الموضوع: وين اقدر اترجم الشهادات في الرياض ؟؟

السلام عليكم ..


سؤالي وين اقدر اترجم شهادة الثانوية وحسن السيرة والسلوك ,,

في الرياض

لا تقولون لي روح لوزارة التعليم


ياليت توصفون لي محل يترجم في الرياض الله لا يهينكم

وكم تقريبا ياخذون على الترجمة

مواضيع عشوائيه ممكن تكون تعجبك اخترناها لك:

• بليز فيدوني كيف ادرس الماستر في اميركا
• ممكن القى فصول نسائية لغة إنجليزية
• هل ممكن لحلمي ان يصبح وواقع فززززززعتكم
• اريد برنامج تأسيسي للغة الانجليزية ؟؟
• بغض الاستفسارات
• السفارة اتصلت على و طلبوا منى اي توني جديد او خطاب تأجيل
• حـــملة الملتقى الســـعودي لمــتابعة مشــاكل التأشـــيرات
• سؤال عن البعثات مهم
• تفاصيل
• ابغا غائله في بورمث
• مطلوب مساعدة من اهل الاختصاص والعلم
• بعثات الطيران المدني
• استفسار بخصوص بعثة التأمينات
• ممكن مساعده بحجز موعد الفيزا
• ارجو الافادة من الأعضاء
• الرحله الشتويه للشام م
• أرجو الإنتباه
• أمباكت بنت الصقور سواح كويتي ضرورررري
• ساعدوني بحل مشكلتي ضايعه
• الفكره مسيطره على عقلي و تفكيري فهل تساعدوني

انشاء الله تلقيها في الوزاره ويترجمها مجانا عندهم

وعندك مكتب الطيار اذا للحين يترجم بعد

وعليكم السلام
هلا وغلا فيك ، حبيبي تروح لشارع الستين في الملز وانت متجه جنوب اي جاي من كبري الخليج تمشي مع الطريق بتجيك حوالي 4 إشارات مرورية المهم المارية (العلامة) ان الأشارة اللي تكون فيها شاشة العرض الدعائية (دائماً توم وجيري) تلف معها يمين وراح تشوف مطعم ماكدونالدز على اليمين انت ماشي في نفس الشارع طالع على اليسار راح تشوف حوالي 5 محلات للترجمه عاد خذ الدوار (دوار ابراج الكويت) وارجع لمهم ، اذكر انه يترجم بحوالي 35 ريال.
ادري ان وصفي وصف شايب لاكن تحملني ، وإذا مافهت حاجة احسن ههههههههههههههه
إذا مافهت حاجة لايردك إلا الكيبورد وابشر بسعدك

المشاركة الأصلية كتبت بواسطة ما في احد مرتاح


السلام عليكم ..
سؤالي وين اقدر اترجم شهادة الثانوية وحسن السيرة والسلوك ,,
في الرياض
لا تقولون لي روح لوزارة التعليم
ياليت توصفون لي محل يترجم في الرياض الله لا يهينكم
وكم تقريبا ياخذون على الترجمة



والله أخوي يمدحون مكاتب الخدمات الطلابية/اللي على طريق الملك عبدالله - باتجاه جامعة الملك سعود.
وأتذكر أني قبل 2سنتين ترجمت عندهم 3شهادات للتدريب الصيفي.
وبالتوفيق ان شاء الله.:113:

هلا والله مستر .. ومشكور على المرور



smilewolf
هلا والله يعطيك مليووووون عافية الوصف واضح جداً خاصة انه عند معهدنا (( معهد الادارة العامة )) ايه والله شلون ما انتبهت لهم بس اعتقد اذا مانيب واهم انه مراكز خدمة الطلاب من تصوير ,,,


ان شاء الله بمرهم بكره واشوف ,,,,


جزاك الله خير اخوي اشهد انك ماقصرت ...





SAUDIA2004
هلا والله

الله يعطيك الصحه والعافية ماتقصر يالغالي عرفتها خدمات الطلاب اللي في طريق الامير عبدالله


الله يعطيك الف عاااااافية .










جزاكم الله خير على الردود السرررررررررررريعه

الغالي t o t o

اول شي الله يعطيك العافية



اخوي انت قصدك وزارة المعارف ولا مدرسة تعطي ختم باسم وزارة المعارف ؟؟


عموما اخوي الان النظام تغير واصبحت وزارة المعارف سابقاً وزارة التربية والتعليم حالياً

يمكن التبس علي الموضوع

مو مشكلة

بس هل الختم لوزارة المعارف ولا لوزارة التربية والتعليم ؟؟

وكم يتجلس الشهادة عندهم حتى يترجمونها ؟؟

وهل هي فاتحه في الان في الصيف ؟؟




جزاك الله خير والله يوفقك يارب واعذرني على كثر الاسئلة ...

لالالالا
انا مترجمها من وزارة التربية والتعليم وترجمت كل شهاداتي عندهم مع السيرة والسلوك
وكله مجاني وبنص ساعة فيه واحد حبوب والا فيه زحمة بس خذ جوازك معك عشان الاسم ورقمه مهم
ولا تروح مكاتب ترجمه بيغثونك رح صدق رح اختم

اخوي لاتترجمها بالمكتبات
ترجمها في المركز الوطني للاختبارات

انا ساكن بالدمام ماادري وين مكانها بالرياض

لكن زي ماقلت لك يقولون ممنوع تترجم بالمكتبات لان مو معترف بها هذا اللي سمعته


وبالتوفيق

هلا والله جوليانو


هو اليد اللي ماسكه مدري وشو ؟؟

قباله على طول؟

هلا اخوي اقصد وزارت التعليم نسيت انهم غيروه ونفس الوصف الي عطيتكيه او وصف اخوى جوليانو كل الطرق تودي الي المدرسه الي مكلفه من الوزاره انه ترجم انا عندهم قبل شهر يومين وخلصوه ومعه برضو حسن السيره والسلوك بس جب الاصل معك او طيق الاصل وزي ماذكر احد الاخوان جب جوزك وصوره منه عشان الاسم والرقم وضح اوخوي بس نصيحه اذا تبيه تخلص بسرعه ولا تستغرب من كلامي الان حصل معي ومع واحد ثاني مقدمين سوا البس شماغ وكشخ مهوب تجي بدون شماغ او بزي غير سعودي ليه الاخوان الي هناك ملتزمين والي واحد يحسون انه مهوب مضبوط اخروه وسالتهم قلت ليه خلاصت انا بسرعه والي مقدم قبلي تاخرو قال احانا نخاف على شبابنا وواي واحد حط قصيصه او لبس غير ثوب ناخره وهذا كلامهم بس ذكرت الكلام هذا عشان ماتخرب امورك والله من وراء القصد

السلام عليكم

وزارة التربية والتعليم

تترجم لك الشهاده وتخليها طبق الأصل من العربيه

هنا اضمن لك بحيث ماتكون في اغلاط لأنهم بيحولوا لك شهادتك بالكمبيوتر إلى انجليزي

السلام عليكم ورحمة الله وبركاتة


شلونكم ؟؟

توني راجع ..


والله يا شباب رحت اليوم وانا كاشخ ثوب توني مطلعه من المغسله وشماغ


ورحت للمدرسة ماكان فيه زحمة كثير

ودخلت لمكتب الترجمة وقابلني مطوع قالي تعال وجلسني عنده واخذ صورة الجواز وقام يسجل في ورقة

ثم قال كم رقم بيتكم عطيته الرقم ثم قال والله رقمكم مميز تبيعون !!

قلت يفداك الرقم وراعية بس خلصنا

وسجل بعد رقم جوالي وعطاني ورقة صغيره قال خلاص تعال في تاريخ 20 \6 واستلم الشهاده ؟؟



وهذا اللي صار معي اليوم

ووصف اخوي t o t o 100%

وكذالك اخوي جوليانو


شكرا لكم جميعا

اوووووووه حركات شد حيالك وعقبال ماترجم شهادتك الي بتجيبه من برا الى عربي

الله يسمع منك اخوي توتو

وياك وجميع الاعضاء يااارب


تسلم

زين انك رحت لهم ببلاش ومضمون

.,. بالتوفيق إنشاء الله ... و الان ننتقل إلى المرحلة التالية الله يعينك ..

هلا والله اخوي m15 والله خذيت بنصيحتك


ومثل ما قلت نترجمها عند الوزارة اضمن جزاك الله خير ياخوي .. بس انت خلصها لك في نص ساعه وانت لابس كاب

وانا يالي كاشخ بالثوب والشماغ عطاني ورقة وقال تعال بعد اسبوع

وش السبب

عموما الله يعطيك العافيه يالغالي





اخوي جوليــانــو الله يوفق الجميع ان شاء الله


ايه والله ........... الله يعينا على المراحل القادمه جزاك الله خير

لازم الاصل

سهران لا مو لازم الاصل ... صورة ويفضل تكون صوره مصدقه ..

