السلام عليكم و رحمة الله و بركاته

انا بقول اللي عندي واذا بكلامي فايده فـ هذا شي جميل

واذا مابه فايده .. فـ مو مشكله ومابه ضرر ان شاء الله

---------------------

انا طالب جيت هيوستن من شهر ونص تقريبا

جيت على حسابي ..

دفعت للمعهد على حسابي .. التذاكر على حسابي .. غرفتي بالسكن الجامعي بحسابي ..كل شي على حسابي

انا كان ناقصني قرار الابتعاث ...

جيت و تاملت ان القرار بيجيني باذن واحد احد ..

وفعلا قبل اسبوع جاني القرار والحمدلله والشكر له

وارسلت اوراقي للملحقيه في واشنطن

واليوم فتحوا لي ملف

وقالوا لي اني اقدر اكلم المشرغ حقي من الاسبوع القادم

والملحقيه بيرسلون خطاب للمعهد عشان استرجع فلوسي من المعهد

والوالد استلم التذاكر من السعوديه ( بالعربي ثمن التذاكر رجع والحمدلله )

-----------

كلام الاخ طراد .. صحيح

المعجل و المزيد حق الملحقيه جاو لـ هيوستن بـ 1 جون اعتقد

انا ما حضرت الاجتماع كنت نايم هههههه

يقولون فيه شباب جايين على حسابهم ووعدوهم خير بتحويلهم للبعثه

وانا اموري كلها بالباااااااص

دولار وان كثرت دولارين حق الباص في اليووم

وبالنسبه للسكن حقي .. انا سكن جامعي والشهر تقريبا بـ 450 $ دولار

غرفه لشخص واحد والحمام وانتو بكرامه مشترك بين الغرفتين

وكان اللي مشترك معي واحد امريكي بس الحين هج وغرفته فاضيه ويا جعلها فاضيه دوم ههههههه

هيوستن زينه والدراسه زينه لكن المعهد الله يعين واعدي الليفل قولوا آمين

توها جايتني النتايج النصفيه وماهيب ذيك الزود

انا دخلت في المستوى الرابع وهم ست مستويات

وخايف اعيده .. لانه صعب الصراحه

عالعموم هذرت واجد كني ...

بالعربي اللي ابغى اقوله ... انا يمكن آخر وواحد حصل قرار ابتعاث من البعثه القديمه

لان توه جايني من اسبوع تقريبا

بس لاحظوا انا اموري كانت خالصه ومسلم اوراق القرار من 4 شهور ( قبل ما اجي امريكا بـ 3 شهور مده طويله يعني )

بالتوفيق

مواضيع عشوائيه ممكن تكون تعجبك اخترناها لك: