الموضوع: مساعدة بالسكن في نيويورك الفناادق جدا غالية

مرحبا ياشباب

مسافر نيويورك قريبا و قاعد اشوف اسعار الفنادق ؟ المشكلة كل شي غالي واحنا 3 شباب يعني غرفة وحدة ماتكفي

مافي شقق سكنية محترمة وسعرها مايتعدي 150 $

وشنو الاماكن السياحية الي لابد اني ازورها تسوي الزيارة لاني ناوي اقعد في نيويورك فقط 4 ليالي

ارجوكم نبي حل


هل الفنادق المحيطة بمطار كندي تعتبر ارخص شي لي علمااا اني مأجر سيارة و لاادري وين راح اصفطها لو بغيت انزل في منهاتن لأي غرض

مشكورين جميعا

مواضيع عشوائيه ممكن تكون تعجبك اخترناها لك:

• مساعده للتخطيط للرحلة امريكا
• استفسار قبل موعد المقابلة في السفارة
• طلعت فيزتي اليوميالي في هيوستن
• في مجمع في لوس انجلوس
• انا خائفةجدا بسافر بعد اسبوع
• استفسارات مهمة وأتمنى المساعدة ؟
• الرخصة الدولية و بطاقات الفيزا مسبقة الدفع في تأجير السيارات
• استفسار بخصوص ارسال الجواز للسفارة الامريكية بالفيدكس
• الى الاخ
• التأكد من الأختيارات
• خبراء نيويورك، وما حولها
• في سجن الكاتراز قضيت يومي
• تأخرت في تحديد موعد المقابلة مع السفارة لإستخراج الفيزا
• مساعدة فنادق نيويورك
• عاجل بخصوص استخراج فيزا للإندونيسيين الى
• افضل ولايه للمتزوجين
• فيزا السياحة عاجل افيدونا بارك الله فيكم
• كيف اجيب كشف حساب انجليزي؟
• من اورلاندو لنيويورك بالسيارة
• ارجو المساعدة في الرحلة البرية

السلام عليكم ورحمة الله وبركاته

يمدحون الـ outlet في نيويورك لو كنتوا تحبون تتسوقون

و انصحكم بعدم الاقتراب من فندق هوليدي ان !

لقذارته هناك [ أكرمكم الله ]

/

حفظكم الله

عندك فندق mela اكثر الاعضاء الي جربوه قالوا مناسب : http://www.hotelmela.com/

بالتوفيق....

المشاركة الأصلية كتبت بواسطة m t c
http://www.arabtravelersforum.com/tr...5/#post4285170

مرحبا ياشباب

مسافر نيويورك قريبا و قاعد اشوف اسعار الفنادق ؟ المشكلة كل شي غالي واحنا 3 شباب يعني غرفة وحدة ماتكفي

مافي شقق سكنية محترمة وسعرها مايتعدي 150 $

وشنو الاماكن السياحية الي لابد اني ازورها تسوي الزيارة لاني ناوي اقعد في نيويورك فقط 4 ليالي

ارجوكم نبي حل


هل الفنادق المحيطة بمطار كندي تعتبر ارخص شي لي علمااا اني مأجر سيارة و لاادري وين راح اصفطها لو بغيت انزل في منهاتن لأي غرض

مشكورين جميعا



صحيح ان معظم الفنادق القريبة من التايم سكوير غالية , و كلما ابتعدت شوي بتصير ارخص و لو اخذتوا شقة برضوا بتصير غالية عليكم
اما بالنسبة للأماكن السياحية ممكن ترجع لتقارير الأعضاء و تكون لديكم فكرة واضحة عنها
لا ينصح بتأجير سيارة في نيويورك و السبب هو غلاء اجرة المواقف
و يستحسن استخدام المواصلات العامة الباص او صب وي
ارجو لكم التوفيق

