الموضوع: طلب مساعدة منيسوتا

السلام عليكم
لوسمحتوا تاريخ 15_11 باذن الله بنسافر الي امريكا ولايه منيسوتا علاج
احتاج بعض المعلومات
سمعت عن سكن الماجد ولكن في ناس تذمه من ناحية ارتفاع السعر
بقدر احصل فندق قريب من المستشفى غير ؟
وممكن اعرف درجة الحرارة عندهم حالياه
اتمنى تفيدوني بنصايحكم
وياليت اي فندق تذكرونه لي تحطون لي الرابط للفندق لانه بنحجز من الحين
اسمحووولي

مواضيع عشوائيه ممكن تكون تعجبك اخترناها لك:

• افضل اسعارتذاكر الالعابمشاركة الاعضاء
• كتبت التاريخ خطأ في الفورم اللي عبيته في الطائرة
• تغير السفارة من الظهران للرياض لان الموعد بعييييد
• تغيير المخطط درجه
• ما هي افضل الفنادق بمطار واشنطن دلس؟؟
• مغتربين نيويورك .. هام جدا
• أستفسار
• ياجماعه ابي فزعتكم باقي ايام على سفرتي حق امريكا
• الفنادق اليوم تمزج الرياضة مع الفخامة
• سؤال محيرني
• استفسار ضروري ياريت يفيدوو البنات فيه
• عاجل جدا مطلوب برنامج ايام بفلوريد شقه لثلاثه اشخاص
• هل من الضروري ان يكون جواز السفر الالكتروني
• استشاره استفسار لأهل الخبره
• ● ــسؤآلْـ للخُبرآء ●
• كم المسافة بين سان دييقو و سان فرانسيسكو؟
• ارجو المساعده في تنسق رحلتي
• مبتعثه وتحتاج مساعده
• استفسارات عن الفيزة الامريكية ؟
• افضل البنوك في الولايات الغربية

الف سلامة

اتذكر هالولاية من 11 سنة تقريباً

اذا انت في مستشفى مايو كلينك بتكون في مدينة اسمها روشستر مدينة صغيرة ورايقة

وفي فندق حلو لكن نسيت عنوانه .. لكن اتذكر انه تابع شبكة فنادق الويست ويسترن

وهالولاية عموماً بتكون باردة برودة شديدة في الشتاء

هيه صح بكون في روشستر
احتاج معلومات حاليا

و عليكم السلام ورحمة الله وبركاته

الأخ/ت [ ويح قلبي ]

بالنسبة لسكن الماجد [ غالي ] ع الفاضي

ما فيه أمان [ ممكن و انت قاعد تلقى أحد من العمالة فاتح باب الشقة و داخل ينظفها ]

بحجة انه دق الجرس و محد فتح له !

الفترة الحالية شهر 11 و 12 و 1 و اظن 2 و 3 فترة ثلوج

و المنطقة وقتها تكون باردة جدا ً جدا ً

فـ الافضل للي بيسافر خلال هذي الفترة ياخذ من الفنادق اللي مرتبطة بالمستشفى عن طريق sub way

افضلهم كلير و هو في خلف المايو بالضبط .. و ايضا ماريوت لكنه أبعد من كلير ايضا مرتبط مع المستشفى بـ sub way

و تقريبا كلها نفس الاسعار .. و ما اعرفه عن ماريوت انه يختلف السعر فيه ان كان الايجار يومي أو اسبوعي او شهري

لكن مشكلة الفنادق ممنوع الطبخ فيها .. بعد ما يتعدل الجو و تخف الثلوج يسلك الطريق شوي فيسهل عليكم الطلعة و الدخله و ممكن تتحملون الجو .. وقتها انصحكم تاخذون بـ الجراند فيلا

تبعد تقريبا 3 او 5 دقايق عن المستشفى بالسيارة

مريحة جدا ً من ناحية الطبخ / هدوء المكان [ ان لم يكن هناك عرب مزعجين ] مع احترامي الشديد لهم

لكن كلمة حق لابد أن تقال .. للأسف فالكثير من العرب يشوه سمعة دينه و بلده عند سفره

فـ لو استشعر انه سفير لدينه قبل بلده لتغيرت الموازين

حسب علمي انه قبل سنة تقريبا صدرت مشكلة من العرب في جراند فيلا مما جعلت ادارة السكن تتخذ اجراء بعدم قبول اي عربي للسكن في الجراند فيلا [ و لا اعلم عن ماذا حدث بعد ذلك ]

اعتذر على الاطالة

و لعل لي عودة لوضع روابط الفنادق

/

حفظكم الله

مشكور وايد استفدنا منك
وقررنا نسكن في ماريوت
اقدر اعرف كم اسعاره ؟
العذر على كثرة الاسئلة

العفو

للمعلومية فيه أكثر من فرع للماريوت

فمثلا فيه واحد مرتبط بالمايو كلينك

و فيه واحد قريب من مبنى ثاني من المباني التابعه للمايو

لكن لا اعلم ان كان متصل فيه أم لا

هذا رابط الفندق المتصل بالمايو كلينك [ الذي تحتاجونه ]

http://www.marriott.com/hotels/trave...o-clinic-area/

و هذا المتصل بالسينت ميري [ المبنى الأخر ]

http://www.marriott.com/hotels/trave...a-saint-marys/

/

و لعلي أعود بعد البحث عن الاسعار


..

حفظك ربي و رعاك

يزاااك الله خير وااايد استفدناا منك
مشكور