الموضوع: الفزعه سفري قريب من قارمش لسويسرا

السلام عليكم ورحمة الله وبركاته

اتمنى انكم تساعدوني واعرف انكم ماراح تقصرون ( متاكدة من البداية)


سفرتي راح تكون تاريخ 18- اكتوبر يوم السبت الي بعد الياي يعني جريب والعودة 27- اكتوبر يوم الاثنين
مطار ميونخ والعودة جينيف


حطيت فالخطة بعد استلام السيارة في مطار ميونخ التوجه راسا الى زي لام سي بس بسكن فيها ليلة وحدة لان مافيها غير البحيرة واليوم الثاني التوجه الى قارمش والسكن فيها بعد ليله وحدة ها للتين راحو اليوم الثالث راح اتوجه لسويسرا بس محتارة اول محطة انزل فيها وين


احترت اطلع على طول ل سانت موريتز ولا لزيرمات او انترلاكن لاني ابغي ابات في زرمات لو ليلة وحدة ولا تنسون ان الشمس تغيب بدري في شهر اكتوبر


فكرت اروح من انترلاكن لمنترو من الصبح للمساء وارجع
وبغيت ابات في انسي يوم واحد الي قبل السفر من مطار جنيف


حد ممكن يساعدني فالترتيب هالاماكن وكيف اجزء الايام بينهم وكم ليلة بتكفي في انترلاكن اذا حسبنا اني ببات في زرمات ليله والله محتاره


الحين قولولي بعد قارمش انزل في اي وحدة اول

مواضيع عشوائيه ممكن تكون تعجبك اخترناها لك:

• عااااجل
• ساعدوني بترتيب رحلتي أرجوكم عاجل
• الرجاء مساعدتي في البحث عن شقق او بيوت في ارياف سويسرا لعائلة كبيرة
• مساعده خط سير
• عاجل احد يساعدني مكان ترجمة معتمد لخطاب تعريف بالراتب بالمدينة
• انشطة سويسرا في ديسمبر
• مااعرف شي اش الحل
• تم حجز التذاكر دمام جنيف دمام وباقي المخطط
• استفسارات احتاج اجابة
• شهر العسل في أوروبا سويسرا إيطاليا فرنسا جنيف بيرن سبيز
• استفسار بخصوص السفر في ابريل
• عاجل الله يعافيكم
• استفسار عن استئجار سيارة بسائق
• شقق رخيصه في جنيف تبعد عن البحيره دقايق
• ارجو المساعده رحلة فرنسا سويسرا
• ارجوا من خبراء المسافرون العرب الرد على هذا الإستفسار عن الخطة السياحية والسويس هاف
• الرحلة الشتوية لزيارة القرى السويسرية
• ان شاء الله يوم مارس راح اكون في جنيف ممكن توجيهاتكم يأهل الخبرة
• ماقصروا الشباب قالوا ضبط لك برنامج وماتشيل هم السكن؟؟؟؟
• فزعتكم الله يوفقكم

اخي القطريشكرا جزيلا لك جبرت بخاطري ورديت على الموضوع
انا ماكنت ابغي زيلامسي بس الي وياي يبونها بس انا خلاص اقنعتهم نكنسلها
وبجذيه بتكون اول محطه هيه قارمش وبنتم فيها يومين
بس بعدها نروح انترلاكن على طول؟
وكيف ادخل زرمات في الخطة
انا اخاف من جينيف من كثر ما اسمع عنها نشالين وغيره
فهل اخلي اخر يومين في منترو واروح منها على انسي؟
ووين تنصح اسكن في منترو وانترلاكن
فالسنتر ولا على الحدود
المشكلة ان مغيب الشمس بيكون بدري واخاف نمل فالفندق من الساعة 6 مسا
يعني لازم الفندق يكون فيه انترنت مجاني وموقف سيارة مجاني خخخخخخخخ اختكم تتشرط ماعليه استحملوني
وشو عن الخضار بنحصله ولا خلاص بيكون راح


حد نصحني اخلي يومين في بادن بادن شو رايكم ادخلها بالخطة ولا ماله داعي


بانتظار الاجابة

اتشرطي لا اتحاتين ^^

والله يجبر بخاطر الكل ان شاءالله ..
والكل ماراح ايقصر بس يمكن لان الوقت متأخر اشوي فالكل ايغرد في النوم ..


جنيف خلوها بس للنوم ..ولا طول النهار انتوا برا ..يوم في انسي ..ويوم في مونترو ..
السكن في انترلاكن يعتمد على عددكم كم ..اذا كان عددكم فوق 6 فحاولي تحجزون البيت النهري في فندق بيليفيو .. خوووورافه البيت ..سكنته مرتين ..واذا ماحصلتوا فيه حاولي في الشقه الجديده الي توا امسوينها فوق ..فيها غرفتين ..


من عقب انترلاكن ما اعتقد تحتاجون بادن بادن ..وزيرمات روحوا وارجعوا في نفس اليوم مثل ماكنا انسوي ,,اهم شي الي معكم ايقومون بدري وايحللون اليوم صح ..

تسلم اخوي القطريبصراحة جزااااك الله الف خير كنت محتارة وايد وبدت تتوضح لي الرؤيا ( كله ولا الرؤيا )
مابتصدق ترا الرحلة كلها بتكون لشخصين وبس انا واخوي خخخخخخ يا اخي شو اسوي ماكان في حل ثاني
بالنسبة للفلة في فندق بيليفيو ماينفع لنا؟ ولا بيكون كبير علينا وكم تكلفة السكن فيه
فيه انترنت مجاني وموقف مجاني؟
وممكن اذا ماعليك كلافة كم صورة له من الداخل
وبخصوص الشقة الي توهم مسوينها كيف طريقة الحجز سواء لها او للفلة الي برا
ماعليه كثر الاسئلة بس ترا انت مرخصني
سؤال اخير
بدل السكن في جنيف شو رايك السكن في لوزان السكن اتوقع بيكون فيها ارخص وسمعت انها مدينة حلوة
واطلع منها على منترو وانسي بس هل يكفي يومين حقهم
يعن شوف الجدول
يومين قارمش و 5 ايام انتر لاكن و يومين لوزان اليوم الاخير طبعا المطار هن عشر ايام بس 9 ليالي للاسف

احس الجدول صار مكتض خاصة ابغي اتمتع بكل شي في منترو ولوزانهل اكنسل انسي ولا هيه بعد تستحق الزيارة
هل اقدر في ويمين بس اتمتع ب 3 مدن!!! ولا ماينفع
بالنسبة للوقانو تستحق الزيارة يوم كامل اطلع لها من انترلاكن ولا يكفي اني بسير زرمات


في انترلاكن
اليوم الاول الوصول لانترلاكن وان شاء الله يكون الجو حلو ونركب الطيران الشراعي او هبوط المضلات واذا في وقت الحديقة اليابانية
اليوم الثاني قمة jungfrau
اليوم الثالث شلالات برومبل باخ وشلال ستوباخ وشلالات giessbach
ثلاث شلالات ادري وايد بس بنشوف حسب الوقت وشو احلاهم ؟؟
البوم الرابع رحلة بالقطار البخاري القديم Brienz Rothorn
والحديقة اللغز mystery park لو كان الجو مغيم طبعا
قرية murren الي فيها مرزعة الالبان والاجبان
اليوم الخامس زيارة زيرمات ويمكن نخليها اول يوم او نخليها بالنص


شو رايكم بالجدول
ادري ماخليت مكان حق البحيرات بس شو اسوي الجدول مملاي وبشوف البحيرة في منترو والبحيرة في لوزان وغير بحيرة انترلاكن نفسها


اخوي القطري اعرف انه الوقت متاخر بس ماعليه من تلقى وقت رد علي اوكي خاصة بالنسبة للفندق في انترلاكن

مرحبا اختي اميره الامارات على قوله اخوي القطري تشرطي هههههه


الحين ماعرفنا وين الاماكن الي حددتيها
حاولين لاتكثرين الاماكن الي بترةحين لها
لسبب ان فترتكم 9 ليالي ومايمدي ترتاحون وتشوفون كل مكان توصلونه






يعني من ميونخ الى غارمش 90 كيلو يعني تقريبا ساعه وربع


واذا لج خاطري تمرين بالطريق على مدينه ماينفيلد ( قريه هايدي )
يعني ماتعنون لها لان من تدخلون


,وبعدها اختي لما تطلعون غارمش ومتجهين الى انتر لاكن 373 كيلو تقريبا 5 ساعات الاربع
واجباري بتروحين بطريق جنوب جمهوريه ليختنشتاين
وبتكون قريبه منكم مدينه ماينفيلد اذا حبيتو ترتاحون فيها وتشفوفون قريه هايدي
تبعد عن غارمش 196 كيلو تقريبا ساعتين وربع


ومن مدينه ماينفيلد الى انتر لاكن ساعتين ونص


انا اوضح لج المسافات تقريبا دقيقه عشان تكونون عارفين وماتلعوزون بطول المسافه


ومن انتر لاكن اذا بتروحون منترو المسافه 147 كيلو تقريبا ساعتين الا ربع ويمكن اقل وتطلعون لها عن طريق مدينه بيرن
لان الطريق المباشر من انتر لاكن الى منترو لايوجد هاي وي


واذا رحتو عن طريق بيرن معظم الطريق يكون حلو وهاي وي


وبعدها من منترو الى زيرمات 144 كيلو بمسافه ساعتين

بس هنا لازم نوقف اشوي


طبعا بعد زيرمات راح تتوجهون الى جنيف
والطريق الى جنيف اجباري راح يمر على مدينه منترو


يعني الافضل لو تطلعون من انتر لاكن الى زيرمات بمسافه 3 ساعات 159 كيلو
بس معظم الطريق ماراح يكون هاي وي


ومنها تطلعون الى منترو


ومن منترو الى جنيف ساعه زمن بمسافه 93 كيلو


واذا بتطلعون من جنيف الى بحيره انسي في فرنسا
نص ساعه بمسافه 41 كيلو


يعني تقدرون ماتاخذون فيهل ليله لو بتطلعون من جنيف الصبح وترجعون المغرب


معليه اختي يمكن لعوزتج بشرحي الطويل والمعقد
بس حبيت اوضح لج المسافات وتحطينها بالحسبان
على اساس اذا في شي مناسبج او الطريق غير مناسب
ممكن تغيرين الاماكن بالي يناسبج


بالنسبه لفنادق انتر لاكن طبعا احسن وارقى فندق هذا فكتوريايعني انصحج وبقوه فيه اذا حصلتي حجز فيه اخذي بدون تردد


http://www.booking.com/hotel/ch/vict...ml?aid=1329869




والفندق ال بعده وهو جنبه فندق متروبول


http://www.booking.com/hotel/ch/swis...ml?aid=1329869




اي استفسار اخر مايردج الا لسانج

هلا قطري 991شكرا على شرح المسافات
قررت اني اسكن في مكان واحد الي هوه انترلاكن وانتقل منه لزرمات يوم اورجع
في منطقة بعد يمدحونها اسمها لكرانو الي هيه فوق لوقانو وفيها رحلة المئة وادي ( حد جربها؟)
وفكرت بعد اطلعلها يوم من انترلاكن وارجع
واخلي اخر يومين حق لوزان ومن لوزان اطلع لمنترو يوم وارجع ويمكن انسي لو سمح الوقت
2 جارمش
5 انترلاكن خلالها زرمات ولكرانو
2 لوزان وخلالها منترو ولو سمح الوقت انسي


شو رايك

الوقت الضيق

طيب
نصيحة اخ


بالنسبة لسويسرا
اسكني بجنيف
لانك راح ترجعين منها على ديرتك


طيب
جنيف لوزان مونترو فيفيه ايفيان انسي
كل هالاماكن يمديك تروحينها في يوم واحد بس
كل هالاماكن على ضفاف نفس البحيرة
لوزان تختلف عن مونترو لان مونرو تعتبر سويسرية اكثر
فيفية لها مطل جميل على البحيرة
ايفيان في الجزء الفرنسي ثم انسي


كلها عبارة عن يوم واحد او يومين اذا كانت حركتكم بطيئة




انترليكن روحوا لها الصباح و ارجعوا مع الغروب




يعني 3 ايام او 4


بيدك اول 5 ايام العبي فيهم زي ما تبغين


لو تروحين من ميونخ لزيلامسي او من ميونخ لباخاراخ
بس بالقطار
عموما الوقت ضيق و حبيت اعطيك معلومة فقط عن سويسرا

الحين بروح ارقد بعد كم ساعة برد اتابع وياكم لاتنسوني لاني متحمسة للرحلة وااايداخت متيلدا نحن نحب السواقة في اوروبا اكثر من القطارات لان بروحها فيها متعة وانمر على مناظر طبيعية خلابة
جينيف ما ارتاحلها وايد عشان جيه بس بتكون مرور عل المطار فقط وشكرا لج على الرد في موضوعي واهتمامج


الاخوان الشباب الي من قطر شوفو ردودي فوق واسالتي كثيرة راجعوها زين تراها هوم ورك
والتسليم بعد كم ساعة

عدلت ردي السابق



ممكن تقريه و يفيدك

ماشاء الله عليك بسرعه رديت عيني عليك باردة


شكرا على اقتراحك اننا نمر على قرية هايدي فالطريج فكره حلوة والله
وبالمره يمكن نمر على شلالات الراين صح يستوي ولا بنتاخر؟


شكلي بكنسل انسي عل هالحالة خسارة كنت حابة اشوفها واركب القوارب المائية


ببحث اكثر عن رحلة مئة وادي هذي واذا شفتها تستاهل بروحلها ان شاء الله
بس جدولي استوى مزحوم وايد و5 ايام كيف بدبر حالي فيها
شو ممكن اكنسل وشو ممكن اخلي ساعدوني


بالنسبة لقارمش مجبورة اروحها لان اخوي يبغيها سايرنها قبل وفي خاطرة وكان يبغي زيلامسي بعد بس زين اقنعته نكنسلها ولا كنت رحت فيها
اول مره اروح سويسرا وماابغي اخلي مكان في خاطري
الله يعلم متى بينكت لي اروح مره ثانية

المشاركة الأصلية كتبت بواسطة أميرة الإمارات
http://www.arabtravelersforum.com/tr...2/#post8354502

رديت اقرا الرد والحين فهمت موضوع المسافات اكثرحلوة فكرة اني اتم في انترلاكن 4 ليالي واطلع بعدها لزيرمات وابات فيها ليلة ومن زرمات اروح حق لوزان او منترو لان لوزان ماتبعد وايد عن منترو صح؟؟

بالنسبة لفندق فكتوريا واااااااااااااايد غالي 5 ليالي ب 9 الاف وشي
والفندق الثاني نفذ فالفترة الي بروح فيها


ممكن فنادق ثانية تنصحوني فيها في انترلاكن
اهم شرطين مواقف مجانية وواي فاي مجاني وسريع اغلب الفنادق شيكتها النت فيها يقطع وبطئ





ايوه ممكن تباتين ليله في زيرمات
اذا طلعتي من زيرمات وبتروحين لوزان
اجباااااااري الخط يدخلج داخل مدينه منترو لازم تمرين عليها وانتي رايحه لوزان


خليني اشرح لج على الخريطه عشان توضح لج الصوره اكثر
سويتها على السريع ههههه


من الخارطه بتشوفين فوق انتر لاكن
وجنوبيها زيرمات
والخط البنفسجي العريض على خطج لما تطلعين من زيرمات بأتجاه لوزان
بتلاحظين ان اجباري يروح صوب منترو


الخريطه التوضيحيه


http://www.gulfup.com/?OX8xis




ان شاء الله وضحت لج الصوره اكثر

اختي متيلدوحلوة فكرج اني اطلع من لوزان والف على بحيرة والمناطق الي فيها في يوم واحد بس مادري اذا بيمدي الوقت
لان كل مكان له طابع واحب اخذ راحتي اشوفه بالنسبة لانسي يمكن اخليها في نفس يوم السفر لانها جريبة وايد من جينيف يعني بنمر عليها قبل المطار
ان شاء الله اخوي بس يتسخر وما اتصفع بدور راسة دواره

اخ قطري بصراحة انت مافي منك على قولة اخوانا السوريين خذ راحتك فالهوم ورك وان شاء الله بحطلك عليه خمس نجمات مثل ماكانت تسويلنا الابلة فالمدرسة ولا بعد كانت تحط كلمة ممتازة
( يعني عرفوا اني كنت شاطرة في المدرسة )

صباح الخير جميعا ..

ماشاءالله تبارك الله ..


ورايتكم بيضا ..


عشان بس ما اتصير لخبطه راح اكون متفرج للموضوع ..


ع قولة الشيبان الاول ..اذا زادوا الرعيان ضاعت الغنم ^^ ..واذا كثر الكلام ضاع الموضوع ,,


بالتوفيق ان شاءالله ..


تحياتي للجميع ..


سامحيني اختي اميرة امس غردت في الرقاد *_*

رجعناا

لا يا اخوي القطري ماتكون متفرج نبغي نستفيد من خبرتك
وان شاء الله ماتضيع الغنم هههههه


اختي اميره الامارات
ومثل ماقال اخوي ماتيلدو
ممكن تستقرون في جنيف


ويكون تقسيم الايام كالتالي


يومين في غارمش


3 ايام في انتر لاكن


طبعا بكون التركيز في داخل انتر لاكن فقط بدون الذهاب لأي مكان خارجها


يومين في زيرمات


بحيث تخصصون يوم واحد في زيرمات ويكون مقركم
والتجول فيها والاستفاده من اماكنها وعروضها
ويوم تخصصونه بالذهاب الى لوكارنو والعوده بنفس اليوم


المسافه من زيرمات الى لوكارنو 3 ساعات بمسافه 145 كيلو


يومين في جنيف


3 ساعات بمسافه 238 كيلو


لاتستغربين من المسافتين بتلاحظين ان 145 كيلو 3 ساعات
و 238 كيلو في 3 ساعات


والسبب ان من زيرمات الى لوغانو معظم الطريق يكون عادي مب هاي وي
اما الى جنيف فمعظم المسافه هاي وي


وعند استقراركم في جنيف
يوم تخصصونه بالذهاب الى لوزان ومنترو
ويوم تخصصونه بالذهاب انسي
وطبعا كلها العوده بنفس اليوم


واذا تقدرون تخلون انتر لاكن بدل 3 ايام فقط يومين
وتزيدون يوم في جنيف
لزياره منطقه ايفيان وقمه شامونيه مونت بلانك للثلج

وينكم

المشاركة الأصلية كتبت بواسطة أميرة الإمارات
http://www.arabtravelersforum.com/tr...6/#post8354876

وينكم





موجودين الحين اقرا ردج و اشوفج اختي اميره الامارات ابشري

السلام عليكم ورحمة الله وبركاتهرجعت مره ثانية
اسفة على التاخير فالرد اخي قطر991 بس كان عندي مشوار في ابوظبي اليومين الي طافو
انا حجزت في فندق غلوريا في انترلاكن من تاريخ 20 لحد 25 خمس ليالي وباجر عندي اخر يوم حق التكنسيل
وانا صراحة كان في خاطري هالفندق برينزيرسي بس ماحصلت فيه غير في تواريخ 23-26 ثلاث ليالي
سفري راح يكون من تاريخ 18-27 اكتوبر
18-19 في قارمش والخروج 20
في انترلاكن كنت مقرره اتم فيها من 20 ل 25 خمس ايام
وفالاخير قلت بسكن يا في لوزان يا منترو يومين 25 و 26 وعودة المطار27


بس عشان فندق انترلاكن الي انا ابغي اسيرة وماحصلت فيه غير 3 ليالي ومش فالاوقات الي انا ابغيها خربطلي الجدول
فعندي حلين
يا اني اخلي فالبداية منترو او لوزان 3 ليالي وبعدين انترلاكن 3 ليالي واخر ليله في انسي
يا اني ارجع للجدول الجديم 5 ايام انترلاكن في فندق غلوريا واخر يومين في منترو او لوزان


انصحني اخوي قطر991 شو رايك اي اختار؟؟ بس رد علي بسرعه لان اجباري احدد قبل موعد تكنسيل فندق غلوريا
( ملاحظه: حجزت بعد من تاريخ 20-25 في فندق متروبول في انترلاكن الي حذال فندق فكتوريا بس بصراحة طلع علي غالي غير ان الانترنت مش مجاني ومواقف السيارة برسوم والافطار غير مشمول وافكر جديا اني اكنسله بس بعد ابغي رايك ووجه نظرك)

مرحبا اختي اميره الامارات الحمدلله على سلامتج


عطيني دقايق بس اقرى ردج عدل واحاول ارتب لج الموضوع

للأسف حاولت اختي اقلب التواريخ ماحصلت في الفندق الي ذكرتيه يعني انتي ماعندج مشكله تسكنين على البحيره وبمسافه خارج المدينه
لان في ناس يفضلون السكن داخل المدينه حتى في الليل وسهوله العوده للفندق
بعكس فندق غلوريا والفنادق البجليه الاخرى الطريق نوعا موحش
لكن داخل المدينه الخروج والدخول للفندق يكون قريب ومريح اكثر


اذا بغيتي فنادق داخل المدينه ممكن نشوف لج
لكن اذا تبغين تحجزين بالفنادق الجبليه
فندق غلوريا مشكلته الغرف وايد صغيره بس يمدحون بالفندق كثير


وفي فندق ثاني اربع نجوم جنبه
الريت ماله اقل ويذكرون ان عندهم مشكله بالنت وهالشي مهم عندي
بس انا اذكر صديق مدح لي الفندق
وميزته الغرف كبيره وواسعه


http://www.booking.com/hotel/ch/dori...ml?aid=1329869

هلا فيك بالنسبة للفندق الي انت حطيت الرابط له تراه فل فالتواريخ من 20-25 وكنت مشيكتنه قبل
موضوع النت عندي وايد مهم لان الحين فالشتاء تغيب الشمس بسرعه ماعرف اي ساعة بس اكيد بسرعه مب مثل الصيف وبعدها ماعندي غير النت ونيس
تراني حجزت في المتروبول الي حذال فندق فكتوريا 5 ليالي بس كنت مترددة اخليه
بما ان عندنا سيارة هل تنصح اني اتم في الفنادق الجبلية ولا لا ولا تشوف الاحسن اخذ في السنتر واتم في المتروبول
انترلاكن امنه باليل؟ اقصد التجوال في شوارعها ليلا وهل فيه حياة ولا تمووت بالليل
فندق يرنيزسي اعتقد موجود على شارع رئيسي يعني مب صعب الوصول له مثل غلوريا بصراحة انا خفت من سالفة ان غلوريا طريقها يخوف


الحين اي خيار اختار
3 لوزان 3 انترلاكن 1 انسي والمطار


ولا


5 انترلاكن 2 لوزان والمطار؟؟

مساكم الله بالخير ..

ولد ديرتي .. تستاهل حبة راس ..ماشاءالله تبارك الله .. لاهنت الغالي ..


اختي اميرة ..بالنسبة لفندق برينز سي ..سكنته مره وحده وحرمت اسكنه مره ثانيه ^_* ..


اذا في حد ساكن في الغرفه الي جنبي وعطس اقوله يرحمك الله *_* ..
اذا حد يمشي في الممر كأنه يمشي عندي في الغرفه *_* ..


الفندق الي عند شلال جيس باخ اعتقد من افضل الفنادق المطله ..


اموفقين ..
ومازلت متابع بصمت ^^

هلا هلا اخوي القطري وين الغيبهبصراحة شباب قطر مايقصرون وراعين فزعة
واشكركم جزيل الشكر على متابعت اختكم الفقيرة

زين عيل هل تنصحوني اتم على فندق المتروبول ولا في فندق ثاني غير
مشكلته كانت عندي فالسعر لان من غير افطار وانترنت برسوم ومواقف برسوم واغلى منهم كلهم وبفرق
بس اذا مافي بديل بضطر اني اخليه


زين ماعليه برد اسال عن نفس النقطة
هل اخلي انترلاكن 5 ايام ولا اقللها يوم واخليها 4 و 3 في لوزان


بانتظار ردكم اخواني الاعزاء

بالنسبة للفندق الي عند الشلال الي ذكرته ممكن رابط الفندق وكم يبعد عن السنتر وهل هوه فاتح خلال هالفترةلان سمعت ان هالفندق يغلق في شهر اكتوبر

واااااو ياعيني على السرعه فالرد بالنسبة لفندق البافليو قريت عن اراء الناس فيه بس مامدحوه عشان جيه ابتعدت عنه
بس اذا انت تمدحه اكيد بيكون اوكي بس انت اي نوع من الغرف خذت ممكن تقولي اسم الغرفه ؟
ووايد يشتكون من صوت الارضية الخشب
قلت مره ان عندهم شقه داخل جديدة وغير بيت النهر ليش مايطلع فالبوكينج كيف الحجز لهم؟
نحن شخصين بس لو سعر الفلة مناسب وتستحق بناخذها
بانتظار ردك

مشكور اخوي القطري على كلامك الطيب صدقني لو بروحي ماقدر انفع او افيد بعض
كلنا نكمل بعض ومحد يقدر يستغني عن الثاني
الله يعطيك العافيه على مجهودك






اختي اميره الامارات
السموحه حطيت التاريخ بالغلط بالنسبه للفندق لو تلاحظين انه شهر اغسطس




حصلت موقع حجز عنده اسعار معقوله بالنسبه لفندق فكتوريا
يعني بدل مايكون 9000 ريال قبل


سعره الحين لخمس ليالي 6800
بترتاحون فيه وايد ويسوى تدفعون فيه هالمبلغ


وايضا فندق متروبول
بسعر 5000 ريال لخمس ليالي
جنب فندق فكتوريا


بس للأمانه ماجربت هالموقع قبل
بس اتوقع العلم عند الله انه مضمون
لان حصلته من ضمن مواقه هوتيل كومبيند


http://www.hotelscombined.ae/Hotels/...e=expanded%3D0


وهذا رابط الموقع




http://www.amoma.com/hotel.php?key=2...07&reqsource=2






وهذا هوتيل متروبول


https://www.hotelclub.com/book/booki...execution=e1s1






اتمنى الي جرب هالمواقع يفيدنا اكثر

اخوي القطري فندق بلفيو ماعجبني كلش فليل موقعه مرعب
واللوبي يسكر فليل ويكون البار بالفندق هم ماسكين الاستقبال
المصعد ردئ
الغرف ماعجبتني




بس الفندق الي حطيته وايد حلوووو وراقي اخوي القطري

هلا وغلا الغالي ..

عشان كذا دوم انقول لولا اختلاف الاراء لبارت السلع ^^
اللوبي ايسكر 10 فليل ..واحنا من ساعه 8 بالكثير في الفندق لانه نطلع من الساعه 7 الصباح ونرجع خلاص قدنا منتهين ..يادوب ناكل لقمه ونرقد فعشان كذا ولا مره جينا ولقينا اللوبي امسكر


الي ايدور على ستايل حديث فهذا الفندق مش مناسب ..
بالنسبه لنا اهم شي موقع الفندق والنظافه ..


اختي اميره المنزل النهري التابع للفندق والشقه بعد غالبا اتلاقينها على موقع الفندق ..
من الاشياء الي تعجبني في بيليفيو مساحات الغرف كبيره وحتى تكرمون الحمامات ..
اذا الناس يشتكون من الارضيه فعجل لاتسكنين في فندق برينز سي لان ارضيته مزعجه بزياده *_*


اعذروني على المداخله ..

والله بصراحة احترات يا اخوانيشكلي بكنسل غلوريا وبكنسل بيرينز وبكنسل المتروبول هههههههههههه وبتم بلا شي
ماعرف شو اسوي المشكلة فالمتروبول انه غالي
وفندق البافليو مش متوافرة الغرف المطلة على البحيرة
والغرفة الموجودة مطله على النهر وسعرها سعر نفس الغرفة الي انا اخذتها من المتروبول والي مطله على البحيرة
محد مجرب منكم فندق ثاني ارخص ويقع قريب من السنتر مب شرط فالسنتر بس يكون طريجه سالك مش يخوف ونظيف
ابغي في حدود 4000 درهم ل 5 ليالي
من تاريخ 20-25 اكتوبر
المتروبول حصلته ب 5302 درهم بدون دفع ضريبة الشخص فالمدينة وبدون ريوق وبدون نت وبدون موقف سيارة
بانتظار اراءكم

هذا رد ع السريع ..

فندق بيليفيو اول غرفه الي موجوده لها بلكونه على النهر حسب التواريخ الي فوق ..


http://www.booking.com/hotel/ch/bell...03&aid=1329869




وسعرها حوالي 4200 درهم مع الريوق والنت فري ..

هذا الفندق كذا عضو اسكنه ويمدحونه ومطل على النهر ..

http://www.booking.com/hotel/ch/gold...02&aid=1329869


وسعره 3800 درهم

تقريبا هذولا افضل الموجودين الي لقيتهم ..

اغلب الفنادق موجوده ولكن اما انها غاليه او مكانها يعني ..


بالتوفيق ان شاءالله ..


واي خدمه احنا حولكم وحواليكم

اعرف اني تعبتك وسهرتك اخوي القطري بس ماعليه استحمل اختك الصغيرونه شويالفندق الاخير الي طرشته قريت اراء الناس عنه وقالوا ان النت في ضعيف والنت بالنسبة لي مهم خاصة ان في فصل الشتاء تغرب الشمس بسرعه ومابيكون لي ونيس غير الانترنت


بالنسبة لخبرتك في فندق البافليو هل النت سريع؟
وهل السريرين التوام بينهم مسافة ولا اجباري متلاصقين وهل لو كانوا متلاصقين نقدر نباعدهم ولالا؟
هالموضوع ضروري بالنسبة لي ان لازم يكونون متباعدين

انتي تامرين ولا اتحاتين ..

النت اوكي والسريرين منفصلين وفيه دبل ..
في الصوره بتلاقين حاطين صورة المنفصلين ..

شكلي اقتنعت فيهبس باقي مشكلة ومحدة
ان المبلغ غير قابل للاسترداد ومافي الغاء مجاني
وانا ابغي شي للضروف
ماعرف شو اسوي
احجز واتوكل ولا شو اسوي!!!

اخوي قطر 991 وباقي الاخوةبخصوص الموقع امومو الي فيه اسعار ارخص عن الباجين
انا قريت في موقع انجليزي انه مشكوك فيه في حد ضبط وياه الحجز وفي حد لا اتلعوز وماردتله فلوسه فالافضل الابتعاد عنه

لولا الحيا كان بزغرط هههههههههه

زين خلصنا من فندق انترلاكن ..
لوا قلتي من زمان تبين صور للفندق كان شفتي تقريري عن الفندق والتقرير كتبته سنة 2007 ..


نرجع لقارمش ..
للاسف ماجيتها ولا مره *_* ..


فراح اكون متابع


ودي انفع بس ^^

السلام عليكماهلين اخوي القطري
ضحكتني والله --- شفت فرحة الانجاز بعد التعب كيف اتكون
انت كنت تحاول تقنعني بفندق انترلاكن انزين ليش ماحطيتلي رابط تقريرك عشان اطلع عليه


بس لاتحاول تطلع عمرك وتتفرج لازم ادورلك شغله ثانية مايستوي تتم بدون هوم ورك
بس خذ استراحة بسيطة لين ادورلك شي




اخوي قطر991 وينك اختفيت

ياهلااااا اختي اميره الامارات السموحه والله انشغلت واايد
اليوم ان شاء الله راح اخلص الموضوع ابشري ههههه




الحين علميني بالمختصر
عن اخر الاماكن الي بتزورينها والتواريخ بالضبط
وشنو الي خلاص حجزتيه من الفنادق
على اساس نرتب باقي الامور


ردي الحين وعلى طول برتب معاج ان شاء الله


واكيد الاخوان ماقصرو ولا راح يقصرون ان شاء الله

المشاركة الأصلية كتبت بواسطة أميرة الإمارات
http://www.arabtravelersforum.com/tr...9/#post8357379

اممممممم اعرف اني تعبتكم معاي ماعليه ترى انا خويتكم واعرف ما اهون عليكم
بليز ابغي اعرف المسافات بين كابرون وقارمش بالسيارة كم وقارمش وزيلامسي كم
وقارمش وسالزبورغ كم
يعني لو سكنت قارمش وابغي اروح زيلامسي وسالسبورغ كم يستغرق من الوقت


يالله شدوا الهمة

بالنسبه للمسافه التقريبيه حسب ممشاك طبعا بالسياره والسرعه




من غارمش الى كابرون
3 ساعات الا ربع 198 كيلو
ولازم الطريق ياخذج صوب انسبورك ومنها تطلعين الى كابرون




المسافه من غارمش الى زيلامسي
طبعا كابرون في زيلامسي وقريبه نوعا ما من المدينه
3 ساعات او اقل اشوي
209 كيلو
يعني المسافه من كابرون الى زيلامسي فقط 11 كيلو






والمسافه من غارمش الى سالزبورغ
ساعتين وربع بمسافه 180 كيلو




وبعد شنو امري شنو تبغين او شنو ناقصج حاضرين




انا راحت علي مشاركات كثيره من جذي ماقدرت اشوف اخر التطورات
لان بصراحه بصراحه اخوي القطري ابددددددددع وماقصر
من جذي عدم وجودي ما أثر على ترتيبج


شكرااا اخوي القطري

بالنسبه لفندق انتر لاكن هذا الي تقصدونه صح !!!

http://www.booking.com/hotel/ch/bell...ml?aid=1329869




بغيت اتأكد يمكن تقصدون واحد ثاني

هلا اخوي قطر991مطول الغيبة ياب الغنايم


هيه هوه هذا الفندق الي حجزناه وطلع علي 4409 ل 5 ليالي المبلغ غير مسترد


مختصر الرحلة
2 يوم قارمش منها يوم الوصول
5 ايام انترلاكن
2 ماعرف وين بعدني لوزان ولا انسي
اتمنى انك تقرا المشاركات الي كتبتهم عشان تعرف وين صرنا مابقدر اعيدهم كلهم الحين


بالنسبة للمسافات في قارمش وزيلامسي وسالزبورغ
نحن بيكون مقرنا في قارمش
اول يوم بنوصل من المطار الساعة 1 ولين نخلص وناخذ السيارة قول 2 ولين نوصل قارمش صارت الساعة 3 وجك ان يعني بنكون على الساعة 4 مخلصين ومستلمين الغرفة
في مكان جريب من الفندق اسمه اوليمبا استاد اولومبي اعتقد وفيه مرتفع يدخلنا على خوانق مائية رايحتنه انا قبل وبسيرله مره ثانية عشان اخوي يشوفه بس ماادري اذا بيكون مفتوح هذيج الساعة


اليوم الثاني بيكون جوله
شو تقترح نبداها من وين
سالزبورغ بعدين زيلامسي ونرجع قارمش
ولا العكس
زلامسي وبعدها سالزبوق
كله ابغيه في ويوم واحد ووين نروح في هالمكانين يعني ابرز شي فيهم ومميز


السكن في قارمش تعرف غير الفندق الي حجزناه؟


اه تعبت اليوم من الكتابة

بخصوص الخوانق المائيه في قارمش هالتقصدينها او غير

http://www.partnachklamm.eu/


اذا هي نفسها
وقت الدوام في شهر اكتوبر
من الساعه 8 صباحا الى الساعه 6 مساء




بالنسبه للشلالات قريبه من وسط انتر لاكن


المسافات بينهم


من انتر لاكن الى شلالات تروميل باخ 15 كيلو تقريبا ربع ساعه


وبعدها اذا بتروحين جس باخ
لازم ترجعين الى انتر لاكن مره اخرى وياخذكم طريق اخر لها
والمسافه من وسط انتر لاكن لين جس باخ 22 كيلو يعني تقريبا ربع ساعه


لو تحسبين المسافه كامله من تروميل باخ الى جس باخ تقريبا نص ساعه
وتقدرين تروحين جس باخ بالقارب لو تبغون تغيرون
بس بالسياره اسرع لكم وافضل
الله يسامحج ذبحتيني مع بااااخ خخخخخخخخ حتى ضحكتي بطلعت بحرف الخاء


اذا بتطلعين بدري يالصبح ان شاء الله يمديج للمكانين بنفس اليوم

بالنسبه للبحيره الزرقاء Blausee

يكون اوقات الدوام عندهم


08. OCTOBER 2014 – 28. OCTOBER 2014: 08 – 17H


من 8 اكتوبر الى 28 اكتوبر من الساعه 8 صباحا الى 5 مساء
والطريق من وسك انتر لاكن الى البحيره 37 كيلو يعني تقريبا 35 دقيقه


وهذا موقعهم الاكلتروني

http://www.blausee.ch/

سوي جيك ان الفندق وشوفي بعدها الوقت يناسبج او لا
عشان تشوفونها بكل اريحيه






بالنسبه لليوم الرابع ليش ماتروحين زيوريخ وشلالات شافهاوزن
من وسط انتر لاكن الى زيرويخ ساعه ونص تقريبا 120 كيلو




او تروحين لوزيرن Luzern
من انتر لاكن الى لوزيرن ممكن تاخذونها بأقل من ساعه
69 كيلو فقط


اشرايج وبعد شنو امري عشان نخلص انا واخوي القطري ونزغرط هههههههه

ماشاءالله تبارك الله ..

رايتك بيضا الغالي ..


جهد تشكر عليه للامانه ..


ولوا انك قدامي كان حبيت راسك ..


اموفق الغالي ..


اختي اميره بكمل المتابعه ع السايلانت ..


اذا تبين اماكن واحداثيات شوفي هالموضوع ..


http://www.arabtravelersforum.com/travel750029/




وهذا


http://www.arabtravelersforum.com/travel124526/




Good luck guys

السلام عليكمهلا اخوي قطر991
ياريال والله اني تعبت من الكتابة والقراية بعد هههههههههههههه
هاي السفرة بطلع عيني


زين نبدا اول شي مشكووووووور على خط السير بين قارمش وزيلامسي وسالزبورغ
بس ياريت لو تحطلي احداثيات المكان بالضبط وين نبركن ولا وين في زيلامسي وسالزبورغ
يعني احداثيات المكان الي جدام فندق الجراند
واحداثيات الباركنات الي جدام شارع التمشي في سالزبورغ


تعال خبرني
من هالريال الغاوي الي في المركب


بالنسبة للمركب كيف بعرف وين باجره اكيد هناك في وايد اماكن جنب بعض واخاف اخربط!! عطني علامة ثانية
مطعم علي بابا في زلامسي حلو اكله؟؟ شكلنا بننقع من الاكل الهندي فالسفرة


بالنسبة لسيم كارد لازم نتريا اليوم الثالث عشان نشتريها؟؟
مانقدر نشتريها من قارمش ولا احسن نتريا سويسرا
اخوي اكيد مابيتريا لين سويسرا
واذا اخذناها من قارمش كم بيكون سعرها او سعر باقة الانترنت
في عندهم باقة مال بو اسبوع او 10 ايام؟؟


بخصوص المطعم الهندي في انترلاكن انا اصلا ماعرف الشارع التجاري هذا وين عشان اتجه صوبه خخخخخخخ
ياريت اسم المطعم او احداثياته على الاقل (اعرف اني مصختها)


زين بعد ماتحل موضوع الاحداثيات
وين تنصحني اروح فاليوم الرابع في انترلاكن


واليومين الاخيرين اسكن وين لوزان ولا انسي
واذا كان في انسي وين اسكن


اعرف طلباتي كثيره بس انت قدها

ماشاء الله عليكمكل ها كتبتوه وانا كنت اكتب الرد
ابدعتوا انتوا الاثنين


بحاول ادخل الموضوعين الي حطاهم اخوي القطري واشوف اذا حصلت الاحداثيات الي ابغيها


بس ترا اخوي قطر991 لاتنسى الاحداثيات الي تخص مواقف جدام فندق الجراند في زلامسي ومواقف جدام شارع التمشية في سالزبورغ هاي عليك
والمطعم الهندي الي في انترلاكن على الاقل اسمه


وانتوا الاثنين مارديتوا علي بخصوص وين اسكن اخر يوم
في خاطري انسي بس ما اعرف هل هيه بتكون زينه حق نقطة انطلاق للوزان ومنترو وايفيان؟ واذا حبيت اسكن فيها شو الفندق المرشحابغي المنطقة الي اسكن فيها اخر يومين فيها حياة شوي فالليل
هل انسي فيها حياة فالليل؟؟؟؟؟؟؟


اخوي قطر991
بخصوص الجدول لليوم الرابع
انا اخترت لويزرن وقمة تتلس تقريبا اليوم الثالث
والشلالات اليوم الثاني
واليوم الاول طبعا الوصول ويمكن بحيرة بلوسي بس فالطريج بين قارمش وانترلاكن بمر على شلالات الراين يعني بكون خلصتها


باقي اليوم الرابع وبحاول اشوف له شي من المواضيع الي حطهم اخوي القطري وانت اذا خطر علي بالك مكان ثاني خبرني

مساكم الله بالخير

اخوي القطري يسلم راسك ويرحم الله والديك ياالشيخ
ماشاء الله عليك مبدددع ماتقصر مع الاعضاء
مع اني عضو جديد بالمنتدى بس مشاركاتك لفتت نظري كثير
عساك على القوه ان شاء الله






ياهلا ومرحبا اختي اميره الامارات
ههههه الحمدلله حطينا المشاركه قبل لاتكتبين ردج




الغاوي هذا جابرينه الا يصور كاني اخبرتج هههههههههههه
وماحصلت عندي الا ذي للصوره لجزء من المركب


بشرح لج مكان المراكب


فندق غراند يتكون من عدد 2 مباني
واحد منهم الابيض هو القديم والرئيسي وفيه اللوبي وكل شي
والمبنى الي جنبه هو فندق غراند المبنى الجديد


في المبنى الجديد بالخلف من جهه البحيره توجد المراكب الي اقصدها
يعني مكتبهم للتأجير داخل المبنى الجديد بس الباب جهه البحيره


لكن المراكب الثانيه من جنبه ماعندهم مكتب بس الي يشتغلون يكونون واقفين جنب المراكب
يعني لين رحت هناك بتشوفينهم


صوره توضيحيه


http://www.gulfup.com/?xWYqNP




اي مطعم على بابا حلو اكله ومجرب وايد
وهو اصلا احسن الموجود هناك
وعندهم قريبه منهم بقاله على بابا فيها نفس اكلنا ههههههه


بخصوص المطاعم الهنديه حلوه بكل مكان
وعندج بعد المطاعم الايطاليه بوصف لج مطعم ايطالي في انترلاكن
جلسته حلوه واكل حلو في مشاركه ثانيه مع الهندي في انتر لاكن


