رحت أحد مكاتب مساعدة الطلاب على الإبتعاث مع أحد الأصدقاء اللي رفضت مساعدته او غيره رفضا تاما :112: إلا عن طريق المنتدى وقلت له خش وشوف وش عندي وعند غيري من معلومات
(ما أحسني أعلمهم واكتب لهم وأترجم لهم وفي الأخير هم في امريكا بدون كلمة شكر او حتى هاتف يخبرني وش صار أو حتى هو يرد على تلفوني او رسائلي الله يسامحهم)
المهم خشينا طبعا ما شاء الله المكتب كبير وجميل ومليان طلاب
شوية دخلنا كلنا غرفة إجتماعات صغيرة
طبعا صاحب المكتب دكتور سعودي (أتحفظ على الإسم والمكتب)
جلس معانا ويشوف وش عند كل واحد
وانا ادبر لك وأنا بصلح لك وأنت يبيلك وانت يحتاج لك
والشهادة لله انه متعاون ولطيف
وفي الأخير المبلغ المطلوب 3000 ريال :11ight:
(مبلغ المراسلة العادية إذا ما عندك مشاكل طبعا وانت ما تدري وش بيصير )
صراحة بغيت اتكلم بس قاطع وقال غيركم دفع 10 الآف ريال
طيب تترجم الشهادة والترانس ؟ طبعا لا
تظمن القبول؟ إن شاء الله بنسبة 100%
قلت له والله المبلغ واجد وأنت بتجمع الطلاب كلهم في جامعة واحدة وفي ولاية واحدة ما تركت لكل واحد خيار
قال هذا سعري وشوف غيري
----------------
لو أقول لكم كم كلفتني ما بتصدقون
راسلت جامعتين بمبلغ 110 ريال كلفة المراسلة
وكلفة القبول جامعة بـ 150 ريال والثانية 225
ووصلت اوراقي في ظرف أسبوعين
هذا مبلغ المراسلة
الترجمة بـ 300 ريال
أجمع 110 + 150 + 225+ 300 = 785 ريال قيمة قبولين في جامعتين مختلفتين
طبعا أنت لو بتراسل بنفسك يمكن يزيد مبلغ المراسلة إذا ما تعرف أحد عنده خصم من DHL أو FedEx او غيرها
فمراسلة جامعة واحدة يمكن تكلفك بالكثير 600 ريال مثال الـ DHL
أجمع 600 + 225 + 400 = 1225 ريال
المفروض القبول ما يزيد عن المبلغ الأخير في حالة الترجمة والمراسلة وكلها كتبتها بأعلى الأسعار
هي يبي لها فهلوة ومعرفة ناس لها خبرة في مجال البعثات للمساعدة
نبي آرائكم في المبالغ وكم كلفتكم المراسلة
مواضيع عشوائيه ممكن تكون تعجبك اخترناها لك:
رد مع اقتباس
المشاركة الأصلية كتبت بواسطة ابن السعودية
المفضلات