الموضوع: يالربع وشسالفة خانة المادتين اللي لازم تحط درجاتهم وانت تعبي الاستمارة

السلام عليكم

اخواني اسعد الله صباحكم

عندي استفسار لو سمحتو انا سمعت كثير من الشباب يقولون انهم يوم كانو يعبون استمارة الابتعاث مرت عليهم خانتين بالاستمارة لدرجات مادتين يحددها لهم السستم لازم يحطونها؟؟؟؟؟؟؟

انـــــــــــــــــــــــــــــا واعوذ بالله من كلمة انا :114: ماطلب مني السستم اي درجه من درجات مواد الثانوية.

ارجوكم علموني هل معناتها ان كان عندي خطأ ولا طلعتلي هالخانتين او هل خانتين تطلع احيان واحيان لا

افيدونااااااا هل لازم اروح الوزارة قسم الحاسب وقولهم عن هالمشكلة ولا كيف؟

مع العلم اني مقدم على بعثات البكالوريوس لامريكا تخصص هندسة

مواضيع عشوائيه ممكن تكون تعجبك اخترناها لك:

• معهد ارجو المساعده
• ارجووو المساعدة
• بلييز ابي مساعده
• استفسار
• ابغى نصيحتكم لاهنتم
• الرجو المساعده وخاصه من بنت الصقور
• مساعدة مدينة بورمث
• حصريا ً تم إختراق أجواء الوزارة وإليكم التفاصيل
• معاهد في واشنطن
• الخبر السار من الوزاره طازه
• مطلوب جامعات امريكية لا تطلب ضمان مالي
• الدراسة في سالفورد القريبة من مانشتسر
• صور نادرة بالأبيض و الأسود لمدينة دمشق القديمة
• محتار جداً هل افعلها ؟
• الذهاب الى امريكا
• دراسه البكالوريوس في بريطانيا
• معاهد اللغة ببوستون
• ارجو المساعده
• هل يرفضون الفيزا بسبب ؟
• بعثه مؤسسه الأمير سلطان

غريبه ماطلعت للك ، كل اللي سجلوا سمعت انها طلعت لهم

واتوقع ان المواد اللي تطلع عشوائيه

اخوي انا يوم قدمت واخترت تخصص هندسه


طلب مني درجات مادة الكيمياء ومادة الاحياء


ليش ما سالوا عن الرياضيات مدري مع انها ضمن تخصص الهندسه ومدري وش دخل الاحياء بالموضوع

لكن الظاهر هم محددين مادتين ودرجات المادتين هذي اتوقع انها تدخل بالمفاضله والله اعلم

انا من الناس الي ما طلعلتلي مواد واول مرهـ اسمع فيها بعد انها تطلع


ودمتم
اخوكم عمر

اعتقد ياشباب والله اعلم ان النسب العالية مايطلبون منك درجات مواد معينة

ولكن النسبة المتدنية يطلبون عشوائيا عموما هذي نظرية توني فكرت فيها ليت ياشباب

تعلمون نسبكم عالية ولا متدنية عشان نشوف المقياس صح ولا غلط .

تحياتي وبالتوفيق

السلام عليكم

اخواني اشكركم على التعليق

انا نسبتي 85 ولاطلعتلي

السلام عليكم
اسف على تكرير المشاركة

انا طلعت لي مع ان نسبتي 87%

طلعت لي القرآن الكريم والرياضيات :d

شكلها عشوائية :d

اخوي هي لازم تطلع لكن يمكنك ماانتبهت للفراغين الــي تحت وعلى فكره المواد المطلوبه عشوائيه

انا جايب 85% وطلبوا مني درجة التفسير + النحو