استفسار عن سفره لاهل الخبره

**ahmedgaper** · 02-04-2015, 02:03 AM

السلام عليكم ورحمة الله وبركاته

اخواني انا اول مره ابي اسافر مع الاهل الا النمسا و بعدها نروح لسويسرا ابي نصائحكم لي من ناحية الاماكن السياحيه الصالحه للعوائل و ما هي احلى مدن انا ابي اسافر من الكويت لنمسا و برجع لسويسرا بسياره و من بعدها ارجع من سويسرا للكويت ؟ تنصحوني بهذا العمل ام لا جزاكم الله خير ننتظر ردكم وخبراتكم تحياتي من الموبايل

مواضيع عشوائيه ممكن تكون تعجبك اخترناها لك:

**ahmedali** · 02-04-2015, 02:03 AM

وعليكم السلام ورحمة الله وبركاته

الاماكن السياحيه كثيره واغلبها تصلح للعوائل
اوربا مافيها ذاك التعري لبرودة الجو
وبالنسبه لاحلى المدن
الاغلب يذهب الى المدن التاليه وهي الاحلى
فيينا وسالزبورج وزيلامسي في النمسا
والبعض يمر على ميونخ للتسوق في المانيا ولانها قريبه من زيلامسي
وانترلاكن في سويسرا

وبالنسبه لتخطيطك اشوفه ممتاز جدا
توكل على الله

انصحك بشي عشان ترتب رحلتك
ادخل على كل مدينه من اللي ذكرت لك وش الاماكن السياحيه اللي فيها
وقل انا ابغى اروح هذا المكان وهذا وهذا
ولا ابغى اروح هذا وهذا
وبيطلع عندك مثلا 10 اماكن لمدينة زيلامسي مثلا
يعني مدينة زيلامسي يبغى لها تقريبا اربع ايام
وبعدها تروح للمدينه الثانيه وتبحث عن الاماكن السياحيه وتسوي نفس اللي سويت مع المدينه الثانيه

وانا اختصر لك بعض الشي
فيينا يبغى لها يومين الى ثلاث ايام
سالزبورغ يوم الى يومين وتقدر تروح لها من زيلامسي بدون ماتسكن فيها
زيلامسي يبغى لها اربع ايام
انترلاكن يبغى لها خمس ايام

وانت طول وقصر على كيفك

وفيه شغله مهمه جدا جدا
الاستفسارات توضع في قسم الاستفسارات
اتوقع بينقلون موضوعك الى قسم الاستفسارات

بالتوفيق ان شاء الله