الموضوع: ابي ادرس لغه شهر في بريطانيا ومتاجه نصايحكم

السلام عليكم


لو سمحتو ابيكم تفيدوني افكر اروح مع اختي للدراسه في بريطانيا الصيفيه ذي ان شاء الله مع بابا وعندي اسأله
ايش افضل مدينه وايش رايكم في بورنموث الكل يمدحها ؟
وافضل معهد ؟
والمرافق الي هو بابا لو سكنت مع عائله ينام معانا في نفس الغرفه ولا ماينفع ؟
احنا كلمنا مكتب بجده اسمه الفارس للسفر والسياحه ونفكر نحجز من عندهم
علموني جميع الاجراءت الي اسويهاااا للسفر
واذا عندكم نصايح عطوني
ارجوووووووووكم ساعدوني
الله يسعد الي يرد ويرزقه الجنه من غير حساب يارب

مواضيع عشوائيه ممكن تكون تعجبك اخترناها لك:

• الطب في بريطانيا ولا نيوزيلندا ولا وين ؟ تكفون ردوو ضروري جدا المصدر
• دراسة الماستر في أمريكا
• صرت أفكر بجد في الدراسة بالهند
• لراغبى دراسه اللغه بفانكوفر كندا
• هام لجميع المهندسين
• تخبط مواعيد مركز القبول في الوزارة؟؟؟؟؟؟؟؟
• في مانشيستر
• عودة من بعد انقطاع بدي ترحيب иман سابقاً
• دليل كاردف للطلاب والطالبات
• السفر من سوريا الى تركيا
• استفسار عن التأشيره
• ₪ وُيْنِ عَطْفِک وُيْنِ حِبِّک مِنْ سِنِيْنِي ™ وينك ياشام عن ماضي سنيني
• بالنسبة للبعثات الجديدة
• اخواني استفسار عن الجامعات في امريكا
• استفسار بسيط الفزعة
• الي يبي يعرف متى مقابلة الشخصية
• اتمنى تحقيق امنيتي
• راتب المبتعث بعد الزيادة
• جدا مستعجل أبغى رابط موقع الملحقية الثقافية في أمريكا ووقت دوامهم ؟
• هل يوجد هذا التخصص في جامعه بورتسموث؟

وينكم مطنشيني لو مو محتاجه ماسألت

أختي الفاضله للافضل تطرحين السؤال في

البوابه الخاصه التعليم والدراسه في

بريطانيا هناك تحصلين الاجابه

اما هذي البوابه خاصه بالسياحه فقط

على هذا الرابط

http://www.arabtravelersforum.com/travelarab128/

السلام عليكم
سيتم نقل الموضوع ليتمكن الاعضاء من اجابتك

مشكورين بس شكل محد ناوي يرد علي

where are u !!!!

انا الآن أدرس لغة في بريطانيا في مدينة بورموث وأي مساعدة أقدر عليها أنا حاضر .

اخيرا احد عطاني وجه تسلم ياخوي

اانا محتاررررررررره كل ماقررت اسجل فمعهد القى ناس تسبه ولا تمدح معهد ثاني احترت وربي


ابي اسألك عن معهد southbourn فبورنموث طبعا ايش رايك فيه ؟


كنت ناويه عليه بس يوم دقيت ع المكتب قال Kings College افضل قلتله فيه سعوديين وعرب كثير قال لا ابدا مافيه ومصر الرجال مدري عاد ؟


ايش رايك مين الافضل !!!!!!!!!


وتكلفة المكثف في ساوثبورن للشخص 10200
وفي كنج كولج 11700
ايش رايك بالاسعار ؟


وربي يسعدك يارب

يعطيك العافية أختي

المعاهد في بورموث كثيرة وهي بشكل عام تجارية ومستواهم تقريبا حول بعض بس بعض المعاهد فيها شوي جدية في الحضور ولكن حسب معلوماتي عن أفضل المعاهد في بورموث من خلال معرفتي ببعض الطلاب الذين يدرسون في المدينة أرى أن أفضلها معهد Kings College ومعهد Anglo Continental
انا نفس الشي في البداية كنت محتار في أختيار المعاهد وكنت راح اختار معهد southbourn بعد سؤال الأخوة في المنتدى ولكن في النهاية استخرت وسجلت في معهد Kings College والآن لي ثلاثة أشهر في نفس المعهد وهو جيد بصراحة ويعتمد بشكل كبير على المدرس إلي يجيك في الكلاس انت وحضك بعض المدرسين مرة ممتازين وبعضهم بصراحة مرة ما يفهموا شيء ، وبالنسبة للعرب في المعهد لا تصدقين كلام المكتب المعهد مليان عرب ولكن هو يتعامل مع هذا المعهد فقط ويبغاك تسجلين عن طريقهم ولكن للمعلومية جميع المعاهد مليانه عرب ولكن ليست مشكلة كبيرة ممكن ما تحتكين معهم ويعتمد على جديتك في الدراسة .

كم مدة الدراسة الي راح تدرسيها ؟ ومتى ؟

أي سؤال أو مساعدة انا في الخدمة .

تمنياتي لك بالتوفيق .

لا عادي يا اختي كلنا أخوان ونساعد بعض انا كنت في نفس موقفك قبل أجي وكنت أدور عن احد يساعدني وينصحني والحمد لله تيسرت الأمور.

بالنسبة لأختيار المعهد والله الأمر راجع لك أختي ، وانا اشوف معهد Kings College مناسب وانتي استخيري بالله ولا تجلسي محتاره في اختيار المعاهد ويضيع وقتك على الفاضي وانتي كما قلت كلها شهر وراجعه ولكن شوفي إلي يناسبك وقرري والمدينة مره حلوه وهادئه وعلى البحر.

أما الرحلات ، عندهم رحلات لبعض المدن ولكن قليلة جداً لآن الفترة الماضية كان الجو مرة بارد علشان كذا كانت قليلة ولكن اتوقع في فترة الصيف راح يكون لديهم رحلات كثيرة ولكن لا تشيلي همها بما ان الوالد معك بإمكانكم الذهاب لوحدكم إلى أي مدينة ترغبونها بالباص أو القطار عندهم مره رهيبة والأمور كلها سهالات .

الباصات لديهم نوعين :
باصات داخل المدينة وهي ممتاز جدا وهي شركتين للتنقل بإمكانك تأخذين بطاقة لمدة شهر سعرها حوالي 300 ريال تتنقلين في كل مكان داخل بورموث وفي أي وقت تحبين ولكن احيانا تسكنين عند عائلة جنب المعهد الي راح تدرسين فيه وما راح تحتاجين للباصات الا إذا حابه تروحي مشاور بعيد.

لديهم باصات سريعة بين المدن تشترى التذكرة عند الوقت التي حابه تروحي فيه وهي مرة ممتاز ولكن انا أفضل التنقل بالقطار بين المدن .

إذا انتي قررت أختي السفر حاولي ترتبي أمورك من الآن وتسجلي في المعهد لأنه المعاهد تقفل بدري تسجيل الطلاب لأنه في الصيف عندهم زحمة طلاب والعوائل كذلك تنزحم .

في الختام أي استفسار أنا حاضر مع تمنياتي لك التوفيق .

بالتوفيق اختي الكريمه