تقدرين تاخذين سيم كارد حق الانترنت والتلفون من ميونخ بالمطار اولما توصلين غارمش
ويعني حق استعمال يومين اعتقد يطلع عليج الكارت مع النت مع 5 يورو مكالمات
10 او 15 يورو
لا هم ماعندهم باقات على ما اعتقد فقط النت عندهم بالميجا
لين خلص الميجا تعبينه مره ثانيه حسب استعمالج


ولما توصلين انتر لاكن خذي من المحل الي قلت لج عنه كرت ليبارا فقط
لانها افضل وارخص الشركات




والحين قاعد اشتغل لج على الاحداثيات كلها اجهزها وانزلها لج
يعني بترك رد كامل للأحداثيات




بالنسبه لليوم الرابع في انتر لاكن
خليني اراجع مشاركاتج واشوف


بالنسبه للسكن في لوزان او انسي
اتوقع انسي افضل
وفيها اماكن جميله يعني تستحق الزياره
لان لوزان تقع في نفس بحيره جنيف
لكن انسي في فرنسا فهي غير حتى الطبيعه الي فيها




قرري وين تبغين حسب رغبتج ونشوف لج الفنادق




بأنتظارج

النت عندي قطع وقعد اضارب وياه لين اشتغلشكرا على الرد السريع اخوي الغاوي


بانتظار الاحداثيات -- قريت موضوع اخونا القطري بس بعدني مب مركزة لان ماعرف كل الاماكن الي هوه طارحنها
وللاسف مالحقت اقرا تقرير هداوة بس ان شاء الله احاول باجر ولا اني اسهر اليوم ماعرف
اوردي الحين الساعة 2 فالليل


حلو اوصفلي المطاعم وياريت الاحداثيات
لان بالوصف شوي صعب علي لان اصلا ماكد رحت هناك ولو قلتلي يمين ويسار مابعرف


بخصوص انسي افكر اخذ فيها اخر ليلتين شوفلي السكن الا اذا جد جديد بعد قراءة التقارير
المشكلة كل ما اقرا تقرير تكون الردود فيه اكثر من التقرير نفسه وياخذ مني وقت وما الحق الا على تقرير واحد لين اخلصة
عشان جيه انا تعبت من التدوير واغلب المواضيع متشابهه بس لين اطلع بوجهه يديدة مصورة اخذ وقت وفي بعض التقارير مافيها صور
وفي بعضها يكتبون اسم المنطقة ويوصوفون كيف يوصلولها بالقطار والباص وانا اتوه وقتها لان عنا سيارة وماعرف كيف اوصل بالسيارة
ماعندي حل الا الاحداثيات
وكل ماشفت صور الاماكن كان الاحسن لي فالاختيار لان بشوفها تعجبني ولا لا
مثلا موضوع اخونا القطري وزيارته لانترلاكن اول مره
عجبني فيه رحلتين رحلة لويزرن مع قمة تتلس في زيارة وحدة وكان مرتب مع الصور
الرحلة الثانية كانت لشلال ترومبل باخ وقلت لازم شي وياه فقررت الجس باخ
وتم عندي يوم بحاول اقرا بعد عن الاماكن عشان الي يدش خاطري احطه فالخطة


كنت افكر اروح اليورب بارك بس خفت ماتعجبني لان اصلا انا مش من هواة الالعاب
وبتكون اوردي بعيدة وايد عن انترلاكن صح


بشوف الاحداثيات الي انت بتطرشها لي وبحاول اجمع الباجي من المواضيع ان شاء الله اذا قدرت اقرا اكثر
الموضوع عندي الحين مسئلة وقت وتنظيم لان كله على راسي وين بنطلع ووين بندخل وترتيب الرحلات والوقت في كل يوم


ياريت الاعضاء الي يكتبون تقارير يحطون في اول التقرير لنك لكل صفحة فيها جزء من الرحلة بدل ما اقرا 20 صفحة واغلبها ردود
انا احب اقرا الردود وفيها استفسارات من الاعضاء بس المشكلة ماعندي وقت وبدا العد التنازلي لسفرتي يوم السبت
وعندي تجهيز اغراض السفر بعد غير الدوام


اسفة كتبت موشح

السلام عليكمبعدني ماقررت اذا بسكن في انسي ولا لا بس للاحتياط حجزت فندق لان قربت الغرف تنفذ فيه
بست وسترن كارلتون أنيسي


في فنادق ثانية عجبتني بس مااحصل عندهم غرف توامية كله سرير واحد
حجزت مع ممكن الالغاء بدون افطار وبدون موقف لان مب حاطين كم الرسوم وطلبت حجز للسيارة بس ماعرف كم بيطلع
انا قلت احتياط لين مااستقر بين لوزان او انسي


شو رايكم فالفندق؟؟

مساكم الله بالخير جميعا شخبارج اختي اميره الامارات
الحين بعرض عليج الاحداثيات لأهم الاماكن الي بتروحين لها
واذا في اماكن ثانيه تبغين احداثياتها خبريني ومايصير خاطرج الاطيب


احداثيات الفندق قارمش
Atlas Grand Hotel
47°29'37.7"N 11°06'39.0"E




احداثيه زيلامسي
مواقف قريبه من فندق غراند
47°19'26.3"N 12°47'58.9"E


بس طبعا المواقف قليله جدا
لان ممنوع الوقوف في مواقف الفندق لغير الساكنين


الافضل الوقوف في محطه القطارات افضل
احداثيه مواقف المحطه
47°19'15.0"N 12°47'47.0"E


المحطه قريبه من فندق غراند اقل من خمس دقايق مشي


وهنا ايضا مواقف جنب سوبر ماركت عربي
وجنب منطقه المشاه في زيلامسي وقريب من فندق غراند
47°19'22.6"N 12°47'50.0"E




سالزبورغ
مواقف سالزبورغ على النهر جنب الكوفيهات وشارع المشاه
47°48'05.6"N 13°02'26.7"E




فندق بلفيو انتر لاكن


46°41'09.6"N 7°51'08.1"E




شلالات تروميل باخ انتر لاكن


46°34'21.0"N 7°54'43.2"E


شلالات جس باخ
46°44'05.6"N 8°01'35.1"E


البحيره الزرقاء بلوسي Blausse


46°32'02.6"N 7°40'03.1"E


كابرون قمه Kitzsteinhorn
طبعا احلى قمه


47°13'45.7"N 12°43'36.9"E




شلالات نهر الراين (شافهاوزن)


47°40'30.1"N 8°36'54.2"E

مواقف قمه تتلس لوزيرن


46°48'58.4"N 8°23'44.5"E







تقريبا ذي احداثيات جميع الاماكن المذكوره
راجعي معاي شوفي شنو ناقص عشان افيدج بها
والاحداثياث لمواقف السيارات لكل مكان




اتمنى اني وفقت

بصراحة اخجلتونياهتمامكم هذا ابدا ماراح انساه ماحييت



اسمحولي والله اتاخرت فالرد بسبب التجهيزات
اخ قطر991 بصراحة ابدعت بخصوص الاحداثيات لان صدق ماكان عندي وقت ارتبهم
اليوم ان شاء الله بحاول احدد الاشياء الثانية والي تحتاج احداثيات بخبرك فيها ان شاء الله
وين اوقف في لويزرن لو حبيت ازور المدينة بس وزيورخ بعد ممكن احداثيات مواقف


فكرت ان اخلي اليوم الرابع في انترلاكن التجوال في لوزان ومنترو
واليومين الاخيرين اخليهم يوم في بادن بادن او فرايبورغ واليوم الاخير في انسي
يعني ابات ليله في بادن بادن وليلة ثانية في انسي عشان جريب من المطار


شو رايكم اسوي جذيه ولا لا وكم المسافات
لان ابغي ازور منطقة هايدلبيرغ الي هيه جريبة من بادن بادن تقريبا ساعة لان كنت زايرتنها قبل وابغي اكرر الزيارة لو كم ساعة
وممكن احداثيات هالمناطق



بانتظار ردكم


بروح الحين وبردلكم ان شاء الله

بصراحة ماعرف كيف اشكرككنت خلاص بحجز في بادن بادن ليله
لان في قوقل ماب كاتب ان من انترلاكمن الين بادن بادن 3 ساعات و20 دقيقة
ومن بادن بادن لين جنيف 4 ساعات ونص وقت عشان ما اخليها اربع ساعات ممكن انزل في منترو اقرب فبتكون اقل عن 4 ساعات


الحين بعدني محتارة وين اسكن في منترو ولا لوزان ولا انسي
اخونا ابوعزيز كاتب ان حلاة انسي فالصيف ومب حلوة فالشتاء على ما اذكر يعني انه هوه الي قال
عشان جيه اترددت في انسي


ماعليك امر اكتبلي احداثيات زيورخ الي عند القطار
واحداثيات وين نوقف في لوزيرن اذا حبينا نتمشى فيها اقصد غير مواقف قمة تتلس


في بعد قمة الهاردكلم الي تكلمت عنها اختنا هداوة وين نوقف عشان نطلعها


هذا لين الحين واشكرك على متابعتك وياي والسموحة من باقي الاعضاء الي سفرهم شوي بعيد
^_^

تستاهل حبة راس ثانيه ^^

رايتك بيضا الغالي ..


مداخله ع الماشي ^^
مواقف هارد كولم مايحتاج احداثيات ..
اذا سكنتوا في انترلاكن روحوا لها مشي لانها في داخل انترلاكن ..


مداخله ثانيه بالنسبه للسكن في لوزان او مونترو ..
كلها قريبه من جنيف ..
فليش ماتسكنون في جنيف ومنها اتروحون هالاماكن واتجون عشان ماتقعدون كل اشوي شالين الشناط ..


ومتابع معكم ..

ولكممممم باااك اخوي الغالي القطري حبتك العافيه ان شاء الله
ورايتك جزاك الله خير
مانستغني عن لمساتك الساحرره المختصره والمفيده


بخصوص انها تسكن في جنيف اقترحنا عليها سابقا
لان جنيف طريق العوده
ولانها تتوسط بحيره انسي ولوزان


لكنها ماتبغي تسكن في جنيف

السلام عليكمشحالكم
فديتكم والله اخواني


افرح يوم اشوفكم ثنيناتكم في موضوعي الي صار بروحة تقرير


ماتبون تعرفون شو اخر ماتوصلنا له انا واخوي من بدع


ترانا مابنخلص ومابتزعرطون قرييب


الله يسلمكم واحد من ربع اخوي قاله شو تبغي بقارمش ماينبات فيها لانها تموت الحياة فيها بدري
وروح زيلامسي تراها ارحم في هالموضوع
قصدة اننا مانبات في قارمش
وقالي غيري الحجز من قارمش لزيلامسي
زين المشكلة في شو الحين


المشكلة في المسافة الي بتكبر علينا من زيلامسي لانترلاكن 6 ساعات انا ما اقدر اتحملها صراحة
قلتله على الاقل نحاول نكنسل ليلة من الخمس ليالي في انترلاكن ونخلي يوم في منطقة بين زيلامسي وانترلاكن
يعني نبات يوم فالمنتصف
سياسة فندق بافليو فالحجز الي انا خذته ان لو غيرنا التواريخ او كنسلنا خلال 7 ايام قبل موعد الفندق بنخسر 20 فرنك
انا اقول عادي 20 فرنك بس اخاف اني اصلا فاهمة غلط واغير واتبهدل


زين لو التغيير طلع عادي ونخسر بس 20 فرنك خلينا نرد نرتب الجدول




1- يومين زيلامسي
2- يومين منطقة وسطية مثلا كونستانس ( وانروح منها يوم لبادن بادن ينفع ولا لا )
3- اربع ايام في انترلاكن
4- يوم في جنيف او لوزان لان كل قريب من المطار


او الخيار الثاني الي هوه


1- يومين زيلامسي
2- يوم كونستانس مثلا او شو تقترحون مدينة وسطية
3- خمس ايام انترلاكن
4- يوم جنيف


يعني الاختلاف بينهم ان اخلي يومين فالنص بين زيلامسي وانترلاكن ولا يوم واحد وبس


يالله ساعدوني بالقرار بليييييييييز

هههههههههههه الظاهر صدق افتر راسك ركز ركز ركز


انا كنت حاجزة في قارمش واوردي كنسلت الحجز
وعندي 5 ليالي في انترلاكن في فندق بافليو وقلتلك ان اعتقد اقدر اكنسل او اغير في خلال السبع ايام قبل موعد دخول الفندق(هذا اذا انا فاهمة صح)
وهيه من تواريخ 20 لحد 25
وحجزت يومين في انسي واقدر اكنسله


يعني الحين بس موضوع فندق بافليو

بعدين لين اسبروك مب كنستانس؟؟؟لان من كنستانس اقدر اروح شالالت الراين وبادن بادن لو خليتها يومين


يعني 2 زيلامسي
2 كونستانس
4 انترلاكن
1 جنيف


شو رايك

ادخل على فندق بافليو وحط نفس التواريخ بتطلعلك غرفة سبوريور ب 4200 درهم تقريباوحط المؤشر عدال علامة الاستفهام عشان تقرا الشروط

المشاركة الأصلية كتبت بواسطة أميرة الإمارات
http://www.arabtravelersforum.com/tr...6/#post8359056

بعدين لين اسبروك مب كنستانس؟؟؟لان من كنستانس اقدر اروح شالالت الراين وبادن بادن لو خليتها يومين


يعني 2 زيلامسي
2 كونستانس
4 انترلاكن
1 جنيف


شو رايك





ترتيبج جذي ممتاااااااز

خليني اول اكتب لج المسافات بينهم


من زيلامسي الى كونستانس 5 ساعات
من كونستانس الى بادن بادن 3 ساعات
يعني تقدرين تروحين 3 ساعات روحه و3 ساعات رجعه
وهل يمديكم تشوفونها كلها


انا من رايي يومين في كونستانس
تقدرين تروحين شلالات الرابن ساعه الاربع الطريق
وتقدرين تروحين الى زيوريخ في اقل من ساعه




زيلامسي 2
كونستانس2
انترلاكن 3
لوزيرن 1
انسي 1


اعتقد الي عندج 9 ليالي
انا اشوف مافي داعي تروحين بادن بادن


والا شو رايج