الموضوع: السوق الصيني في دبي مواعيد العمل وصور وملاحظات مهمه

معلومات من الادارة محدثه اليوم بتاريخ2017 نتمنى ان تفيدكم :
1- اوقات العمل في السوق الصيني هي يفتح 10 الصباح و يغلق 10 المساء بتوقيت الامارات طوال ايام الاسبوع ماعدا الخميس و الجمعه و السبت يكون من الساعه 10 الصباح الى 12 الليل
في ايام رمضان يكون من 10 الصباح الى 12 في الليل

2- اقسام السوق الصيني كثيره راح تجد فيه مواد البناء مثل السباكه والكهرباء و الحديد والخ و ملابس النساء و الرجال و الاطفال وايضاً العطور و الشنط المقلده العاب اطفال الكترونيات و اجهزة ملاحه وكل مايخص المنزل
السوق بشكل عام يريحك من السفر للصين :d
اعرف تجار سعوديين تجارتهم صغيره اصبحوا يوفرون قيمة التذكره و يتواصلون مع بائعين من هذا السوق يشحنون لهم مباشره

اسعار السوق الصيني في دبي
متفاوته اذا كنت خليجي انتبه منهم يرفعون بعض الاحيان السعر كثير لذا حاول تتكسار معاهم بالسعر الى النصف واقل الى ان تصل الى سعر يرضيك

وللمزيد من المعلومات تابع قراءة الموضوع للنهايه :d
السلام عليكم ورحمة الله وبركاته
اخواني واحبائي في الامارات الحبيبة حبيت اسألكم واسمع نصايحكم واللي راح تؤجرون عليها بإذن الله تعالى . ما ابي اطول عليكم !! اخوكم من الكويت وحاليا في وطور بناء بيت بإذن الله وما ادراكم ما البناء من نزف للوقت وراحة البال والتفكير ونزف للماااااال.....الله المستعان المهم انا كنت افكر بأني اروح الصين لتكملت البيت من اعزكم الله اطقم حمام ومطابخ وسراميك واثاث واضاءه..........الخ وكثير من الاخوان نصحوني بعدم الذهاب للصين عقب ما صارت الصين بدبي وقالولي راح تلقا كل اللي تبيه في دبي بالسوق الصيني او شاينا تاون....هل هذا الكلام صحيح وهل فعلا موجود السوق الصيني في دبي ولا اهي محلات عاديه بس بضايعها من الصين ام السوق هذا نفس اللي في الدول اللي بره اللي حتى البياعين من الصين... افيدوني افادكم الله وتقبلوا تحياتي

مواضيع عشوائيه ممكن تكون تعجبك اخترناها لك:

• عاجل مشرفي الامارات
• استفسار هل استطيع السفر
• استفسارات ضرورية احتاج منكم الإجابة عليها
• أفضل فنادق خمس نجوم في أبو ظبي
• عدنا من دبي وملاحظاتي على كورال بوتيك فيلا وما حدث معنا في اسكاي دبي
• من يرد لي حقي
• أريد تقدير ميزانية لسفر إلى دولة الإمارات
• استفسار اهل ابو ظبي
• كيــــدزانيــــــــا دبــــي خــواطر
• مساعده
• شاليهاتمسابح
• تجربتي حول السكن في شقق فندقية في دبي أنصح بها للعوائل المحافظة
• الاتحاد للطيران تقدم عروض خلال شهر رمضان
• دبي دانة الدنيا
• ارجو من اهل دبي واهل الخبره الدخول
• رايق في ديار زايد
• نصائح من شخص وصل من دبي اليوم
• افتتاح بوتيك فاخر جديد لعلامة في توين تاورز بدبي
• محتار وين اسكن
• فنادق تصلح للعوائل

اخي الكريم
يوجد في دبي مجمع كامل يدعى سوق التنين (دراغون)
ويضم محلات صينية من مواد بناء وادوات كهربائيه وادوات منزلية
والعديد من المحلات ذات البضائع المختلفة والمجمع كبير جدا

كل شي موجود بدراغون مع التوصيل لديرتك

الله يعطيكم الف عافيه alfarasha و أزرق كويتي ....... بس يا ريت لو تقولولي عن اسعاره يعني يطلع علي ارخص من الصين ولا ما في فرق.... و وين مكان ( دراغون )

وانا اضم صوتي الى صوتك :

اين يقع السوق الصيني وبماذا يتميز ...

تحياتي ...

انا جاى السوق الصيني فى الامارات وهو بعيد شوي عن دبي يعني بالتاكسي تاخذة على 30 درهم يمكن يوصلك اسمة دراجن شاينا يعني التنين الصيني وهو مكون والله العالم يمكن من 4000 محل كل محل تلقى مكتوب عليه من فوق موقعهم على الانترنت وهو عبارة عن محل يعرض العينات فقط وفيه كذا قسم للاثاث والملابس والكهرباء والسراميك واقسام كثيرة ولاكن انا يوم اجيه كان نصة تقريبا فاتح

هذا السوق ( قطعة من الصين فى دبى ) !!!
مجمع التنين الصينى !!!
رائع للتجار وأصحاب المحلا ت الجملة وحتى المفرق وأن كانت أسعار الجملة غير المفرق بالتجربة !!
والفرق كبير جدًا ...... !!!
وهو كما قال الاخوان يبعد عن دبى مايقارب الثلث ساعة أو أكثر بقليل !!
وهو بمنطقة العوير !!!
وفيه كافة مستلزمات الحياة من أجهزة كهربائية والكترونية وملا بس وأدوات رياضية
والعاب وأكسسوارات وقطع سجاد وأدوات زراعية !!!!
بس عاد الحذر من التاجر الصينى !!!
فهو دارس وضع السوق جيدًا ، ولا بد من المكاسرة بالسعر بالمقارنة مع ماهو
موجود فى أسواق دبى !!!!
مع تحياتى ،،،،،

ملا حظة ( هناك توجه بالمستقبل القريب لبناء عدة مولا ت ومجمعات تجارية على غرار سوق التنين
- السوق الصينى ) وبنفس المنطقة بأسم ( السوق البريطانى ) و( السوق الهولندى ) و( السوق
الا لمانى ) لتكون المنطقة فى المستقبل واجهة تجارية عالمية تجعل( المستهلك) و ( التاجر ) وكأنهم
فى تلك البلدان تمامــــــــــــًا ... )

وعمار يادبى ..... عمار

الله يعطيكم العافيه على هالمعلومات الحلوه واللي فادتني كثير.... شباب اذا في احد عنده معلومات زياده او صور يقدر يفيدنا فيها فلا يبخل علينا وجزاكم الله خير

كيف ناصل لهذا السوق ؟؟

شكرا على الموضوع الحلو

والي يقدر يفيدنا عن اسعار مواد البناء مقارنه باسواق السعوديه

السوق الصينى على شارع الامارات امسك طريق حتا -عمان على فكرة للوازم الحمامات فى شغلات وايدة

اوصف لكم المكان : افضل طريق ومريح هو :

خلي الملا البلازا على ايدك اليسار ( شارع النهدة) وامشي على طول الين تشوف مخرج ابوظبي وشارع الامارات على اليمين : انزل عليه واطلع سيدا على طول الى ان تشوف مخرج 52 خد يمين وانزل عليه : اعني نصف دوار وروح سيدا اشوي وبتشوف التنين الصغير

وشكرا

انا رحتله قريب ...بصراحه انا ما افهم وايد في البناء وهالسوالف بس مريت على السيراميك والاضاءه والاثاث بصراحه فيه اشياء وايد حلوه وفيه بعض المحلات بس حاطه سامبل واحد مثلا غرفه نوم وحده لان المحل صغير يعني يعطونكم فكره عن الاثاث اللي عندهم ...والحمامات شفت محل تخبلللللت على ديكور الحمام والمغاسل روووعه ...بس الاسعار ما اعرف وما سألت ...

هذي الخريطه



وهذا مخطط السوق من داخل

http://www.chinamexmart.com/english/images/bigmap.jpg

وهذا موقع الانترنت

http://www.chinamexmart.com/english/index.jsp

مواعيد فتح السوق
السبت الى الخميس
10 صباحا الى 1:00 ظهرا

5 عصرا الى 10 مساء

الجمعه

5 العصر الى 10:30 مساء

بارك الله فيج ام محمد عطيتيهم المخطط الصح..
وين لقيتيه؟؟

انا رحته مرررة حلو وفيه اشياء غريبة حلوة

وعندهم سيراميك حلو

الله يوفقك

هل السوق فقط لمنتجات البناء ام ماذا يحتوي عليه؟

ماشاء الله على دبي جامعة العالم كله,,,


ودمتم لأخيكم,,,

والله هذا الموضوع جداً مهم

وإنتوا تقدرون الأثاث الصيني كيف تكون فيه الرسمه

و اللمسة الفنية راقيه جداً .. وأيضاً كيف أن الخشب
ا
لصيني سميك وفخامته واضحه.


