الموضوع: بعد البحث الطويل ، رأيكم في برنامجي في انترلاكن وما جاورها ؟

السلام عليكم..بعد قراءة عدد من المواضيع احس اني خلاص زرت انترلاكن
ما رأيكم بمخططي لانترلاكن لــ4 أيام..
ان شاء الله راح نوصل انترلاكن على 1 الظهر..طبعا معنا سيارة..برنامجي هو:
يوم الوصول :

اكتشاف المنطقة ..كلكم تقولون كذا

زيارة بحيرة انترلاكن ثم
Harder kulm

اليوم الثاني:
شلال ترومبل باخ
ثم قمة يونفراويوخ
ثم قرية وينجن
ثم شلال رخن باخ (اذا كان فيه وقت)

اليوم الثالث:
قمة FIRST +طبعا معها الزحليقة الصيفية (هل الزحليقة في اعلى القمة؟)

وبعد النزول من القمة زيارة قرندلولد ثم زيارة مطل :
Heimwehfluh

اليوم الرابع والاخير:
البحيرة الزرقاء Blausee
ثم اوشن سي Oeschinensee

رايكم بالبرنامج ؟
أي زحليقة احسن : عند فرست او عند الاوشن سي في قرية كاندرستيج؟

احداثيات المواقع كيف أجدها؟
هل ترتيب المواقع صحيح؟
زيارة قرية هايدي وانا قادم من ديفون الى انترلاكن هل هي على نفس الخط ؟ وهل تستحق؟
هل ممكن اضيف لوزيرن بالبرنامج ؟ أو ازورها وانا مغادر من انترلاكن الى النسما طبعا اذا كانت ع نفس الخط؟ وكم تبعد؟
هل ممكن اضيف المتحف المفتوح في بالنبيرغ وبحيرة ثون او بيرتنز ؟وأين؟ هل هناك شي مذكور لا يستحق الزيارة ؟ أو شي لم يذكر ويستحق أن ازوره؟
بالمناسبة الرحلة شبابية ..
بانتظاركم أرجو ان لا تتأخروا..

شكرا لكم أيها المسافرون..

مواضيع عشوائيه ممكن تكون تعجبك اخترناها لك:

• مقعد الطائرة مشكلتنا
• مسار رحلة بسويسرا جعلكم للجنه ساعدوني
• هذا مخطط رحلتي عطوني رأيكم
• ارجو المساعده ضروري لاهنتوا
• بخصوص القطار من باريس الى جنيف
• لوزيرن وانجلبيرج ذكرياتي بالصور من رحلتي الى سويسرا الأخت سفريات
• تكلفة الرحلة
• فزعتكم تبقى على سفرنا ايام لسويسرا اريد فيلا اوكوخ ريفي بشكل عاجل
• استفسار عن شراء السويس هاف عن طريق النت
• اخواني تعالو ساعدوني
• الخطوط الجوية الاقتصادية في أوروبا ‏
• طلب ومساعدة وتنسيق لرحلة اوروبية
• استفسار لخبراء السفر الى سويسرا و بالخصوص انترلاكن
• عاجل من انترلاكن
• نداااء الخبراء بخصوص بيت هايدي وشلالات الراين
• تقديم الفيزه
• فزعتكم ياهل الخبرات
• حجز القطارات
• إقليم هو سافوا مجيف - برنيكس - شاموني - أنيسي - إيفيان
• محتاجه رايكم بفندق الوارويك جنييف

هههههههههه عجبتني اكتشاف المنطقة ..


احس انها تصريفة




اولا ...وعليكم السلام ورحمة الله وبركاته :


يا حيالله عابر للأجواء .




بالنسبة لتخطيطك ..يبيله شوية تعديلات ..وممكن كله




اليوم الاول ..الوصول الى انترلكن الساعة 1 ظهرا .. غريبة واصل بدري .


اذا كنت جاي من جنيف ..انصحك تزور مصنع الشوكولاتة نستله وقلعة جريير وشلال الجان ..في الطريق الى انترلكن .


بعدها توصل الى انترلكن ..وتستكشف المنطقة .




مطل الهاردركلم أو مطل الهيمفلو والزحليقة ..موجودين في سنتر انترلكن ..يعني اي يوم فاضي تقدر تروح لهم .




قمة فيرست مافيها زحليقة ..اللي فيها زحليقة اللي جنبها واسمها البفنستج
Luftseilbahn Grindelwald-Pfingstegg AG



وموجودة في جريندلوالد .






======================


اليوم الثاني :


شلال التروميل باخ + ثم قمة اوروبا من قرية لوتربرونن .


