الموضوع: ألبـــــوم صــــور كـالـيفـورنيـــا مــــع

السـلام عليكم و رحـمة الله و بـركاتـه

هالسنـة مـا راح أنـزل تقرير لكـن تقدرون تقولون ( ألبـوم صـور للرحلـة ... و اذا في أسئلـة معينـة إحنـا بالخدمـة دايمـا ً



الرحلـة كانت من الكويت – دبي – لوس أنجلوس لمـدة 16 سـاعـة متعبـة !!! أنـا شخصيا كـانت عنـدي فكرة مسبقـة لسـان فرانسيسكـو بأنهـا مملـة و مـا فيهـا شي ..... المنطقة بالرغم من إنهـا بولايـة كاليفـورنيـا إلا إنهـا تختلف إختـلاف كلي ... عن لوس أنجلوس أو سـانديغـو أو لونـج بيتش يعني سـاوث كاليفـورنيـا و كأنهـا ولايـة ثانيـة ... من ناحيـة الجـو ... الجـو شتوي بالرغم إن إحنـا بشهـر سبعـة و طبيعـة المدينـة سريعـة و يبدو لي إنهـا مـدينـة عمـل و لويـه مو مثل الساوث هـدوء و رلاكسيشـن و بحـر و سبـاحـة و غيره و تصلح للعوايل الي معاهم أطفـال أو مراهقيـن


الرحلـة كـانت مقتصـرة فقط على ولايـة كـاليفـورنيـا و بالتحديد ايرفـاين و سـان فرانسيسكـو


خلونـا نبتـدي بصـور بمنطقتنـا الصقيع ( سـان فرانسيسكـو )






هـذي العـلامـة الشهيرة الي تطلع بالأفـلام و المسلسلات الأمريكيـة و تمثل مدينـة سـان فرانسيسكو Fisherman Wharf
عبـارة عن منطقـة كلهـا فنـادق و مطاعم و محـلات تبيع البضايع التذكـارية لمعالم سـان فرانسيسكو و مـرسى تطلع منـه بعض الرحلات البحريـة و العروض البسيطة ... المكـان حلو للتمشي لأن الشـارع طـويل لكن الجـو بــــارد مـــــــــــوت بـرد






اشهالحــلاة !






سجــــن ( الكتــراز ) من المرســى ... طبعا للسجن رحـلات يوميـة مثل ما اذكروا الإخـوان في تقاريرهم لكن مـا رحنـا لأن يبدو لي الرحلـة غير مناسبـة للأطفـال





هـذا الحبــيب بعد هالطلعـة صار مريض و قعدنـا بالفنـدق يـوميـن مصخـن ... و السبب برودة الجــــو




محـلات البضايع التــذكاريـة لأهم معـالم ( سـان فرانسيسكو ) ... على طــــــــول هذا الشـار ع بعضهـا مميـز و البعض الآخـر لا يستحق الشـراء





هــذا هـو الشـارع مثل مـا تـلاحظـون فيـه Rain Forest Cafe و مـاكدونـالد و غيـره و على فكرة تـرا سـان فرانسيسكـو و مثل مناطق الجنـوب يعني كـل شـويه تلقـون ماكدونـالد أو شيز كيك فاكتوري أو برجر إن أوت .... شيز كيك فاكتوري بس واحد بسـان فرانسيسكـو ! و بما إنه واحـد فمـا تتصورون الزحمـة عليه !











هـذا شكل المرسـى مـن الجهـة الثانـية يعني جهـة محـلات و مطاعم و الجهـة الثانيـة القـوارب شكـل الصـور مبيـن منـه الجـو شلون بـــــــــاررررد









و لحــــــــــــد هنيـــه بـوقف ... أشـوف مـشاركاتكم بـاجـر بإذن الله

مواضيع عشوائيه ممكن تكون تعجبك اخترناها لك:

• كيف اغير موعد سفري على الجت بلو
• ممكن تساعدوني بترتيب المناطق
• مدينة ووستر
• ماذا تعرف عن ولاية أوهايو؟
• احتاج معلومات عن
• وش تنصحوني به اخذ الاب توب معي ولا لا؟؟؟
• ياليت اللي عنده اي معلومات عن بورتلاند اوريقون يفيدني
• بولتيمور
• مسااااااااااااااااااااء الورد
• الاجراءات المتبعة فى مطارات امريكا
• استفسار بخصوص ايجار سيارة في امريكا
• أبي اغير موعد المقابلة هل فيه مشكلة ؟ وايش الاجراءات يالربـــــع
• تمت المقابلة ولله الحمد في الظهران
• ممكن مساعدة عن ولاية الاباما
• غيرنا الوجهة من كالي الى فلوري
• ياشبابانا عندي خطاب من الوزارة من هل استطيع احصل على فيزا؟
• ما استغني عنكم
• معلومات عن تكساس
• الحمدللهابشركم انتهت المحاكمة وهنا التفاصيل
• ضروري الله يخليكم

الحمدلله على السلامة

بداية رائعه لألبومك مميزتنا Luxury_Traveller

يعطيك العافيه ..

ما شاء الله تبارك الله

الحمد على السلامة يا أختي .. وأنا من متابعين لإبداعاتك في البوابة الأمريكية

وشي جديد يضاف إلى قائمة الإبداع ..

مستمتع لمشاهدة الصور ... ومتحمس لمتابعة القادم

الله يحفظكم جميعا ...

الحمد لله على السلامة اختيـ ..


و سجلينـــا متابعيــــن لهذهـ الصور الرائعـــة ...

الحمدالله على السلامه

ماشاء الله خوش صور بدايه موفقه .. متابعينكم انشاالله

ما شاء الله الصور روعه وايضا الموضوع شيق .. وألف الحمدلله على سلامة الولد وما تشوفون شر ان شاء الله .. متابع معاكم ولمزيد من الصور والاماكن الجيدة لاني قاعد ارتب للرحلة فقط لكاليفورنيا ولاس فيغاس ان شاء الله


لكم كل الشكر والتقدير

الحمدالله على سلامتكم ام احمد
ومتااابعين معااج الالبوووم

حمد الله على السلامة Luxury_Traveller

فعلا فكرة البوم فكره رائعه ولا تتأخري علينا

حيـاكم الله و أسعـدنـي جدا مروركـم و مـشاركتكم الطيبـة

و إن شاء الله يسمح لـي الوقـت إني أنـزل صــور بفترات قصيرة ... خاصة إن المـدارس بـدأت و التـدريس اشتغـل

الله يعطيج العافية يا ام احمد وخذي راحتج لان هالالبوم بيكون مميز إن شاء الله

الله يعطييج العافية ام احمد وصور محل الطيرات يشوق والاكل

ماشاء تبارك الرحمن خوش صور وماشاء الله خوش جو انا يوم كنت هناك حشنا جو حار شوي يعني نلبس صيفي

جزء رائع اختيـ

و كنت اتمنى كتابة التعليق قبل الصورة




لازلنـــا متابعيـــن و بالطبع .. مستمتعيـــن

مشاء الله على الصور يعطيك العافيه اختي الغاليه

جزء رائع و بانتظارك

يسلمو على الصور الحلوة

ياسلام على جمال سان فرانيسسكوا وجوها الرائع


متابعين ام احمد

أم أحمد هنا .. منوره يا جميل ... الحمدلله على سلامتكم ...
وماشاءالله الرحله شكلها كانت ممتازه الله يسعدكم دوم ..
متابعه ومستمتعه أختي العزيزه ..

الحمدالله على السلامه ياام احمد
والله يعطيك العافيه على هذا التقرير
المختصر المفيد
والله يحفظكم
وتقبلي مروري

ماشاءالله روعه الصور
حست بالبرد وانا اشوفهم
كملي متااااااابعينج.

ياسلام عليج ..
وانا كل يوم ادش وادووووور وادووووور وما تم عتاب وترجي في الفيس بوك وهني في مواضيعج ..
واثريج نزلتي التقرير من يومين .. يومين كاملين وانا ماأدري ..
اشوه بعد لحقت ع الصفحه الثالثه ..

الله يعطيج العافيه الصور روعه ..
واسلوبج اروع ..
الله يحفظ العيال وتبلغين فيهم يارب ..
ما شاء الله الصغير كبر الله يحفظه ..
ملبسته برمودا .. وبعدين تقولين مرض ..
في هالجو كنتي لازم تلبسينه برنوص (بالبحريني) = كمبل (بالكويتي) ..

عليكم بالعافيه .. إن شاء الله هالسنه وكل سنه ..

الجوووووووو يشووووق يا ام احمد حده عجيييييب هالبرد
عليكم بالعافية

رووووووووووعة الصراحة رجعتينا لذكريات سان فرانسيسكو شهر 6 ....