إللي عنده معرفه بالسعر يا ليت يعطينا فكره


شكراً


نيزك

المشاركة الأصلية كتبت بواسطة المشرف


هل السوق فقط لمنتجات البناء ام ماذا يحتوي عليه؟



لا السوق هذا بتاع كللله ....منتجات بناء...لوحات فنيه...اضاءة....ستاير....الكترونيات ...ملابس
....شنط....احذيه....دراجات ناريه...ادوات صحية...حتى شفتهم يبيعون الكرسي اللي حق دكتور الاسنان....
وادوات وماكينات المزارع ...العاب الاطفال ...ديكور....همممم يعني كل شي

بالنسبه للخريطه جبتها من الموقع مالهم اللي حاطتنه تحت الصوره :101:

السلام عليكم ورحمة الله وبركاته

أنا أبغى استفسر عن السوق الصيني

يقولون فيه سوق صيني بعيد عن دبي شوي

وموجود فيه كل شيء من ملابس واحذية واكسسوارات وغيره

فياليت اللي يعرف وينه فيه بالضبط
أو كيف هو

يخبرنا
الله يعطيه العافية

هذا اسمه دراقون سنتر
على طريق حتى

وعليكم السلام ورحمة الله وبركاته

ان شاء الله هالرابط بيفيدك

http://www.arabtravelersforum.com/travel44710/

http://www.arabtravelersforum.com/travel134737/


بالتوفيق ان شاء الله

:101:

النمر

اليازي

الله يعطيكم العافية

مشكورين وما قصرتوا
على هالمعلومات

جبل علي ياليت تفيدوننا عنه

جبل علي مدينه صناعيه و فيها ميناء..

اخر دبي .. بعد ابن بطوطه

طيب ابن بطوطة كم يبعد كيلو عن دبي
والسوق الصيني كم يبعد بعد

الله يعطيكم العافية

المشاركة الأصلية كتبت بواسطة أروجي
http://www.arabtravelersforum.com/tr...8/#post1735798

طيب ابن بطوطة كم يبعد كيلو عن دبي
والسوق الصيني كم يبعد بعد

الله يعطيكم العافية



ابن بطوطه في دبي نفسها بس اخرها

بعد المارينا

و اذا قصدك من الديره تقريبا 25-30 كيلو .. ماني متأكده

المشاركة الأصلية كتبت بواسطة mzoon
http://www.arabtravelersforum.com/tr...1/#post1735951

ابن بطوطه في دبي نفسها بس اخرها

بعد المارينا

و اذا قصدك من الديره تقريبا 25-30 كيلو .. ماني متأكده



الله يعافيك

طيب السوق الصيني
كم يبعد

السوق الصيني اللي هو ( دراجون مول ) على شارع الأمارات تقريبا بعد القريه العالميه بجسرين على اليمين وانت جاي من بوظبي ومتجه الى الشرق.
وهو عباره عن مول من دور واحد مصمم على شكل تنيين بس كبير جدا ويبالك وقت طويل عشان تلفه كامل.
فيه بضائع متنوعه ومتعدده من الألبسه لين المعدات الثقيله وادوات البناء.
بالنسبه للمسافه يعتمد انت وين ساكن في دبي ؟ لو مثلا في شارع الشيخ زايد يبالك من ربع ساعه الى نصف ساعه حسب الزحمه.
وبن بطوطه يقع على يسار الطريق الخارج من دبي بتجاه ابوظبي على شارع الشيخ زايد ... يعني بعد ما تعدي مول الأمارات بخمس دقايق.

السلام عليكم

السوق الصيني (( التنين )) ممتاز للعوائل

وذلك لشراء الاغراض المنزلية برخص وكل شي تفكر فيه موجود

من ملابس واحذية ومواد سباكة وكهرباء وتحف ..... الخ

مو بعيد لدرجة - هو في العوير طريق حتا عمان

خذ تكسي يوديك ب 30 درهم حتى اذا معك سيارة خذتكسي يمشي قدامك

لانه فيه كباري تضيع فيها ... انصحك ... لاني مجربها امس كنت فيه مع العيلة

روح له العصر الى بعد المغرب احسن وقت

بالتوفيق

الله يعطيكم العافية

مشكورين وما قصرتوا

تعبتكم معي

السوق لا يفوتك راااااائع ورخيص
بس روحوا بدري علشان يمديكم

ترا السوق يقفل من 1-4:30 الظهر..

انتبهوا لا تروحون له هالوقت و تبلشون ... حتى كافيه مافيه علشان تقعد تستنى

المشاركة الأصلية كتبت بواسطة mzoon
http://www.arabtravelersforum.com/tr...3/#post1739173

ترا السوق يقفل من 1-4:30 الظهر..

انتبهوا لا تروحون له هالوقت و تبلشون ... حتى كافيه مافيه علشان تقعد تستنى





متاكده :114:

يمكن بعض المحلات تقفل في هالوقت.. لان اذكر مرة من فتره رحت بين هالوقت وفي رمضان بس كانوا فاتحين المحلات يمكن بعضها مقفله وانا مب متاكد.

المشاركة الأصلية كتبت بواسطة عاشق الخيل
http://www.arabtravelersforum.com/tr...7/#post1739177

متاكده :114:

يمكن بعض المحلات تقفل في هالوقت.. لان اذكر مرة من فتره رحت بين هالوقت وفي رمضان بس كانوا فاتحين المحلات يمكن بعضها مقفله وانا مب متاكد.



انا رحت له من سنه و شي

دخلته الساعه 2 .. لقيته مظلم و خوفني

قالوا انهم يفتحون 4

لانهم يقفلون وقت الغداء..

و انطقيت و قعدت الى 4 :109:

الله يعطيكم العافية
جميعا

على هالمعلومات القيمة

ممتاز جدا
بارك الله فيكم

اقترح انشاء موقع للتاجر الصغير الذى يرغب فى البدء بالتجارة والاستيراد دون الخوف من الفشل او خسارة المال

اقترح انشاء موقع باسم التاجر الصغير لمساعدة المبتدئين فى معرفة كيفة استيراد السلع التجارية من مختلف دول العالم وخصوصا الصين وتركيا هونج كونج. ةاعطائة كافة المعلومات وخصوصا طريقة الاتصال بالشركات وراس المال الازم لبد مشروغ ضغير

اذا تبي تاخذ تاكسي بس بشرط انه يدل السوق لني مره اخذة تكسي من الشارقه وقال اعرفه ومن شفته يتصل على اصحابه ويسئل عن غسلة يدي وخذ يفر فيني وطلع الرجال متعدي السوق بكثير وحتى عدده وصل 170 وبعده شكية وقلت رجعني ورجعني لدبي ومن هناك اخذة تكسي ثاني
اما الوقت من 1 الى 4:30 يغلق السوق بصراحه انا كنت فيه الساعه 3 وكان اغلب المحلات فاتحه

انا البارح جاي من دبي وكنت يوم الاربعاء في السوق الصيني من الساعه 10:30 صباحا حتى 10مساء وكان طول هذا الوقت فاتحه كل المحلات ولا فيه اي محل مغلق لانه يفتح من 10 صباحا حتى 11 مساء

مشكورين جدا
طيب كيف اسعاره؟
هل هى رخيصة مثل الصين؟

شكرا على التفاصيل عن هذا السوق

بارك الله فيكم

والله لقد كنت في امس الحاجة لمثل هذا الموضوع

فشكرا لكم جميعا

حبيت اضيف شغلة بسيطة بالنسبة لأسعار البضائع الصينية بشكل عام واللي موجود في التنين الصيني بشكل خاص غير مغرية لمن يريد امور بسيطة
عادةً تكون الأسعار مقاربة للموجودة لدى تجار الجملة في بلدك ويبيعوها بنفس السعر أو أرخص (وجهة نظري) ولكن لمن يريد امور بالجملة كمثال مواد البناء والأثاث لمنشئات كبيرة كعمارات أو مستشفيات وماشابه فقد يجد ضالته لأن التجار الصينين يبيعون الجملة بفرق هائل عن الكميات البسيطة فقد قارنت بعض الأسعار لبعض مواد البناء و الأثاث فوجدت انها عندنا تقريباً نفس السعر اذا لم تكن اغلى خاصة اذا حسبت تكاليف السفر من سكن وتنقلات وغيره بالإضافة الى اجور شحن البضاعة،
وهنا نقطة مهمة وهي لو اخذت بضاعة من عندهم وصار فيها اي شي بسبب الشحن فالله يعوض عليك بينما لو اخذتها من التاجر اللي في بلدك راح تكون مضمونه بالإضافه ان التاجر راح يوصلك اياها لبيتك مع التركيب بينما التوصيل من الميناء والتركيب للبضاعة المستوردة راح تكون عليك.