ياريت تفيدونا بأراء اكثر حول تجاربكم

شكرا لكل من شارك

نعم لي تجربة قريبة جدا بالسكن في التايم سكوير قبل رمضان الماضي بأسبوع و هي :
استأجرت سيارة من مطار واشنطن و بعدها بكم يوم سافرت بها الى نيويورك و سكنت بالتايم سكوير , و لكن يشهد الله انني من اول ما و قفت السيارة بموقف الفندق لم استعملها و الموقف يحسب اليوم بـــ 45 $ , و كنت استعمل باص جري لاين الأحمر ابو طابقين و هو من غير روف اي من غير سقف و يمرر بك على كل الاماكن السياحية و اذاحبيت تنزل انزل منه و بعد مدة يجي غيره و تركب فيه و هكذا حتى تمر على كل المعالم السياحية اللي بمنهاتن .
و تذكرته ليوم او يومين او ثلاثة حسب رغبة الشخص

المشاركة الأصلية كتبت بواسطة alderhim
http://www.arabtravelersforum.com/tr...8/#post4288428

نعم لي تجربة قريبة جدا بالسكن في التايم سكوير قبل رمضان الماضي بأسبوع و هي :
استأجرت سيارة من مطار واشنطن و بعدها بكم يوم سافرت بها الى نيويورك و سكنت بالتايم سكوير , و لكن يشهد الله انني من اول ما و قفت السيارة بموقف الفندق لم استعملها و الموقف يحسب اليوم بـــ 45 $ , و كنت استعمل باص جري لاين الأحمر ابو طابقين و هو من غير روف اي من غير سقف و يمرر بك على كل الاماكن السياحية و اذاحبيت تنزل انزل منه و بعد مدة يجي غيره و تركب فيه و هكذا حتى تمر على كل المعالم السياحية اللي بمنهاتن .
و تذكرته ليوم او يومين او ثلاثة حسب رغبة الشخص





هلا اخوي مشكور علي المشاركة نعم اتفق معاك مشكلة السيارة كبيرة في نيويورك ما تلاقي لها مصفط بسهولة
لكن في التايم سكوير نفسة في بنايات عشان تسفط السيارة هذي موقعهم

http://maps.google.com/maps?hl=ar&sa...ed=0CCgQtQMwAA


عمومااا انا مفكر كوني مأجر سيارة

اسكن في الفنادق القريبة من مطار كندي JFK وبالتالي ارخص واهدا وبعدين اقدر استخدم سيارتي للذهاب الي كل المناطق السياحية

ابي رأيكم في هالمسألة

شكرا

من خلال تجربتي ورأيي الشخصي

يومين تكفي في نيويورك وطالما انتم شباب مافيه داعي للسياره
اول يوم تلف منهاتن مع باص التور من 830 الصباح الى 5 العصر والباص يمر جميع الاماكن
في منهاتن مثل الامباير والحريه والتايم اسكوير والسنترال بارك
وتنزل في اي محل تبيه وترجع تكمل مع الباص لان الباصات كثيره وبعد كل فتره يمر باص
واذا تبي ترجع للفندق بالسب واي بدولارين
بس خذ الخريطه من الفندق واسألهم عن رقم القطار واسم اقرب محطه للفندق
وكل فندق عنده شتل اذا وصلت المحطه دق على الفندق يجيك الشتل الى المحطه
واليوم الثاني يكون الباص فري اذا تبي تطلع معاهم وانزل عند تمثال الحريه وتصف مع العالم عشان تطلع
السفينه وتروح لتمثال الحريه لانه زحمه جدا
وقض باقي اليوم في 5th افنيو اذا تبي تتسوق او في التايم اسكوير
او تسوي تور مع التاكسي على كبري بروكلن وبعض الاماكن في منهاتن
وبعدها تمر مطعم حضرموت في بروكلن
اما السكن انصحك برا منهاتن عشان الغلا وفيه مناطق حلوه مثل مسفث ولونق آي لاند وكلها تبعد
عن منهاتن قرابة 10 الى 15 دقيقه وفنادق
cmfort inn.quality inn حلوه جدا وتعتبر الارخص وفيها فطور يوميا من 630 الى 930
والسكن عند مطار كندي غالي شوي بس بعيد عن منهاتن
وسلامتك ((رأي شخصي))

.

