المشاركة الأصلية كتبت بواسطة الاستاذه دره
http://www.arabtravelersforum.com/tr...5/#post4143615

هلا ومرحبا بجارنا بايرفاين برمضان حنا وصلنا من فتره قبل رمضان وتمشينا اغلب الطلعات قبل رمضان وخلينا كم طلعه بعد العيييد هه
لاننا مرتبين امورنا ان رمضان ركود للصيام والقيام الله يتقبل منا ومنكم وبالمره نكون مع العيال الي يدرسون هنا وحنا ساكنين في سبكتروم بالمجمع السكني فيليييجالرائع والطلعات اكيد فيه بس خفيفه مب زي قبل رمضان نطلع الصباح بعد الفطور مباشره ولانرجع الا بالليل بعد العشاء للنوم فقط
نطلع الان داخل المدينه طلعات بسيطه وممكن نطلع بعد سته للفطور على البحر الجو خيالي والغروب شي غير ونرتب بعد للفطور بالمركز الاسلامي جو روحاني رائع
غير طلعات تارقت وولمارت وكوسكتو تمشيه وتسوق للشقه
اما منطقة اناهايم اروحلها دايم للبقالات الي هناك واكثر شي الطيبات وسوبر كنج اشتري كل شي منها
العيال انبسطو من لقوا الفيمتو حبيبهم برمضان فيها وانا كيفت على قمر الدين عندهم ههه
حتى البسر!! أو تمر البرحي السكري لقيته فيها وحلو مرره وبكميات كبيره كراتين والله غريبه تعجبت من شفته مدري من وين جابوه؟؟؟
وبرجر ان ن اوت فعلا هذا المطعم المفضل للابناء ماعدا الي مايحبون اللحم لازم يدخلون قبل كنتاكي الي بجنبه لشراء وجبة الدجاج
السنبوسه الكل يدور سنبوسه !!! ودوروها باناهايم لايوجد بس انا ماخذتها رقاق مجمد من الرياض هه وتفضل اي وقت سمبوستك مقليه وجاهزه تستاهل بالعافيه وبالنسبه لمحل الفطاير سجلته بدوره اليوم بطلعتي وشكرا لخدماتك ماتقصر




الله يسلمك وما تقصرين والله .. لكن قلتها على سبيل المزاح .. ما فقدتها إلى الحين .. لاحقين عليها ..

أنا راعي قهوة وتمر على الفطور .. والحمد لله كل أنواع التمر مرسلها للشباب قبل ما أجي


بالنسبة للبرحي .. هذا إنتاج كاليفورنيا .. فيه مزارع برحي تبعد عن إرفاين تقريباً ساعتين على كلام واحد من الشباب راح هناك قبل إسبوع ..


لكن وين أحصله بأي بقالة ؟؟

ايش مخططكم بعد رمضان ؟؟ .. ومتى راجعين على البلاد ..

أنا مخططي سان فرانسسكو .. و نيويورك و بينها إحتمال ميامي ..


عندي سؤال عن السكن إلى ساكنين فيه .. الايجار شهري ولا كيف ؟؟



ونتمنى لكم صياماً مقبولاً ..


.


.

مواضيع عشوائيه ممكن تكون تعجبك اخترناها لك: