المشاركة الأصلية كتبت بواسطة الهلالي المسافر
http://www.arabtravelersforum.com/tr...2/#post5862072

الحمد الله على السلامة يالغالي وإن شاء الله انك انبسطت في الرحله

عموما الآن دبي مازال السكن فيها يعتبر رخيص نوعا ماء مقارنة بالدول العربية الأخرى أو بالأخص (القاهرة)

شف يالغالي أنا في الماضي وأحنا خمس أشخاص وطفلين وصرفت صرفيه معقوله سكنت في الرمادا داون تاون ودخلت اطلنطس وتعشينا في مطاعم حلوه مثل كرم بيروت وأيضا أكلنا في مطاعم فاست فود يعني جربت كل شي وبصراحه الصرفيه كانت معقوله ولمدة عشرة أيام

بخصوص كلامك أنك تبغى شي على البحر عندك منتجع رهيييب وسعره معقول عند زعبيل سراي الغرفه كبيره وواسعه 850 درهم على البحر من عرب لنك

وعندك فندق الميدان خيالي وإطلالة رهيبه ووتصلح للعجايز مع دلة قهوه في البلكونه سعر الغرفه 650 اخذ ليلتين والثالثه مجاني يعني يطلع عليك اليوم تقريبا 400 وشوي درهم إما إذا بغيت جناح بيطلع عليك بسبعمئة وخمسين درهم من عرب لنك

بالنسبة للسياره خذلك طال عمرك من عرب لنك سيارة كامري بمئة وعشرين درهم 2011 ولا كلمني وأجيبلك من عندهم سياره عائية 150 درهم تحت أمرك يالغالي

في الأخير يا الغالي أنا كتبت كلامي مجرد رأي وأنت أكيد ما أخطأت في شي بس حبيت أتبادل معاك أطراف الحديث والأراء وأيضا حبيت أقدم الفائده وانا أيضا استفدت من موضوعك الجميل والخفيف بس هذي دبي ما تهون علي لازم ادافع عنها

عموما إذا بغيت تكرر السفره السنه الجايه إذا ما أبسطك وتقريبا بنصف سعر إلي صرفته أنا مستعد أدفع تكاليف السفره يالغالي لأني بصراحه أحترم إلي يبسط أهله وإذا حبيت بعد ترى الوالده قهوتها مضبوطه والمدام شاهيها على الكيف يعني خلنا نتواعد هناك الصيف القادم وطبعا لنا الشرف يا بعدي:

معلومه فقط شف أنا في السفر تقريبا أبحث عن أفضل السكن وأفضل الأكل ولا أبخل على نفسي وعلى أهلي بشي ومع هذا يرجال والله أنه عسل على قلبي وبسعر معقول مو مثل القاهرة الخايسه بس أحبها صحيح أكلهم وسخ وأنواع التلبك المعوي والسكن في الفنادق نااااار مقارنة بدبي دبي تحطها في خفس



الله يسلمك

وكلامك استفدت منه شكرا لك

مواضيع عشوائيه ممكن تكون تعجبك اخترناها لك: