الموضوع: استفسار عن زيارة اماكن بالسياره

السلام عليكم
كالعاده منتدى العطاء و راعي العطاء ميدو احب ان اشكرك على مساعدتي في سفرة السنه الي راحت وكانت روعه.

استفساري هالمره بيكون شوي غير، وهو متشعب من ناحية الدول وماعرفت وين احطه، ف قلت مالها الا ميدو الذيب << يعني دهان سير هههههه
بالمختصر:-
- باخذ سياره من ميونخ وعلى طول بطلع لزيلامسي يومين.
- اليوم الثالث فينيسيا بدون المبيت فيها، نخلص وعلى روما واحتمال نقعد في فلورنس والصبح نمشي روما.
- يومين في روما وبعدها نمشي على بيزا مرور سريع ونكمل لفوق.

هني يوقف الجدول هههه، قلنا بنروح جنوى بس هل تسوى؟ او اعيد تجربة انترلاكن للمره الثالثه؟ او اكمل على طول لميونخ ومرور بمناطق. ياريت الافادة

مع العلم ان ميلان زرتها السنه الي راحت ومافيه نيه ازورها، وكذلك زيورخ و جنيف.

الطلعه بسياره وشباب يعني خذ راحتك

والسموحه على الاطاله من الموبايل

مواضيع عشوائيه ممكن تكون تعجبك اخترناها لك:

• من يفيدنا عن بطاقات التخفيض
• استفساار من اهل الخبره في سويسرا
• هذا مخطط رحلتيلاأستغني عن ملاحظتكم وتوجيهكم
• رحلتي بالقطار من زلمسي الي فينا
• السلاآم عليكم مساعده الله يسعدكم
• استفسار بخصوص الفيزا
• اسنفسار عن زيارة سويسرا
• المعبر الجبلي
• مهم جدا ارجو الرد
• رحلتي الأولى الى سويسرا
• الايام الاكثر ازدحاما
• تساؤل
• انا في انترلاكن الآن ولا اعرف وش اسوي
• طلب فيزة قبل انتهاء الفيزة الحالية
• المحاوله لدخول على احداثيات سالم
• استفسار بخصوص تخطيط الرحله
• وش وضع البطاقه المشحونه في الشنقل
• رحلة البدوي الباهرة الى بلاد سويسرا الفاخرة شذرات من سيرته
• افيدوني سفري في ستمبر كيف الاجواء
• استفسار عن اندرقراوند جنيف

مع العلم ان الذهاب بتاريخ 23 - 8 والعوده 3 - 9 من الموبايل

ياااااااااااااا هلااااااااااااااا والله ومسهلا ..حي الله اخوي بو حارب ..


انا قلت الرجال قاعد يشتغل على التقرير حق العام الماضي تراه ما يقصد شي




يا غالي ..بقولك رأيي في مخططك ..وان شاء الله يطلع مزبوط




بالنسبة انك تطلع من زيلاميسي وتتمشى في فينيسيا ..وتبات في روما ..هذه انا اسف والله ...ما راح اشترك في الجريمة اللي راح ترتكبوها في حق السواق


اقترح عليك ..انك تطلع من زيلاميسي ..وتعين من الله خير في بلدة فيلاخ ..وتتمشى فيها شوي ..ثم تبات ليلة في فينيسيا .
اما في المنطقة العائمة ...والا في فينيسيا اليابسة .


ثم تحرك اليوم الثاني على روما ..وتقعد فيها يومين .


ثم تطلع شمال مرورا بفلورنس وبيزا ..وتبات في جنوة يوم واحد .


بعدها مرورا بسانت موريتز وخور ..الى أروسا يومين .


ثم مرورا بمدينة بريجنز ولينداو ....وتقعد يومين في جارمش


ثم يوم في ميونخ والعودة




كذا 11 يوم .








============


اذا ما قد زرت كونستانس وشلالات الراين وجزيرة الورود ..راح تكون اخر الايام كذا بعد اروسا:
يومين كونستانس
يوم واحد جارمش .
ومنها على مطار ميونخ .




==========




لسه المخطط يبيله اخذ وعطا ..وشاور اخوياك وشوف ..والله يكتب لك اللي فيه الخير .




وفي انتظار رأيك

يعطيك العافيه اخوي ميدو على مجهوداتك

هههههه والله جهزت نصه وييت بحطه قالي مايصير ومادري شو وتعايزت، بس اوعدك انه بينزل ان شاء الله

شوف انا رحت فينيسيا قبل، بس الي معاي لا، ف نبا نتفادى المبيت فيها قد مانقدر لاني حسيت انها ماتستاهل، ف انا قلت بنقعد فيها لين العصر ونروح على فلورنس ننام هناك والصبح نتمشى فيها شوي ونحرك على روما شو رايك ؟ ولاتحاتي السايق انا الي بسوق ههههه

هذي نقطه

الشي الثاني
ماحولك مكان تخييم في سويسرا 😁 يعني يكون معروف او مجرب من قبل حد من الاعضاء ياليت يفيدنا، نبي نجرب يوم
واذا مافيه شو احسن مكان تحس فيه نشاطات او اماكن بعد جنوى، ويكون فيه شي مثل القلاع القديمه او اماكن مميزه مثل قلعة بروك وجي

وشكرا مقدما من الموبايل

يا هلا والله بو حارب..


اجل ها...طلعت انت اللي بتسوق ..ليتني ما قلت لك






بالنسبة للكامبينج :


http://www.camping-jungfrauregion.ch...egorie=Aktuell


http://www.campinginterlaken.ch


http://lazyrancho.ch/pages/deutsch/willkommen.php


هذه مخيمات في انترلكن ...استمتع .




وبالنسبة للقلعة ..توجد قلعة بيننزونا من اجمل قلاع سويسرا ..وقريبة من لوقانو ..تستاهل الزيارة .






وبالنسبة لفلورانس ..تمر عليها وانت طالع من روما .




قلت لك ان فيلاخ والجنوب النمساوي يستاهل تقضي شوية وقت فيه ...ثم فينيسيا ...واذا ما ودك ..روح ريميني الساحلية .




اهم شي لا تروح روما في هذا اليوم




ولي عودة معك اخوي