الموضوع: ابي نصائحكم يااخوان جزاكم الله خير

السلام عليكم
اخواني من كثر ما ابحث عن اندونيسيا بالمواقع
قمت اشوف ناس واجد تقول انها تتعرض لمضايقات من سواق التكاسي مثلا من عمال الفنادق ومن الشعب

صراحه انا كنت معزم اروح بس عقب هالسوالف ترددت
وللعلم احنا 3 شباب
وانا من النوع اللي اتنرفز بسرعه واخاف تحصلي مشاكل مالها داعي انا رايح استانس مو رايح ادور المشاكل
وابي رايكم ونصاااااايحكم
طالب فزعتكم لاتخلوني

مواضيع عشوائيه ممكن تكون تعجبك اخترناها لك:

• أفضل فنادق كوتا بالي
• عشرون يوما في بالي
• ساعدوني الله يعطيكم العافيه
• اندونيسيا في رمضان والعيد
• مواصلات في بالي
• شهر سته هجري ماشي يليت تفيدوني شوي
• تكفوووون ياهل الخبره
• مسافر إلى اندونيسا واتمنى مساعدتكم
• ياخواني ردو ضروري
• افضل سواق باندونيسيا
• مساعدة في برنامج الرحلة لاندونيسيا
• استفسار عن السكن في بالي الله يبارك فيكم
• إذا ممكن تساعدونا يا خبراء المنتدى رحلتنا شبابيبة لمدة يوم ،،،
• مسافر الى اندونسيا في الصيف
• هل الافضل زيارة بالي قبل بونشاك و باندوق تكون بالاخير
• أستفسار بخصوص عيد الاضحى في جاكرتا
• موقع مطعم كنتاكي بالجبل
• متى الموعد المطلوب الحضور فيه للمطار قبل الرحلةلطيران اسيا اير من جاكرتا إلى بالي؟
• ممكن مساعدتكم يااخوان
• سؤال بخصوص جواز السفر للطفل الرضيع

رحـت انـدونـيـسـيـا اكـثـر مـن روحـاتـي لـلـريـاض
والحمد لله مـا عـنـدك اي مشكـلـه ولكـن :

* اعـرف اين تـذهـب ومـتـى تـذهـب .
* احـذر مــن مـَـن يـتـحـدث لـغـتـك .
* لا تـركب تكاسي غير " بلو بيرد الازرق ".
* لا تـاخـذ ولا تـعـطي مع اصحاب التكاسي "عطه العنوان وبس " .
* كـن جـمـيـلا ً وأنـيـقـاً بـدون تـكـلـف .
* راع الله يرعـاك .

واللـه يرعـاك وصحبـك

تصدق اني اول مره اسمع هاااالكــــــــلاااام
بــــــــس
اتوووقــــــع هذا الـــــشي في بالي فقط ولا تخــــاف عنــــدهم شـــــرطة خـــــاصه للسيـــــاحة

المشاركة الأصلية كتبت بواسطة مـاشـmacanــان
http://www.arabtravelersforum.com/tr...2/#post5305642

* اعـرف اين تـذهـب ومـتـى تـذهـب .
* احـذر مــن مـَـن يـتـحـدث لـغـتـك .
* لا تـركب تكاسي غير " بلو بيرد الازرق ".
* لا تـاخـذ ولا تـعـطي مع اصحاب التكاسي "عطه العنوان وبس " .
* كـن جـمـيـلا ً وأنـيـقـاً بـدون تـكـلـف .
* راع الله يرعـاك .

واللـه يرعـاك وصحبـك

ما شاء الله ..

يعطيك العافيه .. و نصائح مهمة جدا

و ان شاء الله ما يصير الا الخير ..
ولا تترك نفسك فريسة للأستفزاز من ضعاف النفوس في اي مكان .. اندونيسيا او غيرها ..

و بالتوفيق ..


..
ً

رح ووسع صدرك

ما احد يعترضك

وتبي تعيش هناك وتبسط طش ولا تهتم باحد كنك ماشف ولاسمعت

الامور هنااااااك سهله ما احد يفرض نفسه عليك انت الحكم عندهم والمتصرف في نفسك ؟؟؟

امسك نفسك واعصابك واعمل بالمثل ياغريب كن اديب

الف شكر لكم

بس اللي اشوفه في أوربا محد يستفزك ولا شي ومحد له شغل فيك

بصراحه مالوم الناس اذا قالو اوربا وبس

توكل على الله
والبلد طيب ولا يوجد اي مشاكل
سافرت كثييييير لهذا البلد والحمد لله الامورة ميسرة

توكل على الله اخوي

خلاص ان شاء الله عزمت اروح

جزاكم الله خير

بالتوفيق وان شاء الله الاخوان ماقصرو

السلام عليكم
انا دخلت منتدى وقريت تقرير عن اندونيسيا

يقول انه بلد خايس وكله تلوث وشعب اسغلالي وفنادق وصخه ومطاعم وصخه وغاليه

وكله عصابات وسرقات ولا يوجد فيه امان

اتمنى الاجابه لاني بصراحه حاجز ومن عقب ماقريت التقرير ترددت

افيدوني الله يجزاكم خير

لا بالعكس الامن امان جدا

بالنسبه للفنادق فيه 5 ستار وفيه أقل كل شي على فلوسك

أما بالنسبه للاستغلال الاستغلال موجود في جميع الدول السياحيه لكن انت وشطارتك يعني لايودونك يمين وشمال وانت معهم

البلد عموما حلو وجميل ومناظر روعه انصحك بالتجربه وانت احكم بنفسك

هلا اخوي فيه قسم اسمه تقارير اندونيسيا ادخله وتجد اجابه عن سوالك باذن الله
ولولا اختلاف الاذواق لبارت السلع

البلد امان جداً

البلد من حيث الامان ولله الحمد اكثر من رائع ولكن تذكر المثل المصري ـ المال السايب يعلم السرقة ـ

اما من حيث النظافة ــ الشوارع ــ لك عليها ولا تنسى المستوى المعيشي للفرد هناك سي جدا وهذا ينعكس على نظافة المكان ــ فلسفه مالها داعي ــ

المطاعم على حسب مستوى المطعم .

جزاكم الله خير

بإختصار جميع ما ذكرتيه غير صحيح

هذه تقارير عائلية وشبابية عام 2010 وتوجد تقارير لهذا العام سوف يتم تجميعها قريباً يمكنك التجول فيها والتأكد
وقد تختلف الأراء والأذواق ولكن من خلال تجاربنا وتجارب غيرنا ويبقى ما قيل لك أو ما قرأته مبالغ فيه جداً ..
http://www.arabtravelersforum.com/travel474098

هذولى حساااااااااااااااااااااد خلهم عنك

حتي في بلدك في ناس اسغلاليون

البدل امان بعد الله

اول شي السلام عليكم

شلونك يا اصدقاء
شخباركم

ابشركم ولله الحمد واخيرا لقينا حجز على طيران الاتحاد ب 305دينار كويتي

ان شاء الله الذهاب يوم 6/7/2011

والعوده بأذن الله يوم24/7/2011

واحنا ان شاء الله 6 اشخاص شباب

ومحتاجين معلوماتكم لاننا مانعرف شي عن اندونيسيا كلنا اول مره نروحلها

ابدأ قطيتنا 1800 دينار كويتي ما يعادل 23 الف ريال شامله السكن والاكل والرحلات هل تكفي او لا

بغيت اعرف اي افضل احجز حق جاكرتا من موقع بوكينق ولا من المطار من مكتب كاها

والفنادق اللي اعرفها استون راسونا واستون مارينا

وشنو تفضلون اسكن منهم

وبغيت الله يجزاكم خير تقسمون لي الرحله اللي هي 17 يوم بدون يوم الذهاب ويوم العوده