كذا كفاية لليوم هذا ..لأن زيارة الشلال ياخذ منك وقت حدود ساعة ونص الى ساعتين (نص ساعة من انترلكن) ..ثم الصعود الى قمة اوروبا من محطة القطار ساعتين والتمشي ساعتين او اكثر والرجوع ساعتين






نهاية اليوم ممكن تطلع قرية بيتنبيرج كمطل على بحيرة ثون ...او قرية اكسالب كمطل على بحيرة برينز .
يعني تسوو اي نشاط ما يقيدكم بمواعيد عمل .


ملاحظة : اغلب الاماكن السياحية تقفل عند الساعة 6 مساءا .


=============


اليوم الثالث :


زيارة كهوف ساينت بيتس الملحية + بحيرة الاوشنسي والزحليقة + بحيرة البلاوسيه .


بالترتيب .




===========================


اليوم الرابع :


زيارة قرية جرينلدوالد ومطل البفنستيج والزحليقة + شلال الجس باخ + متحف البالينبيرج و قرية برينز .




==============================


الجولات البحرية والقفز المضلي ممكن تسويها في اي يوم .




=======================




لوزيرن ممكن تمر عليها في طريقك وانت طالع من انترلكن الى النمسا (اذا قصدك زيلاميسي )




بيت هايدي راح يجيك في الطريق بين انترلكن وزيلاميسي


كما هو موضح هنا :


https://s.yimg.com/qn/up/travel/e/5/...48ee009472.png


=============




بالنسبة للاحداثيات والمزيد من الانشطة ..او الفعاليات ..انصحك بقراءة :



http://www.arabtravelersforum.com/travel881721/




وبالتوفيق

lميدو وراك عفست جدولي فووووق تحت ههههههههههههههههههه

الله يحيك عزيزي

الحين بعد الساعة 6 ايش الاشياء اللي اقدر ازورها؟
حتى مطل الهاردركلم أو مطل الهيمفلو يسكرون 6؟
على كذا زيارة المدن هي اللي اخليها بعد 6
بالنسبة اذا انا خارج من انترلاكن الى زيلامسي ازور اولا لوزيرين ثم بيت هايدي..صح؟ وهم هم ع نفس خطي؟
الاحداثيات كنها تختلف على اللي اعرفها..هذي اكثر ارقام؟

بالنسبة للزحليقة في قرية جرينلدوالد هل هي عند محطة قطار قرية جرينلدوالد؟ وكم تبعد عن المحطة اللي تودي الى قمة فرست

اذا ابي اطلع من انترلاكن اول شي ازور البحيرة الزرقاء وبعدها الاوشن سي صح

تقول قرية بيتنبيرج تطل ع بحيرة ثون ؟ كاني لخبطت شوي بحيرة ثون في مدينة ثون ايش دخل بيتنبيرج؟

شاكر لك ميدو

الله يسلمك ياغالي ..


الله يعطيك العافية ...لازم تشوف مواعيد عمل الانشطة اللي راح تروح لها ..


مثلا الهاردركلم ..عادة اخر فونكلير يطلع للمطل الساعة 6 مساءا



لكن فيه اوقات يقفل الساعة 9 ونص مساءا ..وهي اوقات الذروة او الاجازة ..وتكون في فترة محددة ..مثلا من بداية جولاي الى نهاية اوغسطس


http://www.jungfrau.ch/de/sommer/tou...r-kulm/retour/




لكن المتعارف عليه ان الانشطة غالبا ما تقفل الساعة السادسة ..والمحلات التجارية الساعة السابعة ..والمطاعم الى 11 او 12 ليلا ..وممكن اكثر .


هذه مثلا بحيرة الاوشنسي :
http://www.oeschinensee.ch/en/opening-hours/


الى 6 ونص مساءا .




اما بحيرة البلاوسيه ..الى الغروب ..فعشان كذا هي مرتبه بزيارة الكهوف اولا ..ثم البحيرة الجبلية الاوشنسي والزحليقة ثم البلاوسيه .






ونعم صحيح ..زيارة المدن يفضل انها بعد الساعة السادسة ..اذا ما كانت عندك حاجة للاسواق والمحلات التجارية ..تمشية فقط وعشوة .






نعم ..لوزيرن وبيت هايدي في طريقك الى زيلاميسي ..كما هو موضح بالصورة اعلاه .


انصحك تبدأ تستعمل الخريطة وتشوف مواقع المدن والانشطة وخلافه ..راح تسهل عليك معرفة الكثيييييير من الاشياء .






اذا ما ناسبك موضوع اخوي مقدام ..بخصوص الاحداثيات ..هذا ممكن يفيدك:
http://www.arabtravelersforum.com/tr...b=user_related




وممكن تغير صيغة الجارمن حتى تتناسب مع الصيغة الموجودة في المواضيع .


