردة وردة تفرش لك الارض بها

الحمــــدلله على سلامتك اخوي

وكل عام وانت بالف خير

ومشكور على الكلام الطيب اللي

بالفعل طالع من قلبك

تقبل مروري اخوك القيصر العيناوي

الحمدلله على السلامه

ولك الشـــكر على كلامك

الحمد لله على السلامه

انا مسافر بعد العيد مع العائله واول مره اروح دبي.
صراحه مدري وين اروح ماعرف الاماكن السياحيه وين.
وين تنصح بالسكن وكيف الاسعار بعد العيد.

ومشكووووووووووررر ادري ازعاج بس تحملني شوي

الحمدلله على السلامة

أتفق معك أن دبي غير وأنوه هنا على النظافة النظافة في المولات ودورات مياهها وفي المساجد ودرورات مياهها شئ يعجب الإنسان ولا يصدق ما يراه ولا نلام في ذلك بسبب عكس ما نراه وما تعودنا عليه في بلدنا !!
أيضا القيادة في دبي شئ خرافي وممتع جدا مستحيل حد يغلط عليك أو يرفع ضغطك بتهوره !

هذه من إيجابيات دبي المنسية فقط

ومن سلبياتها الغلاء التمويني يعني درهم واحد مستحيل تشري فيه أي شئ لو دخلت بقالة إلا ماء أو ولاعة -_-
وكذلك سوف نفتقد الخبز الطازج..حيث أنه في البقالات يكون موجود من الأمس وأيضا سعره بدرهمين ونصف !!
وكذلك نفتقد العصيرات وكثير من الأشياء التي تعودنا عليها نجد بديل لها غير لذيذ وغالي بنفس الوقت !
ولا ننسى نظام سالك الظالم الموجود عندهم الذي سوف يشاركك ويزيد من مصروفاتك ! طبعا البنزين لن أتكلم عنه !!

الحاصل دبي النظافة دبي التمدن والحياة العصرية دبي المكلفة !
وبلدنا بلد الرخص لا غير....

الحمدلله على السلامة

وفعلا دبي تعتبر واجهه مشرقه للمدن العربيه نفتخر فيها كوننا خليجيين

الله يزيدهم ويحفظهم ،،، ومن تطور لتطور بإذن الله

مساء الورد:اشكركم اخواني اخواتي من الاعماق ع الردود الحلوه ودبي تستاهل المدح وزود
اخوي كروم ولو تامر امر حاضرين للطيبين واي استفسار قوله مايردك غير الكيبورد ورحله سعيده مقدما @
باالنسبه للسكن انصحك اخوي باالبرشا انا سكنت في اوريس جنب الامارات مول ثلاث دقائق بينه وبين الشقه وكمان فيه روز جاردن وكورال الخوري وعموما انا حجزت عن طريق عرب لينك وصراحه مثل ماشفتها في الصور كانت ع الطبيعه شوف موقعهم واختار وبالنسبه للاسعار في العيد ماعندي فكره في الصيف استاجرت شقه غرفتين وصاله وحمامين اعزكم الله ب450/
والاماكن السياحيه وبمعنى اصح الترفيهيه ماشاء الله كثيره عندك ياطويل العمر (دبي مول)يبغاله يومين ثلاثه عشان تشوف فعالياته وتتسوق فيه كدزانيا وسيجارتبك وهذي للاطفال والاكواريوم والنافوره الراقصه وبرج خليفه (الصعود له متعه وانصحك احجز اول مر ه تروح لدبي مول لاي يوم بعده لان الدخول الفوري للشخص 400درهم وباالحجز المسبق 100درهم انا رحت الخميس وحجزت ع الاثنين والساعه سته ولحقت دبي في الليل والنهار )وكمان سوق البحار هو صغير بس حلو ولاتفوتك الكافيهات المطله ع النافوره الراقصه والمطاعم في دبي مول رائعه طب وتخير
والامارات مول فيه سكاي دبي تجربه ماراح تنساها ثلللللللللللللللج في عز الصيف والمطاعم خياراتها كثيره فيه
وكمان الفيستفال سيتي فيه كافيهات ع الخور كانك في اوروبا
وتايم سكوير فيه المقهى الثلجي وناااااااااااسه
وممشى دبي كانك في الشانزليزيه وفيه في الوافي سنتر في البدروم (كاني كثرت الفااات )مطعم خان مرجان ديكوره قريب من باب الحاره واكله واولذييييييييييييييذ
وكمان خور دبي فيه سفن سياحيه تتجول في الخور مع بوفيه عشاء
ومول ابن بطوطه (انا عن نفسي ماعجبني كثير بس هذي اذواق يمكن يعجبك وانا دائما احب اجرب )
السوق الصيني كله بضاعه صينيه عن نفسي اذا رجعت دبي ان شاء الله مافكر ارجع له ابدابد انا اقولك ع الاماكن اللي رحتها وانطباعي عنها ولك الخيار...
نسيت اقولك فيه في الفيستفال سيتي مدينة العاب كاسبر ...واذالك هوى في الاسواق الشعبيه عندك نايف ومرشد وعكاظ وفيه شارع اسمه الفهدي كله الكترونيات واسعاره حلوه (السواق هو اللي قالي اسمه الفهدي اذا غلط ياليت احد يصحح)
وعالم فراري تجربه حلوه وممتعه وفيه مغامره تستحق التجربه وبااختصار كل دبي حلووووووووووووووه .....
*

الحمدلله على السلامه

الحمد لله ع سلامتك

دبي مدينة جميلة بروح اهلها

الله يعطيك الف الف الف عافيه والله ماقصرت يالغالي كفيت ووفيت