الموضوع: استفسار عن طرق الوصول لباريس من المانيا

يسعد مساءكم اهل فرنسا

باذن الله بيوم 11 يونيو بطلع لالمانيا والنمسا
محطه الوصول مطار ميونخ

جت ببالي ازور فرنسا
اقتراحاتكم للوصول لباريس

مع العلم انه معنا سياره من المانيا بنستلمها باذن الله

سياره ؟ وكم مدتها بالسياره ؟

قطار ؟ كم ساعه ؟ وهل فيه تبديل محطات ؟ و هل صعب طريقه القطار حقتهم للي اول مره يسافر اوروبا

طيران ؟ كم تقريبا اسعار التذاكر ؟ الميزانيه محدوده من الموبايل

مواضيع عشوائيه ممكن تكون تعجبك اخترناها لك:

• ساعدوني قبل مايفوت الوقت
• رأيكم يهمنياتمنى الافاده بأسرع وقت
• الطريق الى مطار باريس
• فندق في ستراسبورغ
• اتمنى الافاده عن افضل فندق نجوم
• وصولي باريس الخميس الجاي
• مساعدة برنامج لمدة ستة أيام في باريس
• مواصلات من مطار شالرز للشانز
• خبراء اوروبا وفرنسا ارجو الافاده،،
• الصور في الفيزا
• ما أفضل فنادق دزني لاند باريس؟
• باريسيـــــات بقــــــــلم وكامــــــــيرا الأخت سفريات
• فندق رايكم فيه لاهنتوا خبراء باريس
• الاماكن السياحية في باريس وديزني لاند ومطار شارل ديغول؟
• ابي شرح مفصل لاني اول مرة ارجوكم ساعدوني ولاتتاخرون
• سؤال عن مركز بيع
• قرية ريفية بين بلجيكا وفرنسا
• الدخول لفرنسا
• ساروجة اسطنبول الصغرى في قلب دمشق
• السفر من الاردن الى سوريا

..

من وين بالضبط تبيون تروحون ع باريس ؟
يعني رحلتكم بدايتها المانيا بعدها النمسا وتختمونها بباريس ؟
والسياره تاخذونها ب المانيا ووين تسلمونها ؟
وكم التواريخ بالضبط وعددكم من الموبايل

بنبدا بالمانيا وصول
بعدها زيلامسي وسالزبورغ يمكن
وبعدين وين نروح ؟

مدري وين نسلمها الصراحه هي ع التخطيط الاولي المانيا

التاريخ 11 يونيو

عددنا 2

هوني مون من الموبايل

انصحك طيران علي الفرنسيه وخلو السياره بعد عودتكم افضل
تقريبا 300 يورو ومن مواقع اخري لقيتها اقل
وكلها ساعه ونص

في مشكله
انه تم الحجز ذهاب وعوده المانيا
واول الوصول بيكون سيدا لسالزبورغ واخر التخطيط ميونخ
هذا تخطيطينا

مو مشكله رحله العوده ممكن نحجز من جديد من فرنسا

بس احس حسنا الموضوع مررره. متى ارجع لميونخ والمشكله مبدئي الفنادق خلصناها

وهل فرنسا لها فيزا لحااال ؟ من الموبايل

مالها فيزا لحال

اذا خططتم وخلصتوا خلاص لا تخربطون جدولكم علشان باريس

..

دامكم حجزتوا تقريبا كل شيء ،، ما بيمدي تدخلين باريس
خليها بالجايات :004:

انا عشانها هوني مون وذكرياتها بتكون اجمل
وكان ودي نضيف باريس عشانها ديره صخب

ودي اطلع بحل ولاادري كيف


بس اللي ابي اتاكد منه فرنسا مالها شنقن لحال لاني بطلع ان شاء الله المانيه
بس سمعت انه لندن وفرنسا فيزهم غير عن اوروبا من الموبايل

..

لا اختي فرنسا ضمن الشنغن - لندن فيزتها لحالها ..
بس اذا انتوا حجزتوا الفنادق والسياره وكل شيء
كيف بتدخلين فرنسا ؟
الا اذا تلغين ايام من المانيا والنمسا ونص والوصول لفرنسا ممكن بالطيران المخفض

..


اجل مالك الا تنسين باريس
والمانيا والنمسا بتساعدك تنسيها من جمال طبيعتها خخخخخ
اشرطي ذكرى زواجكم تكون بباريس < لا يسمعني يدعي علي خخخخخخ

لا تخسرين الرجال وخليك من رومه خخخخخخخخخخخ

شهر العسل يبيله روقان مو شحططه من فندق لفندك

لا رجعتي من السفره قال ايش شعورك قولي له حبيبي شكرا لك .......لكن تمنيت باريس

لحظتها بيقول ابشري قولي له وعد بيقول وعد
والرجال اذا وعد ما يكذب
والله يحط الكذاب بالنار

..

نصيحه من مجرب بعد لا تقولين تمنيت باريس بيقول ما ملت عينك هالفره هههههههه
قولي المره الجايه نخليها ع باريس
قلبنا انا وفيصل لفوزيه الدريع ههههههههههه

هههههههههههههههههههههه روما وفيصل

اخاف ان شاء الله لاجاء الحول ولاه طايره الطفه ههههههههههههه واخسر باريس

الله يرفع من قدركم لمساعدتي

بس للحين صدق بخاطري هالباريس

احيانا اقول ورى ماالف ((لفينا)) اعوض عنها

انا اللي تحسفت انه كل الهوني مون ريف وانا ابد مااحب اكون بريف احب الصخب
ولا اعرف ابد عن فينا شي من الموبايل

زين حاولي تراسلين فنادق لالغاء الحجز بالتنسيق مع بوكينق جربي واختاري تاريخ ممكن تلقين فيه رحلات وفنادق بباريس مناسبه

انا المشكله ماعندي فكره بالفنادق اللي انحجزت خخخخخخخ
طيب لو حصلتها كيف انسق مع بوكينق للالغاء ؟ من الموبايل

..

شوفي ي قلبي واضح ان كل امور هالرحله عليه
اطلبيه اجل انه يدخل باريس لو يومين وماراح يرد لك طلب هالفتره صدقيني ههههههههه
وخليه هو يلغي ويحجز ويسوي كل شيء دامه هو اللي خطط

روما ياعيني
تقريبا هو ضبطها بفتره كنت مرا استحي مو زي الحين ههههه
وخلصها وكلها ومدري ليه اختار غير مسترد شكله لانه لما قلت كنسل قال فيها دفع ضريبه الالغاء
مشكله كيف نضيف فرنسا وتذكره العوده منتهي امرها وغير مسترده اتوقع من الموبايل

اعتبريها خيره يا أختي والجايات اكثر ان شاء الله
لا تضغطون روحكم وتتعبون ما راح ترتاحون جذي في اي دوله