الموضوع: من شده حرصى على موضوع السرقه في مانيلا انسرقت في اول يوم

والله انتم السبب .. من كثر حرصي على قراءه مواضيع السرقه والنشل في مانيلا .. تعرضت لسرقه جوالي في اول بوم لوصولي لمانيلا .. مع اني حريص بشكل كبير ... لدرجه اني رحت لقوقل ادور مواضيع عن السرقه كاسي اللي روالنشل في مانيلا علشان احذر منهم .. ولكن ...!!؟

الغريبه اني انسرقت بدون ما احس ابدا .. ما امداني اوصل الاوتيل الا اني حسيت اني فاقد شي .. وطلع جوالي .. رجعت للمكانين (محلات على الشارع ) اللي كنت فيهم وكان معي ارقام لوحات التكاسي اللي كانت راكبهم .. وسالتهم وقلتلهم ابجيب لكم البوليس .. وخليت فندقي يكلمهم .. وشكلهم ما حلموا فيني ولا في البوليس ..

الزبده ... مانيلا .. خطره جدا ... والسرقه عندهم زي سلام عليكم .. وفوق هذا غاليه وممله جدا وجو زفت ولا تستاهل العنوه ابدا ..

مواضيع عشوائيه ممكن تكون تعجبك اخترناها لك:

• للراغبين في دراسة اللغة الانجليزية في الفلبين
• متى سوف تذهب الى الفلبين؟
• مطلوب وبشكل عاجل فنادق بالفلبين
• أستفسار هام لخبراء ومشرفين ساحة مانيلا عن تحويل مبالغ وإيجاد شقه ؟
• رحلة عائلية بتوجيهات من المميز اورقامي
• حجزت تذاكر طيران داخل الفلبين وأريد أن أستفسر عن بعض الاشياء
• هل الفلبين لها تأشيره؟
• تكفون الفزعه
• سؤال عن لاقونا وتاقي تاي
• في الفلبين بخدمتكم و يضعكم في الحدث موضوع متجدد
• ياليت من يعرف اسم المنطقه
• مسافر لأول مرة وعندي سوأل
• فين احصل شريحة سمارت في السعوية
• الاخ عبود والاخ
• المساعدة
• تحذير شديد جدااااااا
• تفاصيل رحلة للوردة للمرة الثانية
• تجربة رفع الصورالمشورة ورايكم فيها ياشباب عليمي
• انتظروا رحلتي الأولى للفلبين ومعرفتي بالشايب بالطائرة
• اعصار كونسون يودي بحياة شخصا في الفلبين

اخي الكريم قدر الله وما شاء فعل
السرقة واصحاب الضمائر الميته موجودين في كل مكان فلو ذهبت مثلا لاحد البلاد العربيه السياحيه وفقدت موبايلك داخل احدى سيارات التاكسي هل تتوقع ان تجده؟؟؟
اما قولك ان مانيلا غاليه لا اتفق معك فمانيلا تعتبر من ارخص الوجهات السياحيه ومسائلة الغلاء والرخص نسبيه من شخص لاخر فهناك من يسكن فندق شنقرلا مكاتي وهناك من يسكن سيتادل وعليها قيس بقية الامور..اما قولك ممله فلا اتفق معك فالسفر الى الفلبين ممتع جدا فهناك سياحة التسوق وسياحة الرياضات المائية والشواطي والجزر الخ ولكن لو كان السفر بلا حد ادنى من التخطيط فاكيد سيكون مملا ولاي جهه بالعالم وليست مانيلا فقط اما الجو فهوالجو الاسيوي الحار الرطب وهل كنت تتوقع جو دول القارة الاوربية ....اخيرا ان تقول ان سبب سرقتك هم اعضاء المنتدى ...اخي العزيز انت شخص كامل الاهلية وبكل تاكيد مررت على المواضيع التي تتكلم عن طبيعة البلد واجوائه و مابه من مخاطر وعيوب كما به من متعه ومحاسن اخرى وانت الوحيد من اتخذ قرار السفر فلماذا تقول ((انتم السبب))؟؟؟ اخيرا اخي الكريم الله يعوض عليك بالموبايل وبالسفره وتتم عزيز وغالي

اخي الكريم ...

انا امزح عندما قلت انكم السبب .. وهي فقط مدخل لموضوعي ... للتشويق وشد الانتباه ... ومثل هذه العبارات والاساليب دائما تتبع كمداخل لمواضيع ...

عموما .. انا الوم نفسي فقط ... والله يحفظنا وياكم من كل شر ....

قدر الله وما شاء فعل ..... احرص ولاكن لات جعل حرصك يؤثر على رحلتك ، لماذا تحمل الجوال معاك في خارج الفندق مادام لا تسخدمه للاستصال .
ثانياً الفترة الحالية في الفلبين وبذات مانيلا ، فترة إجازة المدرسية للفلبين و بداية موسم الصيف حيث هناك نسمة حرارة في الجو مصاحبة لرطوبه ولا تنسى بإنك في بلد إسيوي وفترة بداية موسم الامطار وارتفاع الاسعار لموسم الاجازات والسياحه حول العالم.
ثالثاً تعتبر فلبين شبه غاليه مقارنه بدول عربيه مثل مصر وسوريا ولبنان ولاكن بنسبه لدول اسيويه مثل ماليزيا وسنغافورة والصين فهي رخيصه .

في كل مكان تدخل فية في مانيلا تلقى لوحة مكتوب بالانجليزي لاتترك أشيائك والجوال من الاشياء التي دائماً تفقد ولا تسرق لانك بعض الاحيان تنساة وتروح وتخلية ويجي واحد بعدك وياخذة بعد ماتقوم من الطاولة مثلاً
بالنسبة للجو الان فترة الاجازة الصيفية ولا ترتفع بها درجة الحرارة بل ترتفع كمية الرطوبة وكذلك الامطار وأذا بغيت احسن جو رح شهر واحد أو اثنين ومعك الى منتصف مارس وبعد كذا تبدء الرطوبة الى شهر جون ولاكن الامطار تكثر في جولاي وأوغست
بالنسبة الى الغلى جرب الفلبين وجرب الدول الاخرى وشف الفرق و الفرق واضح والشخص هو الذي يرسم سياسة السياحة لة
وأخوي الله يعوضك بطيب من هالجوال
تحياتي لك

الحمد لله على السلامه:24:

يا رجال في ناس تنسرق اطفالهم الله يستر على المسلمين وانت تقول جوال

فدالك الجوال و عشرة مثله :109:

الحمد لله على السلامة اخوي Vacation

انا معاك ان البلد تغير لما كنت اروح قبل 10 او 15 سنة ما كنت اشوف الغلا اللي اشوفه الحين لذلك رحت اكتشفت لي بلد جديد و كل ما ارتفع بلد تركته و اكتشفت غيره للاسف ما ادري ليه العالم تايلند اندونيسيا الفلبين ليه ما تغيرون

اما بالنسبة للسرقات هذي ما تعتبر سرقة لانك ربما تكون نسيته بمكان اما احد ينشلك بالزحمة وفي مكاتي ما تصير ابد هذي الحركات في الاحياء القديمة فقط

تحياتي

كبيان

الف شكر لكم .. جميعا ..

اهم شي السلامه .. والصحه .. والجوال بداله عشره .. على قولتكم ..

وصدق اخي كبيان .. ما نيلا تغيرت كثير .. واصبحت اكثر غلاء .. هل تصدقون تقريبا جميع الفنادق 5 ستار مليانه ومافيه حجز هذه الايام .. وكل ما اتصل على فندق قال ما فيه الا جناح او غرفه سوبر ديلوكس كلوب .. يعني ما فيه امل تلقى ستاندرد رووم . .. واسعار الغرف المتوفره هذه الايام لا تقل عن 150 دولار مع الضرائب وبدون فطور ..