الله لاكسري منزله تقرير يديد ياحظنا تقاريرج تينن حدها تشوق

ماشاء الله الجو شكله جنه بشهر 11او12 مغيم ومبين انه باااااااااارد والصغير ياعمري لابس هالبرموده والله انا ركبي عورتي من البرد اللي بالصور

احلا مافي الصور الاخوة الاعداء الله يحفظهم بسم الله عليهم كبروا الله يخليهم لج ويبلغج فيهم

في انتظار جديدك وعلى اال من مهلك(على قولة اخوانا المصريين) متى مافرغتي من التدريس نزليلنا صورة او ثنتين ماعندنا مانع

صور جميله كملي ونحنا متابعين معك

الله يعطيج العافية ام احمد على البارت الحلو

بغيت اسال اختي وين سكنتوا في اي فندق ؟

متابعين

المشاركة الأصلية كتبت بواسطة hudaabdullah
http://www.arabtravelersforum.com/tr...6/#post4278856

أم أحمد هنا .. منوره يا جميل ... الحمدلله على سلامتكم ...
وماشاءالله الرحله شكلها كانت ممتازه الله يسعدكم دوم ..
متابعه ومستمتعه أختي العزيزه ..




هـلا هلا والله بالعزيزة ... الله يسلمـج ... الرحلـة حلوة الحمدالله لكن مـا تخلو من المواقف البايخـة و هالسنة صارت لنـا مـواقف تعبانه ... بس الحمدالله الله ستـر .. أقـولهـا لكم بعـديـن مع الصـور

مشكوره عالتقرير الحلو

المشاركة الأصلية كتبت بواسطة ام امريكان
http://www.arabtravelersforum.com/tr...4/#post4279944

ياسلام عليج ..
وانا كل يوم ادش وادووووور وادووووور وما تم عتاب وترجي في الفيس بوك وهني في مواضيعج ..
واثريج نزلتي التقرير من يومين .. يومين كاملين وانا ماأدري ..
اشوه بعد لحقت ع الصفحه الثالثه ..

الله يعطيج العافيه الصور روعه ..
واسلوبج اروع ..
الله يحفظ العيال وتبلغين فيهم يارب ..
ما شاء الله الصغير كبر الله يحفظه ..
ملبسته برمودا .. وبعدين تقولين مرض ..
في هالجو كنتي لازم تلبسينه برنوص (بالبحريني) = كمبل (بالكويتي) ..

عليكم بالعافيه .. إن شاء الله هالسنه وكل سنه ..




هـلا رفيجـة الفيس بـوك ..... معقـولة ما دريتي إلا اليـوم ؟ عـاد أنـا أشـوف اسمج مبين ضمن الأسمـاء المتواجدة بالبوابـة و قاعـدة أقول لروحـي و ين أم أمريكـان مـا مرت علي ! يمكن الموضوع مدعـوس شوي بين المواضيع و ما بيـن

هذا الله يسلمج ولدي الصغير بوبرمودة !!!!!! ما عرفتيـه عـدل !!!! لو شايفته جـان عذرتيني

أنـا أدري إن سان فرانسيسكو بـاردة ! قمت و شريت جاكيتات لليهال و حتى ابوهم اشترا جاكيت لاذر و من داخـل صـوف يعني مستعـد إستعداد تـام !! يوم وصلنـا سان فرانسيسكو و بنطلع أول يـوم زهبت هدومهم بناطلين لأن بالساوث كله شورتات ... و إلا المحترم الصغير مو راضي ... و أتعافـر معاه !! و أخلي اليهال اخوانه يمسكونه بس ماشاء الله ما عبرو عليه ... و ابوه ما قـدر عليه و طفـر منـه ... والله ساعات أقرصه بس راسه يابس !! ما يهـاب و لا يخاف من أحـد يروح و يـرد يفصخ البنطلون و يلبس الشورت .... إلي قـدرت عليه إني البسه الجاكيت بس ! و لا بعد جـدام النـاس مع الهواش و النـاس يطالعونـي مستغربين شلون هالياهل ما يسكت من البجي و الصراخ و العض لووووول عادي يشلع الجلد ( آكـل لحوم البشر ) .... و الله حسيت من نظرتهم إني أنـا كاسرة خاطرهم و هم بعـد يحمدون الله إن ما عندهم يهال لووووول بدون مبالغـة صج صج عكنن علينـا الطلعات !

تخيلي أنـا من الكويت أحاتي شلون بيلبس حزام السيارة !؟ أول ما طبينـا أمريكـا رحنـا وال - مارت شرينـا أفلام سيديات كارتون و دي في دي !! عشـان يقعـد و الحمدالله قدرنـا نقعـده ! و بعض الأحيـان ندخـل محـل ... مثلاً بغى شغلـه حلاوة أو أي خربوطـة أشتريها عشـان أصك حلجه و أفك روحـي لوووول و بعدهـا بالضبط دقيقتين !!! أدش محـل ثاني يقط الي شرينـاه و ياخذ شي ثاني .... عـاد إهنيه أنـا أشمر عن ذراعي و أسنع حجابي لأن أدري وراي هـوشه ! راح يصير ترفس و تسحب و خبـال !!

تخيلي الدكتور خذا منـه 500 دولار ! هذا غير المضاد الحيوي ... الدكتور معلق في عيـادتـه صـوره مـع كل ممثلين هوليوود ما أدري اهو معالجهم أو يتلزق فيهم لوووول ... أعتقـد مصـوره العيـادة أنزلهـا بعدين

المشاركة الأصلية كتبت بواسطة stranger man
http://www.arabtravelersforum.com/tr...2/#post4281742

الله يعطيج العافية ام احمد على البارت الحلو

بغيت اسال اختي وين سكنتوا في اي فندق ؟

متابعين





الله يعافيـك .... بمـا إن أول مرة لي في سان فرانسيسكو ... و بنقعد 10 أيـام و زوجي راح يكون طالع للدوام من 8 إلى 4 ... فقلت أبي فنـدق كل شي تحتـه يعني ما أضطر أركب تاكسي أو غيره لأن معاي يهال و أحتـاج ريـال يساعدنـي

فحجزت فندقين واحد بالفشرمـان وارف الشيراتـون و هو يعتبر واحد من أفضل فنـادق ذيك المنطقـة لكـن !! تفاجأت بصغر الغرف !!! حتى غرف هونج كونج مو جذيـه ضيقـه !!! و الأرضيات خشب ... لو أمشي أسمع روحـي و أنا عنـدي يهال و ماخذين راحتهم و كـل ساعـة السكيورتي داق علينـا البـاب .. والله إني قاعدة على أعصابي مع إن مـوقع الفنـدق رهيــــــــب !!! كـل شي تحتنـا لكن ما عجبتني الغرف مع إنه توهم مجددينهـا الغرفتين على 120 دينـار مو شويه الصراحـة

بعدها عملنـا الجيك أوت أبكر بـ 3 أيـام ... و رحنـا فنـدقنـا الثاني الي حاجزتـه الي هـو مـاريـوت مـاركيز ... هذا منطقة ثانية و مختلفـة تماما ً عن الفندق الأول ... هذا أرقـى .... و الأهم السـوق تحتي و هم بعد يما فنادق ثانية مثل الفور سيزن ... بس لان إحنـا عنـدنـا عضويـه بالماريوت و دايم نجمع نقاط اخترت بالتحديد هالفنـدق

المشاركة الأصلية كتبت بواسطة sout_almo6ar
http://www.arabtravelersforum.com/tr...8/#post4281768

مشكوره عالتقرير الحلو

عفـوا ً و حيـاج الله

المشاركة الأصلية كتبت بواسطة gardenia#1
http://www.arabtravelersforum.com/tr...2/#post4281662

الله لاكسري منزله تقرير يديد ياحظنا تقاريرج تينن حدها تشوق

ماشاء الله الجو شكله جنه بشهر 11او12 مغيم ومبين انه باااااااااارد والصغير ياعمري لابس هالبرموده والله انا ركبي عورتي من البرد اللي بالصور

احلا مافي الصور الاخوة الاعداء الله يحفظهم بسم الله عليهم كبروا الله يخليهم لج ويبلغج فيهم

في انتظار جديدك وعلى اال من مهلك(على قولة اخوانا المصريين) متى مافرغتي من التدريس نزليلنا صورة او ثنتين ماعندنا مانع




بعد روحـي مشكورة من طيبـج والله


اتصدقين أنا بعد ... لمـا أشـوف الصـور أعيش الجو مرة ثانيـة و أستحضر الأجـواء

اليـوم مـا راح أنـزل صـور حدي دايخـة ... اليـوم و أنـا أدرس ولدي العلوم أحس جني قمت أخـــوره لوووول

حيـاج الله و لا تخليــن

q8ya metnaqla

ahmad059

almasuadi*talal


نجمة النجـوم


....... مشكـوريـن و إن شاء الله تعجبكم الصـور اليايـة

كشششششخة تحمست يوم شفت التقرير

أحلى شي انه كاتبته وحدة من خبيرات كالي ..كنا حاجزين الصيف نروح نفس العام بس الله ما كتب و كنسلنا السفرة ..على العموم حاولي تحطيلنا كل الصور اللي صورتيهم عشان أعيش الجو و أتخيل كيف كانت البلاد صيف 2010

ام احمد انا ام احمد عرفتيني
الصراحة غيرتي فكرتي نهائيا عن كالي عمري ماكنت افكر اروح هناك
والله عقب ما شفت البومج قعدت اقلبها اقول اسبوعين فلوريدا واسبوع سان فرانسيسكو وخمس ايام كلورادو وخمسة نيويورك وتصير السالفة ولا اروع
عليج بستين الف عافية وتعودينها كل سنة وكل عام بس كملي يالغالية*

تقرير جميل وصور أروع ...

يعطيك العافية أختي أم أحمد ....

وبإنتظار بقية التقرير ...

المشاركة الأصلية كتبت بواسطة Luxury_Traveller
http://www.arabtravelersforum.com/tr...6/#post4281846

بعد روحـي مشكورة من طيبـج والله


اتصدقين أنا بعد ... لمـا أشـوف الصـور أعيش الجو مرة ثانيـة و أستحضر الأجـواء

اليـوم مـا راح أنـزل صـور حدي دايخـة ... اليـوم و أنـا أدرس ولدي العلوم أحس جني قمت أخـــوره لوووول

حيـاج الله و لا تخليــن



ايه والله انج صاجه امس افهم ولدي اللي اول ثانوي ماث في الوجارثم فجأة تنحت حسيت اني خرتها وهو يقولي شفيج ضيعتي

الله يعينا وياج ويوفقهم وعيال المسلمين ومثل ماقلتلج على اال من مهلك
اوه قصدي لاكسري(بعقدج شوي)

المشاركة الأصلية كتبت بواسطة Luxury_Traveller
http://www.arabtravelersforum.com/tr...3/#post4281793

هـلا رفيجـة الفيس بـوك ..... معقـولة ما دريتي إلا اليـوم ؟ عـاد أنـا أشـوف اسمج مبين ضمن الأسمـاء المتواجدة بالبوابـة و قاعـدة أقول لروحـي و ين أم أمريكـان مـا مرت علي ! يمكن الموضوع مدعـوس شوي بين المواضيع و ما بيـن

هذا الله يسلمج ولدي الصغير بوبرمودة !!!!!! ما عرفتيـه عـدل !!!! لو شايفته جـان عذرتيني

أنـا أدري إن سان فرانسيسكو بـاردة ! قمت و شريت جاكيتات لليهال و حتى ابوهم اشترا جاكيت لاذر و من داخـل صـوف يعني مستعـد إستعداد تـام !! يوم وصلنـا سان فرانسيسكو و بنطلع أول يـوم زهبت هدومهم بناطلين لأن بالساوث كله شورتات ... و إلا المحترم الصغير مو راضي ... و أتعافـر معاه !! و أخلي اليهال اخوانه يمسكونه بس ماشاء الله ما عبرو عليه ... و ابوه ما قـدر عليه و طفـر منـه ... والله ساعات أقرصه بس راسه يابس !! ما يهـاب و لا يخاف من أحـد يروح و يـرد يفصخ البنطلون و يلبس الشورت .... إلي قـدرت عليه إني البسه الجاكيت بس ! و لا بعد جـدام النـاس مع الهواش و النـاس يطالعونـي مستغربين شلون هالياهل ما يسكت من البجي و الصراخ و العض لووووول عادي يشلع الجلد ( آكـل لحوم البشر ) .... و الله حسيت من نظرتهم إني أنـا كاسرة خاطرهم و هم بعـد يحمدون الله إن ما عندهم يهال لووووول بدون مبالغـة صج صج عكنن علينـا الطلعات !

تخيلي أنـا من الكويت أحاتي شلون بيلبس حزام السيارة !؟ أول ما طبينـا أمريكـا رحنـا وال - مارت شرينـا أفلام سيديات كارتون و دي في دي !! عشـان يقعـد و الحمدالله قدرنـا نقعـده ! و بعض الأحيـان ندخـل محـل ... مثلاً بغى شغلـه حلاوة أو أي خربوطـة أشتريها عشـان أصك حلجه و أفك روحـي لوووول و بعدهـا بالضبط دقيقتين !!! أدش محـل ثاني يقط الي شرينـاه و ياخذ شي ثاني .... عـاد إهنيه أنـا أشمر عن ذراعي و أسنع حجابي لأن أدري وراي هـوشه ! راح يصير ترفس و تسحب و خبـال !!

تخيلي الدكتور خذا منـه 500 دولار ! هذا غير المضاد الحيوي ... الدكتور معلق في عيـادتـه صـوره مـع كل ممثلين هوليوود ما أدري اهو معالجهم أو يتلزق فيهم لوووول ... أعتقـد مصـوره العيـادة أنزلهـا بعدين



لوووووووووووووووووووووووول ..
يحليلج ويحليل سوالفج يالاكسري ..
أظن ان إللي بهالسن كلهم نفس الطبع ..
كأنج تتكلمين على بنتي .. نفس المأساه .. الله يحفظهم ..
انا نفسج آخر مره جهزت كل السيديات والألعاب للسياره بس ماشاء الله عليهم كل هواش وطق ..
فصرت اقعد معاهم وره عشان اقدر اكفخهم براحتي ما يحتاي افترررر وينعوي ظهري ..

مبدعتنا الكبيرة

منورة البوابة الامريكية بذكرياتكم الرائعة ,,

متحمس للبقية ,,

تقبلي تحياتي واحترامي

الله يعطيج العافيـــة اختي أم أحمـــد


و يزاج الله خيـــر عالبرمجــــة هههههه التعليق أحلى فوق الصور ... عشان الواحــد يستعد و يهيأ نفسهـ للمنظر



جزء رائع و لا زلنـــا متابعين و مستمتعيـــن

يعطيج العافيه اختي ما شاء الله خوش صور

ياحلات البيير من احلى الاماكن اللي في سان فرانسيسكو و dreyer`s حتى والجو بارد لازم نمر ناكل منه و محل ال magnet تشكيلاتهم حدها عجيبا وتونس

الله يعطيج العافيه ام احمد

منطقة فيشرمان وولث صج صج عالم ثاني وتستاهل الواحد يتعنى لهالمكان مره ثانيه


بس مبين ماشاء الله ان هالوقت برد صج حتى لاحظت في اكثر من جزء ان الجو كله غيم والشمس ماطلعت !!

انا قعدت فيها من 16 / 7 الى 19 /7 ,, اول يوم كان الجو بارد بس الايام الثانية كان الجو زين والشمس طالعة حتى ماتحتاجون تلبسون لوفر


متابعين للنهاية ,, تقبلي تحياتي

المشاركة الأصلية كتبت بواسطة فجورة
http://www.arabtravelersforum.com/tr...4/#post4283054

ام احمد انا ام احمد عرفتيني
الصراحة غيرتي فكرتي نهائيا عن كالي عمري ماكنت افكر اروح هناك
والله عقب ما شفت البومج قعدت اقلبها اقول اسبوعين فلوريدا واسبوع سان فرانسيسكو وخمس ايام كلورادو وخمسة نيويورك وتصير السالفة ولا اروع
عليج بستين الف عافية وتعودينها كل سنة وكل عام بس كملي يالغالية*




هـلا والله عرفتـج يـا بنت الأمـراء لوووول الله يعافيـج

زيـن الحمدالله الي غيرت رايـج ... بس ترا يبيلهـا 5 أيـام مـو أكثر عشـان مـا تملون .. إحنـا 10 أيـام عشـان إبونا

بس تـرا كأنـه وايـد فيه تنقلات بالرحلـة الي ذكرتيها فوق ؟ شيلي منطقة وحدة ... تـرا الكلام غير الواقـع .. صج التنقل متعب !

المشاركة الأصلية كتبت بواسطة سلوم
http://www.arabtravelersforum.com/tr...4/#post4283294

تقرير جميل وصور أروع ...

يعطيك العافية أختي أم أحمد ....

وبإنتظار بقية التقرير ...




الله يسلمك و يعافيك

حياك الله ...

