الموضوع: خطوطنا شكرا عرب لينكـ فندق رامادا

بسمــ الله الرحمن الرحيمــــ


يسعـد مســاؤكمـ وصباحكمــ جميعا .

تقريري البسيطــ عن فندق رامادا داون تاون في دبي
ومع قليل من الصور من هنا وهناكـــ
بس قبل كل شي استمتعوا بالقهــوه مع الحلــى .

^

^

مواضيع عشوائيه ممكن تكون تعجبك اخترناها لك:

• زيارة سريعة لفندق خالدية بالاس ريحان من روتانا
• سعر الصرف
• مكان بيع معدات طبية بالجملة
• مسافر جديد يبي فزعتكم
• يوم في دبي تنصحوني فين اروح ؟؟
• جدول رحله من الجمعة ليلاً الى الثلاثا الصباح
• استفسار عن مترو دبي
• ساعدوني في فنادق دبي
• برج خليفه استفسار
• المولات في مدينة العين
• هالميزانيه كم تكفي من يوم لشخصين ؟؟
• استفسار عن الممشى فى دبى
• مساعده ابي شقق فندقيه في دبي
• ارجو ا المساعده ضروري لاهنتوا
• كيف اتصل على من السعودية ؟
• ممكن الافاده من اهل الخير اهل دبي
• فندق سيتي ماكس بر دبـــي
• مطلوب مساعدة في فندق ومعرفة بمنطقة مول الإمارات
• أي هذه الفنادق افضل ؟؟
• استفسار عن الاماكن

قبل كل شي بقولكمــ عن رحلتنا وسوء خطوطنا السعوديه
الاقــلاع المفروض يكون الساعه 2 ظهراَ . وصلنا وشيكنا على كل شي والساعه 12 وربع ظهرا وحنا ننتظر

في قاعة الفرسان ننتظر النداء للرحله .. في الساعه الواحده والربع اعلنوا عن الرحله المتجهة لدبي .

ركبنا الطياره الساعه الواحده وخمس وثلاثون دقيقه . واستعدينا , ربطنا الاحزمه ..قهوة ...عصير ... مناشف للتمسيح .... انلطعنا بالطياره ساعه إلا ربع ... بعدينا اعلنوا

وقالوا ( انزلوا من الطياره عشان واحد من الابواب مو راضي يتسكر )



نزلنا للصاله .... طبعا لاحس ولا خبر الجميع بدأ يتضايق ...مافي احد من الموظفين قال شي ..تكرموا على الناس وجابوا عصير ومويه .... ربع ساعه ...قام زوجي سألهم ( ان شاء الله كل شي تمتم ) بس هذا هو الرد من الموظف .... طيب متى نقلع قال مدري !!!!!!سكتنا قلنا خير ...جابوا باصات وركبونا فيها عالم غريب ....الناس متضايقه فيه كبار السن

..فيه عوائل معها اطفالها

فيها مرضى ...بس الخطوط السعوديه خخخخخ لاحس ولا خبر .
الباصات طبعا اثريه ايام 100000 قبل الميلاد ركبنا وشكل سواق الباص ضيع ولا يدري اي طياره يروح
لانه بس يلفلف ...بس اكتشفت شي وشو ! اكتشفت ان مطارنا كبيييييييييير على غير سنع خخخخخخخ

وقف عند طياره بس شكلهم قالوا له يالاخو غلطان بالنمره ! راح لوحده ثانيه وحنا ندهدر روسنا معه !!

ركبنا الطياره وجلسنا لحد الساعه 4 وعشرون دقيقه ولا تحركت .... بس هالمره جابوا

بس القهوه مع التمر وابتسامه رضى منهم لنا ... الحمد لله الساعه 4 وخمسون دقيقه اقلعنا بحفظ الله ورعايته بعد الكلمه المشهوره عند الوصول ( نشكركم لإختياركم السعوديه لرحلاتكم ) خخخخخ مكره اخاك لابطل .

المهم وصلنا الحمد لله بالسلامه واخذنا تاكسي وعطيناه العنوا وانطلقنا

تمــ الحجز عن طريق عرب لينكــ كالعاده
لشخصين . الليله بألف درهم .

رمادا للشقق الفندقيه . داون تاون برج دبي , شارع البوليفارد , الرزيدنس على جادة برج w2, داون تاون برج دبي

العنوان اخذته من كتيب الفندق .




