الموضوع: استفسار عن تكلفة رحلة والمدة للنمسا زيلامسي سالزبورغ ميونخ

السلام عليكم ورحمة الله وبركاته

اخوكم جديد بالمنتدى
وعلى النمسا وما جاورها
كانت لي سفرة وحيده لماليزيا قبل سنتين
والآن قررت السفر للنمسا وما جاورها


عندي مبدئيا سؤالين :
1- كم التكلفة الاجمالية تقريبا للرحلة لعدد ( 2 بالغين + 2 اطفال ) شاملة كل شي
(سعر تقريبي جدا لاني اعرف انه يصعب التحديد بمبلغ معين بمثل هذه الامور)


2- مبدئيا ودي برحلة لمدة اسبوعين مابين ( 12 - 14 يوم تقريبا بدون يوم الرحلة ذهاب وعودة )
هل المدة تعتبر كافيه !!
وكم مدينه او دولة بالامكان زيارتها بدون ما يكون الجدول مرهق بحكم وجود الاطفال معي


(طبعا ً السفر راح يكون بشهر بشوال ان شاء الله .. فما ادري هل الوقت مناسب وفيه فعاليات او لا )
شاكر ومقدر لكم تعاونكم جميعا


بإنتظار إجاباتكم

http://www.arabtravelersforum.com/travel384789.html

مواضيع عشوائيه ممكن تكون تعجبك اخترناها لك:

• إكتشاف معالم فيينا بالدرجات الهوائية
• السفر الي المانيا ، النمسا
• صور من شقتي في زلامسي وبعض مافي كاميرتي
• استقسار عن امرين مهمييين جدااا لكل الاعضاء
• محتاجه مساعدتكم يااهل الخير
• افضل الفنادق في زيلامسي
• مساعدتكم شهر العسل ب النمسا
• متجر الفشار العضوي في فيينا
• استفسار ممكن رأيكم في هذا المخطط رايكم يهمني مسافره النمسا
• المسافات بين المدن الاوروبيه بالـ كيلومترالساعه ممكن يفيدكم بالسياره
• من كابرون الى زيلامسي يوميا
• فنادق حسب الميزانية
• الموسوعه الكامله الفنادق والشقق بزيلامسي محدث شهر مايو
• سوال عن مشكله التنقلات بالنمسا
• رحلتي الثانيه الي النمسا
• فندق رمـــادا سالزبورغ
• محتار اين اتجه لـ شهر العـسل ؟؟ ؟؟
• مسافر انشاءالله للنمسا
• قبل ان يخصم المبلغ كاملا ارجو منكم مساعدتي؟
• ساعدوني بترتيب جدولي ضروري

حي الله الزوار اكيد طبعا 45 مشاهدة كلهم زوار مافيه احد من الاعضاء شيك على موضوعي وافادني


لازلت بالانتظار
لاني متاخر حييييل بكل شي

السلام عليكم ورحمة الله وبركاته
وعليكم السلام ورحمة الله وبركاتة

اخوكم جديد بالمنتدى
يا هلا ومرحبا
وعلى النمسا وما جاورها
كانت لي سفرة وحيده لماليزيا قبل سنتين
والآن قررت السفر للنمسا وما جاورها

افضل قراار والله يسهل امورك


عندي مبدئيا سؤالين :
1- كم التكلفة الاجمالية تقريبا للرحلة لعدد ( 2 بالغين + 2 اطفال ) شاملة كل شي
(سعر تقريبي جدا لاني اعرف انه يصعب التحديد بمبلغ معين بمثل هذه الامور)


هو صعب لكن انا اقول تقريبة 35 الف 14 يوم يمكن تزيد او تنقص
مصورفك اليومي 200 يورو تقريبا بالحد المتوسط


2- مبدئيا ودي برحلة لمدة اسبوعين مابين ( 12 - 14 يوم تقريبا بدون يوم الرحلة ذهاب وعودة )
هل المدة تعتبر كافيه !!


ان شالله كافية
وكم مدينه او دولة بالامكان زيارتها بدون ما يكون الجدول مرهق بحكم وجود الاطفال معي


المانيا والنمسا
ميونخ
سالزبورغ
زيلامسي
قارمش
ميونخ


(طبعا ً السفر راح يكون بشهر بشوال ان شاء الله .. فما ادري هل الوقت مناسب وفيه فعاليات او لا )
شاكر ومقدر لكم تعاونكم جميعا


مناسب والجوا حلوو


بإنتظار إجاباتكم

^^^شكرا لك اخوي عزام
لكن المبلغ اللي ذكرته يكون شامل للطيران اوبدون لان اقل سعر لقيته تقريبا من 16000 وفوق
فاتوقع تقصد هالمبلغ للفنادق والسيارة والمصرف فقط !!!
اتمنى تصحح لي اذا كنت غلطان


شاكر ومقدر لك رأيك ماقصرت
الله يرحم وآلديك ويجزاك خير

نعم شامل الطيران بس غريبه 16000 طيران
انا في شهر مايو وشريت التذكره 2 بالغين وطفل تقريبا 7000 ريال علي الخطوط الامارتية حاول تروح المكاتب السياحيه تلاقيها ان شالله ارخص من الموبايل

شيكت الان علي الخطوط السعودية مالقيت الا يوم 12 اغسطس والعودة 28 من الرياض غير مستردة 9450 ريال اثنين بالغين وطفل وقبل لا تحجز شيك علي المكاتب السياحيه تلاقيها ارخص ان شالله من الموبايل

حاول تستعجل لان انت في وقت ماراح تلاقي حجز وكل مال السعر يرتفع

واذا احتجت اي استفسار انا حاظر والاخون فيهم الخير والبركه

رحله سعيدة يارب من الموبايل

عفوا تعديل
2 بالغين و طفلين غير مسترد 9450 ريال
الرياض فرانكفورت الرياض من الموبايل

تسلم اخوي عزام وماقصرت الله يرحم وآلديك على هالمعلومات

خلال هاليومين ان شاء الله احاول انهي وارتب اموري من ناحية إتخاذ القرار النهائي وحجز الطيران بمشيئة الله
ولي عودة لك وللاخوان لترتيب وتوزيع الايام والجدول
ما نستغني عنكم وعن نصايحكم وتجاربكم


الله يوفقكم وييسر لكم اموركم

ولدينك يارب

الشرف لي اخوي
والاخون الاعضاء والمشرفين مايقصور با اي ممعلومة تحتاجها

رحلة سعيدة ياارب

حبيت اسال عن الذهاب والعودة اخليها على نفس الجهه ولا اخلي الذهاب على مطار معين والرجعه مطار ثاني


يعني مثلا الذهاب جدة ميونيخ - والعودة ميونيخ جدة
او الذهاب جدة ميونيخ - والعودة فيينا او(جنيف) جدة


لاني بحجز ومحتار نشبة مع شركات الطيران ومدري اخليها كلها درب واحد
ولا نغير الروحه مطار والرجعه مطار


ياليت تفيدوني لوسمحتم بأسرع وقت

بالنسبه لي الافضل والاوفر الذهاب والعودة ميونخ
لأسباب

1- ايجار السياره رخيص بالمانيا
2 - تفتك من ضريبة تسليم السيارة في دوله اخري
3 - قرب زيلامسي لميونخ وايضا لاماكن السياحيه من الموبايل

شورك وهداية الله اخوي عزام الف شكر لك
بسم الله ان شاء الله تتيسر

انترلاكن وش وضعها اذا بضيفها ع المخطط!!يسمح الوقت والجدول لمدة 14 ليله
لاني حجزت تذاكر وما قصيتها للحين عندي يومين قبل اقصها
والذهاب والعوده كلها ميونخ
اغيرها ولا ماتأثر مسالة ميونخ بالذهاب والعوة بالنسبة للمسافات اذا رتبت الجدول بعد اضافه انترلاكن




!!!

أتوقع مافي خط سير جدة ميونخ مباشر حسب علميأفضل خط يكون جدة أسطنبول ميونخ


وفعلا ميونخ أرخص لكن فرق التسليم من مكان لثاني بسيط بالنسبة لتكاليف الرحله
أعمل مقارنة من موقع سكست
ويفضل أنك تحجز عن طريق المكاتب وليس النت فرق كبير في السعر



ولا تفوت أنترلاكن وسويسرا رائعه جداااا
والمسافة بين زلامسي وأنترلاكن 6 ساعات
وهي ممتعة بالسيارة وتجنب السفر في الليل

يا هلا ابو نادين اذا تبي تضيف انترلاكن الميزانيه راح تزيدوالايام لازم تزيد شوياذا ماعندك اشكلية
ارتب لك جدول لها
رحلتي الاخيرة اللي قبل شهر
كانت الذهاب والعودة ميونخ
وكانت 21 يوم
ومن ضمنها
ميونخ
بادن
انترلاكن
ميلان
زيلامسي
ميونخ
وكااااااااااااانت من اروع مايكون لا تعب ولا شي

انتظرو تقريرها في القريب العاجل ان شالله
الحين المهم انت احجز التذاكر واختار عدد الايام والباقي سهل في الترتيب

ابي اكون معك لين تتطلع الطيارة ابشر حتى لو سافرات هناك راح اكون معاك في كل شي

بس اهم شي لا تزعل علينا تراك غالي

هلابك اخوي عزام الله يرحم وآلديك وييسر لك امرك ويوفقك ويسخر لك عباده يارب انت وباقي الاخوان
حقيقه احرجتني بكلامك
لكن الله يكتب اجرك وييسر لك امرك مثل ما تساعدنا وتيسر لنا امورنا بالرد على استفساراتنا






طيب كم نزيد الايام والميزانية كم تقريبا يبيلها
هذه لازم احسبها مضبوط خصوصا ان الطيران طااااير فوق
عندي حجز مبدئ على الاماراتية ب 16500 تقريبا ومتردد للحين فيه
الترانزيت شوي طويل بدبي لكن مو مشكله نغير جو هناك بالروحه لكن البلا بالرجعه
تبي توصل بس مالك نفس ترجع لكن غصب ترجع ومالك خلق انتظار طويل
لكن تتيسر ان شاء الله
حجزي المبدئ الذهاب من 10اغسطس - العودة 25 اغسطس

ياليت تقولي كم يفترض لو قلنا مابين 16 - 17 يوم تكون تمام
والميزانية كم تكون شامله فنادق وتنقلات ومصروف تقريبا (طبعا غير الطيران )


الله يجزاك خير ويقدرنا نخدمك ونردلك الجميل اخوي

مشكور على الدعاااء ولك يارب مثل ما قلت شوف يا غالي قبل ثلاث ايام شيكت على الخطوط السعودية لقيت الشخص غير مستردة تقريا 4500 ريال شيك على الخطط السعودية قبل لا تصير فل
والمخطط ان شالله ازبطه لك تقريبا نفس موعد سفرك والله كثير 16 الف جرب قبل لا تتطير التذاكر

من ناحيت المصورف للشخصين بحد المتوسط 160 يورو الي 180 يورو باليوم ممكن تنقص او تزيد شويالفنادق والله اغلبها فل بس يدوب تلحق
تقريبا الفنادق لي 17 يوم تقريبا هذي مو اكيد من 8 الاف الي 14 الف ريال
السيارة لمدة 15 يوم تقريبا 5000 ريال

طبعا هذا تقريبي ممكن يزود او ينقص على حسب الفندق وكم درجة انا حسبتها بالمتوسط
اوربا بالاجازه بصراحه ناررر
لو كان سفرك في مايو يمكن تكون ينزل الموضوع للنص تقريبا
اهم شي التذاكر وربي ان شالله يزين الامووور

^^^الحجز اللي لقيته من 10 اغسطس الى 27 اغسطس


وش رايك تمام !!!
اتوكل بس على الله واحجز

الله ييسر لك رحلتك ان شاء الله

ورحلة سعيدة

اذا هذاالارخص توكل على الله لا يروح عليك الحجز

لو الوصول لميونيخ بالليل عادي ولا فيها مشكله اشوف وصولي النهار افضل صح ولا انا غلطان !!!