ياحلاة سان فرانسيسكو .. روعه الـ Pier 39 .. ودي اشتري كل شي ..
عليكم بالعافيه هالجو الحلو ..

المشاركة الأصلية كتبت بواسطة GARDENIA#1
http://www.arabtravelersforum.com/tr...6/#post4284896

ايه والله انج صاجه امس افهم ولدي اللي اول ثانوي ماث في الوجارثم فجأة تنحت حسيت اني خرتها وهو يقولي شفيج ضيعتي

الله يعينا وياج ويوفقهم وعيال المسلمين ومثل ماقلتلج على اال من مهلك
اوه قصدي لاكسري(بعقدج شوي)





همممممم منـو إنتي ؟


مـا أدري الصراحـة ... قعـدت أقرا مشاركاتج القديمـة لوووول ( مباحث مو لكجري ) عشان آخذ إنطباع عن شخصيتج بس ما توصلت لشي !

المشاركة الأصلية كتبت بواسطة ام امريكان
http://www.arabtravelersforum.com/tr...5/#post4285305

لوووووووووووووووووووووووول ..
يحليلج ويحليل سوالفج يالاكسري ..
أظن ان إللي بهالسن كلهم نفس الطبع ..
كأنج تتكلمين على بنتي .. نفس المأساه .. الله يحفظهم ..
انا نفسج آخر مره جهزت كل السيديات والألعاب للسياره بس ماشاء الله عليهم كل هواش وطق ..
فصرت اقعد معاهم وره عشان اقدر اكفخهم براحتي ما يحتاي افترررر وينعوي ظهري ..




لوووول طلعتي مو بس إنتـي تقعديـن ورا بالسيـارة أنـا كنت أقعد ورا مـع ولدي الوسطي سفرتنـا الأوليـه

لمـا ينـام كنت أبدل مـع بنتي أروح جدام و هي تـرد ورا .. لأنه أبي أفتح الدريشـة و أتونس بالجو لووول لأن السيارة فـان و ما تنفتح دريشتهـا الورانيـه ....

المشاركة الأصلية كتبت بواسطة Impact
http://www.arabtravelersforum.com/tr...2/#post4287142

مبدعتنا الكبيرة

منورة البوابة الامريكية بذكرياتكم الرائعة ,,

متحمس للبقية ,,

تقبلي تحياتي واحترامي




هـلا والله اخـوي إمباكت ... عمرك طويل إن شاء الله

كنت أفكر أقـول حق روحـي ما مرنا اخوي إمباكت .... شلون الأهـل ؟ أِشوف ما في مغامرات أمريكيـة ؟

أتمنـى التقرير ينـال على إعجـاب الجميع و تعم الفائدة على الكـل

المشاركة الأصلية كتبت بواسطة boshhayeb
http://www.arabtravelersforum.com/tr...5/#post4291865

يعطيج العافيه اختي ما شاء الله خوش صور

ياحلات البيير من احلى الاماكن اللي في سان فرانسيسكو و dreyer`s حتى والجو بارد لازم نمر ناكل منه و محل ال magnet تشكيلاتهم حدها عجيبا وتونس




الله يعافيك ... صحيح من أحلـى الأماكن في سان فرانسيسكو البيير ... أساسا ً على مستوى العالم معروف ... اذا شفت صـورة البيير تعرف انهم يقصدون ( سان فرانسيسكو ) و الأيس كريم ( البرد ) حتـى لو برد بنـاخذ منـه الصراحـة شكلــــــــــــه يشـوق حده .......... حيـاك الله و نكمـل قريب

المشاركة الأصلية كتبت بواسطة Stranger Man
http://www.arabtravelersforum.com/tr...7/#post4291867

الله يعطيج العافيه ام احمد

منطقة فيشرمان وولث صج صج عالم ثاني وتستاهل الواحد يتعنى لهالمكان مره ثانيه


بس مبين ماشاء الله ان هالوقت برد صج حتى لاحظت في اكثر من جزء ان الجو كله غيم والشمس ماطلعت !!