وهذي خريطه للفندق



بعد ماريحنا والتقطت بعض الصور للفندق شوفوها


صالة الاستقبال للفندق
صغيره ومريحه ....




اعجبتني ظريقــه الإنــاره .





باقي بعــد استنوا لحظــات .
^

الشقه اللي اخذناها غرفة + صاله + بلكونه تطل على النافوره
نافورة دبي العالميه .... صدقا صدقا المنظر من البلكونه اكثر من مجنون


كنا بالدور 12 وجلسة قبل المغيب مع الشاي ومنظر النافور
شيييييييييييييييييييييي خيااااااااااااااال .

الشكر لله ثم لعرب لينكــــ وخاصة الاختان العزيزتان

شــذى وعبير

( يجزاكما ربي الفردوس الأعلى من الجنه )
ماقصرتوا معي . كل شي رااااااااائع .


ركبنــا الاسانسيـر ( اعجبتني طريقة الإنــاره )


هذي الشقــه .

اول ماندخل الشقه المطبخ قدامنـــ


فيه طبعا كل شي .... بس حنا مانحتاج الا الشاي والقهوة الأمريكيه .




الصاله قدام المطبــخ .


في ركن اخر من الصاله طاولة اكل لاربعة اشخــاص


الطاوله عن قرب عشان تشوفونها بس

باقي بعــد استنوا لحظــات .
^

نكمــل


طاولة الصاله

الكنبــات والوانها الرايقــه



الحمــام الله يكرمكمــ له بابان
واحــد على غرفة النوم
والآخر عالصاله



الشــور



الحمام كبير ...وسيع .... وفيه كل الخدمــات
( فوطـ + صابون + كريمات + شامبوات + مناديل )
وكل يوم تزداد الاغراض .


الخزنه في غرفة النوم

مكــان النوم




من جميــع الجهــات

خــلاص تعبت بعدين اكمل لكمـــ .

صح نسيت اقول لكمــ اليوم الأثنين
بعض الصور اخذتهــا السبت
بعضها الأحــد
بعضهــا اليوم الأثنين السـاعه تقريبا 5 العصر بتوقيت السعــوديه

بكرا ان شاء الله تعالى اكمل لكمـــ .

ماشاء الله بدايتك حلوة

يارب يسعدكم ..

ومعليش مشي حالك عادي الخطوط السعودية ربي يهديهم دايمن يحبو المقالب

الله يستر المرة هاذي بجرب ناس ان شاء الله ما يتعبونا

بداية مميزة


ننتظر المزيد

مع اني ماشفت تفاعل من البقيه ... بس بكمل لكم .

Romaa1987
يسعدكــ ربي .




الله يستر المرة هاذي بجرب ناس ان شاء الله ما يتعبونا



جربت ناس العام الماضي ليست سيئه ... يعني برضه مشي حالك .
شكرا لكـــ .

http://www.arabtravelersforum.com/user199122/

مشكور خيو
البقيــه بالطريق

http://www.arabtravelersforum.com/user373794/

يسلمكــ ربي .......
يلا انا جاهزة لبقيــة الصور .

يــلا نكمل بقية الرحله


هااااااااااااااازي هي البلكــونه
طاولة و2 كرسي وقهوه والا شاي وجلسة ترد الروح
خاصة ان اغلب الاوقات الأجواء حلوه .

بعض اللقطات من البلكونه

المسبــح


بعض البنايات القريبه

دبي مول من بعيد


لقطات للنافوره الجميله ... بعد وصولنا وترتيب الأغراض بدأت الاستعراض الراقص
فأخذت بعض الصور

ياجمــاله ياجمــاله



خرجنا بعد ذلك وذهبنا إلى دبي مول

واجمل مافي الموضوع انه قريب يعني عشر او خمس عشر دقيقه مشي

هناك ممرات وجسر وبعض المقاهي

وبينهم حدائق
واجواء رائعه .











برج خليفــه .....تتعب وانت تطالع فوق تبي تصل لأعلى شي

وبس لتلك الليله .

اليوم الثــاني
بعد الأفطــار ( صح نسيت القول ان الأفطــار مع السكــن )
وهذه بعض اللقطــات لنفس الأماكن بس بالنهار اوضح يمكن .

المسبــح بالنهــار


النافوره وهي نائمــه الظهر تقريبــاَ

من اغلب الجهـــات



غــــداَ نكمــل ان شاء الله .

تقرير رووووووووووووعه ... وبداية نارية ..
اختيار موفق للفندق ,, و موقع خيالي ..

لنا مع المتعة بقيـــة و نحن بالانتظار

تحياتي

رمادا موقعه جدا روعه ..


السعر تقريبا 700 درهم شامل افطار وتاجير سياره .. و لما تكون الاطلاله على النافوره بيزيد السعر طبعا


روعه رمادا قريب مول دبي وهذا يكفي .. مكان الواحد يستمتع بكل حاجه فيه ... ومتابع معاك للاخير


تحياتي ,,,

Nassr 4 ever
يسلمكــ ربي .......

fahad31
صادق والله ....وعلى قولتكــ يكفي النافوره
والتمتع بها طوووول الوقت .

مشكور .

يسعد مساء الجميع
اكمل لكمــ شوي عن رحلتي ( على فكره ترى كل رحلتنا للراحه فقط
ومن غير اي تسوق )


لقطــات للإبداع من النافوره ......من فوق







اعذروني إذا كانت اغلب صوري عنها فأنــــــــ
في حالة عشق لهــا بأنوارهــا ...بحركاتها ...بموسيقاهـــ
بأغانيهــــ بكل حركه راقصه راااااائعه تؤديهــــ هذه
التحفــه الفنيــه .


دخلنا دبي مول وعلى طول رجنا نحجز للكويريم

حجزنا ودخلنا ,,,,,,, وهذي بضع اللقطات من ابداع الخالق سبحانه وتعالى
لأشكال وغرائب الأسماكـــ


يخوووووووووووف

عـــدنــــــــــــــــ


يعني هالنوعيه من الأسمــاك عارفينها



البطااااريق ياااحلوهمــ وحلو لعبهمـــ

حبييييييييتهمـــ







هذولي سمك صغييييييير بالمره



هذي اللقطــه من خارج الكويريمـــ

هالحين بوريكمــ الأسمــاك الغريبه العجيبه
اللي كل مره اشوفها بس استغرب واقول
( سبحانكــ ربي ما أعظمكــ )
اشكالهم غريبه عجيبه ....طالعوهن زين
وشوفوا حكمة الله في كل شي


سمك طويل ويلفت حول الصخور
( طبعا كاتبينه عنه كل المعلومات .. بس ما صورت شي للأسف )


شوفوا وشلون سبحان الله واقفه ...وتدخل بالفتحات وتطلع بس
راسها وذيلها.... شوفوا اللي بالفتحه فوق هذي عيونها






ياسبحــــــان الله


بعدين بعد ماخلصنــ رحنا للقهوه
وحلينــا مع كوب من القهوة

ان شاء الله اكمل لكم
في يوم ثاني

ماشالله رحله روووعه ,, الله يهنيكم ,,,, بس عندي سؤال فيه شقق تكون غرفتين او اثلاث ..؟؟؟..

http://www.arabtravelersforum.com/user129121/

وياكــ ياااارب

بالنسبة للشقق فيه عندهم شي غرفتين
وثلاث غرف نوم .........
الصدق ان موقعه رااااائع جدا ....خاصه للي يحب يستمتع بالاجواء والطله الحلوه
والتسوق القريب من دبي مول .

مشكووووووووورة أختي
اختيار جميل جدا للفندق ( يكفي شهادة الرائع فهد31 )
تعجبني كثييييير رحلات الراحة والإستجمام خصوصا مع أحد الأصدقاء
أما مع العائلة فلابد من التسوق لحرمنا المصون والترفيه لأبنائي والإستسلام التاااام لرغباتهم

الله يعطيك العافيه تقرير رائع ودبي ماينمل منهاااا

باانتظار باقي التقرير

تقرير جميل

سؤالي هو/ هل يمكن فتح النافذة للإستماع للموسيقى ؟؟؟؟؟

يعطيك الف عافية على التقرير المميز

يسعد مسااؤكمــ بكل خير
بالنسبه للي سألوني عن الأسعاراطلعت على الأسعار من نفس الفندق
وبصراحه يفرق عن اسعار عرب لينكــ
مثلا غرفتنا تعتبر( حسب ماسألتهم عن نوعية غرفتنا )
قالت لي ( جناح بغرفه مطله على النافوره )
انا اخذته هالجناح من عرب لينك مع الأفطار
بسعر الف درهمــ إماراتي

وعندهمــ يعطونك نفسه بسعر 1500 درهم .


بحاول احط لكم الأسعار لأني صورتها من مكتبهمــ .

http://www.arabtravelersforum.com/user115836/

يوزركــ حلو ( لأني احب الكتكات )
هههههههههههههههههه لا الحمد لله هالمره رحت انا وزوجي بس للإستجمام
فقط ..........اغلب اوقاتنا بالقهاوي ...والمطاعم ....والمنتزهات .... واماكن
السياحه ( الممشى .... الفنادق الكبيره للإستمتاع فيها وشرب ياقهوه والا غداء والا
عشاء ) يعني الأسواق فقط مرور عليها .

( اخليها مع خواتي التسوق والا مع الصديقات فقط ) .

http://www.arabtravelersforum.com/user304684/
اهلا وسهلا اخي العزيز

نعم يمكنك الجلوس في البلكونه والاستماع للموسيقى
وتمتع ناظريكــ أيضا بمشاهدة النافوره وحركاتها الراقصه

صورت عدة صور للنافوره ليلا ونهار مع حركاتها ووضعت بعضها
وسأكمل الباقي ان شاء الله .
يكفيك الجلوس بالبلكونه والتمتع بالجو الحلو والموسيقي الجميله .

http://www.arabtravelersforum.com/user347623/


يعافيكــ ربي ويسعدكــ
شكرا للمتابعه .

اللي سألـوا عن الأسعــار هذي الأسعار اخذتها من الفندق نفسه

تقرير ممتع بالفعل ،، مستمتعين بتفاصيله

يعطيج العافية و نورتوا دار الحي

بعد كم يوم قررنا نروح نشوف البرج ونزوره
برج خليفه اطول برج بالعالم
وتمتلكه شركة إعمار العقارية التي تعد أحد أكبر الشركات العقارية في
العالمــــ ............ويعد برج خليفة أعلى بناء شيده الإنسان وأطول برج في العالم بارتفاع 828 متراً

بدأ العمل فيه في يناير 2004 وكلف 1.5 بليون دولار أمريكي

( اصلا لو تشوفون العالم اللي يزورونه كل يوم كان قلتوا دبي
ماخسرت شي ابد ولله الحمد )

وافتتحه الشيخ محمد بن راشد آل مكتوم في
4 يناير 2010

في البرج يوجد أعلى شرفة مشاهدة مفتوحة للناس ، وكذلك

أعلى
مسجد

وأعلى
مطعم

وأعلى
حوض سباحة
( بس ماشفناهمــ ولا دخلنا شي )

وهالحين بخليكمــ مع بعض الصور


فيه نوعين من التذاكر
التذكره اللي تاخذها بوقتها وهذي تكلفتها 400 درهم
للشخص الواحد
وتدخل على طول

الثانيه تشتريها مثلا اليوم وتدخل من الغد وتكلفتها

100 درهم فقط للشخص الواحد .

وبما انه ماورانا شي اشترنا تذكره عشان اليوم الثاني
وموعدنا كان الساعه 2 الظهر . قالنا المسؤول عن التذاكر خلكم
هنا 2 إلا عشر دقائق


هذي تذكرتي .

اشترينا التذاكر ودرنا في دبي مول وتقهوينا وتعشينا
بعدينا رجعنا للشقه ...والتقطت كم صوره للبرج الجميل بالليل
بصراحه العالم اللي حول البرج ..والنافوره ..,المطاعم ..,القهاوي
بس عيونهم على البرج وهاتوا تصوير واستمتاع بكل شي .
يبيلنــا نقرا عليه لايطيح من عيونهم خخخخخخ
الكل يبي يصور جنبه ...تحته ... فوق ... متعه مابعدها متعه بصراحه .






لقطات ليليــه ( عاد لاتعلقون عالتصوير تراه من جوالاتنا انا وزوجي والا من الجالكسي )

اليوم الثاني بعد ما أفطرنا بالفندق طلعنا لدبي مول طبعا مشي
( بعدين احط صور الممشى ...اليوم بس صور برج دبي )

جا وقت الدخول .... بالوقت كنا هناك وتفضلوا شوفوا معي

تصوير ...تصوير ....

معلومات عن البرج ...طوله .... وزنه ...


طول الطريق لداخل البرج رااااااااااائع ..يحكي قصه اجيال
وقصه عظمة ..وحكايات عن الإبداع ... تحس كأنكـ تشوف فيلم متحرك
الأمواج .... الهواء ...الحركات ...شي فوق الخيال


وصلنــا الدور 122



هذي من الخوف ماطلعت واضحه
وهذا آخــر دوووووووور يعني وصلنــــ

هذي هالحين كل الصور بحطهــ
بس معليش من غير ترتيب واحيانا من غير
تعليق .... بعضها لايحتاج أي تعليق ....تفرجوا واستمتعوا
طبعا بعد مانصل فوق ( كل شي بترتيب ) على طول تدخل مكان وسيع وبعدين ابواب
تدخلكــ على القمه ....ولا فيه وقت محدد لك ..متى مامليت تنزل يعني نصف
ساعه والا ساعه على راحتكــ .... جلستنا كانت تقريبا 35 دقيقه ... درنا البرج
وصورنا وتصورنا واستمتعنا مثل البقيه .

( فيه بعض الشخاص ظلهم او عكسهم او مدري وش يسمى
طالع بالصوره على زجاج البرج ....ولا اعرفهم ارجوا المعذره منهم
إذا فيه احد واضحه صورته )



يمه .....عالي صح !!







اللي عاليســار مجمع دبي مول



شوفوا السكك سعييييييله








موقع النافوره



يااااااااااااااللجمااااااااااااااااااال







خلاااااص شوي وادوخ

نكمــــــــل






حاولت اخذ من جميع الجهــات لدبي .... بس الناس كثيرين
وكل مجموعه تاخذ ركن وتصور وخاصه ماشاء الله

اهل اسيا يحبون يصورون كل ركن ..وزاويه ...لحالهم
مع بعض ...كل واحد مع الثاني
يعني لازم تستنيهم عشان يخلصون


اها .... هالشي هذا محد قالنا عنه ...والكل يجي يبي يتفرج بس مايقدر
اظن انه بكرت او بفلوس ...والبعض يسأل عنه ..بس محد عرف وشلون
نشتري كرت .. !! والا ناخذ ورقه له لتشغيله ...حتى يوم نزلنا كنا ناوين
نسأل ونسينا الموضوع

بعد ماخلصنا وطلعنا من المكان ...فيه كشك صغير لبيع بعض التذكارات

الوانــه فريحي وحلووووووه



هنــا بعد مانزلنا بالممر فيه حركه ماااااااااره راااائعه وجميله

هنــا بعد مانزلنا من الاسانسير


الحركـه هي :
انهمـــ كاتبين ومصورين جميع من شاركــ في هذا العمل الراااائع
من مختلف الجنسيات بالعالم ....وحاطين الصور لهم بجميع
التخصصات ( بس ماقدرت اصور للأسف ...زوجي تعب ومل وقال خلاص مايحتاج
الصور هذي تكفي )


وانا بعد اقولكمــ خلااااص تعبت .........وغدا ان شاء الله نكمل
لكمـــ الرحله ...........لدانة الدنيـــــــ
دبي .
تصبحون على خير .

تقرير موفق يعطيك العافيه

يازين دبي ويازين طاريها ...


الجلسه قريب مول دبي .. او بالجميرا .. روعه وهي اجمل حاجه بدبي .


الله يهنبكم ... ومتابع معاك .... للاخير




------------------------------------------------------------------







شكرا اخوي كتكات ... دائما اقول .. كلك ذووووووق



تقبل تحياتي .

http://www.arabtravelersforum.com/user157437/


الحي منور بوجودكمـــ يا أهل
الإمارات .........شعب جميل حبيب لطيف
أسعدكــ الرحمن .

http://www.arabtravelersforum.com/user315668/

يعافيكــ ويسعدكــ ربي

http://www.arabtravelersforum.com/user22445/





يازين دبي ويازين طاريها ...

الجلسه قريب مول دبي .. او بالجميرا .. روعه وهي اجمل حاجه بدبي .





صادق والله بكل كلمــه قلتهــ
اشهد انها دانة الدنيـــا