الموضوع: دراسة اللغة الانجليزية هالصيف بامريكا

السلام عليكم ورحمة الله وبركاته

اولا يعطيكم العافية على هالمجهودات الطيبة

انا حاب اطور من لغتي واتعلم فحاب اني ادرس هالصيف شهرين انجليزي وتكون دراستي مكثفه ان شاء الله فحبيت اروح دولة في معاهد ممتازة واسكن مع عايلة وانا محتار بين امريكا وبريطانيا

بس قالو ان بريطانيا الطلاب العرب واجد هالسنة !! فقلت امريكا والله كريم

فاللي ابيه عطوني اسماء مدن فيها معاهد ممتازة و العوائل متوفرة مع هالمعاهد ..

وياليت تساعدوني بسرعه لان ممكن تقترحون علي معهد جامعة واتوقع معاهد الجامعات لها ديد لاين وغير ذلك امريكا يبيلها فيزا وهذي بروحها تطور وانا اخر 6 اول بداية سبعه ببدا دراسة اذا الله قدر

وشكرا قدما

مواضيع عشوائيه ممكن تكون تعجبك اخترناها لك:

• استفسار حول ماجستير القانون في امريكا
• استفسار عن الجامعات ضروري
• استفساار وابي احد يساعدني
• اريد برنامج تأسيسي للغة الانجليزية ؟؟
• لاتبخلوا على ارجوكم بالاجابة
• مساعدة في فنادق حلب
• عايزا اعلم اولادي في بريطانيا اعمل ايه؟؟
• عاجل الى كل مغتربين امريكا
• ملبورن ولايهونون الجميع الفزعـــة
• الفزعه ياشباب
• ما هي الجامعات الامريكية المعترف بها في الكويت ؟
• اجيبوني للمرة العاشرة
• ماهي الاوراق التي اخذها في موعد الفيزا
• دليل معاهد اللغة الإنجليزية المعتمدة في المملكة المتحدة أسأل ونحن نجيب
• متخرج وأبي أدرس بأمريكا أتمنى من الجميع الدخول لإفادتي
• ياليت احد يفيدنا عن هذا الموضوع وجزاه الله خير
• سسساعدوني بليز
• دورة لغة اركنساسأرجو المساعدة
• ابغي سكن لرضيعتي في لندن دراسه
• سؤال بخصوص السكن و المصاريف الثانية

حياك الله ..

اخوي مايمديك تقدم وتنقبل في معهد جامعه لان مثل ماقلت لها ديد لاين ..

بيقولونلك قدم على الكورس اللي بعدها وانت محدد الوقت ..

دام انك ناوي تدرس عشان تطوير اللغه ، توكل على الله وقدم على معهد تجاري مثل

els .. ef

المهم تختار الولايه + المدينه وتحجز عليهم وتقدم على الفيزا

حسب مانقرا ان مواعيد الفيزا صعبه في سفارة امريكا في السعوديه ..

عشان جذيه من الحين قدم على فيزة دراسه عشان تحصل موعد خلال هالثلاث اسابيع لين ماتقدم على معهد

والله يوفقك

انا من الكويت

اخوي اولا بما انك خبير في بريطانيا كذلك شرايك بالمعاهد الموجودة في بريطانيا وخاصة في الشمال والمعاهد التجارية في امريكا مثل els وكابلان و ef من الأفضل برايك ؟ خاصة اني بتطور وابي فايده بهالشهرين لان برجع للمدرسة شهر 9

حياك الله اخوي ..

حقيقة مااملك الخبره بالمعاهد التجاريه في بريطانيا ..

ومثل ماقلت في اول رد لك ان بريطانيا مليانه عرب الحين ..

غير ان مستوى اغلب المعاهد متواضع يعني مب ذاك القوه ..

شوف

في معهد اخبره زين .. هو في ولاية ويسكنسن ( قريبه من شيكاغو )

المعهد تجاري لكن قوي وافضل من معاهد مشابهه له

عدد الطلبه الخليجيين وايد لكن المعهد قوي ، واحد الاعضاء في المنتدى درس فيه من سنتين وماشكى منه

https://www.wesli.com/wesli.html

بالاضافه الى هالموقع

http://www.uciep.org/

وهذا خاص بالمعاهد التابعه للجامعات

شوف مواعيدهم وراسلهم اذا تقدر تنقبل بالكورس الجاي

غير هذا في معهد جامعة لوس انجلوس

https://www.uclaextension.edu/alc/r/datesFees.aspx

المعهد قوي وينصح به

وفيه كورسات شهريه ، ارسل لهم عشان تستفسر عن القبول

لان المعهد دوم محجوز !!

عيبه السكن في هالمنطقه صعب وغالي

لكن في فترة الصيف ، السكن الجامعي يكون فيه شواغر

لان طلاب الجامعه يكونون في اجازه

جرب وشوف الوضع

بالتوفيق

اخوي ما تنصحني بمعاهد كابلان او els ؟

لقيت مدينة حلوة فيها هالمعهدين والعوائل متوفرة وهي مدينة سانتا باربرا في ولاية كاليفورنيا

شرايك ؟

وبالنسبة للمعهد اللي بلوس انجلوس عجبتني مواعيده دورتين صيفية a و b حلوات حييل بس ما يوفرون عوائل ؟

واي معهد لوس انجلوس يبون فوق 18 ! يعني ما اقدر لان عمري 17 !

اسف انا عبالي انك فوق ١٨ !!

اعذرني .. معلوماتي قليله

واللي اعرفه ان els يقبل عمرك

انت ارسل للمعاهد اللي عطيتك اياها اليوم او بكره الصبح عشان يوصلك الرد قبل نهار الجمعه لان السب والاحد عطله

عقبها تقرر وين تدرس في اي معهد

واذا تبي نصيحة اخوك

لاتروح قبل ماتخلص الثانويه

لان تحسين اللغه يبيله اكثر من ٣ شهور عشان تكتسبها صح

هذا اذا مستواك فوق المتوسط

والقرار لك

بالتوفيق