الموضوع: رايكم ماستغني عنكم يامشرفين واعضاء وخبراء اوروبا

السلام عليكم
اخواني مشرفين واعضاء العرب المسافرون
ناوي باذن الله الروحه على اوروبا
ماستغني عنكم وعن ارائكم وارشاداتكم
انا عملت برنامج لرحلة علما اني لم اذهب لاوروبا من قبل اجتهاد شخصي
البرنامج
اولا : المسافرون 8 بالغون و 1 طفل
المده من تاريخ الأربعاء 11 يونيو2014 الي الجمعة27 يونيو2014
الخطوط الناقلة الامارتية خط السير .
مغادرة من
المدينة المنورة مطار الأمير محمد بن عبد العزيز الدولي(med)
إلى
فيينا مطار فيينا الدولي النمسا (vie)
عودة من
زيورخ مطار زيورخ كولتن سويسرا (zrh)
إلى
المدينة المنورة مطار الأمير محمد بن عبد العزيز الدولي(med)
الاقامة بفيينا يومين
زيلامسي 5 ايام لاني منها ابزور كابرون والمناطق الي حولها
ميونخ المانيا 3 ايام
انتر لاكن 4 ايام
زيورخ يومين
ثم العوده باذن الله
المطلوب الله لا يهينكم وماعليكم امر
1- رايكم بالبرنامج وماستغني عن توجيهاتكم
2- افضل الشقق بالمناطق المذكورة اسماء او رابط البوكينق ماعليكم امر
3- اقدر استاجر سيارة بالرخصة السعودية الجديده فيها الاسم انقلش او لازم رخصة دولية
4- اقدر استاجر السيارة من مطار فيينا واسلمها بزيورخ
5- افضل شركه او موقع تاجير سيارات والاوراق المطلوبه
6- الفيزا صادرة من السفارة الالمانية هل هناك مشكلة عطيتها مكتب يخلصها
7- الي عنده تعديل او مناطق يضيفها
ياخبراء اوروبا ومشرفين العرب المسافرون والاعضاء تكفون ماستغني عنكم
والله يعطيكم العافية ورحم الله والديكم جميع

همسه ود: للمشرف شخص ما كنت اتمني منك نقل الموضوع بدل اغلاقة اذا كان بمكان غير مناسب
اخوكم ابو فايز

مواضيع عشوائيه ممكن تكون تعجبك اخترناها لك:

• الرحله الفلكيه في الاراضي الدمشقيه
• الاجواء في نهاية نوفمبر
• استفساراتي
• فنادق حسب الميزانية
• برنامج ليالي في زيلامسي
• تكفون ابي مساعدتكم
• رحلتي إلى دولة النمسا صيف صور ــ معلومات الجزء الأول
• تنظيم رحلة ل النمسا
• استفسار عن قطار
• قطار من زيل امس الي فنيسيا
• اسبوعين في شهر اكتوبر
• الاقامة الاكثر في النمسا والوصول ميونخ استخرج الفيزا من وين
• فزعتكم لتكفلة السفر الى فيينا وزيلامسي التذاكر والفنادق
• حجزت ع الخطوط السعوديه من الرياض ع فيينا والمشكله خطوط
• حديقة صور فقط
• استفسارات كثيره جدا الله يعينكم باريس انترلاكن زلامسي
• كم تكلف الرحله ايام
• وين الشقرديه اهل الفزعه
• بطاقات الصراف السعوديه الاهليالراجحي سابلا تعمل في محلات هوفر هل من حل
• ولا عليكم أمر أبي خبرتكم في السفر للنمسا