ابي اقعد بجاكرتا وابي اروح بونشاك وابي اروح بالي

وابي تضبطون لي كل منطقه جم يوم

وين تنصحون اسكن في بونشاك ومن وين احجز الفلا

وهل تسوا باندوق نمرها ولا هي نفس بونشاك

وطبعا ما استغني عن نصايحكم

ومشكورين وما قصرتو

ونتقبل كل رأي بصدر رحب ان شاء الله

وطالبكم لاتقصرون معانا

شنو احسن اصرف دولار ولا روبيه

بس الروبيه راح تكون اوراقها كثير

وعليكم السلام ورحمه الله وبركاته
مرحبا أخوي لبا قلبك
والله وانا أخوك عيني على الميزانية أكثر من البرنامج
الحقيقة تخوف وتحتاج زيادة مبلغ خاصة أن بالي ضمن البرنامج
وتذاكر طيران وفيزا وضرائب الصراحه يخوف المبلغ وأمل
إعادة النظر فيه او الاستغناء عن بالي والاكتفاء بجاكرتا واخواتها.
ولي عودة بإذن الله بعد ردك واذا ماتمت الإجابة على أستفساراتك
من قبل خبرائنا بارك الله فيهم ..

اول شي السلام عليكم

و عليكم السلام و رحمة الله

بغيت اعرف اي افضل احجز حق جاكرتا من موقع بوكينق ولا من المطار من مكتب كاها

عادي من موقع بوكينق او كاها .. و يمكن كاها تلاقي عنده عروض افضل ..

والفنادق اللي اعرفها استون راسونا واستون مارينا

وشنو تفضلون اسكن منهم

افضل استون مارينا ..
قريب من المطار ومن شاطيء انشول و الفعاليات الرائعه فيه ..

وبغيت الله يجزاكم خير تقسمون لي الرحله اللي هي 17 يوم بدون يوم الذهاب ويوم العوده

ابي اقعد بجاكرتا وابي اروح بونشاك وابي اروح بالي

يوم الوصول لجاكرتا ..
5-7 ايام بالي ..
4 - 6 ايام الجبل بونشاك
و بقية الايام جاكرتا ..

وابي تضبطون لي كل منطقه جم يوم

وين تنصحون اسكن في بونشاك ومن وين احجز الفلا

فلل خاصه بالشباب .. مجمع شيكرو .. و سواقين الجبل يعرفونه
او اتوجه للبقاله السعوديه .. هناك مكتب سلطان المزيد يدلونكم على فيلا ..

وهل تسوا باندوق نمرها ولا هي نفس بونشاك

هي قريبه على بيئة بونشاك .. لكن بما انكم شباب .. والسفر و التنقل بالنسبه لكم مو مشكله ,
حلو تمرونها يومين ثلاثه و تزورون البركان و المناطق السياحيه الاخرى ..

شنو احسن اصرف دولار ولا روبيه

بس الروبيه راح تكون اوراقها كثير

اصرف ثلث المبلغ روبيات .. والباقي دولار .. و ممكن تخليها بالماستر كارد او بالفيزا ...


واي استفسار يسعدنا الرد ...


و بالتوفيق


.

اخي العزيز الكوكب الطائر

المبلغ اللي ذكرته فقط للسكن والاكل والمواصلات

وان شاءالله كل واحد فينا معاه مصروفه الخاص اللي هو من400 الى500دينار

وشكرا على تفاعلك

وانا ودي اسكن فندق استون مارينا واحجزه من موقع بوكينق

ودي اخذ فيه شقتين لان الشقه الوحده فقط ل4 اشخاص

شكرااا اختي ام عزيز على مساعدج والله يسعدج ان شاءالله

ابشركم اليوم صدرت التذاكر

التذكره على305دينار كويتي علا طيران الاتحاد

الف شكر لكم
ابشركم صدرت التذكره اليوم

المشاركة الأصلية كتبت بواسطة لبا قلبك
http://www.arabtravelersforum.com/tr...0/#post5352710

اخي العزيز الكوكب الطائر

المبلغ اللي ذكرته فقط للسكن والاكل والمواصلات

وان شاءالله كل واحد فينا معاه مصروفه الخاص اللي هو من400 الى500دينار

وشكرا على تفاعلك

وانا ودي اسكن فندق استون مارينا واحجزه من موقع بوكينق

ودي اخذ فيه شقتين لان الشقه الوحده فقط ل4 اشخاص



حياك أخوي
استون مارينا رائع ومناسب لكم والأفضل ترك رساله بموقع بوكينق بعد اتمام عملية الحجز
لطلب سريرين منفصله بغرفة النوم الرئيسية لتناسب عددكم
والقصد من الطيران وجود طيران داخلي من جاكرتا الى بالي
ممكن هذا يسحب الكثير من المبلغ الا في حالة أنهاء حجوزاتكم له ودفع مبالغ التذاكر دون هذا المبلغ
أحترامي وتقديري

الف شكر لك اخوي الكوكب

انا ان شاءالله اوصل جاكرتا يوم الخميس متى تنصحوني اروح الجبل الجمعه ولا السبت

او اروح الاحد عشان افتك من الزحمه
بس اذا رحت الاحد راح اقعد 3 ايام واجد على جاكرتا

تروح وترجع بالسلامة وتكفى في الصور ترانا في غاية الشوق


تحياتي

المشاركة الأصلية كتبت بواسطة لبا قلبك
http://www.arabtravelersforum.com/tr...4/#post5355674

الف شكر لك اخوي الكوكب

انا ان شاءالله اوصل جاكرتا يوم الخميس متى تنصحوني اروح الجبل الجمعه ولا السبت

او اروح الاحد عشان افتك من الزحمه
بس اذا رحت الاحد راح اقعد 3 ايام واجد على جاكرتا



بعد الوصول بالسلامه لمطار جاكرتا وفيكم لمشار آخر لمدة ساعة ونصف والوقت مناسب يمكن
التوجه مباشرة الى الجبل او التوجه صباح الجمعه ولا أنصحك بالتوجه للجبل بيومي السبت او الاحد

احنا نوصل جاكرتا ان شاءالله الساعه3 العصر يمكن مايمدينا نروح الجبل

اتوقع افضل شي نروح صباح الجمعه ان شاءالله

بس اين اجد سائق

او اخذ تكسي واروح الجبل

ومن وين اجز فلا للجبل

هل احجزها من مكتب كاها بجاكرتا او من الجبل

واسف على الإطاله

نعم أخوي الأفضل المبيت لأول يوم بجاكرتا
والمغادرة للجبل صباح الجمعه والفلل حجزها عند
وصولك عليك بالبحث حتى تجد فيلا مناسبة لكم
وهذا رابط لأرقام السائقين
http://www.arabtravelersforum.com/travel389407/
نسق مع أحدهم لأخذكم من الفندق الى الجبل والمبلغ
مابين 400 الى 450 الف روبية على أن يتم الأتفاق معاه
بالانتظار معكم حتى الحصول على فيلا.
رحلة موفقة أخوي

كفيت ووفيت وبيض الله وجهك اخي الكوكب ..وسفره سعيده اخى الكريم.

الف شكر لك اخوي الكوكب ماقصرت

ودي اخذ فيلا في منتجع افضل من ناحية الامان
وتكون في روم سيرفس للتضيف ويكون في انترنت بعد

فا شرايك انت؟؟؟

عددكم مناسب والأفضل فيلا خاصة
وجميع الفلل هناك يوجد بها حارس

احنا نسمع عن عصابات الجبل

فلذلك نبي ناخذ فيلا داخل منتجع أمان بإذن الله وانظف بعد