.

الـسـكــن صـحيـح غااالي .. وخاصة سبتمبر وأكتوبر الأسعار صافقه فوووق ..

أنا كنت حاجز في نيويورك فندق 5 ليالي كان بالصور حلو .. وأول ما وصلت كان الفندق خايس .. اسمه Belvedere Hotel .. وأدخل على النت بالصدفة ..

وأشوف فندق الكراون بلازاا كان سعره 4 ليالي 3000 دولار .. نفس الغرفه 2 سرير كبير صارت من 1400 - 1600 دولار .. وأحجز على طول .. وأنزل الرسبشن وأقول أبطلع بكراااااا .. قالوا بناخذ 50 دولار لانك حاجز مدة قلت أوكي .. يوم طلعت طلع حساب الفندق 580 دولار .. والله ما يستاهل 150 دولار ..

الحمد لله سكنت في الكراون بلازااا 4 ليالي بـ 1600 دولار بدون تاكس طبعاً شامل الفطور و السناكس في المساء من 2 إلى 5 العصر .. والغرفه في الأدوار العلوية سكنت في الدور 43 .. و أعلى دور 46 حق الفطور والسناكس ..

كان فيه 1400 بدون فطور بدون أي حاجة و أي دور .. 200 دولار حق الفطور والسناكس 4 ليالي مو شي ..


الكراون بلازااا فندق ممتاز و آمن .. وقريب من التايم سكوير .. ومتعة نيويورك السكن في الأدوار العالية ..


نصيحتي حاول بالنت .. أحياناً رخيص وأحياناً فوق هام السحب فووووووووووق الاسعاااار ..



بالنسبة للسيارة ألغي الأجار أحسن لـــك .. لانك ما تدري وين توقفهااا و متوسط الاسعار للمواقف 15 دولار .. تدفعها لمشاوير التكسي أحسن لك ..

لاتنسى السواقة في نيويوك غشيمة مرررره .. يعني يصدمك مع الخلف عاااادي .. لاحظ السيارات هناااااك . .



وبنظري 3 أيام لنيويورك كافية ..

يوم بالباص بيلف فيك نيويورك كلها .. يوم الفايف أفينيو للتسوق والسنترال بارك .. ويوم الباص أو تمثال الحرية وأي مكان أخر للتمشي ..


موفق ،،

هلا اخوي
بالفعل انا كنت هناك قبل اسبوعين والفنادق جدات غاليه والرخيص سيئ جدا وقلت ليش اسكن في مانهاتن
وسكنت في لونق ايلند وبسعر 160 دولار وفندق اكثر من رائع وبالتاكسي الى التايم سكوير ب13 دولار رايح و13 راجع
ياخي احسبها وشف
في التايم سكوير لايقل عن 300 دولار وغير نظيف
خذ واحد رخيص وبالتاكسي مجموع اليوم مع التنقل ما يجي 200 دولار

هذا رابط الفندق اللي سكنته
http://www.booking.com/hotel/us/verv...3f&aid=1329869

وليس بالضروره انك تاخذ نفس الاوتيل

اتمنى لك التوفيق

نصيحتي مثل ماقالوا لك ابعد عن الياهر في نيويورك قدر ماتقدر

اولا زحمات غير طبيعيه وثانيا بصعوبه بتلقى مواقف واذا لقيت اسعارها غاليه جدا
اذكر شفت في التايم سكوير الساعه بحوالي 50 ريال في عماير تااجير المواقف
الافضل استخدام باصات السياحه تدور لك على كل الاماكن +قطار الصب واي اذا احتجت + التكاسي (احيانا )
السياره ماينصح فيها ابدا

انا اقترح عليك مثل ما قالوا الشباب وفر فلوس اجار السيارة و حطها في السكن .. السكن جمب المطار بيبهذلك رايح جاي ،، اسكن حول التايمز سكوير و كل شي بيكون حولك تروح و تجي على رجولك انا سكنت قبل اسبوعين في الماريوت ماركي و كان روعة مع انه شوي غالي لكن يستاهل كل شي حولنا