انا قعدت فيها من 16 / 7 الى 19 /7 ,, اول يوم كان الجو بارد بس الايام الثانية كان الجو زين والشمس طالعة حتى ماتحتاجون تلبسون لوفر


متابعين للنهاية ,, تقبلي تحياتي




الله يعافيـك .... إحتمال لأن سفرتكم بشهـر 7 فكان الجو أدفـأ ... إحنـا كنـا هنـاك كم تـاريخ تقريبا 4/8 إ إلى 14 / 8 .... يعني خذينـا من رمضـان حـوالي 3 أيام و إحنـا هنـاك ... و سبحان الله الصوم سهـالة هنـاك و لا حسينـا فيـه ! مع إن كنـا نمشي وايــــــــــــــد .... أول مرة بحياتي أرمض بـره الكويت ......... حيـاك الله و نكمـل التقرير إلى الأخيـــــــــــــــر

المشاركة الأصلية كتبت بواسطة ام امريكان
http://www.arabtravelersforum.com/tr...1/#post4294921

ياحلاة سان فرانسيسكو .. روعه الـ Pier 39 .. ودي اشتري كل شي ..
عليكم بالعافيه هالجو الحلو ..




هـلا والله

اتصدقين المحـلات وايـــــــــــــدة و الفترينات حلوة و الألوان عجيبة و كل محـل يشدج ! ودج تدخلينـه ... بس لمـا تدخلين و تحوسين فيه صـج ... ما تحصلين شي صج صج تبين تشترينـه ... إلا جـم محـــــل ... في محـل كاكاو معروف عنـدهم شريت منه صوايـغ و تي شيرتات حلوة عليها سان فرانسيسكو للصبيـان ..... أنـا شخصيا أشـوف إن درب سان فرانسيسكو متعب ! حوالي 8 ساعات ... و هذا الطريق المختصر مو إلي على المحيط ! تخيلي طالعين من الـ 11 ما وصلنـا إلا على 9 بالليـل .... لأن نزلنـا برجر كينـج كلينـا و ودينـا اليهال الحمام عزج الله .... و تشوفين معظم النـاس الي سافطين بالمطعم مثلنـا يعني سـفارة ! كـل واحـد عـاك جنطتـه فـوق سيارتـه لووول

عساج عالقوه ام احمد
ونستينا في سان وننطر الباجي

خووش تقرير و انا من المتابعين يعطييج الف عافيه و انشالله تعيدونها كللللللللللللل سنه

صور روعه روعه يا ام احمد ... والجو خرافي يا الله من عطاك ..
حنا لنا يومين الغبار ذابحنا .. الشكوى لله .. على طاري الآيس كريم تصدقين ما عجبني
ابداً في امريكا جربت كل المحلات المعروفه والعاديه وطعمها مش حلو ماعدا محل واحد
في لونغ بيتش وحتى اسمه ما اعرفه بس اهم شيء آكل ايس كريم من حبي له ...
واصلي يا اختي متشوقين لصور جديده ..

مشا الله تبارك الله تقرير نسواني مرتب . اختي بسالك عن تجربتك بالسفر مع اولادك انا ناويه اوديهم ان شا الله وهم 3 اولاد الكبير فيهم ثاني ابتدائي ومترددة اخذ الخدامه اخاف تشرد هناك وتجيب لنا مصيبه ..ايش رايك انتي حسب تجربتك من ناحيه الغسيل والكوي والتلبيس ؟؟خاصه انو ابوهم مو معنا يعني انا مسؤله عنهم طبعا معاي خواتي وامي بس ولو كلن بعياله ونفسه ؟؟؟

فكرة الجلسه ورى معاهم حلوة عشان التكفيخ يكون اسهل وعشان يشوفون وجة الام الشريرة على قولتهم ما يمنع ؟؟؟.

ما شاء الله ولا قوة الا بالله ،


أم أحمد شلونج وشلون العايلة الكريمة؟

الحمد لله على السلامة


سويتي لنا خوش مفاجئة هالسنة.

توقعت بتغيرين الوجهة،،

بس صج أمريكا لو كل سنة نسافر لها ما نتملل منها،

زرتها 3 مرات من قبل وودي أزورها هالسنة ، والله كريم .

واصلي ابداعاتج وكثري من الصور والله يعينج على استفساراتنا.

قرب الويكند يا ام احمد ترى مالك حجة بانتظار الجزء القادم ...

تحياتي لك

قوه سيمبلي

أم أحمد لآ تتأخرين علينا ،،،

تقريرج عذااااب ، لا تزيدين عذابنا لوووول

إن شاء الله تكونين بخير وننتظرج بفارغ الصبر

تحياتي ،

صديقتك للأبد أم يوسف

اي والله تأخرت علينا اختنا ام احمد

عسى المانع خير إن شاء الله