وهنا شرح :
http://www.arabtravelersforum.com/travel585146/








قمة فيرست والزحليقة اللي في قمة بفنستيج ..قريبات من بعض .
ادخل احداثيات الاولى ..وادخل احداثيات الثانية ..وشوف المسافات باستعمال خرائط قوقل .












اذا ابي اطلع من انترلاكن اول شي ازور البحيرة الزرقاء وبعدها الاوشن سي صح




هذه بصراحة عجزت افهمها


اذا كان قصدك خروج خروج مرة وحدة ..فماهي في طريقك ابدا .


واذا كان قصدك على الترتيب ..اللي سويته لك في الرد السابق تراه مرتب ..يعني البحيرة الزرقاء اخر شي .










تقول قرية بيتنبيرج تطل ع بحيرة ثون ؟ كاني لخبطت شوي بحيرة ثون في مدينة ثون ايش دخل بيتنبيرج؟






خريطة انترلكن وما حولها ..هذه ابيك تحفظها عن ظهر قلب ..والله ترتااااااااح




هذه كبداية :


https://s.yimg.com/qn/up/travel/b/4/...302b6dbdce.png




رقم واحد هي قرية اكسالب .مطلة على بحيرة برينز ..وهي البحيرة الشرقية لأنترلكن واسمها برينزرسي (سي see معناها بحيرة) ..وفي راسها توجد مدينة برينز .


رقم 2 هي منطقة كاندرشتج اللي فيها الاوشنسي والبلاوسيه .


رقم 3 هي البيتنبيرج ..وهذه سلمك الله مطلة على بحيرة ثون ..وهي البحيرة الغربية لأنترلكن ..وفي راسها توجد مدينة ثون .


الباقيات واضحات من الاسامي ..ثون وجريندلوالد ووينجن ولوتربرونن وانترلكن .






اتمنى اكون افدتك ..واذا باقي استفسارات اخرى احنا حاضرين


وفي انتظار ردك

تسلم شبخ ميدو..

كيف وضع الحلاقين في انترلاكن..بكم حلاقة الدقن؟ وهل يحلقون موس او بس ماكينة؟ وين القاهم (الاحداثيات)؟

مكان يبيع دجاج حلال؟ الاحداثيات؟
كذلك مكان يبيع زمزميات قهوة وشاهي؟

شريحة النت والاتصال ،افضل شريحة كم سعرها ومن اين؟

مطل لونقرين,, ما فهمته زين..اشوف بس الصور من المطل من الاعلى..لكن الناس اللي تصور من المطل كيف وصلوا له ؟ هل له تلفريك او موقف سيارة؟

قمت فرست ؟ ما لقيت تقرير عنها ..وش فيها وكيف وضعها ؟

يعطيكم العافية

المشاركة الأصلية كتبت بواسطة عابر للأجواء
http://www.arabtravelersforum.com/tr...6/#post8313786

تسلم شبخ ميدو..

كيف وضع الحلاقين في انترلاكن..بكم حلاقة الدقن؟ وهل يحلقون موس او بس ماكينة؟ وين القاهم (الاحداثيات)؟

مكان يبيع دجاج حلال؟ الاحداثيات؟
كذلك مكان يبيع زمزميات قهوة وشاهي؟

شريحة النت والاتصال ،افضل شريحة كم سعرها ومن اين؟

مطل لونقرين,, ما فهمته زين..اشوف بس الصور من المطل من الاعلى..لكن الناس اللي تصور من المطل كيف وصلوا له ؟ هل له تلفريك او موقف سيارة؟

قمت فرست ؟ ما لقيت تقرير عنها ..وش فيها وكيف وضعها ؟

يعطيكم العافية








حلاقين !! ..ترى ما عمري شفت محلات تحلق دقن في اوروبا ..الا في الاحياء العربية في المدن الكبيرة ..تلقى عندهم ناس تحلق.
وانصحك تسوي مثل اخوك ..مكينة تخفيف تشيلها معاك وسمع الله لمن حمده .


اما الشعر ..اوب اوب اوب ..فنانين ..في كل مكان تلقى صوالين تصفيف الشعر ..يطلعوك احلى من اللي في ستار اكاديمي




====


محل الافغاني لبيع الدجاج الحلال في سنتر انترلكن



- محل سيتي شوب لبيع الحلال -
n 46° 41.169 e 007° 51.173



====


شريحة نت ..الافضل ليبارا ..وتشتريها من اي محل ..وتلقاها عند الافغاني .


http://www.arabtravelersforum.com/travel831103/






================


بالنسبة للزمزميات وثلاجة الشاهي ..ممكن تاخذها معك من هنا .


وممكن تشتريها من الكووب او الميقروس ..يعني من الهايبرماركت .




=====


مطل لونجيرن ..نعم الصعود بالتلفريك ..ثم بالعربات المعلقة


http://www.arabtravelersforum.com/travel458096/








========




قمة فيرست ...اممممم ..بصراحة ماهي ذاك الزود ....من وجهة نظري ..هي حلوة لمحبي التزلج في فصل الشتاء


فيه قريب منها قمة البفنستيج وفيها زحليقة صيفية .





مواقف الزحليقة الصيفية Pfingstegg
في قرية جرينوالد ,,
n 46° 37.418 e 008° 02.794
http://www.pfingstegg.ch/







=============






وبالتوفيق

ميدو يعطيك العافية ..والله انك شنب ..

ايش رايك بالترتيب اللي تحت..ذكرتها لك مرتبة.. ما ابي اغير الاماكن لانه عندي ايام ثانية راح ازور فيها للاماكن المتبقية
اسال عن التوزيع والترتيب سليم او لا
الانطلاق من انترلاكن حيث الفندق

يوم كامل:

Pfingsteggزحليقة + التمشية في قرية جرايندوايلد + التمشية في قرية وادي ليتربونن + الصعود الى قرية وينجن
وبعدها زيارة احد الشلالات: Truemmelbachاو شلال

Reichenbach
ايش تفضل اي شلال للزيارة؟ اذكر واحد منهم نسيت اسمه يقولون تعب مشي ولا يستاهل؟

يوم اخر:
الاوشن سي + البلو سي + بحيرة بينريز+ مدينة ثون وبحيرتها+ المتحف المفتوح في

بولنبيرج
--
عندي يوم في ديفون..راح اطلع فيه الى انسي وبعدها الى جنيف ثم ارجع لديفون للنوم ..
هل الترتيب صح من ديفون الى انسي وبعدها جنيف؟
في جنيف بعد زيارتي للبحيرة..وين اقدر اروح ؟ قرات مرة عن البلدة القديمة لكن هل اروح لها مشي من البحيرة ..وهل فيه اماكن اروح لها غير البحيرة؟
هل اقدر ارجع بالليل الى ديفون ..او لابد قبل الغروب ..اقصد عادي الرجوع الى ديفون بوقت متاخر مثلا 11 وهل الطريق الى ديفون ما فيه مرتفعات يعني سلس وواضح من جنيف؟

اتعبتك معي لكن تحملني الله لا يحرمك الاجر..

للمعلومية ..جميع المولات والمحلات التجارية ..تكون مقفلة ايام العطلات ..ويوم الاحد ..


ويوم الاحد ممكن الاستعاضة بزيارة الاسواق الشعبية (زي سوق الخميس زماان عندنا ) .




وهذا موضوع ممتاز عن جنيف والانشطة الممكن زيارتها :


http://www.arabtravelersforum.com/travel902765/






وبالتوفيق

حكيم يا ميدو
قرية بيتنبيرج و اكسالب هذي بالسيارة نروح لهن او تلفريك ؟ خصوصا انهن كما تفضلت مطلات على بحيرة ثون وبيرنز

المتحف يستاهل الروحة له؟

المدينة القديمة والحديقة الانجليزية اروح لهم مشي من بحيرة جنيف؟


وبعدين وشو الحنطور ؟ انا كاني سمعت اغنية اركب الحنطور تصدق كنت احسب الحنطور الحمار هههههههههههههه

ههههههههههههههه الله يسعدك ..


الحنطور ..هي العربة اللي تجرها الخيول ...شكلك ما تروح الردف في الطائف


زي كذا







وممكن تلقى باص صغير يودي ويجيب من والى البحيرة ..ورياضة المشي احلى .


ايوة ..لا تنسى مظلات المطر تكون معاك بالسيارة..لأن احتمال اي وقت ينزل مطر .




==========


بالنسبة ..لأكسالب ..بالسيارة ما يبيلها كلام ..وطريقها جميل ..وصعود ولفات حلوة ..يعني لو تشوف اي استراحة على جانب الخط وقف .




اما بيتنبيرج ..اما بالسيارة ..ولا بالفونكلير.
ولأن موعدك متأخر ..بالسيارة افضل .


بيتنبيرج تطلع لها بالفوكلير وهذا شكله







ولو كملت ..تطلع بالتلفريك الى قمة نيدرهورن .






===========================




انت اول ما توصل فندق جنيف تاخذ من عنده خريطة الاماكن السياحية ...فالمنطقة القديمة والحديقة الانجليزية قريبة من البحيرة .


هذه لا تنساها .




وبالتوفيق