^^^ ابشوف الحجز واردلك خبر الليل الله لايهينك
مضطر اطلع لدوامي حاليا


الله يجزاك خير اخوي عزام


واللهم آمين اخوي نوري شكرا لك

ليل ولا نهار ما تفرق

وبخصوص اذا ليل ترتاح والصباح تستلم السياره لان ما انصحك تسووق بالليل من الموبايل

رجعنا لكم وأعتذر ع التاخير
الحمدلله تم الحجز على الخطوط التركية من مدينتي اريح لي بدل ما اطلع لجدة او الرياض وبسعر اعتبره مقبول (10196 ريال ) لعدد 5 اشخاص
طبعا تم تأجيل الرحلة لظروف الى شهر سبتمبر وبنفس الوقت لتلافي الزحام والغلا قدر الامكان
وان شاء الله اني بلحق على مهرجاناتهم وعروضهم
(ما ادري كيف الاجواء بسبتمبر واكتوبر خصوصا معي اطفال ياليت اللي عنده خبره يجاوبني لا هنتم)
وراح تكون المغادرة بمشيئة الله يوم 19 سبتمر والوصول لميونيخ بنفس اليوم والعودة يوم 7 اكتوبر من ميونيخ طبعا


الآن وش اللي باقي والفيزا من اي سفارة اطلعها
ومتى ابدأ بإجراءاتها


وياليت ترتيب الايام لي للدخول والخروج
طبعا ابي زيلامسي وافضل السكن بكابرون
وانترلاكن اهم شي


ودي احجز السكن من الآن خلال هاليومين عشان يكون عندي خيارات كثير وما انحد على شي مابيه


الله لا يهينكم جميعا
اخوي عزام و باقي الاخوة والاخوات ياليت تفيدوني حسب تجاربكم وخبرتكم
الله يجزاكم خير

حي الله ابو نادين

بخصوص الطقس جميل ان شالله مع برودة في الليل الاجواء حلوه ان شالله يعني ملابس شتويه وهذا موقع يعطيك توقعات درجة الحرراه في شهر سبتمبر
في زيلامسي واكتب اي دولة تبغاها تتطلع لك درجات الحرارة

http://www.accuweather.com/ar/at/zel...014&view=table

التاشيرة طبعا تتطلعها من السفارة الالماينة


عندك 19 ويم و18 ليلة
تقدر تضيف لها زي خطتي الشهر اللي فات
اذاحاب تضيف سويسرا ممكن
يعني
ميونخ 1
ترتاح وتستلم السيارة من الصباح
بادن بادن 3
منها تخصص يوم تزور فيه اليورب بارك وايضا يوم ستراسبورغ الفرنسية المسافات قريبة منها
انترلاكن 4
زيلامسي 5
سالزبورغ 3
ميونخ 3
وتقدر تخصص يوم كامل لقارمش الالماينه تستاهل
واخر يومين تسوق وتسلم السيارة بعد العودة من قارمش


خط سيرك على الخريطه كلاتي


https://s.yimg.com/qn/up/travel/5/2/...0382732081.png


اذا مو حاب تضيف سويسرا تقدر توزع ايامها على زيلامسي وقارمش وبيرتاسو


هذي كان خط سيري قبل شهر قمت الاستمتاع وتوفقت فيه والحمد الله بس كانت 20 يوم

الله يبقيك اخوي عزامالله يرحم وآلديك وييسر لك امرك ويسخر لك عباااده
منت مقصر والله مع الكل ..الله يكتب لك اجرك



وصولي لميونيخ راح يكون الظهر تقريبا 2 فاتوقع عادي يمديني استلم سيارتي وامشي
على بادن زي ما تفضلت طال عمرك


اما انترلاكن شي اساسي والله

بالنسبة زيلامسي
سالزبورغاحسها نفس الوضع الاثنين سوا
ولا تختلف بحكم انك سبق وزرتها
قصدي يعني ابدل مثلا سالزبورغ بشي ثاني او اضيفها ايامها لمدينة ثانيه
ولا تستاهل الزياره !!!

متى ابدأ باجراءات الفيزا الآن ولا اخليها بعد رمضان افضل
وبالنسبة لايام جلستي بألمانيا تكفي لاستخراج التأشيرة ولا ازيدها بحجز وهمي زي ما يسمونه مع انه ودي امشي بالسليم!!
والفنادق والسياره كذلك الآن ولا بدري
مع ان ودي الحين احس انه افضل وبتكون عندي خيارات كثير

الله يسعدك ماتقصر ابشر ابحاول خلال هالاسبوع بإذن الله احجز الفنادق


سلمت ماقصرت اخوي

ياليت تساعدوني بترتيب الايام والدخول والخروج عشان اسوي حجوزاتي بدون ما لخبط

هل ترتيبي كذا صحيح والتواريخ صحيحه للدخول والخروج

الذهاب يوم 19 sep الى ميونخ والعودة يوم 7 oct من ميونخ


الوصول ميونيخ 19sep 13.40


استلام السياره والتوجه لبادن بادن
19 - 22 3 ايام


انترلاكن 22- 26 4 ايام


كابرون 26- 30 4ايام
سالزبورغ 4 ايام 30-4oct
ميونخ3ايام 4- 7oct


العودة من ميونخ بتاريخ 7oct
الساعه 14:45




سؤالي هو/ هل الجدول سليم كذا من ناحية تواريخ الدخول والخروج


هل فيه تعديل او إقتراحات على مسار الرحلة ما نستغني عن تجاربكم


لا هنتم جميعاً وبإنتظار اراءكم وخبراتكم

بالنسبة للحجوزات هل احجز غرفه ولا غرفتين بحكم وجود اطفال معي اخاف احجز غرفه واطلب سريرين اضافيه ويرفضون هالشي اذا وصلت او اذا سجلته بالطلب وادخل بمشكه معهم لا وصلت !!
افيدوني للي راح ومعه اطفال كيف نظامهم !!!
ابحجز ومتوقفه على التواريخ اذا صحيحه او لا
والغرف غرفه او غرفتين !!!

معقوله محد رد علي للحين

هلا ابو نادين لا تومنا رمضان كريم يا عسل وابشر بسعد وراح اكون معك لين تتطلع الطيارة
تراك غالي العذر والسموحه


سالزبورغ كثيرة عليها 4 ايام من وجهت نظري 3 ايام كثيرة عليها
خلي زيلامسي 5 ايام وسالزبورغ 3ايام


يعني يطلع المخطط ك الاتي
الوصول ميونخ وخليها يوم عشان ترتاح والصباح رباح تاخذ السيارة وتتوجه لبادن يعني وابعي اعطيك نقطه مهمه في السيارة اذا تبي سعرها ممتاز ابعد عن
محطة القطار لان سعهرا يكون غالي عن بعض الفروع


من 19 الي 20 ميونخ
من 20 الي23 بادن بادن
من 23 الي 27 انترلاكن
من 27 الي 2 زيلامسي
2 الي 5 سالزبورغ
من 5 الي 7 ميونخ


اشوف الترتيب كذا افضل من وجهت نظري


خط سيرك رااح يكون على الخريطه


http://www.gulfup.com/?00KzpK


واي شي انا تحت امرك بس لا تزعل علينا

اخيرا احد عبرني

الف شكر اخوي عزام
تصدق ودي ادعس ع طول من المطار استلم سيارتي وامشي
بس تصدق حتى ام العيال تقول لا نريح افضل
يالله نريح نريح وش ورانا الدعوه تمشيه وفله


خلاص اجل نعتمد تواريخك بمشيئة الله


والآن اسوي حجوزاتي


بس الغرفه وش رايك اخذ غرفة ولا غرفتين !!
متخوف من هالشي مدري اخاف يقولون درجها لازم غرفتين عددكم 5 !!!
انا وزوجتي و3 اطفال 8 - 4 -1.5 اعمارهم


وش رايك غرفه ولا غرفتين !!


بالنسبه للسياره كنت افكر آخذها من المطار وش رايك مو افضل !!


وألف شكر ورحم الله وآلديك ماقصرت ما نستغني عنك وباقي الاخوان
الله يكتب اجركم ويجزاكم خير عنا جميع

اللهم امين يارب ومن قال



المطار افضل لكن مدام انك اول مره انا اشوفها صعبة عليك وخاصتا المدن وجهت نظري
انا اشوف انك تستاجرها من احد الفروع وعللى فكرة هيه هيه من المطار وقيمة الضريبة هي قمية التكسي اللي بايخذك من والي المطار
خلك على شور ام العيال افضل استجار سيارة الصباح بعد ما ترتاح معك اطفال وهذا الشي يرجعلك


بخصوص الغرف في بوكنك حط العدد وشوف تلاقي خيارات على حسب سياسة الفندق
بعض الفنادق يكون فيها خمس اسره يعني سرير كبير مع اسرة كراسي
كل فندق له سياسية اهم شي قبل الحجز اقر اخر الصفحه في بوكنك واقرى سياستة مضبوط عشان ما تتوهق

رحلة سعيدة يارب

الله يجزاك خير اخوي عزام وما قصرتالله ييسر لك امرك ويسخر لك عباده


جاري الانتهاء من حجوزات الفنادق الليله ومن ثم السياره بكره بإذن الله تعالى

ودي استشير بالاماكن مدري هي صح على خطي ولا شطحت بعيد
لاني حاولت قد ما اقدر ما اسكن بوسط المدن وتوجهي كله ارياف او بعيد عن السنتر
بحكم ان معي سياره وتلافيا للزحام والغلا


1
هذا اول شي بعد الوصول
https://secure.booking.com/myreserva...1;pincode=2686

2

بعده هذا

https://secure.booking.com/myreserva...1;pincode=1707




3


https://secure.booking.com/myreserva...1;pincode=7964

4

https://secure.booking.com/myreserva...1;pincode=7816




5
https://secure.booking.com/myreserva...1;pincode=4156


6-
https://secure.booking.com/myreserva...1;pincode=8921




كلها تقريبا مابين 25 - 40 كيلو عن مركز المدينه اللي ابي
ماودي ادخل وبسط الزحام ولا الصجه والرجه الارياف والبعد اشوف انه افضل
بس كذا الوضع تمام يعني اتوكل واعتمدها
لحس مخي بوكينق اشوف نصها بألمانيا مدري عشان قربها منها ولا وش السالفه !!!


ياليت تفيديني اخوي عزام او احد الاخوة اللي عنده خبره


علماً ان مسار رحلتي هو
ميونخ - بادن بادن- انترلاكن- زيلامسي (كابرون) - سالزبورغ - ميونخ


بإنتظاركم

لازلنا بالانتظار

وين الناس!!!!!

شكرا للجميع

السلام عليكم الاستاذ بوسلمان
رجاءا اريد السفر الى النمسا وألمانيا وإيطاليا🤗 والمدة 15يوم حببت اعرف الأماكن الأماكن السياحية الممكن أزورها وكيف ارتب الرحلة خصوصا ان الرحلة تبدأمن الكويت الى النمساوبعدها لم أخطط لشئ أرجو مساعدتك أرجوك ساعدني في التخطيط للرحلة 🤔وشكرا