الموضوع: ممكن جدول سياحي لباريس

السلام عليكمحجزت لباريس وان شاء الله وصولي بيكون بتاريخ 28-4 الى مطار شارل ديغول الساعة 11 ظهرا
بقضي فيها خمس ليالي وبعدها بطلع لفيينا على طيران أير برلين من مطار شارل ديغول الساعة 9 صباحا


هذي أول رحلة لي لأوروبا والصراحة متخوف من موضوع التنقلات والمترو لانها بتكون تجربة جديدة
بس ان شاء الله تكون سهالات


عند وصولي المطار ما هي الطريقة الأفضل للذهاب للفندق وكم تبلغ التكلفة سواء بالمترو او التاكسي ؟
ونفس الشي بالنسبة للذهاب للمطار في اخر يوم ايضا للرحلة الى فيينا


الفندق هو Derby Alma بجانب برج ايفل


واتمنى منكم تساعدوني بترتيب جدول سياحي لمدة خمسة أيام لأهم وأجمل الأماكن السياحية بباريس


وشكرا

مواضيع عشوائيه ممكن تكون تعجبك اخترناها لك:

• استفسار
• توكلنا على الله واخترنا مسار الرحلة التالي وش رائيكم هل هو مناسب
• استفسار عن فنادق محتاره افيدوني
• ياصحاب الخبره احتاج خبرتكم جعلكم بالجنه
• ضروري جداً الرد على استفساراتي
• انا مسافره وأبي إحداثيات فندقي لوسمحتوا
• فرنسا وايطاليا معلومات مهمه
• جدولي ومحتاجه رايكم
• مساعدة يومين ترانزيت في باريس فندقاماكن
• ساعدوني
• ارجـوا المساعده ممن لدية خبرة ف فرنسا و سويسرا وايطاليا
• ساعدوني في الانتقال من باريس بالقطار جزاكم الله خيرا
• رحلتي الممتعة الى سوريا صيف
• ترتيب جدول سفرتي الي فرنسا
• اوروبا
• استفسار عن الريف الفررنسي
• من باريس الى لندن بالقطار
• القطار من فر نسا الى لندن استفسار؟؟؟؟
• ثلاثة ايام في باريس ارجو المساعده
• بخصوص الفنادق في فرنسا

من والى المطار الأفضل تاكسي خصوصا اذا كنتوا عائله ومعاكم عفش
تكلفة التاكسي حدود 60 يورو

اذا شخص شنطتك صغيره استخدم المترو أوفر

ينقل للاستفسارات
معاك وقت تقرأ وتحدد ما ترغب بزيارته ونرتبه لك

..

مسموح
بس القطار يوديك لمحطه وسط باريس
ومن هالمحطه تطلع لمحطه مترو توصلك لاقرب محطه مترو قريبه من فندقك
ووممكن يكون فيه تبديل
اذا بتختار القطار لازم تحط هالمشوار بعين الاعتبار

المشاركة الأصلية كتبت بواسطة romh ..
http://www.arabtravelersforum.com/tr...5/#post8202755

..

المترو مناسب اذا كنت لحالك واوفر بكثيير
اذا عائله حتى لو شخصين التاكسي اكيد
التاكسي على حسب الزحمه لان العداد بيكون ماشي حتى بالزحمه
يعني من 60-80 يورو
ويختلف السعر بايطار هالرقمين
المترو 9 يورو تقريبا للشخص الواحد

والجدول انت اقرا وحدد اللي تبيه والباقي علينا










المشاركة الأصلية كتبت بواسطة فيصل
http://www.arabtravelersforum.com/tr...0/#post8202570

ينقل للاستفسارات
معاك وقت تقرأ وتحدد ما ترغب بزيارته ونرتبه لك



المعذرة على وضع الموضوع بغيره مكانه
بالنسبة للأماكن فأنا قريت بعض الأمور واذا تنصحوني بأماكن غفلت عنها لا يوجد مشكلة


الزيارات بتكون للاماكن التالية


برج ايفل حاولت أحجز تذكرة الصعود من الموقع ولكن كلها محجوزة , ايش الحل ؟
متحف اللوفر
قوس النصر
قصر فرساي
متحف الشمع
ديزني لاند نصيحتكم عن طريقة الحجز من المكان نفسه او من النت ؟
ساحة الكونكورد
جولة في الباص السياحي هل بالاستطاعة النزول عند كل معلم أو بيكون مرور بالباص فقط ؟



وشكرا لكم على جميع المساعدات

تقدر تحجز تابع الموقع يوميا
الباص تقدر تنزل عند كل موقع اخي وبعدين بيجي باص ثاني يأخذك
ديزني من النت ارخص اذا فيه عروض
من مكانهم اذا مش وكيند روح ما فيه زحمه

مدة اللاننتظار بين 10 - 15 دقيقه للباص الاخر
انواع
استديو فقط
بارك
بارك مع استديو

انا انصح بارك فقط لان ما فيه وقت مع الاستديو الا اذا انت تحب تتسغلها صح وترتب وقتك وعارف ايش تلعب

تقدر تركب الرير اذا المحطه فيها رير ينطلق مباشره

معاك وقت طع شوري واقرأ كم تقرير وراح نساعدك وحدد اللي تبي

..

فيه محطه شارل ديغول اللي عند قوس النصر فيها رحله رير مباشره لدزني لاند
دزني جميله ومن حظنا كان فيه واحد يبيع تذاكر البارك واللاستديو سوى ب 120 للشخصين !
كنا متخوفين بالبدايه بس دخلنا معه وبعدها دفعنا
بالرغم ان الاسعار كانت 81 للشخص الواحد !
جلسنا ندعي له ذاك المغربي خخخخ من الموبايل

..


لا دخل ببطاقه معه مررها ودخل فيها هو وزوجته كان معها بطاقه هي بعد
اعطانا اياها وقال ادخلوا بالتذاكر وانا بدخل معكم وادفعوا داخل
وفعلا هذا اللي صار
اعطانا التذاكر وشيكوا عليها بالجهاز ودخلنا

قال لنا ان في عمله يعطونهم تذاكر مجانيه للبارك والاستوديو وهو يجي يترزق الله فيها
.. من الموبايل

حلو
البطاقه اللي معاهم للمقيمين يدفع مبلغ مقطوع ويدخل خلال سنه
كان يستخدمها واحد من الشباب وسالته عنها

من والى المطار تاكسي نصيحه لاتبهذل عمرك مع شناطكم والمترو بسيط اول يوم بتحوس بس بعدين بيكون سهل المهم تعرف لوين رايح

السلام عليكم اخواني

حاولت اقرأ معلومات وتقارير بقد ما اقدر وذلك لظروف عملي وايضا في العمل الموقع محجوب
ف يا دوب اقدر اقرا لي كم تقرير رجعتي وللأسف اغلب التقارير القديمة الصور ما تظهر عندي
مدري المشكلة من جهازي ولا عند الكل


عموما , هذا الجدول الي رتبته بعد قراءة بعض التقارير واحتاج رايكم ومساعدتكم في تعديله


اليوم الأول


الوصول ان شاء الله سيكون يوم الاثنين ظهرا الى مطار تشارل ديغول


بخذ تاكسي الى الفندق الواقع بالقرب من برج ايفل


بعدها بننطلق الى قوس النصر عن طريق المترو والنزول في محطة Charles de Gaulle Etoile


وبنمشي على شارع الشانزليزيه وبطريقنا نشتري تذاكر لديزني لاند وثم الى ساحة الكونكرد وبعدها العودة للفندق عن طريق المترو


في الليل المرور على برج ايفل والتمتع بأضواءه والمشي بالقرب من نهر السين


اليوم الثاني (الثلاثاء)


