الموضوع: استفسار عن مدة الضمان المالي الجديد هام

اخواني متى لازم الواحد يكون برى المملكة ويتواجد في امريكا اذا طلع له الضمان المالي
للبعثات بعد اسبوع ؟

ومتى اخر مدة يقدر يروح فيها ؟

وكم مدة الضمان المالي اذا طلع ؟

وهل اذا جبت الاي توني وجلست شوي بالسعودية رحت هل ياثر ؟

الرجاء الافادة لوجود ظروف خاصة

يعني اللي فهمته انا ان اللي خلاص وضعه اوكي وجاه الضمان المالي

اخر مدة لي في شهر 9 ميلادي لازم يكون مضبط اموره وجايب الاي توني

ومخلص امور السفارة عشان يسافر في 10 هل هذا صحيح

لاني ودي مثلا اروح في شهر 12 هل استطيع ؟؟؟

الرجاء الافادة وشكرا للجميع

مواضيع عشوائيه ممكن تكون تعجبك اخترناها لك:

• مهم محتاج معلومات عن رحلتي بعد يوم
• تخصص ماستر رياض اطفال اتمنى تفيدوني
• الموعد
• ساااعدوني
• جربت معهد لغه كويس في امريكا ؟ ياليت تتفضل
• واحد يوضح لنا ياشباب هل صحيح الدراسات العليا مالهم مقابلة ؟؟؟
• ما هي افضل ولاية في امريكة للدراسة من حيث الامان
• معهد لغة لمدة شهر
• رحلتي إلى سوريا هـ
• تطمين من وزاة التعليم العالي الوزارة تطمئن
• ما هي أفضل مستشفيات جنوب بريطانيا
• النماذج الضرورية للتقديم على الفيزة من السفارات الأمريكية
• يا شباب تكفون نبي اجابات كافية
• الغالي ملبورن نصيحتك لي
• لا تدخل إلا بمشاركة وإلا؟؟؟؟
• طالبين مساعده
• اخواني مساعده
• نصائحكم لدراسة اللغة في الصيف
• 被تعلم لغة في بريطانيا被
• طلب مساعدة ضروروروي

اخي الفاضل اتمنى منك بالبداية انك تاخذ نفس

ورتب افكارك لان صراحة دخت وانا اقرى

ولكن بمشي معك خطوة خطوة

الضمان المالي مدته سنة ولكن نظام الوزارة يتقفل بعد فتح البعثات ب 4 - 5 شهور تقريبا يعني بعد 5 شهور كحد اقصى ماجبت لك قبول من اي جامعة تبله وتشرب ميته .

بعد التصفيات اللي بتصير راح تستلم الضمان المالي بشهر 9 ( سبتمبر )
الوزارة شارطة انك تبدا دراسة اما بيناير او مارس يعني بشهر 1 او شهر 3

ولا تستسهل الموضوع لان غالبا بيفتوك موعد يناير لكثرة الضغط على السفارة الامريكية

اخوي انت مستسهل الموضوع بشكل شديد وهو موب بهالبساطة الرجاء زيارة المواضيع المختصة

لاخذ فكرة كاملة عن الموضوع

تحياتي وبالتوفيق

???????????????????????????????????????

مشكور اخوي انك جاوبتني على تساؤلي وسوري اذا تعبتك معاي

بس ودي اشرح لك زيادة

بالنسبة لموعد حصول المتقدم للبعثة على الضمان المالي سوف يكون في 2 - 9

وانا ياطويل العمر مضبط اموري بالسفارة الامريكية واقدر اجيب الاي توني (انسى هالموضوعين) ان شاء الله

اما تساؤلي هو ياطويل العمر

هل اقدر افعل الاتي :

اتاني الضمان المالي (باذن الله ) اجيب اي توني في شهر 25-10 واطلع التأشيرة واخلص كل شئ بعيد الفطر يكون الوضع اوكي

واقعد في الرياض وماروح الا قبل بداية 1-1-2007 باسبوعين

هنا السؤال وشكرا ,,,

عذرا اخواني تراني ما فهمت شي

ممكن تعيد الشرح اخوي عشان اقدر اساعدك

.. أخوي الضمان المالي يعطى لك من أجل إحضار أي توني .. فإذا انت عندك اي توني خلاص .. انسى شي اسمه ضمان مالي .. يبقى عليك تطلع الفيزا و تستلم قرار الإبتعاث ..
قولك انك تريد السفر قبل 1-1-2007 .. اعتقد ان هذا هو الشي الوارد .. لأن الجامعات تبدأ الدراسة مع السنة الجديدة .. و قرار الإبتعاث راح يصدر بعد ما تكمل اوراقك كلها . يعني في شهر 11 أو 12 ..
.. و بالتوفيق ..

ككككككككككككككككككككككككككككككككككككككككككككك ك على بالحرام وقسم مليون اني ما فهمت شى وان اللغة الصينية اسهل من الكلام الى يقوله ككككككككك

مشكورين اخواني على التوضيح وردودكم كلها تبين لي ولجميع من يقرأ الموضوع انكم فهمتوا الموضوع الذي اتساءل عنه وهذا ان دل انما يدل على طيبة قلوبكم وحبكم لجميع اعضاء المنتدى الفعال
واخص بالذكر اخواني
حسين - ريد هارت - دكتور فادي - جوليانو والى الامام للرقي بهذا الصرح العظيم

شكرا ,,,

يعني بدأت الصورة توضح

انت تقول ان ماعندك مشكلة بالاجراءات وتستفسر متى اخر موعد تسمح الوزارة تسافر فيه الى امريكا

اخوي الغالي صدقني انك مستسهل الموضوع مرة لسببين

الاول صعوبة انك تنضم للبعثة الحالية الا ان كان عندك واسطة وهذا الواضح من كلامك .
الثاني انك بتجيب اي توني بضمانك الشخصي بالبداية و بعدين بتحوله على الوزاة وهالشغلانة تاخذ وقت
وبشكل عام مالها جدوى

عموما كلامك انك مضبط وضعك بالسفارة هذا كلام غريب لان السفارة مهيب لعب ولاهي زي وزارة التعليم العالي عشان تجيب لها واسطة

الكلام جبته من سابق تجربة لعدة زملاء افاضل لهم علاقات قوية ماقدروا ولا بالف واسطة انهم يستفيدون من السفارة ولا حتى باتفه الامور الله يديم النظام .

عموما النظام الامريكي اساسا مايسمح لك تكون متواجد في امريكا قبل موعد بدراستك ب 30 يوم على الاكثر

يعني الدراسة تبتدي ب 20 يناير و هم مايبغون يشوفون وجهك قبل 20 ديسمبر على الاقل فهمت يالغالي

يعني انت مجبر انك تقعد بالسعودية غصب عليك الى ان يجي موعد دراستك .

اتمنى انك استفدت وان كان عندك واسطة وش رايك نصير اصدقاء

تحياتي وبالتوفيق للجميع .

هاا بشر يا مستر كم جبت في القدرات ؟؟؟؟؟؟؟



وباقي الشباب كلهم

سلامولي