المشاركة الأصلية كتبت بواسطة ما في احد مرتاح


هلا والله اخوي m15 والله خذيت بنصيحتك
ومثل ما قلت نترجمها عند الوزارة اضمن جزاك الله خير ياخوي .. بس انت خلصها لك في نص ساعه وانت لابس كاب
وانا يالي كاشخ بالثوب والشماغ عطاني ورقة وقال تعال بعد اسبوع
وش السبب
عموما الله يعطيك العافيه يالغالي
اخوي جوليــانــو الله يوفق الجميع ان شاء الله
ايه والله ........... الله يعينا على المراحل القادمه جزاك الله خير



اتوقع عشان فتح باب الابتعاث الجديد
انا يوم اروح كان ركود كانوا مقفلين الابتعاث وابشرك انا الحين بواشنطن اول يوم
توني واصل

... الحمد لله على السلامة اخوي ام فيفتين ........ وين ناوي .. اي مدينة ..؟؟ :101:

اخوي m15 مشاء الله وصلت

الحمدلله على السلامه ,, والله يوفقك يارب

السلام عليكم ورحمة الله وبركاته

بصراحه اغلب المحلات والله ماعندك احد

اليوم العصر رحت لاحد محلات الترجمة الي بشارع الستين وعطيته 3 اوراق ابغاه يترجمها كشف الدرجات والسجل الاكاديمي وشهادة حسن السيرة ... وقال بعد المكاسر 80 ريال قلت خلاص بس ابيها اليوم لاني بكره الصباح ماشي اللقصيم بروح اخذ شهادتي وبصدق الاوراق فمتى تقضي قال الساعه 9 وهي خالصه واشترطت عليه انها تكون مضبوطة ومعتمده ومايترجم اي كلام طق صدره وقال نم ....

رحت له على الموعد والقاه توه جالس على السجل الاكاديمي ومصرف مصري يسويها ويقول صعبه ويبغالها ... المهم قلت خلاص انتظر ... ويوم طبعها والقيت نظرة عليها ولا وش تشوف ... يحسب اني ماعرف انجليزي ... اغلب الترجمة حرفية ... ومعتمد على الوورد بالترجمه يعني يحط عربي ثم ياخذ المقابل بالانجليزي .....

قلتله تعال تعال ... تحسبني خبل ..ترى تخصصي ترجمة مو تجي تلعب علي بكلمتين مسوي ترجمة
وانا ماجيتك لان ماعندي وقت ...

واجلس اضبط انا وياه صرت انا الي اشتغل مو هو .... حتى لما خلصت مره بغيت اقوله هات 80 ..

المهم يوم خلصت بقى الختوم قال مافيه الا بكره الصبح تعال؟؟؟

الحين انا اشترطت عليك اليوم واخرتها تقول الصبح والله وبدون شعور امسك الاوراق وارجمها عليه ... واقول مالك ولا ريال وامشي قلت بلا سجل بلا ترجمة ..انا على السعه اترجمها واصدقها بعدين ....

فحبيت انبه الشباب الي يبغى يترجم لازم قبل يتاكد من المحل ويشترط عليه انه يكون له معرفه بالترجمة ... لان والله اغلب هالمحلات ترجمتهم كلها حرفية .... وتكون ركيكه ....وانا ماعندي خلفية عن المحلات ...

فاذا كان احد مجرب محل معروف وبترجمة ممتازة يذكرها للاخوان للافادة ...

عليكم السلام ورحمة الله وبركاتة


هلا والله اخوي شــShadowـــادو


الله يعينك من جد على مكاتب النصب !!

وياليت نشوف احد الاخوه يساعدك في مكاتب ترجمه مجربه

انا ترجمت في مكتب الي في الملز الي عند ماك وبالعلامه لوحته صفرا ومختوم عليه ورحت صدقتها عند وزاره التربيه والتعليم

السلام عليكم..

اخوي ما في احد مرتاح ..

الحين انت ترجمة الشهادة من وزارة التعليم..تمام
زين وتصديق الشهاده بيكون عندهم بعـد وبنفس وقت (ترجمة الشهادة)بيكون يعني معاها..

او انها بتكون بمحل ثاني ..وياليت تقول مكان التصديق اذا كان بغير محل الوزاره..؟؟

سؤال للجميع//

انا موعدي يوم الجمعه 21/1 هـ القادم..

