الموضوع: استفسار عن اورلاندو بغاية الأهميه

السلام عليكم
شلونكم يا جماعه وانا اتشرف بلأنضمام لمنتداكم الشيق والمفيد بصراحه
يا اخوان انا سالفتي بالضبط اني بروح انا وزوجتي وعيالي 4 امريكا وبتحديد ( اورلاندو ) على كثر ماسمعت عنها
عموما انا فتريت وحست بالموقع وقريت لين طقت فيوزاتي وغير الي قريته بلأنترنت بشكل عام عن هلمنطقه

وعندي استفسارات ياليت اتجاوبوني عليها بالسرعه الممكنه وبالتفصيل واكون لكم شاكر طول العمر


1- انا عزمت اسافر اورلاندو 20 يوم ( وايد ) ولا تسوه وبالنسبه للطياران شنو افضل طيران من الكويت ليهناك امدحولي ( الأتحاد و البريطانيه ) ؟؟

2 - بخصوص السكن وهذا الأهم قريت بلاوي عن السكن اهناك بالمنتدى وحترت اكثر شي بالسكن انا بصراحه يناسبني شقق فندقيه لانه 6 اشخاص فا ياريت ادلوني وتعطوني شي يناسبني ويكون مكان نظيف وحلو وخدمات حلوه ويم الوالت دزني وهلسوالف ماتكون بعيده انا قريت في سكن بالوالت دزني نفسه وفي شوارع انتو كاتبينها وبلاوي شيب راسي وانا اخزن الصفحات ولا وصلت حق نتيجه بالسكن ((

3 - بخصوص تأجير السياره تنصحون ااجر سياره من المطار ولا من الكويت اهني عن طريق السفرايت ولا من وين ؟؟ وانا سمعت اهم شي اتكون السياره امامنه تامين شامل واوبن مايل ؟؟ وانا وايد اقرا ان الشباب يأجرون جيب فورد ؟؟ شنو السر ؟؟

4 - بخصوص الفلوس جم تقريبا يكفيني انا وعيال غير السكن والسوق يعني تمشي ومطاعم والأماكن الترفيهيه ؟
5 - الفلوس اخذ معاي المبلغ كامل كاش من الكويت ولا شنو الطريقه ولا مايسمحون ادخل مبلغ عود وبالسكن وين احطهم في سيفتي بوكس امان ولا شنو ؟؟؟ شنو افظل طريقه حق المصروف اهناك ؟

6- شنو الأماكن الي اقدر اروحلها باليل وامان للعوايل ولا ماتنصحون الطلعه باليل ؟؟ وانا قريت بوالت دزني اربع اماكن اخلي كل وحده بيوم بروحها ولا ماتسوى وبخصوص السوق شنو الأسوقه الي اتبيع بضايع امريكيه وباسعار حلوه ورخيصه


وشاكرلكم لكم تعاونكم وانا اعتقد اسئلتي راح اتكون مرجع حق كل واحد غشيم مثلي بيروح اورلاندو ) وبنتظار ردكم

مواضيع عشوائيه ممكن تكون تعجبك اخترناها لك:

• لحاملي الجواز الأمريكي
• باااركوولي
• الحمدلله اليوم أستلمت الفيزا
• مــــــــهــــــــــم للجمـــــيعأرجو الدخوول
• في حدا ب كليڤلاند اوهايو
• رحلتي الى امريكا لأول مره اكتوبر
• ما هو ارخص طيران من الرياض الي امريكا
• اول مرة احجز بالنت ساعدوني
• هل نظام الدول الأخرى يسمح بنظام المرافق في الجواز ؟
• تكفون ساعدوني يا شباب ادخل وش تنتظر ؟؟؟؟
• انا شاب من الاردن ارغب بسفر الى امريكا وباسرع وقت ماهي الطريقه وارغب بجنسيه الامريكيه
• مين أفضل أو من نيويورك الى اورلاندو
• كم المسافة والمدة الزمنية من مطار الى مطار ؟
• استفسار بخصوص نيويورك بليز
• احتاج لمساعدتكم وآرائكم فلا تبخلوا علي بخبراتكم
• شباب سعادوني ابي قائمة إرشادات للأولاد كيفية دخول وإقامة في أمريكا
• التقرير الأول رحلتي إلى هاواي عين على السماء
• ابي مساعده
• سؤال عن موعدي الثاني في السفارة بعد رفض الأول
• رايح امريكا ماهو افضل وانسب فنادق نيويورك لوس انجلس لاس فبقاس

وعليكم السلام ورحمة الله وبركاته ...


