الموضوع: السيارة ام القطار لمدة ايام شخصين

السلام عليكم

ارغب في السفر الى سويسرا و الخطه

يوم جنيف
4 ايام انترلاكن
يوم جنيف

هل الافضل استاجر سياره او تكفي سويس كارد او الهاف فير كارد ..
مع اني احب الخصوصية .. بالذات اذا كانت المشاوير طويلة ..


واذا فيه برنامج للخطه هذي بكون شاكر لكم


للتوضيح .. المسافرون فقط انا و زوجتي

تقبلو تحيتي

مواضيع عشوائيه ممكن تكون تعجبك اخترناها لك:

• استفسار لشهر عسل
• ممكن مساعده بترتيب رحلتي
• مساعدة في مخطط رحلتي
• أخوكم عصوووم محتاج مساعدتكم
• استفسار
• استفسااااار عاجل بخصوص الشنغن
• استفسار بسيط وين خبراء الشنقن
• استفسار بخصوص البطاقات
• ايهم اقرب مسافة لمنصع كالير للشكولاتة من انترلاكن او جنيف
• محتار بينهم في برنامجي نبي رايكم
• يا أهل الخبرة نريد فزعتكم
• هل يتم تفتيش اللاب توب في مطار جنيف
• سؤال عن المسافه بين زيوريخ و شامونيه الفرنسيه
• ساعدوني في تريب الرحله الي سويسرا
• مطعم شاليمار في انترلاكن
• اهم الاماكن في سويسرا
• عاجل احد يساعدني مكان ترجمة معتمد لخطاب تعريف بالراتب بالمدينة
• مشورتكم في ترتيب جدول سياحي الله لا يهينكم
• افضل الفنادق في سويسرا
• استفسارات رحلتي الى سويسرا وفرنسا

الافضل من وجهة نظري والامتع والاروع ..القيادة في الريف السويسري ..


ولازم تكون معاك الرخصة الدولية + الرخصة المحلية + بطاقة فيزا .
.




لكن لو كانت معاك السويس باس ..ما تحتاج سيارة ..والعكس ايضا صحيح .




اذا معاك سيارة ..ما تحتاج السويس باس ...
http://www.arabtravelersforum.com/travel62167/


ممكن تحتاج السويس هاف فير باس اذا معك سيارة ..واللي يعطيك خصم 50 % على المواصلات .
وبيفيدك في حالة واحدة فقط :

..احسبو قيمة كل المواصلات للشخص الواحد البالغ ..اذا طلعت فوق 220 فرنك ..راح تستفيدو من البطاقة .
اذا اقل ..البطاقة تطلع عليكم بخسارة .
راح تقولي كيف؟
اعطيك مثال:
الصعود لقمة اوروبا مثلا ..يكلف للشخص 170 فرنك ..مع زيارة شلال الجس باخ 65 فرنك ..مع صعود لقمة اخرى ب 90 فرنك ..الخ .
المجموع = 325 فرنك ....بدون بطاقة الهاف فير.

ولو معاك البطاقة ..قيمتها 120 فرنك + نفس الانشطة اللي فوق بس 50 % من قيمتها .
يعني :
120 + 85 + 35 + 45 = 285 فرنك .

فيبقى انتم استفدتم من البطاقة بتوفير (325 - 285 = 40 فرنك )

وبالتوفيق.

الله يرضى عليك يا غالي

طيب بالنسبة للسيارة .. اكيد المتعة لها ضريبة ..

هل القيادة متعبة هناك من ناحية انظمة و من هذا القبيل . خصوصا المواقف

وهل الطرق صعبة او سهله و واضحة ؟

أبدا ابدا ..نفس السواقة اللي عندنا ..بس فيها زيادة اهتمام من ناحية الانظمة ..


مثلا السرعة في الخطوط السريعة 120 كم ..يبقى تمشي اقل من كذا .


داخل المدن 50 كم ..يبقى تلتزم بالسرعة المحددة .