مع هذا انصح اي زائر لدبي ان يمر بهذا السوق العملاق واللذي لا يشعر الشخص فيه بالوقت من كثرة بضائعة تحت سقف واحد، واللي راعي مزاج ويحب يلف السوق محل محل ماراح يكفيه يوم كامل.

تقبلوا تحياتي

المشاركة الأصلية كتبت بواسطة musa3
http://www.arabtravelersforum.com/tr...4/#post2172364

حبيت اضيف شغلة بسيطة بالنسبة لأسعار البضائع الصينية بشكل عام واللي موجود في التنين الصيني بشكل خاص غير مغرية لمن يريد امور بسيطة
عادةً تكون الأسعار مقاربة للموجودة لدى تجار الجملة في بلدك ويبيعوها بنفس السعر أو أرخص (وجهة نظري) ولكن لمن يريد امور بالجملة كمثال مواد البناء والأثاث لمنشئات كبيرة كعمارات أو مستشفيات وماشابه فقد يجد ضالته لأن التجار الصينين يبيعون الجملة بفرق هائل عن الكميات البسيطة فقد قارنت بعض الأسعار لبعض مواد البناء و الأثاث فوجدت انها عندنا تقريباً نفس السعر اذا لم تكن اغلى خاصة اذا حسبت تكاليف السفر من سكن وتنقلات وغيره بالإضافة الى اجور شحن البضاعة،
وهنا نقطة مهمة وهي لو اخذت بضاعة من عندهم وصار فيها اي شي بسبب الشحن فالله يعوض عليك بينما لو اخذتها من التاجر اللي في بلدك راح تكون مضمونه بالإضافه ان التاجر راح يوصلك اياها لبيتك مع التركيب بينما التوصيل من الميناء والتركيب للبضاعة المستوردة راح تكون عليك.

مع هذا انصح اي زائر لدبي ان يمر بهذا السوق العملاق واللذي لا يشعر الشخص فيه بالوقت من كثرة بضائعة تحت سقف واحد، واللي راعي مزاج ويحب يلف السوق محل محل ماراح يكفيه يوم كامل.

تقبلوا تحياتي




بارك الله فيك
بما ان لديك فكره عن الموضوع
هل هناك فرق في الاسعار فيما يخص محلات التخفيضات والاواني المنزلية ؟؟

كل امل في ان اجد الجواب وهذا المتوقع منك حفظك الله

أخوي الدهيمان مرحبا فيك وانا بصراحة ماعندي فكرة عن الأواني المنزلية، وهل انت تقصد انك تاخذ بالجملة عشان تجهز محل تجاري او بضائع خاصة؟ ، عموماً الخلاصة اللي انا استخلصتها من هذا السوق بأنه ينفع لشريحتين من الناس الأولى اللي رايحين سياحة لدبي ما يمنع انهم يمرون عليه و ممكن يحصلون اشياء رخيصة والشريحة الثانية هم التجار اصحاب الجملة اللي يخذون كميات كبيرة راح يحصلون اسعار منخفضة مع ان بعض التجار افادوني بأن بعض البضائع ممكن تحصلها عند تجار الجملة الكبار (الهوامير) ارخص من الصين نفسها!! وانا برأيي ان الناس اللي من غير هالشريحتين لا يتكبدوا عناء السفر من أجله وتظل (وجهة نظر)

تقبل تحياتي

المشاركة الأصلية كتبت بواسطة musa3
http://www.arabtravelersforum.com/tr...1/#post2175011

أخوي الدهيمان مرحبا فيك وانا بصراحة ماعندي فكرة عن الأواني المنزلية، وهل انت تقصد انك تاخذ بالجملة عشان تجهز محل تجاري او بضائع خاصة؟ ، عموماً الخلاصة اللي انا استخلصتها من هذا السوق بأنه ينفع لشريحتين من الناس الأولى اللي رايحين سياحة لدبي ما يمنع انهم يمرون عليه و ممكن يحصلون اشياء رخيصة والشريحة الثانية هم التجار اصحاب الجملة اللي يخذون كميات كبيرة راح يحصلون اسعار منخفضة مع ان بعض التجار افادوني بأن بعض البضائع ممكن تحصلها عند تجار الجملة الكبار (الهوامير) ارخص من الصين نفسها!! وانا برأيي ان الناس اللي من غير هالشريحتين لا يتكبدوا عناء السفر من أجله وتظل (وجهة نظر)

تقبل تحياتي



بارك الله فيك اخي الغالي

وبالفعل انا اريد تجهيز محلات تجارية

وقرطاسية ومحل بناء

ابي اعرف الاستاندات الحشب تبع التقاويم وين تنباع بدبي
قالوولي بالسوق الصيني وقالوا كمان بجبل علي
وانا جايه ان شاء الله الاسبوع الجاي وماعندي وقت
ومطلوب منى 10 الاف تقويم وماني عارفه وين الاقيها فيه بدبي
يمكن سؤالي غريب بس مالي غيركم بعد الله
بالذات اني متعوده على مساعدتكم لي بسفرتي الفايته :110: حتى الحين محتاجتكم قولي عن الوكلاء او المؤسسات والشركات اللي تكون بالجمله تبيع الاستاندات
الله يسعدكم مالي غيركم بعد الله :110: وثقتي فيكم كبيره لاني بكل مره تساعدوني وتدلوني

السلام عليكم

اخواني الاعزاء انا بزور دبي يوم الجمعه الجاي ان شاء الله وبروح السوق الصيني ... ممكن الاخوان والاخوات اللي عندهم خبره يفيدوني متى يفتح ويغلق السوق الصيني يوم الجمعه .. لان زيارتي ليوم واحد .. وشكرا يا اخواني وياخواتي

المشاركة الأصلية كتبت بواسطة ncc_ku
http://www.arabtravelersforum.com/tr...2/#post2469742

السلام عليكم

اخواني الاعزاء انا بزور دبي يوم الجمعه الجاي ان شاء الله وبروح السوق الصيني ... ممكن الاخوان والاخوات اللي عندهم خبره يفيدوني متى يفتح ويغلق السوق الصيني يوم الجمعه .. لان زيارتي ليوم واحد .. وشكرا يا اخواني وياخواتي



السوق الصيني يفتح ابوابه الساعة الرابعه عصرا ،أما الاغلاق فانا غير متأكد بس على أقل تقدير 10 مساءا،بس بصراحة أسعارهم صايرة غالية

مشكور اخوي وماتقصر
يعني الجمعه ما يفتح الصبح بس العصر

اخوي السوق الصيني يفتح يوم الجمعه
من 2الظهر الى10:30 مساءاً

وهذا موقعهم http://www.dragonmart.ae/

مشكورة وما قصرتي اختي

المشاركة الأصلية كتبت بواسطة انا الاموره
http://www.arabtravelersforum.com/tr...1/#post2445811

ابي اعرف الاستاندات الحشب تبع التقاويم وين تنباع بدبي
قالوولي بالسوق الصيني وقالوا كمان بجبل علي
وانا جايه ان شاء الله الاسبوع الجاي وماعندي وقت
ومطلوب منى 10 الاف تقويم وماني عارفه وين الاقيها فيه بدبي
يمكن سؤالي غريب بس مالي غيركم بعد الله
بالذات اني متعوده على مساعدتكم لي بسفرتي الفايته :110: حتى الحين محتاجتكم قولي عن الوكلاء او المؤسسات والشركات اللي تكون بالجمله تبيع الاستاندات
الله يسعدكم مالي غيركم بعد الله :110: وثقتي فيكم كبيره لاني بكل مره تساعدوني وتدلوني




اختي ما فهمت شو هالاستاندات الي تبغينها ؟؟؟

الله يعطيكم الصحة والعافية جميعا
أخوكم ناوي يتاجر في ملابس النسائية هل أسعار الجملة في السوق الصيني بدبي تستاهل يعني في فرق كبير في الأسعار الجملة تستاهل ان الواحد يتعنى لها
:114:

مرحبا

حبيت أسأل عن السوق الصيني في دبي
وين مكانه
وايش بضائعه
وكيف الأسعار؟

انا جيت السوق سنة 2006
هل تغير اللحين افتتحت محلات جديده ؟وهل يوجد مطاعم في السوق؟ انا لما جيت عام 2006 كان لايوجد مطاعم
فقط كوشكات صغيره

هلا والله

كل شي تبغي تعرفه عن السوق الصيني في هالموضوع

http://www.arabtravelersforum.com/travel59437/