الاستيقاظ صباحا والذهاب الى ديزني لاند عند طريق الرير ايه الخط الاحمر والنزول بمحطة Marne-la-Vallee-Chessy


برايكم انزل اول في قرية الاوتليت وبعدها اروح ديزني ؟


اليوم الثالث (الاربعاء)


الاستيقاظ صباحا والتوجه الى متحف اللوفر ثم التوجه الى الجسر القريب منه الممتلئ بالأقفال
ثم الذهاب الى الحي اللاتيني وكاتدرائية نوتردام


بالنسبة لغابة بولونيا , هل تنفع اروحها بالليل ؟


اليوم الرابع (الخميس)


الذهاب لقصر فرساي + متحف الشمع + ساحة الأوبرا + صعود برج ايفل وثم جولة بالقارب في نهر السين


اليوم الخامس (الجمعة)


الذهاب الى هضبة مونتمارتر + جولة بالباص المكشوف والتعويض عن الاماكن التي لم نزرها
بالنسبة


عندي بعض الأسئلة ولكم جزيل الشكر على جميع المساعدات


محطات المترو متى تفتح ومتى تسكر ؟


الجولة بالباص متى تبدأ عادة الرحلة ومتى تنتهي ؟


عندي رحلة داخلية الى فيينا من مطار تشارل ديغول
متى المفترض اكون بالمطار ؟ علما اني لما حجزت طلعت لي خاصية تسجيل الحضور بالنت او شي كذا ما فهمته اقدر اسويه قبل الرحلة ب 24 ساعة على خطوط اير برلين


وسلامتكم ,


واذا في نصايح تنصوحني فيها زيادة اكون لكم من الشاكرين


بانتظار ردودكم

اذا خاطركم تسوق ممكن تنزلون الاوت لت بس شخصيا افضل يوم كامل في ديزني للاستمتاع
غابة بولونيا روحها على ضوا نهار
ايفل أحجز قبل لانه النطره بتضيع عليك الوقت
المترو شغال من خمس الفجر الى 1 بعد نص الليل وليالي الويك اند الى 2
الباص الاحمر يبدى جولاته في حدود 9 ونص صباحا وينتهي عالست بس أتوقع في الصيف الرحلات أطول تكون
في الغالب الرحله كامل تستغرق حدود 3 ساعات اذا ما نزلتوا من الباص

يعطيك العافية اختي ع الرد

بالنسبة للرحلة الداخلية هل عندك خلفية قبل الرحلة بكم لازم اكون بالمطار


وتوزيع الجدول تشوفيه مناسب او اغير فيه او اضيف عليه مكان تقترحيه ؟

..




الذهاب لقصر فرساي + متحف الشمع + ساحة الأوبرا + صعود برج ايفل وثم جولة بالقارب في نهر السين


اليوم الخامس (الجمعة)


الذهاب الى هضبة مونتمارتر + جولة بالباص المكشوف والتعويض عن الاماكن التي لم نزرها
بالنسبة



الباص احس ماله داعي دامك زرت تقريبا اهم الاشياء اللي يزورها الباص
وقصر فرساي ما يجتمع مع هذول كلهم لان يبي له وقت ووبعيد عن باريس وبيكون متعب جدا
وتعب زياده ترجعون لمتحف الشمع والابرا
ف شيل فرساي وحطها لحالها مع هضبه المونمارت فقط

وعن الرحله ماعندي فكره والله بس خذ احتياطك وخليك من بدري هناك
ما تدري عن مفآجآت الطريق .

ما قصروا
هل باقي شيء ما ترتب

طيب بخلي اليوم الرابع

متحف الشمع + ساحة الأوبرا + صعود برج ايفل وثم جولة بالقارب في نهر السين


واليوم الخامس نكنسل الباص المكشوف
وتكون الرحلة صباحا الى قصر فرساي وثم هضبة مونمارتر


كذا خلاص يكون الجدول كله تمام ان شاء الله واعتمده ؟

المشاركة الأصلية كتبت بواسطة فيصل
http://www.arabtravelersforum.com/tr...2/#post8218852

ما قصروا
هل باقي شيء ما ترتب



لا هنتوا جميعا والله يعطيكم العافية


ان شاء الله كل شي مرتب ونتوفق بالرحلة ونرد الجميل بتقرير يليق بهذا المنتدى ان شاء الله

الايام الاخيره نايس
ممكن عاد تضع الجدول النهائي وتذكره فيه الايام بالضبط ايش تصادف من خميس وسبت

المشاركة الأصلية كتبت بواسطة فيصل
http://www.arabtravelersforum.com/tr...7/#post8220317

زين يا غالي بولونيا بعد المغرب انسى تروح لها
بدل ذذهاب اول يوم لكونكورد خليها ذهاب الي ايفل والاستماع به وركوب القارب
تقدر تركب القارب مره ثانيه اذا رغبت من الكونكورد
الكونكورد خله مع ذهابك الي اللوفر بجانبه خطوات وزور ساحه فاندوم وشارع ريفولي اليي فيه كل الماركات

تقدر تعكس اتجاهك وتذهب الي حديقه لوكسمبورغ ثم كاتدرائيه نوتردام ثم الحي اللاتيني وجسر العشاق



يعني يصير اليوم الأول
قوس النصر + شارع الشانز + صعود برج ايفل + جولة القارب ؟


اليوم الثالث
اللوفر + ساحة الكونكرد + جسر العشاق + حديقة لوكسمبورغ + كاتدرائية نوتردام + الحي اللاتيني ؟


بالنسبة لساحة فاندوم و شارع ريفولي كيف اروح لهم مشي او مترو او كيف ؟


اليوم الرابع
بيكون متحف الشمع + أوبرا هوس + غابة بولونيا
كنسلت برج ايفل وجولة القارب وخليتها بأول يوم مثل ما اقترحت


كذا يصير تمام ؟


تذاكر ديزني لاند حجزتها اونلاين الأمس طلعت علي ب108 باوند لشخصين بارك واحد ويوم واحد

لا غابه بولونيا اول شيء
ريفولي وساحه فاندوم مشي من اللوفر بجنبه

المشاركة الأصلية كتبت بواسطة فيصل
http://www.arabtravelersforum.com/tr...8/#post8220898

لا غابه بولونيا اول شيء
ريفولي وساحه فاندوم مشي من اللوفر بجنبه



قصدك أبدأ يومي في غابة بولونيا وثم اروح متحف الشمع وبعده الأوبرا هوس ؟


معليش تحملني على كثرة الاسئلة أول سفرة وتجربة جديدة

..

ايه قصده كذا
لان الغابه ما تصلح الا بالصباح
اذا تاخر الوقت لا تفكر تروح لها

حبيبي اسال وكلنا لك
بتحملك واتحمل مندوبك
وضحت لك اختنا نفس ما كنت اقصده

المشاركة الأصلية كتبت بواسطة فيصل
http://www.arabtravelersforum.com/tr...2/#post8222202

مش باريس فيزت ذي
ايه شامله تفضل معلوماتها
http://www.ratp.fr/en/ratp/c_21137/f...is-et-semaine/

http://www.ratp.fr/en/ratp/c_21137/f...is-et-semaine/





اخوي فيصل , دخلت ع الموقع لكن اللغة مش بالانجليزي , ومكتوب ان مافي باللغة الانجليزية


مدري هالشي طلع بس عندي ولا كيف ؟


عندي سؤال يالغالي عن تذكرة ديزني , انا حجزتها اونلاين ولما طبعتها مكتوب عليها United Kingdom


مدري تشككت قلت لا يكون خبصت باالحجز وما انتبهت , هل التذكرة اوكي ولا ؟

عمداوي

اضغط على علم انجلترا اعلى الصفحة في اليمين

وراح يفتح معاك انجليزي

المشاركة الأصلية كتبت بواسطة oceanus
http://www.arabtravelersforum.com/tr...9/#post8222879

عمداوي

اضغط على علم انجلترا اعلى الصفحة في اليمين

وراح يفتح معاك انجليزي

ضغطت عليه وداني لصفحة ثانية , وحاولت ادخل على صفحة البطاقة ما لقيتها


اذا ممكن احد يشرح لي وضع البطاقة ما عليكم أمر , أكون لكم من الشاكرين


وبالنسبة لورقة الحجز حق ديزني لاند هل عادي ان مكتوب عليها يونايتد كنقدوم ؟

انا سمعت فيه اسعار خاصه للبريطانيين
لكن فيه ناس طلعت نفس تذكرتك وعادي
لا تخاف بما انك دفعت ومنحت لك تذكره دربك اخضر

حاولت بمتصفح ثاني نفس الشيالي ع اليسار بدل الفرنسية اخليها الانجليزية تتبدل العناوين الرئيسية بس وتصير انجليزي اما المحتوى فرنسي
والاعلام الي ع اليمين ضغطت ع علم انجلترا و وداني صفحة ثانية
بحاول من جهاز العمل بكرة وان شاء الله يضبط


مشكور اخوي فيصل الاجابة


والله يقدرني وأرد لكم جميعا هالجميل بتقرير يوفي حق هالمنتدى وأعضاءه

..

ماعندي فكره واضحه كثير عن البطايق للمترو
بس شوف موضوع اخوي عبدالعزيز وعن الخطه والاقتراح اللي بيتبعه بسفرته الجايه
http://www.arabtravelersforum.com/travel893566-15/
بالاسعار والروابط من الموبايل

..

شوف رده الاول
ورده الثاني بهالصفحه
بيفيدك ان شاء الله من الموبايل

نافيقو ارسلت لك رابطها
تقدر بس اعتقد تحتاج صوره لك
وتدفعها مره وتقدر تشحنها بعد

يعطيك العافية اختي رومه ما قصرتي
قريته ردوده وفعلا استفدت ودخلت ع الموقع الي حاط منه المعلومات وسويت سناب شوت للموقع بتفاصيل البطاقة وسويت للاشياء المهمة هايلات وكتبتها بالعربي
بس المشكلة ان الموقع محجوب بالعمل
ان شاء الله بس ارجع السكن ارسلها من لابتوبي



مشكورين اخت رومه وغالينا فيصل والله يجزاكم كل خير ويوفقكم من الموبايل

هذي الصور من الموقع الي حطه الاخ عبدالعزيزواذا في خطأ او فهم خاطئ لترجمة المكتوب ارجو التصحيح والمعذرة على التأخير أو وجود أي أخطاء








انا استنادا على هذه الصور ان شاء الله راح اخذ هذي البطاقة لطول فترة رحلتي في باريس
من الاثنين إلى السبت
وبخذها من 1-5 بحيث تشمل المطار وديزني وقصر فرساي كما قرأت من غالينا فيصل

السلام عليكم
بالتوفيق في رحلتك
حسب الظاهر في موقعهم أن بطاقة نافيجو غير محدودة في الزون اللي تختاره
كذلك يمكنك استعمال كل من : المترو والترام والقطار باستثناء خط orlyval ، وهذا النص بالفرنسي Métro, RER Bus, Tramway et Train à l'exception de la ligne Orlyval, des lignes à réservation de la SNCF et des lignes à tarification spéciale Optile.

لا أريد أن أربكك أو الخبطك ولكن هل حجزت على الفندق من بوكبنج بصيغة قابلة للالغاء
هل يمكنك الغاء الحجز أو تغييره .