وماني من اهل الرياض ..متى تنصحوني اجـي اضبط الاوراق واسلمهم..و وين مكان تسليم الاوراق..

مشعل

المشاركة الأصلية كتبت بواسطة msh3al
http://www.arabtravelersforum.com/tr...2/#post1077702

شكلك رياضي ياولد

بس نبي وصف نديه لـ راعي الليموزين لوول ياليت(( تلخص الجملة اللي فوق:109: ))

:24:



الوصف كالتالي .( طبعا بناءً على كلام الأخ ) ..تقول لراعي الليموزين:

شارع الستين ( الملز) ..

ثم تقول : طريق الجامعة .. إذا ماعرف ..

تقوله : فيه جسر مشاة بجوار كلية بنات .. يربط بين مبنيين للكلية ..هذا الجسر مشهور ..( لأنه تمرق من عنده .....فراغ ) ..مافيه داعي للسياسية ..! :109:

المهم : فيه طريق آخر .. وهو مع طريق الملك عبدالعزيز إذاتوجهت من شمال الرياض للجنوب .. يأتيك لوحة مكتوب عليها (طريق الجامعة ) ..

أقرب خريطة اشترها وامش على راحتك . :115:

السلام عليكم..

اخوي ما في احد مرتاح ..

الحين انت ترجمة الشهادة من وزارة التعليم..تمام
زين وتصديق الشهاده بيكون عندهم بعـد وبنفس وقت (ترجمة الشهادة)بيكون يعني معاها..

او انها بتكون بمحل ثاني ..وياليت تقول مكان التصديق اذا كان بغير محل الوزاره..؟؟

سؤال للجميع//

انا موعدي يوم الجمعه 21/1 هـ القادم..

وماني من اهل الرياض ..متى تنصحوني اجـي اضبط الاوراق واسلمهم..و وين مكان تسليم الاوراق..

مشعل




هلا والله مشعل انا ترجمة شهادتي الثانوية بالصيف في وقت الاجازة الصيفية وكانت وزارة التربية والتعليم مخليه الترجمة في مدرسة قريبة منها علشان ما ينضغطون ...



طبعا الحين اكيد الوضع يختلف المدارس شغاله .. فما اتوقع ممكن يترجمون في نفس المدرسة ... لانها طبيعي بتكون المدرسة مشغولة بالطلاب ....


اتوقع الان يترجمون في وزارة التربية والتعليم نفسها ...



انا يوم اترجم شهادتي ترجمتها في المركز اللي حاطته الوزارة في المدرسة ... وبعدين قالولي روح صدقها من الوزارة ....

والوزارة قريبة من المدرسة ... يعني تطلع على الشارع وتلف يمين وبتحصل الوزارة ...



اذا كان موعدك يوم الجمعه ... تعال الرياض صباح الاربعاء علشان تخلص موضوع ترجمتك وتصدقها عند الوزارة ....

اذا كان موعدك يوم الجمعه ... تعال الرياض صباح الاربعاء علشان تخلص موضوع ترجمتك وتصدقها عند الوزارة ....



الله يعطيكة العافيه بالاول..

بس الحين الترجمه والتدصيق بيكون نفس المكان؟؟ او قريب منه؟؟

نبي الحالي مانبي الصيف ..لاهنت خيووو

وفي حل ثاني ماادري اذا بينفع ولالا اذا تبي تكسب الوقت

اتصل على مكتب الطيار او اي مكتب مختص بخدمات الطالب في الرياض وقلهم ابي اترجم شهادتي واشرحلهم الوضع ... وارسلهم صوره من الشهاده على الفاكس او الايميل .. وبيترجمونها ... وخذها وودها للوزارة التعليم ويصدقونها لك في ثواني ...

اخوي مشعل الحالي والله مدري ...

بحاول اتصل فيهم اليوم .... واذا عطوني خبر بعلمك باذن الله

كفو يالذيب ..

+++
+++

ok تــم

لو سمحتوا شباب ابغى خدمة مستعجلة وضرورية للغاية
مطلوب مني


كشف درجات الثانوية العامة مترجمة من وزارة التربية والتعليم ومصدقة من وزارة الخارجية


انا في جدة ومو عارف فين اروح
ارجو الرد السريع بالتفاصيل واماكن الوزارات لاني ما اعرف مكانها

وشكرا

طيب وفي الشرقيه وين اقدر اترجم الشهاده حقي ؟

وين عنوان وزارة التربية والتعليم بالرياض