وأمشي مع الخلق .




وبالنسبة للمواقف ..هذه النقطة اللي ممكن تكون جديدة علينا ..ومرة مرتين تجربها ..تصير الامور سهالات .


هذا شرح واافي للعمدة ابو عزيز بالصور :


http://www.aboaziz.net/blog/?p=50




خليني اسهب فيها شوي :
المواقف العامة ..اللي تلقاها بالشوارع وجنب المحلات ...هذه لها وقت معين تدفع فيه الفلوس ..من سبعة الصباح الى سبعة المساء ..كمثال .
وطريقة دفع الفلوس ..اما :
1- توقف السيارة وتروح لمكينة الدفع ..وتدفع بالقروش ..على حسب المدة ..وتطلع لك ورقة ..تقوم تحطها على قزاز السيارة في مكان يقدر يشوفه رجل المرور .


2- توقف السيارة ..ويكون للموقف رقم ..تروح للمكينة ..وتضغط على الرقم ..وتقوم تحط فيها القروش ..ويعطيك الى متى مسموح لك توقف .


انتبه من النقطة هذه :
مثلا ..الموقف يسمح لك بالوقوف 3 ساعات فقط .
وقيمة الساعة ب 1 فرنك .
وكان موعد وصولك للموقف الساعة 10 صباحا .


فيبقى انت تحط في المكينة الفرنك الاول ثم الثاني ثم الثالث ..وتطلع لك الورقة ب ثلاثة فرنكات ومسموح للوقوف الى الساعة 13 .
لكن لو حطيت قرش من ابو 2 فرنك ..وقرش ثاني من ابو 2 فرنك ..(المجموع 4 فرنكات ) ..ماراح يطلع معك الا 3 ساعات بس ..وضاع عليك فرنك .




فيها المواقف العادية ..مثل اللي في المولات عندنا ..تدخل السيارة ..تاخذ الكرت ..تنفتح البوابة ..وتوقف السيارة .
بعدين في الخرجة ..تدور على مكينة شكلها مثل حق البيبسي ..تحط فيها الكرت ..وتحاسب ..اما بالقروش ولا بالفيزا ولا كاش ..وتقوم تطلع من المواقف .


هذا موقع يبين لك مواقف السيارات في سويسرا :


http://ch.parkopedia.com/parken/geneva/








بالنسبة للطرق ..برضو زي اللي عندنا ..شي خطوط سريعة ..وشي شوارع رايح جاي .


وفيها السهل ..وفيها الجبلي (زي يعني اقرب الى طريق الهدا -الطائف)


وممكن تحدد انت الطريق اللي ودك تسلكه ..مثلا المختصر الجبلي ..ولا السهل الطويل ...وهذه كلها في خيارات الجارمن .




وبالتوفيق

الله يعافيك .



طيب ..لا هنت ..ممكن تواريخ السفر ..بالاضافة ..الى وسيلة المواصلات ..هل سيارة ولا قطارات .


لأنها بتفرق .




تواريخ السفر ..اللي يهمني انها ماتكون من بعد منتصف اكتوبر .




وفي انتظارك

بيض الله وجهك و وفقك ربي

تاريخ السفر : من 24 الى 30 من الشهر اغسطس
وسيلة المواصلات : سيارة باذن الله

يوم 24 الوصول الى جنيف تاريخ الساعه 3 عصرا
يوم 25 الذهاب من جنيف الى انترلاكن صباحا
يوم 26
يوم 27
يوم 28
يوم 29 العودة من انترلاكن الى جنيف صباحا
يوم 30 الاقلاع الى مانشستر الساعه 3 عصرا

مع خالص الشكر و التقدير

الله يعطيك العافية اخوي ميدو و شكر الله سعيك ..
فعلا انا ممتن لك و لا اجد ما يوفي الشكر الا الدعاء لك بالتوفيق و السداد في الحياتين ..

تقبل تحيتي