زين ما سويت عمداوي

اخوي عبدالله ليش سالت عن نقطه الفندق

المشاركة الأصلية كتبت بواسطة فيصل
http://www.arabtravelersforum.com/tr...1/#post8227011

زين ما سويت عمداوي

اخوي عبدالله ليش سالت عن نقطه الفندق



تلاميذك يا باشا


يالغالي تحويل مبلغ من الريال الى اليورو اخليه من مطار فرنسا , ولا احولهم من هنا واروح فيهم ؟


لو من هنا , من وين تنصحني

المشاركة الأصلية كتبت بواسطة فيصل
http://www.arabtravelersforum.com/tr...1/#post8227011

زين ما سويت عمداوي

اخوي عبدالله ليش سالت عن نقطه الفندق

الفكرة أني لما رجعت لرابط الفندق لاحظت الغرفة أنها ضيقة 10م2

لذلك أردت تنبيه أخي العزيز عساه يغير أو على الأقل يكون في علمه هذه النقطة .

وأنا مستعد أساعد أخوي إذا محتاج ،

وأرجوا التأكد من ردي السابق حول بطاقة نافيجو إن كانت صحيحة .

حول من هنا
الصرافين من غير البنوك افضل
اذا بالرياض حول البطحاء

المشاركة الأصلية كتبت بواسطة abdallahjzna
http://www.arabtravelersforum.com/tr...7/#post8227027

الفكرة أني لما رجعت لرابط الفندق لاحظت الغرفة أنها ضيقة 10م2

لذلك أردت تنبيه أخي العزيز عساه يغير أو على الأقل يكون في علمه هذه النقطة .

وأنا مستعد أساعد أخوي إذا محتاج ،

وأرجوا التأكد من ردي السابق حول بطاقة نافيجو إن كانت صحيحة .

خط orlyval يقصدون حق مطار اورلي والاخ اعتقد ناوي مطار شارل ديغول
لكن بما انه مسموح رير ومترو وباص يكفينا هالشيء
ما انتبهت لمساحه الغرفه صراحه معك حقك وملاحظتك بمكانها
سكنت مره بغرفه 10 متر صراحه ضيقه مع انه كنت لحالي بس مشت لاني اجي تعبان وانام
بس الوساع زين

المشاركة الأصلية كتبت بواسطة فيصل
http://www.arabtravelersforum.com/tr...9/#post8227239


خط orlyval يقصدون حق مطار اورلي والاخ اعتقد ناوي مطار شارل ديغول
لكن بما انه مسموح رير ومترو وباص يكفينا هالشيء
ما انتبهت لمساحه الغرفه صراحه معك حقك وملاحظتك بمكانها
سكنت مره بغرفه 10 متر صراحه ضيقه مع انه كنت لحالي بس مشت لاني اجي تعبان وانام
بس الوساع زين




مرحبا فيك اخوي فيصل
انا موجود بالشرقية , وين اقدر الاقي مكان اصرف فيه


بالنسبة للمطار كلامك صحيح ف انا رحلتي ع مطار تشارل ديغول

..


احنا بسفرتنا الاخيره صرفنا من البحرين .
اخذوا على 8000 , 300 ريال
حسبوا الريال = 5.5
بس اذكر واحد قال لنا طريقه ؟
اننا ما نحول على اليورو ع طول ؟
نحولها لـ دولار ومن اوروبا نحولها ليورو
قال لي وشرح لي المقصد من هالحركه بس مو عارفه اشرح هالنقطه

المهم لا تهتم
واحنا بالجبيل اذكر قبل سفرتنا دورنا محلات صرف ما كان عندهم يورو وقالوا تعالوا بعدين :\
عشان كذا رحنا للبحرين صرفنا

احرص بما انك دفعت فلوس الفندق ما تاخذ فئه 500 يورو معاك الا قليل مره

الفيزا مسبقه الدفع البارزه الحروف تمشي كثير لكن بعض الموظفين يقولون ما تمشي في حالة رفضه عطه الفيزا الذهبيه

بما انه معاك الفيزا الذهبيه انا وصلني قبل كم يوم مسج ان البلاتينيه والذهبيه يسمح لهم بدخول صالات الذهبيه بالمطارات جرب وخش موقع فيزا ادخل رقم الفيزا ةويظهر لك اذا اوكيه ام لا

المشاركة الأصلية كتبت بواسطة فيصل
http://www.arabtravelersforum.com/tr...5/#post8227425

احرص بما انك دفعت فلوس الفندق ما تاخذ فئه 500 يورو معاك الا قليل مره

الفيزا مسبقه الدفع البارزه الحروف تمشي كثير لكن بعض الموظفين يقولون ما تمشي في حالة رفضه عطه الفيزا الذهبيه

بما انه معاك الفيزا الذهبيه انا وصلني قبل كم يوم مسج ان البلاتينيه والذهبيه يسمح لهم بدخول صالات الذهبيه بالمطارات جرب وخش موقع فيزا ادخل رقم الفيزا ةويظهر لك اذا اوكيه ام لا



ان شاء الله على خير


شيكت , بس مطار الدمام مافيه
وممكن استفيد من هالميزة بالعودة من مطار ميونخ للوطن


اخوي فيصل , متحف اللوفر , وقصر فرساي وديزني
والاماكن السياحية في باريس
هل ممنوع الدخول بشنطة الظهر ؟
لاني بكون حاط فيها اشياء خفيفة للاكل وماي والاوراق الي احتاجها اثناء التنقل

والله ما اذكر اذا منعوك فيه مكان تحفظها اتصور

ديزني وفرساي عادي

مشكورررين والله انكم ما قصرتوا معاي وجميلكم ع راسي الرحلة قربت والنبضات تتسارع هههه دعواتكم لي برحلة موفقة بإذن الله


بخذ معاي اللابتوب ، هل ممكن اواجه مشكلة بالمطار من ناحية برامج او ان الوندوز مش اصلي ؟

اذا في مشاكل بلاها من الموبايل

المشاركة الأصلية كتبت بواسطة romh ..
http://www.arabtravelersforum.com/tr...2/#post8233542

..

لا ما يدققوون كثير بناحية الاب توب
ما فتشوه ولا شافوه لا بالذهاب ولا بالعوده



الله يبشرك بالخير ويوفقك ,


شكرا

صدقني من اول ساعه راح تحس انك زرتها من قبل
كله من فضل الله ثم المعلومات والقراءه التي اكتسبتها من التقارير
لا تخاف
بتكون مبدع

الحمد لله اشياء كثير توضحت لي بشكل ما كنت اتصوره ، وكل هذا بفضل الله ثم فضلكم ومساعدتكم ، شكرا لكم من القلب

الله يوفقكم ويكتب لكم كل الخير من الموبايل

السلام عليكم جميعا

تحياتي لكم جميعا من باريس الحبيبة


الحمد لله الرحلة جميلة حتى الآن وحبيت أنبه الي جايين لباريس هاليومين ترى الجو بارد ولا بد من الملابس الشتوية والجاكيتات


ان شاء الله لنا عودة بعد انتهاء الرحلة فقط حبيت ألقي التحية وأنبه بخصوص الجو


نلقاكم على خير

..

يعطيك العافيه اخوي .

..

الحمدلله عالسلامه
وان شاء الله تكون انبسسطت
وعن الصور انشى البوم بالمنتدى وحمل الصور
مثل كل دوله حط لها البوم عشان لا تتلخبط
وحملها عادي بشكل عشوائي بس اذا جيت للموضوع
وتكلمت مثلا عن الفندق روح انسخ روابط صور الفندق والصقها تحت الكلام وهكذا

الحمد لله على سلامتك

أكيد راح يكون تقريرك رائع

بانتظارك

الحمد لله عالسلامه
ناطرين التقرير وتجربتك