اضافه للسياره ورقة الحجز من النت من الموبايل

السلام عليكم
ابو لين يعطيك العافية على التجاوب
ج6- كيف الفيزا صادره من السفاره الالمانيه وتعطيها مكتب ؟ وضح اكثر !
اقصد اني سلمتها مكتب يخلصها من السفارة الالمانية والموعد يوم 24 الشهر هذا ان شاء الله
حسب الخبره المتواضعه الي عندي غيرت شوي على الخطه
وحيكون الذهاب يوم 12/6 المدينة ( انتظار بدبي 11 ساعه حاجز فندق ) الي ميونخ
والعوده زيورخ ( انتظار دبي 7 ساعات وحاجز فندق ) الي المدينة
بسبب استبعاد فيينا هو بعدها
وحيكون البرنامج
ميونخ يومين
سالزبورغ يومين ( من ميونخ الي سالزبورغ 144 كم)
زيلامسي 5 او 6 ايام ( من سالزبورغ الي زيلامسي 108 كم )
غارميش يومين ( من زيلامسي الي غارميش 202 كم )
انترلاكن 4 او 5 ايام ( من غارميش الي انترلاكن 383 كم ) وهذي اطول مسافة اقطعها
* ممكن استبدل غارميش باي شي ثاني حسب توجيهكم
زيورخ يومين او يوم ( من انترلاكن الي زيورخ 117 كم )
** المسافات بناء على خرائط قوقل
ماعليك امر ابو لين ماني محصل شي عن برينجز او ولن سي ياليت الاسم بالانقليزي تكفي
- وابي رايكم عن عدد الايام بكل مدينة يكفي ولا اغيير فيها
- اما للشقق ابي استقر على برنامج وبحجزها ان شاء الله وماستغني عنكم لابد اعطيكم خبر
- وايهم افضل السكن بزيلامسي ولا كابرون احسن
- بالنسبة لسياره ابحجزها اليومين هذي ان شاء الله
والرخصة الدوليه بكره اخلصها من الطيار قالي ب 200 ريال
رحم الله والديك ابو لين وننتظر البقية يشاركونا
اسف كثرتها عليكم
اخوكم ابو فايز

ابشر

Walensee بحيرة في سويسرا 327 كم من زيلامسي

Bregnz في النمسا على ضفاف بحيرة كونستانس الالمانيه 365 كم من زيلامسي

في احد المكانين يمكنك زيارة شلالات الراين وهايدي لاند اذا حبيت
افضلها بدال قارمش وحده من الخيارين اللي في الاعلى


بالنسبه للسكن في كابرون افضل من زيلامسي

الرخصه الدوليه ب 150 ريال

الجدول ممتاز مع الخيارات المضافه بدل قارمش

ابدأ الان ب السكن والسيارة للأهميه الرخصه ملحق عليها .

عفواً اخطيت في المسافات
اعكسها فقط الاقل ل bregnz 327 كم
والاطول ل walensee 365 كم

عقب على هذا الرابط جداول قد تحتاج اليها

http://www.arabtravelersforum.com/travel881878/

ماشاء الله ماقصر معك مشرفنا العزيز شخص ما
وبالنسبة للرخصة ب 135 ريال من الفرسان للسفر والسياحة و5 دقاءق وتستلمها يكون معك صورة جواز وصورة الرخصة السعودية وصورتين 4*6
واستئجار السيارة هذا رقم شركة Rental car
8008447890
يردون عليك موظفين عرب ويقارون بين اسعار الشركات ويشوفون لك الأفضل حسب المواصفات اللي تبيها
وانا عن نفسي أنصحك بشركة sixt

وبالنسبة للجدول السياحي أنا افضل تلغي قارميش من الأساس

يعني ميونيخ 12-13 يونيو
سالزبورغ 14-15 يونيو
زيلامسي 16-17-18-19-20 يونيو
انترلاكن 21-22-23-24-25 يونيو
زيوريخ 26-27 يونيو

ومانستغني عن المشرفين والخبراء
والله يجعلها رحلة سعيدة ,,,

تحياتي ابو لانا,,,

ممتاز يابو لين بيض الله وجهك
تم اعتماد لتغيير بس ايهم افضل اسكن فيه وازور الثاني
اسكن في برينجز وازور ولن سي يوم او العكس بالذات ان المسافة بينهم قريبة 90 كيلو
دخلت راسي دام فيها اسم هايدي

هايدي اقرب ل ولن سي ولكن يبعد عنك شلال الراين الضخم
ابحث عن ولن سي و بريجنز وشوف اللي يناسبك

و وجهك ابيض .
تحياتي