الشرف لنا أخوي ( سفار - كوتي ) بانضمامك للمنتدى


إن شاء الله إني أقدر أجاوبك على أغلب الاستفسارات ( ومشرفنا الحبيب وباقي الأعضاء ماراح يقصرون )


1- 20 يوم جميله جدا ( إذا قسمتها صح .. يعني ما تكون كلها في أورلاند .. أغلب الأايم خليها فيها والبقاي قسمه على ميامي وخلي يوم لتامبا ..إلي أنا أعرفه إن طيران الإتحاد ما يقوف إلا في أورلاندو (بس الله أعلم إذا عندهم ترانزيت أو دايركت ) مدة الطيران حوالي 15 ساعة .. وأتوقع سعر التذكرة عالي

2- أفضل مكان للسكن هو ( شارع الانترناشيونال درايف ) وبكذا إنت ساكن في المنتصف وكل شي يكون قريب عليك إن شاء الله

3- بخصوص السكن والسيارة .. ريح نفسك من مكاتب السفريات

( أنصحك بهالموقع )

http://www.expedia.com/

موقع جدا جميل .. والخيارات فيه كثيره

وعشان تحصل عروض بأسعار جيده خلي حجزك فيه باستخدام ( Vacation Packages )

وبكذا راح تجمع ما بين ( حجز السيارة والسكن) صدقني راح توفر عليك ( أنا جربتها )

بخصوص تأجير السيارة تأكد تكون رخصة القيادة الخاصة فيك ( دولية ) .. وترا القيادة في أورلاندو جميله جدا


4- الميزانية إنت الصراحة تتحدها ؟؟ ( يعتمد على الشخص وصرفيته .. وهذا الموضوع خله في ببالك وراح يبان معاك بعد ما تشوف أسعار تذاكر الطيران - السكن - استئجار السيارة .. أفضل إنك تتطلع على موقع الديزني وغيرها وتاخذ فكره عن أسعار التذاكر .. ستجد إنك قاعد تحدد مبلغ الميزانية )

5- الفلوس طبعا الحد الأقصى للكاش إلي تقدر تشيله معك من الكويت الحبيبه ( 10 آلاف $ فقط )
بعدين الديره تتعامل بالبطاقات أكثر من الكاش ( سواء الفيزا أو بطاقة الحساب الجاري )


6- نعم الوالت ديزني أربع حدائق .. وبما إن المدة 20 يوم ( أفضل تخلي في كل يوم حديقة )
وعندك السي وورلد .. واليونيفيرسال ( كلها مدن ترفيهيه )
بالنسبه للأسواق إلي تبيع بضائع رخيصه ( prime outlet و premium outlet )



أضفتلك كذا تقرير لأعضائنا الأعزاء ( راح تفيدك كثير إن شاء الله )


http://www.arabtravelersforum.com/travel146112/


http://www.arabtravelersforum.com/travel370671/


http://www.arabtravelersforum.com/travel405053/


http://www.arabtravelersforum.com/travel348104/


http://www.arabtravelersforum.com/travel330610/


http://www.arabtravelersforum.com/travel209226/


http://www.arabtravelersforum.com/travel312486/


http://www.arabtravelersforum.com/travel171127/


http://www.arabtravelersforum.com/travel310295/



إن شاء الله إني أفدتك في مبتغاك .. دعواتي لكم برحله سعيده وممتعه بإذن الله


بالتوفيق ...

http://www.arabtravelersforum.com/travel420129/

مشالله تبارك الرحمن والله احرجتوني بتواضعكم وتفاعلكم مع الموضوع كفيتم ووفيتم وبنتظار تفاعل اكثر من المنتدى الحبيب وخاصه بالسكن وشكرا

اما السكن روح فندق هيلتون اورلاندو

بالتوفيق...

جزاك الله خير على هلمعلومات الحلوه بس يا ريت يا جماعه شقق فندقيه وخاصه الانترنشونال درايف وياليت الروابط عشان اشيك عليهم واكون لكم شاكر

شيراتون فيستانا شقق فندقيه ونفس نظام منتزه الخيران

والله يا اخوان احترت بصراحه وانا اسوي بحث وخاصه الأخوان الي منزلين تقاريرهم اكثرهم مايتعدون شخصين ولا ثلاثه بس مثل عايلتي نادر والي منزلين حتى مو ذاكرين اسامي الشقق الي سكنو فيها فا اتمنى تعطوني اسامي الشقق الفندقيه الي بلأنترناشونال درايف وياليت ااميهم بالنجليزي الفنادق غاليه نار وشرار

1- sheraton vistana villages resort vil

انا ارشح لك هذا الفندق انا ساكن فيه و مجربه توني بس قبل رمضان بكم يوم و اطلب غرفة بريميم سويت حلوة واسعة كل الامكانيات فيها وهم بعد اسعارهم مقبولة
ارجو لك التوفيق

انصحك بااسكن بفلل كيسمي...كل شي قريب منك وخصوصا اذا انتو عايلة والمنتجعات فيها وايد.. وانا عن تجربة حجزت بموقع vbro.com ,,,,, واسعارها حيل مناسبة وارخص وايد من الفنادق

كفو عليكم هذي الهقوه ماقصرتو والله يا جماعه ومشكورين